ངོས་དང་པོ > སྣོད་བཅུད། > གནས་ཁམས་ཆེན། > ༄༅།།ཕུ་ལ་ཡང་རྫོང་ངམ་པདྨོ་ཆོས་རྫོང་།

༄༅།།ཕུ་ལ་ཡང་རྫོང་ངམ་པདྨོ་ཆོས་རྫོང་།

རྩོམ་པ་པོ།：ངེད་དྲ་བ། ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2020-10-20 09:57:29 ཀློག་གྲངས།：

མཆོད་རྟེན།

ཕུ་ལ་ཡང་རྫོང་ངམ་པདྨོ་ཆོས་རྫོང་།

ཕུ་ལ་ཡང་རྫོང་ངམ་པདྨོ་ཆོས་རྫོང་ནི་མཚོ་སྔོན་ཙོང་ཆུའི་ལྷོ་རྒྱུད་ཀྱི་གྲོ་ཚང་ས་ཆའི་ཡང་རྫོང་ལུང་བ་རུ་ཡོད། ལོ་རྒྱུས་སྟེང་གནས་འདི་ནི་སྐྱེས་ཆེན་དམ་པ་མང་བོས་སྒྲུབ་པ་ཉམས་ལེན་མཛད་པའི་གནས་མཆོག་ཅིག་ཡིན། 《མདོ་སྨད་ཆོས་འབྱུང》དང་ལོ་རྒྱུས་ཡིག་ཚགས་སོགས་སུ་བཀོད་པ་ལྟར་ན། བོད་ཀྱི་བཙན་པོ་ཨུ་དུམ་བཙན་གྱིས་ནང་པའི་བསྟན་པ་བསྣུབས་རྗེས། དབུས་གཙང་ནས་བྲོས་བྱོལ་དུ་སླེབས་པའི་གཙང་རབ་གསལ་དང་དམར་ཤཱཀྱ་མུ་ནེ་གཉིས་གནས་འདིར་ཡུན་རིང་བཞུགས་མྱོང་། དེའི་རྗེས་སུ་མདོ་སྨད་ཡུལ་གྱི་སྐྱེས་ཆེན་དམ་པ་མང་པོས་ཀྱང་གནས་འདི་རུ་སྒྲུབ་པ་ཉམས་ལེན་མཛད།

མཁས་པ་མི་གསུམ་གྱི་སྒྲུབ་ཕུག

མདུན་ངོས་ཀྱི་མཛེས་ལྗོངས།

ཕུ་ལ་ཡང་རྫོང་ལ་འགྲོ་སའི་རྐང་ལམ།

ལྷ་ལུང་དཔལ་རྡོར་གྱི་སྒྲབ་ཕུག

བདེ་མཆོག་གི་སྒྲུབ་ཕུག

སྤྱི་ལོ1619ལོར་གྲོ་ཚང་དགོན་བཀྲ་ཤིས་ལྷུན་པོ་བཞེངས་རྗེས་ཕུ་ལ་ཡང་རྫོང་ནི་གྲོ་ཚང་རྡོ་རྗེ་འཆང་དང་གྲོ་ཚང་དགོན་བཀྲ་ཤིས་ལྷུན་པོའི་གྲྭ་པ་རྣམས་ཀྱིས་སྒྲུབ་པ་ཉམས་ལེན་བྱེད་པའི་གནས་གཙོ་བོར་གྱུར། གྲོ་ཚང་རྡོ་རྗེ་འཆང་གི་བྲག་ཚང་སྐུ་ཕྲེང་གསུམ་པ་བློ་བཟང་དབང་ཕྱུག་སྐལ་བཟང་རྒྱ་མཚོས་ཕུ་ལ་ཡང་རྫོང་དུ་མ་དྲོས་འདུ་ཁང་གྱན་དགུ་ཅན་ཞིག་བཞེངས་ཡོད་དོ།།

ཕུ་ལ་ཡང་རྫོང་གནས་སའི་མཛེས་ལྗོངས།