ངོས་དང་པོ > རྩོམ་རིག > དེང་རབས་བརྩམས་ཆོས། > སེམས་ཀྱི་རྣམ་རྟོག་གིས་བསླུས་བའི་འཇིག་རྟེན།

སེམས་ཀྱི་རྣམ་རྟོག་གིས་བསླུས་བའི་འཇིག་རྟེན།

རྩོམ་པ་པོ།：དགེ་རིག ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2011-07-22 08:34:00 ཀློག་གྲངས།：

སེམས་ཀྱི་རྣམ་རྟོག་གིས་བསླུས་བའི་འཇིག་རྟེན།

                                                        སྐྱེ་འཆི་གང་ཡིན་འགྲོ་འོང་གྲོགས་མེད་མོད།།
                                                        སྔ་མའི་ལས་སམ་ཚེ་འདིའི་སྣང་བ་ཡིས།།
                                                        འགལ་ཟླ་མང་ཡང་གཅིག་ལ་མཐུན་པ་འདིས།།
                                                        སྐྱིད་སྡུག་འདྲེས་མའི་འཚོ་རོགས་ཀུན་གྱིས་འཚོལ།།

                                                        རྣམ་རྟོག་དུ་མས་འགལ་སེམས་མང་ན་ཡང་།།
                                                        གསང་བ་ཞིག་གིས་འགལ་བ་སྤང་ཞོར་དུ།།
                                                         གཉིས་འཛོམས་གདན་ན་མྱོང་བའི་སེམས་པ་འདིས།།
                                                        དགའ་སྐྱོ་འདྲེས་མའི་མི་ཚེ་ཀུན་གྱིས་བསྐྱལ།།

                                                        འདོད་པའི་སེམས་ལ་ས་མཚམས་མེད་མོད་ཀྱང་།།
                                                        ཕྱུག་པོའི་དབུལ་བོ་མི་འདོད་སེམས་པ་འདིས།།
                                                        ལུས་ཀྱི་དབང་བསྒྱུར་ནང་གི་བྱེད་པོ་ཡང་།།
                                                        ཐོབ་ཤོར་ནོར་གྱིས་དབང་བསྒྱུར་བྱེད་འདི་མཚར།།

                                                        རྒས་བའི་ལུས་བོ་ཀུན་གྱིས་མཐོང་ན་ཡང་།།
                                                        མི་མཐོང་སེམས་པ་གཞོན་པའི་སེམས་ཁམས་ཀྱིས།།
                                                        འདོད་པའི་ཟུར་མིག་གཞོན་པའི་གྲལ་དཀྱིལ་དུ།།
                                                        ཡང་ཡང་འཁོར་སྟེ་འདོད་གཏམ་མང་དུ་བརྗོད།།