བོད་ཀྱི་སྙན་ངག་པ་སྟོབས་ལྡན།

   ༡༩༦༣ལོར་མཚོ་སྔོན་པོའི་ལྷོ་རྒྱུད་ཆབ་འགག་ཡུལ་གྱི་རྒྱལ་ར་སྡེ་བར་སྐྱེས།ཆུང་དུས་ནས་སློབ་གྲྭ་ཆུང་འབྲིང་ཆེ་གསུམ་འགྲིམས་ཏེ་རིག་པའི་གནས་དུ་མ་ལ་སྦྱང་བརྩོན་བྱས།ད་ལྟ་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་དུ་སློབ་གསོའི་ལས་དོན་གཉེར་ཞོར་དུ་རྩོམ་རིག་གསར་རྩོམ་གྱི་ལས་ལ་འཇུག་བཞིན་མཆིས།རྩོམ་རིག་གསར་རྩོམ་གྱི་ཐད་ནས《སྡུག་གིས་བཅིངས་པའི་སེམས་པ།》དང《རེ་སྒུག》《རེ་འདུན་མེ་ཏོག་ཕྲེང་བ།》སོགས་སྙན་ངག་བདུན་ཅུ་ལྷག《སྦྲང་ཆར།》སོགས་རྩོམ་རིག་དུས་དེབ་ཏུ་བཀོད་ཡོད་ལ།《སྙན་ངག་སློབ་ཁྲིད་ཐད་ཀྱི་དཔྱད་པ་རྒྱུ་སྐར་ཕྲེང་བ》སོགས་སློབ་ཁྲིད་ཞིབ་འཇུག་གི་དཔྱད་རྩོམ་ཉི་ཤུ་ལྷག《ཀྲུང་གོའི་བོད་རིག་པ།》སོགས་དུས་དེབ་ཏུ་བཀོད་ཡོད།རང་ཉིད་གཅིག་པུས《སྙན་ངག་གི་སྤྱི་ཁོག་འཕྲུལ་གྱི་མེ་ལོང༌།》དཔེ་སྐྲུན་བྱས་ཤིང༌།གཞན་དང་ཟུང་འབྲེལ་བྱས་ནས《ཆབ་འགག་ཡུལ་གྱི་ལོ་རྒྱུས་སྐལ་བཟང་མིག་གི་སྒྲོན་མེ།》སོགས་དཔེ་སྐྲུན་བྱས།།