༄༅།། བོད་རང་སྐྱོང་ལྗོངས་གྲོ་མོ་རྫོང་ནས་སྤྲེལ་མགོ་དཀར་རྔ་རིང་རྙེད་པ།

ཟླ་དྲུག་པའི་ཚེས་བཅོ་ལྔ་ཉིན། སྤྲེལ་མགོ་དཀར་རྔ་རིང་ཞིག་གིས་བོད་ལྗོངས་གྲོ་མོ་རྫོང་རྣ་ཐོས་ལ་ན་ཟས་འཚོལ་བཞིན་པ།

    ཉེ་སྔོན། བོད་ལྗོངས་གྲོ་མོ་རྫོང་ནས་མཐོང་དཀོན་པའི་སྤྲེལ་མགོ་དཀར་རྔ་རིང་རྙེད། བོད་ལྗོངས་ཀྱི་ནགས་ལས་ཆེད་མཁས་པས་མཚམས་སྦྱོར་བྱས་པ་ལྟར་ན། སྤྲེལ་མགོ་དཀར་རྔ་རིང་ནི་སྤྲེལ་མགོ་དཀར་ཁྲོད་གཟུགས་ཕུང་ཆེས་ཆེ་བའི་རིགས་ཤིག་ཡིན་ལ། གཙོ་བོ་རྒྱ་གར་དང་བལ་པོ། སང་ག་ལ་སོགས་སུ་ཡོད། ཀྲུང་གོའི་མངའ་ཁོངས་སུ་སྤྲེལ་མགོ་དཀར་རྔ་རིང་ཧ་ཅང་ཉུང་བ་དང་། དེ་ནི་རྒྱལ་ཁབ་ཀྱི་སྲུང་སྐྱོབ་བྱེད་ཡུལ་གྱི་སྲོག་ཆགས་རིགས་དང་པོ་རེད།