གནས་འདི་ནས་ཁྱོད་བདེ་མོར་ཕེབས།

 　　　　　　　　　གནས་འདི་ནས་ཁྱོད་བདེ་མོར་ཕེབས།
　　　　　　　　　　　　　ས་འགུལ་ལས་རྐྱེན་ལམ་དུ་ཤོར་བའི་འདས་པོ་ཚོར་ཕུལ།

　　　　　　　　　དུས་ཀྱི་རླུང་འཚུབ་རྒོད་ཅིང་།

　　　　　　　　　ས་ཆེན་གྱི་གཡོ་ཐེངས་ཞིག་གིས།

　　　　　　　　　ཁྱོད་ཀྱིས་རབ་རིབ་ཀྱི་མུན་པ་བརྒལ་ཅིང་།

　　　　　　　　　སྤུན་ཟླའི་འདང་བརྩེ་རྡུལ་དུ་བརླག་སྟེ།

　　　　　　　　　སྙིང་གཏམ་གྱི་ཟེགས་མ།

　　　　　　　　　འོ་སྐོལ་ཚོའི་བདེ་སྐྱིད།

　　　　　　　　　ཐ་ན་སྐད་ཆ་འབྲུ་ཙམ་ཡང་མ་བཞག་པར།

　　　　　　　　　སྒྲ་དབྱངས་ལྷ་མོའི་རྒྱུད་མངས་ལ་དྲངས་ཏེ།

　　　　　　　　　ས་ཆེན་པོའི་གཏིང་ནས་བུད་སོང་།

　　　　　　　　　འབའ་ཞིག་གི་འབིགས་ཕྱོགས་གཏོར་ཏེ།

　　　　　　　　　རླུང་བསེར་བུའི་འོག་ནས་བུད་སོང་།

　　　　　　　　　སྤུན་ཟླ་ཡ་སྤུན་ཟླ།

　　　　　　　　　ཁྱོད་སོང་ཤུལ་དུ།

　　　　　　　　　འདི་རུ་ལྷག་པ།

　　　　　　　　　ཕུ་ནུ་ཚོའི་གདུང་འབོད།

　　　　　　　　　ཞེད་སྣང་གི་རྨི་ལམ།

　　　　　　　　　འཇིགས་རུང་གི་ཁོར་ཡུག་དེ་ཉིད།

　　　　　　　　　སྤུན་ཟླ་ཨ་སྤུན་ཟླ།

　　　　　　　　　ཁྱོད་སོང་ཡང་རུང་།         བསྡད་ཀྱང་རུང་།

　　　　　　　　　གང་ལྟར།      སྡེ་འདིར་ཐོན་ཚེ།

　　　　　　　　　ཕྱིར་བདེ་མོར་ཕེབས་ཆོག

　　　　　　　　　སྤྲོ་བས་ཕེབས་ཆོག

　　　　　　　　　གནས་འདི་ནས།

　　　　　　　　　ཁྱོད་ལ་སྨོན་ལམ་གྱི་དགེ་བ་བསྩལ་ཡོད།

　　　　　　　　　གྲོང་འདི་ནས།

　　　　　　　　　ཁྱོད་ལ་ཤོག་སྒོར་གྱིས་བསྐྱལ་མ་བྱས་ཡོད།