མཚོ་འགྲམ་གྱི་རླུང་བུ་བསིལ་མོ། མདོ་སྨད་ཧེ་རུ་ཀ

མཚོ་འགྲམ་གྱི་རླུང་བུ་བསིལ་མོ།

                      མཚོ་འགྲམ་གྱི་རླུང་བུ་བསིལ་བསིལ་ངང་།
                      ཡངས་བའི་རྩྭ་ཐང་དང་ལོག་གར་གྱི་ཞིང་ནང་དུ་ལྡང་ཡོང་ཚེ། 
                      ཉི་འོད་ཀྱི་དྲོད་འཇམ་དང་རྩྭ་ཕྲན་གྱི་བསུང་ངད་ནི་ཅི་འདྲའི་ཡིད་དུ་འོང་བ་ཞིག་རེད་ཨང་།
                      ལྗང་ལོ་ལྟ་བུའི་ཕ་ཡུལ་གྱི་འབྲོག་མོ་ཚོའི་སྣང་བ་ཡང་ཞིང་འཇམ་པའི་སྟོན་མཇུག་ལ།
                      མཚོ་རླུང་ཉིད་ནི་འབྲོག་མོ་ཚོའི་སྣང་བ་དང་། ཡང་ན་འཛུམ་མདངས་ཡིན།

                      མཚོ་རླུང་ནི་དུས་ཚོད་ཀྱི་བར་སྣང་ནས་ས་ཕྱོགས་གཞན་ལ་ལྡང་ནས་འགྲོ་སྲིད་ནའང་།
                      ལྗང་ལོ་ལས་ཡང་བའི་བདག་གི་སེམས་པ་འཁུར་མི་སྲིད།
                      ཡིད་དུ་འོང་བའི་འབྲོག་མོ་ཚོའི་འཛུམ་མདངས་འཁུར་མི་སྲིད།

                      རླུང་བུ་བསིལ་བསིལ་ངང་ལྡང་ཡོང་ནའང་།  མཚོ་རླབས་ཆིལ་ཆིལ་དུ་རྒྱུག་པ་འདི།
                      དབུས་ཀྱི་ཚྭ་མཚོ་ཆེན་མོ་ཡིན།
                      འབྲོག་མོ་ཚོའི་རུམ་ལ་བཅུག་པའི་ཡིད་འོང་གི་མེ་ལོང་དྭངས་མོ་དེ་ཡིན།
                      མེ་ལོང་གི་ངོས་ན་སྙིང་ཉེ་བའི་ལུག་ཁྱུ་ཡོད།  ནོར་ཁྱུ་དང་བྱ་གླིང་ཡོད།
                      ད་དུང་རླུང་བུ་བསིལ་བསིལ་གཡུག་གིན་ཡོད་པའི་མཚོ་ངོགས་ན།
                      རྨོག་རུ་ཡོད།  གཡོན་རུ་ཡོད།  སྤྲེལ་ནག་ཡོད།

                      སྟོན་འབྲི་ཤོད་ལ་བབས་པའི་སྟོན་མཇུག་གི་དུས་སུ།
                      བུ་མོ་ཚོའི་སྣང་བ་རླུང་ཡིན།  རླུང་གི་ཁ་ཕྱོགས་བདག་ལ་མི་གསལ་ན་ཡང་།
                      མཚོ་མོའི་ཁ་གཏད་དུ་ཡོད་པའི་མདོ་དབུས་གཞུང་ལམ་གྱི་གཡས་གཡོན་ནི།
                      བདག་གི་བྱིས་དུས་ཀྱི་བེའུ་འཚོ་ས་ཡིན།
                      སྦྲ་ནག་ཕུབ་ཅིང་ནོར་ལུག་འཚོས་མྱོང་བའི་འབྲོག་སྡེ་ཆེན་པོ་ཞིག་གནས་དེར་ཆགས་མྱོང་སྐད།
                      ད་ནི་ཞིང་ཚིགས་གྲུ་བཞི་ལས་གཞན་ནོར་ལུག་གི་རིན་གོང་འཕར་གྱིན་འདུག་པས།
                      མཐོ་གཞོངས་ཀྱི་མཚོ་མོ་འདིའི་འགྲམ་གྱི་རྫི་བོ་ཇེ་ཉུང་ལ་འགྲོ་བཞིན་ཡོད།

                      ཞིང་ཚིགས་གྲུ་བཞིའི་ཕ་རོལ་ན།   སྦྲེའུ་སྦྲ་གྲུ་བཞིའི་སྒོ་འགྲམ་ན།
                      རླུང་བུ་བསིལ་མོ་ཡིས།   མཚོ་ལ་ཡེར་མོ་འདོད་ཀྱིན་འདུག