འཛུམ་མདངས་ཀྱིས་བཟི་བའི་དྲན་པ་ཐར་ཐོར

དགུན་གཞུང་འདིས་སླག་པ་ཕྱི་རུ་བརྫེས་ཏེ

མི་ལ་ཙི་ཙི་ཞིག་གི་རྟུལ་ཞུགས་ཀྱིས  འཛུམ་འཛུམ་གྱིས

ང་ཚོས་ཀྱང་བྱིས་པ་བསམ་མེད་ཅིག་གི་ངང་ཚུལ་གྱིས  ཚོར་མེད་ངང

དགུན་གཞུང་འདིའི་འཛུམ་མདངས་ཀྱིས་བཟི་སོང་ལ

ཤོར་སོང་བའི་དྲན་གཞུང་དུ་ཉི་ཟླ་རྟག་ཏུ་འཆར་ཞིང

ཁ་བ་དུས་ལྟར་བབས་སོང

སེམས་པ་འདིས་སྔར་བཞིན་འཛུམ་མདངས་ལ་དྲན་པ་གླན་ཏེ་བཟི་སོང

ད་ལྟ་དགུན་གཞུང་འདིས  བཟི་སོང་བའི་སེམས་པར

སླག་པའི་རྒྱབ་ཀྱི་ངོ་གདོང་ངོ་མ་དེ་སྟོན་བཞིན་འདུག

ནམ་ཞིག་གི་ཚེ   ང་ཚོའང

མི་ལ་ཙི་ཙི་འདིའི་འཛུམ་མདངས་ལས་སད་བྱུང་ངེས

ནམ་ཞིག་གི་ཚེ  ང་ཚོའང

སླག་པའི་རྒྱབ་ཀྱི་ངོ་གདོང་དེར་ཞན་པ་ལོག་ངེས

ནམ་ཞིག་གི་ཚེ   ང་ཚོས་ཀྱང

རང་ཉིད་ཀྱི་ཉི་གཞོན་གསར་བ་དེ་བསུ་ཆོག་ངེས

ནམ་ཞིག་གི་ཚེ   ང་ཚོས་ཀྱང

……     ……

2011/1/12ཉིན་འབའ་གཞུང་དུ