ངོས་དང་པོ > སྣོད་བཅུད། > སྐྱེ་ཁམས་སྲུང་སྐྱོང་། > མགོ་མང་སྤྱི་ཕན་ཁོར་ཡུག་གཙང་སྦྲ་བཅོས་སྐྱོང་མཐུན་ཚོགས་ཀྱིས་ཨ་ཐིས་དགོན་དུ་ཁོར་ཡུག་གཙང་སྦྲ་བྱས་པ།

མགོ་མང་སྤྱི་ཕན་ཁོར་ཡུག་གཙང་སྦྲ་བཅོས་སྐྱོང་མཐུན་ཚོགས་ཀྱིས་ཨ་ཐིས་དགོན་དུ་ཁོར་ཡུག་གཙང་སྦྲ་བྱས་པ།

རྩོམ་པ་པོ།：ལྷ་འབུམ་ཡག ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2016-12-06 09:05:00 ཀློག་གྲངས།：

མགོ་མང་སྤྱི་ཕན་ཁོར་ཡུག་གཙང་སྦྲ་བཅོས་སྐྱོང་མཐུན་ཚོགས་ཀྱིས་ཨ་ཐིས་དགོན་དུ་ཁོར་ཡུག་གཙང་སྦྲའི་བྱ་འགུལ་སྤེལ་བ།

སྤྱི་ཟླ12པའི་ཚེས་3ཉིན་མང་རྫོང་མགོ་མང་གྲོང་རྡལ་སྤྱི་ཕན་ཁོར་ཡུག་གཙང་སྦྲ་བཅོས་སྐྱོང་མཐུན་ཚོགས་ཀྱིས་བཀོད་སྒྲིག་བྱས་ཏེ་ཇོ་སྲས་ཚན་ཆུང་དང་མགོ་མང་ས་ཁུལ་གྱི་ཚན་གཙོ་སྐོར་ཞིག་ཨ་ཐིས་དགོན་དུ་སོང་སྟེ། དགོན་པའི་མཐའ་སྐོར་གྱི་འཇིགས་ཡེར་པའི་གད་སྙིགས་བཏུས་ཤིང་བསྲེགས་ཆོག་པའི་གད་སྙིགས་དག་དེ་རུ་མེ་ལ་སྒྲོན་པས། དགོན་པའི་ཁོར་ཡུག་གཙང་ཞིང་གྲལ་དག་པར་བྱས། ད་དུང་དགོན་པའི་དགེ་འདུན་པ་འགའ་ཤས་དང་ཇོ་སྲས་ཚན་ཆུང་གི་མི་སྣ། མགོ་མང་ས་ཁུལ་གྱི་ཚན་གཙོ་དག་དང་བཅས་ཁྱོན་བསྡོམས་མི་སུམ་ཅུ་ལྷག་འདུས་པའི་ཚོགས་འདུ་ཞིག་ཀྱང་བསྡུས་ཤིང་། ཚོགས་གཙོ་དོན་གྲུབ་རྒྱལ་གྱིས་ཁོར་ཡུག་གཙང་སྦྲ་བྱེད་དགོས་པའི་གལ་ཆེན་རང་བཞིན་དང་། གད་སྙིགས་གང་སར་མི་འཕེན་པའི་གོམས་གཤིས་དེ་མི་སུ་ལའང་ཆགས་དགོས་པར་དྲིལ་བསྒྲགས་བྱས། དེ་མིན། དེར་འདུས་ཀྱི་མི་ཐམས་ཅད་ཀྱིས་ཀྱང་མགོ་མང་གྲོང་རྡལ་སྤྱི་ཕན་ཁོར་ཡུག་གཙང་སྦྲ་བཅོས་སྐྱོང་མཐུན་ཚོགས་ནི་ངེས་པར་ང་ཚོའི་ས་ཁུལ་ལ་མཁོ་བའི་མཐུན་ཚོགས་ཤིག་རེད། རྗེས་ཕྱོགས་འདི་ལ་རོགས་འདེགས་དང་རྒྱབ་སྐྱོར་ཡོད་པའི་བསམ་ཚུལ་བསྟན།

དགོན་འདབས་ཀྱི་གད་སྙིགས་གཙང་སེལ་བྱེད་བཞིན་པ།

དགོན་འདབས་ཀྱི་གད་སྙིགས་གཙང་སེལ་བྱེད་བཞིན་པ།

དགོན་འདབས་ཀྱི་གད་སྙིགས་གཙང་སེལ་བྱེད་བཞིན་པ།

ཐེངས་འདིའི་བྱ་འགུལ་ལ་ཞུགས་པའི་ཁོར་སྲུང་དང་བླངས་པའི་མཉམ་པར།