༄༅།།དུས་རབས་གསར་བར་བསྐྱོད་པ། འབྲུག་མཚོ་རྒྱལ། 

ཀྲུང་གོའི་བུ་རབས་ཚ་རྒྱུད་ཀྱི་ལག་ཟུང་གིས་ཀྲུང་གོ་གསར་བ་ཞིག་བསྐྲུན། མཛེས་སྡུག་ལྡན་པའི་སྐར་ལྔའི་དར་དམར་ཕྲག་ཏུ་འཁུར། ང་ཚོ་དུས་རབས་གསར་བ་ཞིག་ལ་སླེབས་བྱུང་། 
གནའ་བོའི་ཅོང་སྒྲ་དེ་ཡན་ཧོང་གི་བུ་རབས་ཚ་རྒྱུད་ཀྱི་སྐུད་འདེད་འོག་དུས་རབས་ཉེར་གཅིག་པར་སླེབས། ང་ཚོས་ཀྱང་དེའི་གོམ་སྟབས་དང་བསྟུན་ནས་ལོ་རྒྱུས་ཀྱི་མགོ་ཚུགས་ས་གསར་བ་ཞིག་དུ་སླེབས་ཡོད། ཀྲུང་ཧྭ་མི་རིགས་ཀྱི་བསྐྱར་དར་རླབས་ཆེན་མངོན་འགྱུར་བྱ་དགོས། 
སྔོན་ཆད་མི་རྣམས་འདུག་ས་ནི་ཁང་བ་ཐོག་གཅིག་མ་ཡིན་ལ། ཟས་ནི་ཕུབ་མའི་རིགས་ཤིག་རེད། གྲོ་ནི་རིགས་རྩུབ་པོ་ཅན་པོ་དེ་ཡིན། གྱོན་ཡོད་པ་ནི་མདོག་སྣ་རྐྱང་གི་རས་གོས་རེད། སྒོར་འགྲོ་བའི་འགྲིམ་འགྲུལ་ཡོ་བྱད་ལ་ལྕགས་རྟ་ལས་མེད། ལམ་ཡང་མི་སྙོམས་པ་རེད། དགོང་མོ་ཐོན་མ་ཐག ལམ་སྒྲོན་མེད་པའི་རྐྱེན་གྱིས། ལམ་ལ་སོང་ན་ཧ་ཅང་སྟབས་མི་བདེ། འོན་ཀྱང་ད་ལྟ། ང་ཚོའི་གྲོང་ཁྱེར་ཚོན་མདོག་རྣམ་པར་བཀྲ་བའི་མེ་ཏོག་ལྡུམ་ར་ཆེན་པོ་ཞིག་དང་འདྲ། མིག་ལམ་དུ་ཤར་བ་ནི་ཁང་བ་ཐོག་གཅིག་མ་དེ་མ་རེད། དེའི་ཚབ་བྱེད་ནི་གནམ་ལ་ཟུག་པའི་ཐོག་ཁང་ཆེན་མོ་དེ་རེད། ང་ཚོསཟ་བཞིན་པ་ནི་མི་རྣམས་ཀྱིས་མིད་དཀའ་བའི་འབྲས་ཐུན་དེ་མ་རེད། འཚོ་བཅུད་ཕུན་སུམ་ཚོགས་པའི་ཚོད་མ་ཁུ་བ་མངར་མོར་གྱུར། ང་ཚོའི་ལྭ་བ་ནི་མདོག་སྣ་རྐྱང་གི་རས་གོས་མིན། དེ་སྟབས་རི་མོ་སྣ་ཚོགས་དང་ཁ་དོག་སྣ་ལྔ་ལྡན་པར་གྱུར་ཡོད། ཐག་རིང་ལ་འགྲོ་ན་སེམས་ཁུར་བྱེད་མི་དགོས། ད་ལྟའི་འགྲིམ་འགྲུལ་ཡོ་བྱད་སྣ་མང་ཡིན་པ་དང་། ལྕགས་རྟ་ཁོ་ན་མ་ཡིན་པར། འཕྲུལ་རྟ་དང་རླངས་འཁོར། མེ་འཁོར། གནམ་གྲུ། གློག་སྒུལ་འཕྲུལ་རྟ་སོགས་ཡོད། འགྲོ་བའི་སྐབས་སུ་འདམ་ལམ་ལ་འགྲོ་མི་དགོས་པར་སྔོན་ཆད་རྣོ་ངར་ཅན་གྱི་རྡོ་ལམ་དེ་སྣུམ་ལེན་ལམ་ཆེན་དུ་བརྗེ། ལམ་འགྲམ་ཁྱི་ལམ་གློག་དག་དགོང་མོ་ཐོན་མ་ཐག་བྱ་བ་ལས་བཞིན་ཡོད། ད་ནས་བཟུང་མཚན་ལམ་དུ་འགྲོ་དུསའགྱེལ་བར་སེམས་ཁུར་བྱེད་མི་དགོས། འདི་འདྲ་ཞིག་ཡིན་པ་མ་ཟད། མི་རྣམས་ཀྱི་སྤྲོ་གསེང་རོལ་རྩེད་ར་བ་ཡང་ཇེ་མང་ནས་ཇེ་མང་རེད། 
དུས་རབས་གསར་བར་བསྐྱོད་ནས་ཚན་རྩལ་མགྱོག་མྱུར་ངང་འཕེལ་རྒྱས་བྱུང་། ང་ཚོ་ནི་དུས་རབས་གསར་བའི་སློབ་འབྲིང་སློབ་མ་ཡིན། ང་ཚོའི་ལུས་སྟེང་དུ་ཀྲུང་ཧྭ་ཤེས་རིག་གི་ལོ་ངོ་ལྔ་སྟོང་རིང་གི་ལོ་རྒྱུས་གསལ། མ་འོངས་པར་ང་ཚོ་ངེས་པར་དུ་མེས་རྒྱལ་འཛུགས་སྐྲུན་གྱི་རླབས་རྒྱུན་ནང་ཞུགས་དགོས། ངེས་པར་དུ་ལོ་རྒྱུས་ཀྱི་འགན་འཁྲི་ཕྲག་ཏུ་ཁུར་ནས་ཀུན་སྤྱོད་བླ་ན་མེད་པ་དང་ཕུགས་བསམ་ཆེན་པོ་ལྡན་པར་བྱེད་དགོས། ཀྲུང་གོའི་རྨི་ལམ་ང་ཚོ་དང་ཐག་ཇེ་ཉེ་ནས་ཇེ་ཉེ་རེད། ང་ཚོ་ཕུགས་བསམ་གྱི་ཕྱོགས་སུ་རྒྱུགས། བློ་རྩེ་གཅིག་སྒྲིམ་གྱིས་སང་ཉིན་སྔར་ལས་བཟང་བ་ཞིག་གསར་གཏོད་བྱེད་དགོས། ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོངས་བའི་ཀྲུང་གོའི་ཕུགས་འདུན་མངོན་འགྱུར་བྱེད་ཆེད་རང་ཉིད་ཀྱིས་ནུས་ཤུགས་ཡོད་ཚད་འདོན་དགོས།