རྒྱང་རིང་གི་ལྷ་ས་བར་བྲིས་པ།

རླུང་བུ་བསིལ་བསིལ  བསིལ་བསིལ་གྱི་རླུང་བུ

ཉི་འོད་ཀྱི་ས་བོན་ཞིག

མེ་ལོང་གི་ལོ་ཟླའི་ངོས་སུ་གཤོག་འགྱུ་རྒོད་པའི་འབུ་སྦྲང

ངའི་སྒེའུ་ཡོལ་གྱི་ངོས་སུ

སྟོང་སིང་སིང་གིས་འཁོར་འོང་ན

ཞེད་སྣང་ཞུ་བར་བྱེད་པའི་འོད་ཟེར

དོ་ནུབ་ང་ལ་ཕྱོགས་འོང

ང་ཡི་མཛུབ་མོའི་རྩེ་རུ་ཐོགས་པའི་སིལ་ཏོག

སིལ་ཏོག་སྟེང་གི་ཞིམ་ཤ

ན་ཚོད་སྨིན་པའི་དུས་སུ་ལང་ཚོའི་དབྱར་ལྗོངས་སུ

ཁྲུས་ལ་རོལ་བའི་ཚེས་རིས་བཞིན་མཛེས་ཨང

ནམ་གུང་གི་དུས་སུ

རླུང་དང་ཆུ་ཕྲན་གྱི་ཚོགས་ལ་གྲག་འགུལ་མེད་ཀྱང

ངའི་སྔས་འགྲམ་གྱི་ལྡེབས་སུ་རླུང་བུ་འགྱུ་བཞིན་ཡོད

རླུང་བུ  གཙང་བོ་ལ་འདྲེས་པའི་རླུང་བུ

བྱ་གླག་གི་གཤོག་པ་ལ་འགྲམ་ལྕག་རྡེག་པའི་ཚུལ་ནི

ཁ་བའི་ཁྲོད་ལ་བྲིས་པའི་བུ་མོ་ཞིག་དང་ཇི་འདྲའི་མཚུངས