དཔེ་རྒྱན་གསུམ་གྱི་དཔེར་བརྗོད། དངོས་གྲུབ་ཀུན་ལྡན།

རུས་མིང་། དངོས་གྲུབ་ཀུན་ལྡན།
འཛིན་གྲྭ། བརྒྱད་དྲུག་འཛིན་གྲྭ།                 དག་གསལ་སྙན་པའི་དཔེ་ཀློག་རྣ་བའི་དཔྱིད།།
                དིར་དིར་བུང་བའི་མགྲིན་སྒྲར་རྣམ་བརྟགས་ནས །།
                སྙན་འཇེབས་དབྱངས་ཀྱིས་དར་ཅིག་མྱོས་པའི་ཚེ།།
                མགྲིན་གླུའི་ནང་གི་ཚིག་དོན་གཞིག་ཀྱང་འཚོལ།།

                གསོན་ཉམས་ལྡན་པའི་ལྡེབས་རིས་མིག་གི་བདུད་རྩི་སྟེ།།
                རྐང་འཐུང་ལྗོན་པའི་ཕྱུག་པའི་དགའ་བསྐྱེད་སྐྱེད་མོས་ཚལ།།
                སྤྲོ་གསེང་གཏོང་སའི་དགའ་ཚལ་གསར་བར་རབ་བརྟགས་ནས།།
                རྩེད་འཇོར་གཡེང་བའི་དགོད་སྒྲ་ཡོད་མེད་ཞིབ་ཏུ་གསན།།                 ལེ་བར་འགོངས་པའི་བྱེ་མའི་ཕུང་གསོག་མཐར།།
                ལྗོན་པ་ཁྲི་ཚོགས་དྲང་བོར་བཙུགས་སམ་ཅི།།
                ཡང་ན་མཐའ་ཡས་མེས་རྒྱལ་ས་མཐའ་རུ།།
                རྒྱལ་མཚམས་སྲུང་བའི་དམག་གམ་འཕྱང་མོ་ཉུག།

                སྐྱེ་དགུར་དྲོད་སྐྱིད་གསོན་ཤུགས་ཅི་དགར་དུ།།
                འབྱིན་པའི་མུན་སེལ་རྟ་བདུན་དབང་བོའམ།།
                ཡང་ན་མུན་འཇོམས་ཤེས་བྱ་སྣ་ཚོགས་པ།།
                སྩོལ་བའི་སློབ་དཔོན་དམ་ཡིན་ནམ་ཅི།།                 གསེར་དངུལ་གཡུ་བྱུར་ཡིན་ཡང་འཕྲོག་འབོར་ཅན།།
                དབང་ཐང་གོ་ས་ཆེ་ཡང་མི་རྟག་པ།།
                དེ་དག་ལས་ཀྱང་ཤེས་བྱ་ཡོན་ཏན་ནི།།
                མཚུངས་ཟླར་མི་སེམས་དེ་ལས་ཁྱད་པར་འཕགས།།

                སྒྱུ་འཕྲུལ་མེ་ལོང་གསལ་ཡང་སྒྱུ་མའི་གར།།
                མཚན་མོར་སྐར་ཚོགས་བཀྲ་ཡང་འཆར་ནུབ་ཅན།།
                དེ་ཕྱིར་བསམ་བློའི་འཆར་སྒོའི་དཔེ་རིས་འདི།།
                དཔེ་འདིའི་ཇི་བཞིན་གཞལ་བར་ག་ལ་སྤོབས།།