༄༅།།གངས་ལྗོངས་ས་མཐོའི་རང་བྱུང་ཁོར་ཡུག་ཞིབ་འཇུག་རྩི་ཤིང་དང་ནགས་ཚལ་གྱི་སྐོར།

  འགག་གནད་ཀྱི་ཚིག  གངས་ལྗོངས་ས་མཐོ།　རང་བྱུང་ཁོར་ཡུག　།རྩི་ཤིང་དང་ནགས་ཚུལ།　སྲུང་སྐྱོབ།　

   དོན་ཚན་དང་པོ།　གནའ་བོའི་གངས་ལྗོངས་ས་མཐོའི་རྩི་ཤིང་དང་གྲོང་ཁྱེར་ལྷ་སའི་སྐྱེད་མོས་ཚལ་གྱི་སྐོར་བཤད་པ།　

   ༡.བོད་ས་མཐོར་སྐྱེས་པའི་ཤིང་ལ་ཐང་ཤིང་དང༌།　སེང་ལྡེང༌།　གླང་མ།　བེ་དོ།　ལྕང་མ།　སྐྱེ་ཡག　།རྒྱ་ལྕང༌།　ཡོ་སྦོག　།སྦྱར་པ།　སྦྱར་སྐྱ།　གྲོ་བ།　སྐྱེ་ཚེར།　དམར་ཚེར།　སྔོ་མོ།　སྤ་མ།　བ་ལུ།　སུ་ལུ།　ཚར་པ།　སྐྱེར་པ།　བསེ་ཤིང༌།　སེ་བ།　སྨྱུག་མ།　སྦ།　བོ་དེ་ཙེ།　སྔ་ཤིང༌།　དེ་མིན་འབྲས་ཤིང་ཁམ་བུ་དང༌།　སྟར་་ཁ།　ཀུ་ཤུ།　ལི།　ཅོ་ལོ།　སིའུ།　རྒུན་འབྲུམ།　སེང་འབུམ།　ངང་ལག　།སེ་འབྲུ།　ཚ་ལུ་མ་སོགས་རྩི་ཤིང་གི་རིགས་ཤིན་ཏུ་མང་ངོ༌།།
   ༢.ཕྱི་ལོ༡༩༦༦ལོའི་གོང་གི་གྲོང་ཁྱེར་ལྷ་སར་ཡོད་པའི་མིས་བཟོས་སྐྱེད་མོས་ཚལ་ཇི་ལྟར་ཡོད་ཚུལ་བཤད་པ།　དེ་ཡང་ནོར་བུ་གླིང་ཁ་གཙོ་བོར་གྱུར་པའི་འཇར་རག་གླིང་ཁ་（དེང་སྐབས་ལྷ་ས་སློབ་འབྲིང་གནས་ཡུལ་）དང༌།　ཉི་གཞོན་གླིང་ཁ་（དེང་སྐབས་ལྷ་ས་བྱིས་གསོ་ཁང་གནས་ཡུལ་）རྡོ་རོག་གླིང་ཁ་（ཡིག་ཟམ་གསོལ་མགྲོན་ཁང་གནས་ཡུལ）ཕྱག་མཛོད་གླིང་ཁ་（བོད་དམག་ཁུལ་ཁང་གི་འགྲུལ་སྐྱེལ་རླངས་འཁོར་བབས་ཚུགས་གནས་ཡུལ་ཏེ་བོད་དམག་ཁུལ་ཁང་གི་ཤར་ངོས་སུ་ཡོད་）འཁྲབ་བདེ་གླིང་ཁ་（བོད་དམག་ཁང་གནས་ཡུལ་）ནོར་སྟོད་གླིང་ཁ་（ནོར་བུའི་གླིང་ཁའི་རྒྱབ་ཀྱི་ལྷ་ས་བཟོ་པའི་སྨན་ཁང་དང་བོད་དམག་ཁུལ་ཁང་གི་པར་འདེབས་བཟོ་གྲྭ་དང་ནོར་བུ་གླིང་ཁའི་ལྷོ་ཕྱོགས་ཀྱི་ལྷ་ས་འགྲིམ་འགྲུལ་བབས་ཚུགས་ནས་བརྒྱད་གཅིག་ཞིང་ལས་ཀུང་སིའི་བར་གྱི་ས་ཆ་ཁག་གཅིག་）རྩེ་དྲུང་གླིང་ཁ་（ལྷ་ས་སྐྱིད་ཆུའི་འགྲམ་གྱི་ཚྭ་རོང་དང་ཀྲུང་གོ་དངུལ་ཁང་གི་ལྷོ་ངོས་སུ་ཡོད་）གཤོང་ཁ་གླིང་ཁ་（ལྷ་ས་འོ་མ་ཀུང་སི་དང་གཤོང་ཁ་དང་མཐུན་སྒྲིལ་གྲོང་ཚོའི་ཤར་ངོས་དང་སྤྱི་ཚོགས་ཚན་རིག་ཁང་དང་བཅས་པ་གནས་ཡུལ་）སྤོ་གླིང་ཁ་（ལྷ་ས་ལུས་རྩལ་ཐང་ཆེན་གནས་ཡུལ་）གྲྭ་བཞི་གླིང་ཁ་（བོད་དམག་ཁུལ་ཁང་གི་མཚོན་ཆ་ཉམས་གསོ་བཟོ་གྲྭ་དང་གྲྭ་བཞི་བཙོན་ཁང་གནས་ཡུལ་）འཕར་ར་གླིང་ཁ་（བོད་ལྗོངས་སློབ་གྲྭ་ཆེན་མོ་དང་ལྷ་ས་སྲིད་གྲོས་དང་ལྷ་ས་བཅའ་ཁྲལ་ལས་ཁུངས་གནས་ཡུལ་）གླིང་ཁ་གསར་པ་（ལྷ་ས་ཕྱུགས་རིགས་སྨན་ཁང་གནས་ཡུལ་）ཀརྨ་ཤག་གླིང་ཁ་（ལྷ་ས་སྤྱི་སྤྱོད་རླངས་འཁོར་ཀུང་སི་གནས་ཡུལ་）རྨེ་རུ་གླིང་ཁ་（ལྷ་ས་སློབ་འབྲིང་དང་པོ་གནས་ཡུལ་）རྦ་ཏི་གླིང་ཁ་（སེ་ར་ཤར་གྱི་གླིང་ཁ་）དཔལ་ལྷའི་མཚོན་འཁོར་གླིང་ཁ་（ལྷ་ས་མི་དམངས་འཐུས་ཚོགས་གནས་ཡུལ་）ཆབ་བསིལ་གླིང་ཁ་（ལྷ་ས་གློག་བརྙན་ཀུང་སི་གནས་ཡུལ་）རྒྱ་མཚོ་གླིང་ཁ（ཝ་པ་གླིང་འབྲུ་རིགས་ཚོང་ཁང་གནས་ཡུལ་）ལྕགས་པོ་རི་ནས་ནོར་བུ་གླིང་ཁའི་བར་དུ་ཡོད་པའི་བདེ་སྐྱིད་གླིང་ཁ་དང༌།　འཁྱགས་པགས་གླིང་ཁ་སོགས་ནི་དེང་རྩ་བའི་ཆ་ནས་རྩ་མེད་དུ་འགྲོ་བཞིན་ཡོད་པ།　སྤྱི་རིའི་གླིང་ཁ་（འབྲས་སྤུངས་དགོན་པའི་གླིང་ཁ་）ལྷ་ས་གླིང་བརྒྱུད་ལམ་དེ་སྔོན་ལྷ་ས་གྲོང་ཁྱེར་སྲིད་གཞུང་དང་རུམ་ཐག་ལས་ཁུང་གནས་ཡུལ།　ཝ་པ་གླིང་ཚོང་ཁང་དང་བཅས་པའི་ཁུལ་དེ་དག་གླིང་ཁ་ཡིན་པས་ན་བཅིངས་འགྲོལ་རྗེས་སུ་གྲོང་ཁྱེར་སྲིད་གཞུང་གི་གཞུང་ལམ་འདིར་གླིང་རྒྱུད་ལམ་ཞེས་བཏགས་པ་དང་དེང་སྐབས་ཅང་སུའུ་ལམ་ཟེར།　ལྕང་གསེབ་ཤར་གླིང་ཁ་（ལྷ་ས་སློབ་ཆུང་དང་པོ་གནས་ཡུལ་དང་པེ་ཅིང་དཀྱིལ་ལམ་གྱི་ས་ཆ་ཁག་གཅིག་ཡིན་）བཞུགས་ཁྲི་གླིང་ཁ་（བོད་རང་སྐྱོང་ལྗོངས་སྲིད་གཞུང་གནས་ཡུལ་དང་）གཞན་ཡང་སེ་འབྲས་དགེ་ལ་སོགས་པའི་དགོན་པའི་ཁམས་ཚན་ཁག་ལ་རེ་རེ་ཡོད་པ་བཅས་མདོར་ན་ནོར་བུ་གླིང་ཁ་གཙོ་བོར་གྱུར་བའི་ལྷ་སའི་ཕྱ