ངོས་དང་པོ > སྣོད་བཅུད། > སྐྱེ་ཁམས་སྲུང་སྐྱོང་། > ༄༅།།འབྲི་ཆུའི་མགོ་ཁུངས་ཀྱི་སྲོལ་རྒྱུན་གྲོང་སྡེའི་ལྟ་སྐྱོང་བ།

༄༅།།འབྲི་ཆུའི་མགོ་ཁུངས་ཀྱི་སྲོལ་རྒྱུན་གྲོང་སྡེའི་ལྟ་སྐྱོང་བ།

རྩོམ་པ་པོ།：མི་གསལ། ཡོང་ཁུངས།：ཀྲུང་གོ་བོད་ཀྱི་དྲ་བ། དུས་ཚོད།：2021-03-17 09:00:46 ཀློག་གྲངས།：

པར་འདི་ནི་ཟླ3པའི་ཚེས9ཉིན། ཉི་མ་ཁྲི་འདུ་རྫོང་ལབ་ཞང་ལྷ་སའི་ཐང་སྡེ་བ་རུ་གནོད་ཤུལ་བསྐྱར་སྐྲུན་བྱས་པའི་དམངས་སྡོད་ཁང་གསར་དུ་སྐྱོད་བཞིན་པའི་ཚུལ་རེད།

2010ལོར་ཡུས་ཧྲུའུ་ཁུལ་དུ་ས་འགུལ་བྱུང་རྗེས། ཉི་མས་སྲོལ་རྒྱུན་གྱི་བོད་ལུགས་སྡེ་བའི་བཟོ་སྐྲུན་སྲུང་སྐྱོང་བྱེད་པར་ཁ་ཚ་དགོས་གཏུག་ཏུ་གྱུར་ཡོད་པ་ཤེས། གནོད་ཤུལ་བསྐྱར་སྐྲུན་མགོ་བརྩམས་རྗེས། ཉི་མས་ནུས་ཤུགས་ཡོད་ཚད་སྲོལ་རྒྱུན་གྱི་བཟོ་སྐྲུན་དང་གནའ་བོའི་གྲོང་སྡེ་སྲུང་སྐྱོང་སྟེང་འབུལ་བཞིན་ཡོད་ལ། ཁོས་བཟོ་སྐྲུན་ཐད་ཀྱི་རྨང་གཞིའི་ཤེས་བྱ་སྦྱང་མགོ་བརྩམས་པ་དང་ཡུས་ཧྲུའུ་ཁུལ་མངའ་ཁོངས་ཀྱི་གནའ་བོའི་གྲོང་སྡེ་དང་། སྲོལ་རྒྱུན་གྱི་བོད་ལུགས་བཟོ་སྐྲུན་ཡོངས་རྫོགས་ལ་ལྟ་སྐོར་དང་བརྟག་དཔྱད་བྱས་པ་མ་ཟད། ད་དུང་བོད་ལྗོངས་དང་སི་ཁྲོན། ཡུན་ནན། ཀན་སུའུ་སོགས་ས་ཁུལ་དུ་སོང་ནས་བོད་ལུགས་བཟོ་སྐྲུན་འཚོལ་ཞིབ་བྱས།

པར་འདི་ནི་ཉི་མས་ཁྲི་འདུ་རྫོང་ལབ་ཞང་ལབ་མདའ་གྲོང་སྡེ་རུ་བརྟག་དཔྱད་བྱེད་བཞིན་པའི་ཚུལ་རེད། བཟོ་སྐྲུན་འདི་ནི་ས་དེའི་བརྒྱ་དཔོན་ཞིག་གི་གཞིས་ཀ་ཡིན།

