ང་ཡི་མི་རིགས། ང་ཡི་ཕ་ཡུལ།

སྤང་ཁུག་ལག་མཐིལ་འདྲ་བ་ཞིག་ན

གཡེར་དྲིལ་གྱི་སིལ་སྒྲ་ཁོ་ནས་ཀློང་དུ་ལྷན་ཅིང་

འོད་ཟེར་དུམ་བུ

བྲེལ་བྲེལ་འཚུབ་འཚུབ་ཀྱི་ཡིག་རྡོག་རེ་འགའ

སྐྱོ་བ་སེམས་སུ་བཏེགས་ཏེ

ཞོགས་པ་ཞིག་ལ་བཅར་བའི་ཆུ་ཚོད་ཀྱི་མདེའུ་ཞིག

ཤ་ཁྲག་གི་རུས་པ་ཙམ་པོར་འཐམས་པའི་ངང

གང་ལ་བསྒུགས་ཡོད

རླུང་བུ་གཡུགས་ཞོར་གྱིས་འཕུར་གྲབས་བྱེད་པའི

ཕྱེ་མ་ལེབ་ཅིག་གི་གཤོག་པའི་མཐིལ་དུ

རྨི་ལམ་གཏོང་གིན

རྒྱང་རིང་ན

ཁྱོད་ལ་ཅི་ཞིག་ལུས་ཡོད

གཙང་བོ་ལ་སྨུག་པ་འདྲེས་པ་ལྟ་བུའི་ཚོར་བ

ཡང་ན་དབྱིངས་ཀྱིས་དག་པའི་ནུབ་ཕྱོགས་བདེ་བ་ཅན་ན

ང་ཡི་མི་རིགས  ང་ཡི་ཕ་ཡུལ

ཁྱོད་ལ་དོན་དམ་པའི་ཅི་ཞིག་ཡོད

བར་བར་དུ་བྲག་ཆ་ལ་འཛེར་བའི་གླུ་སྐད་ཅིག

ཡོད་ཡོད་འདྲའང

འགྲུབ་འགྲུབ་འདྲའང

ད་དུང་ཅི་ཞིག་ནི་ཁྱེད་ཀྱི་རྨ་ཁ་ཡིན

སྦུག་དོག་ས་ཞིག་ཏུ་འགུལ་བའི་གྲིབ་བརྙན་དེ

ལོ་ཡི་འཁོར་མོ་ག་ཙམ་ནས་འགུལ་གྱིན་འདུག

འགུལ་སྐྱོམས་ཀྱི་བར་དུ

ཆག་གས་སུ་གྱུར་བའི་འབུ་སྦྲང་དེ་གང་ན

              རྩོམ་ཡིག་གི་མཚན་བྱང་གླུ་མ་དབྱངས་ཅན་ལྷ་མཛེས་ཀྱི་གླུ་དབྱངས་ཤིག་ལས་བཤུས།