མངའ་རིས་ཀྱི་སྐྱེ་ཁམས་སྲུང་སྐྱོབ་ལ་ཕན་ཡོད་འབྲས་བུ་བླངས་བ།

              འབྲེལ་ཡོད་ལས་ཁུངས་ལས་རྒྱུས་ལོན་བྱས་པ་ལྟར་ན། མངའ་རིས་ས་ཁུལ་གྱིས་ཕྱོགས་ཡོངས་ནས་རང་བྱུང་སྲུང་སྐྱོབ་ས་ཁུལ་འཛུགས་སྐྲུན་དང་དོ་དམ་བྱེད་པའི་ལས་དོན་ལ་ཤུགས་བསྣན་ཏེ། སྐྱེ་དངོས་ལ་ཕན་ལྡན་གྱི་སྲུང་སྐྱོབ་བྱས་པ་རེད།
              དེ་ཡང་རིགས་སོ་སོའི་རང་བྱུང་སྲུང་སྐྱོབ་ས་ཁུལ15འཛུགས་གཉེར་ཡོད་ཅིང་། རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི18.7ཡོད་པ་རེད།  དེའི་ནང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ས་ཁུལ1དང་། རང་སྐྱོང་ལྗོངས་རིམ་པའི་རང་བྱུང་སྲུང་སྐྱོབ་ས་ཁུལ4། རྫོང་རིམ་པའི་རང་བྱུང་སྲུང་སྐྱོབ་ས་ཁུལ10བཅས་འདུག       དེ་ལས་གཞན་ད་དུང་སྲུང་སྐྱོབ་ས་ཁུལ་གྱི་བྱེད་ནུས་འཛུགས་སྐྲུན་བྱེད་པར་འབད་པ་ཆེར་བསྐྱེད་དམ་ངལ་བ་དེང་དུ་བླངས་བས། ཉེ་བའི་བར་དུ་སྲུང་སྐྱོབ་ས་ཁུལ་གྱི་དོ་དམ་ནུས་ཤུགས་མཐོར་འདེགས་ཆེན་པོ་བྱུང་ཞིང་།   ས་ཁུལ་གྱི་རྒྱལ་ཁབ་རིམ་པའི་རང་བྱུང་སྲུང་སྐྱོབ་ས་ཁུལ་ཉག་གཅིག་ཡིན་པ་དེའི་དུས་སྐབས་གཉིས་པའི་འཛུགས་སྐྲུན་རྣམ་གྲངས་ཕྱོགས་ཡོངས་ནས་ལེགས་འགྲུབ་དང་། དོ་དམ་ལས་དོན་རིམ་བཞིན་ཚད་ལྡན་ཅན་དང་ཚན་རིག་ཅན་གྱི་ལམ་བུར་སྙེག་བཞིན་ཡོད་པ་རེད།