པར་འདི་ནི་ཁྲི་འདུ་རྫོང་ལབ་ཞང་གོ་བོ་སྡེ་བའི་གོ་བོ་མཁར་རྫོང་རེད།

པར་འདི་ནི་ཉི་མས་ཁྲི་འདུ་རྫོང་ལབ་ཞང་ལབ་མདའ་གྲོང་སྡེའི་སྡོད་ཁང་ཞིག་ཏུ་སླར་གསོའི་གྲུབ་འབྲས་ལ་བརྟག་དཔྱད་བྱེད་བཞིན་པའི་ཚུལ་རེད།

པར་འདི་ནི་ཉི་མས་ཁྲི་འདུ་རྫོང་ལབ་ཞང་ལབ་མདའ་གྲོང་སྡེ་རུ་སྡོད་ཁང་ཞིག་ཏུ་སླར་གསོའི་འཆར་གཞིར་བསམ་བློ་གཏོང་བཞིན་པའི་ཚུལ་རེད།

པར་འདི་ནི་ཉི་མས་ཐུབ་བསྟན་གཡུ་འབྲུག་དང་ལྷན་དུ་ཁྲི་འདུ་རྫོང་ལབ་ཞང་ལབ་མདའ་གྲོང་སྡེ་རུ་སླར་གསོའི་འཆར་གཞིར་གྲོས་བསྡུར་བྱེད་བཞིན་པའི་ཚུལ་རེད། དམངས་སྡོད་འདི་ནི་ས་དེའི་བརྒྱ་དཔོན་ཞིག་གི་གཞིས་ཀ་རེད།

ཉེ་བའི་ལོ་འགའི་རིང་། ས་གནས་སྲིད་གཞུང་གིས་འབྲེལ་ཡོད་རོགས་སྐྱོར་བྱེད་ཐབས་བཏོན་པ་དང་། སྡེ་བའི་མང་ཚོགས་ཀྱིས་གྲོང་སྡེའི་བཟོ་སྐྲུན་བེད་སྤྱད་ནས་ཁྱིམ་ཚང་མགྲོན་ཁང་འཕེལ་རྒྱས་སུ་གཏོང་བ། གནའ་བོའི་གྲོང་སྡེའི་འཚོ་བའི་ཉམས་ཞིབ་བྱེད་པ་དང་གནས་སྐོར་བྱེད་ཡུལ་འཕེལ་རྒྱས་སུ་གཏོང་བར་སྐུལ་འདེད་བྱས། ཉི་མ་ཡང་གནའ་བོའི་བཟོ་སྐྲུན་སླར་གསོ་བྱེད་པའི་ལས་སུ་ཞུགས་པ་མ་ཟད། ས་དེའི་སྡེ་མི་ལ་རོགས་རམ་བྱས་ཏེ་གནའ་བོའི་གྲོང་སྡེའི་འཚོ་བའི་ཉམས་ཞིབ་བྱེད་ཡུལ་གསར་སྐྲུན་བྱས་པ་དང་། སྲོལ་རྒྱུན་གྲོང་སྡེ་རུ་དམངས་སྲོལ་ཉམས་ཞིབ་བྱེད་པར་གནས་སྐོར་བ་མང་པོས་དགའ་བསུ་ཆེན་པོ་ཐོབ་པ་དང་། སྲོལ་རྒྱུན་གྱི་བོད་ལུགས་བཟོ་སྐྲུན་དང་གནའ་བོའི་གྲོང་སྡེའི་རིན་ཐང་རིམ་བཞིན་མངོན་འགྱུར་བྱུང་དང་འབྱུང་བཞིན་ཡོད་པ་རེད།
ཚེ་རིང་རྒྱ་མཚོས་བསྒྱུར།

པར་འདི་ནི་ལབ་ཞང་གོ་བོ་གྲོང་སྡེ་རུ་ཉི་མས་བགྲེས་པོ་ཚེ་དགའ་དང་མཉམ་དུ་མོ་ཚང་གི་སྲོལ་རྒྱུན་བཟོ་སྐྲུན་སླར་གསོ་བྱེད་པར་གྲོས་མོལ་བྱེད་བཞིན་པའི་ཚུལ་རེད།