མཚོ་སྔོན་པོའི་སྦྲ་གུར་མགྲོན་ཁང་།

    མཚོ་སྔོན་པོའི་སྦྲ་གུར་མགྲོན་ཁང་ནི་གུང་ཧོ་རྫོང་ཅང་སི་ཤང་གི་ས་ཁོངས་མཚོ་སྔོན་པོའི་འགྲམ་དུ་ཡོད།  དེ་སྤྱི་ལོ་༡༩༨༨ལོར།  སྔར་གྱི་༡༥༡རི་གླག་འཕྲུལ་འཁོར་བཟོ་ཁང་རྨང་གཞི་བྱས་ཏེ་བསྐྲུན་པ་ཡིན།  མཚོ་ལྷོ་ཁུལ་གྱི་ཕྱི་ཕྱོགས་སྒོ་འབྱེད་ཀྱི་སྒོ་མོ་ཡིན།  མཚོ་ཁའི་སྐར་རིམ་གཉིས་པའི་མགྲོན་ཁང་གཅིག་པུ་ཡིན།  སྤྱི་ལོ་༢༠༠༡སྔོན་དེར།  འགྲུལ་ཁང་ཁང་མིག་༡༠༦དང་མལ་ཁྲི་༢༧༦དང་།  འགྲུལ་གུར་༤༠།  གསོལ་ཁང་༥།  མི་༨༠༠ཡིས་མཉམ་དུ་ཟས་བཟའ་ཆོག   མགྲོན་ཁང་དུ་འགྲུལ་བསུ་དང་།  གླུ་ལེན།  ཆང་འདྲེན།  མེ་བསྒོང་མཚན་ཚོགས།  འབྲོག་ཁྱིམ་དུ་བལྟ་བ།   བྲོ་གར་འཁྲབ་པ་སོགས་རྩེད་མོ་མང་།  གླང་ཆེན་མཆེ་བ་ནས་མཚོ་སྙིང་དང་འདྲེ་མོ་བྲག་དཀར་སོགས་ལ་གླུ་གཏོང་བ་བཅས་ཡོད།  མགྲོན་ཁང་བཙུགས་ནས་ཏང་དང་རྒྱལ་ཁབ་ཀྱི་དབུ་ཁྲིད་པ་ཅང་ཙེ་མེན།  ལི་རོས་ཧོན།  ཧུ་ཅིན་ཐོ།  ང་ཕོད་སོགས་བསུས་མྱོང་།
    ལྗོངས་རྒྱུ་ལས་དོན་འཕེལ་བར་བསྟུན་མཚོ་ཁ་རུ་ད་དུང་བྱ་གླིང་མགྲོན་ཁང་།  མཚོ་ཤར་ཁྲོམ་ར།  ཅང་སི།  རྟ་ནག་མ།  སྤྲེ་ནག་སོགས་སུ་སྦྲ་གུར་མགྲོན་བསུ་བྱེད་ས་བསྐྲུན་ཡོད།