བདག་གི་གྲོགས་མོ།

        བདག་གི་གྲོགས་མོ་ནི་བྱམས་སྙིང་རྗེ་ཆེ་བ་དང་གཞན་ལ་རོགས་རམ་བྱེད་པར་དགའ་བའི་སློབ་མ་ཡ་རབས་ཤིག་ཡིན་ཏེ་ང་རང་མོ་ལ་ཧ་ཅང་དགའ།
        གཟའ་ཉི་མའི་ཕྱི་དྲོའི་ཐུན་བཞི་བ་གྲོལ་རྗེས། ང་དང་ངའི་གྲོགས་མོ་གཉིས་མཉམ་དུ་དགོང་ཇ་འཐུང་དུ་སོང་། ངེད་གཉིས་སློབ་ཁང་གི་སྒོར་བུད་མ་ཐག་ཏུ་ཕར་ལྟོས་ཚོད་ཀྱིས་ལོ་རིམ་གཉིས་པ་ཞིག་ལེ་ཡིན་སྙམ་པའི་སློབ་མ་ཞིག་བརྒྱུགས་ནས་ཡོང་སྟེ་ཐང་ལ་འགྱེལ་བ་ན་མོས་དེ་མ་ཉིད་དུ་ཡར་ལ་བསླངས་ནས་ལྭ་བའི་སྟེང་གི་ས་སྤྲུགས། དེ་དུས་ངའི་སེམས་ལ་འདི་ནི་ཁོ་མོའི་ནུ་བོ་མིན་པས་ཅི་ཞིག་ལ་ཤ་ཚ་ཚ་བྱེད་དགོས་སམ་སྙམ།
        དབྱར་ཁའི་ཉིན་ཞིག་ལ་ངེད་གཉིས་རི་མགོར་རྩེད་མོ་རྩེ་རུ་སོང་བ་ཡིན། དེ་དུས་རྩྭ་གསེབ་ན་ཕྱེ་མ་ལེབ་ཞིག་འཕུར་མ་ཐུབ་པར་བསྡད་ཡོད། མོས་དེ་མ་ཐག་ཕྱེ་མ་ལེབ་སེམས་ཆུང་གིས་ལག་ལ་བཟུང་ནས་བདེ་ས་འཇམ་ས་ཞིག་ལ་བཞག ཅུང་ཙམ་འགོར་རྗེས་ཕྱེ་མ་ལེབ་འཕུར་ཐུབ་སོང་། སྐབས་དེ་ནས་བཟུང་སྟེ་བདག་གིས་གྲོགས་མོ་འདི་ནི་བྱམས་སྙིང་རྗེ་ཆེ་བ་ཞིག་ཡིན་པར་མཉམ་འཇོག་བྱས་སོང་།
        བདག་ལ་སློབ་སྦྱོང་གི་ཡོ་ཆས་སོགས་མཁོ་གལ་ཆེ་བའི་དངོས་བོ་ཅི་ཞིག་མེད་རུང་མོས་ང་ལ་གཡར་བར་མ་ཟད། སློབ་སྦྱོང་གི་དཀའ་ཁག་ལ་ཕྲད་དུས་ཡང་རོགས་རམ་བྱས་པ་གང་མང་མང་ཡིན། ང་རང་སེམས་སྡུག་པའི་དུས་སུ་ཡང་དགོད་བྲོ་བའི་མཚར་གཏམ་སོགས་བཤད་ནས་སྤྲོ་སྣང་སྐྱེ་རུ་འཇུག ཁོ་མོ་ནི་ཤ་ཁྲག་གཅིག་ལས་ཆད་པའི་ཨ་ཅེ་ངོ་མ་ཞིག་དང་འདྲ་བར་ང་ལ་ཤ་ཚ་ཚ་དང་སྙིང་ཉེ་ཉེ་བྱེད་པ་ཡིན།
        གྲོགས་མོ་འདི་རང་མེད་ན་ང་ལ་བརྩེ་བ་དང་སྤྲོ་སྣང་སྟེར་མཁན་གཞན་ཞིག་ཡོད་མི་སྲིད་པས་ང་ལ་དུས་རྒྱུན་གྱི་སྤྲོ་སྣང་འདི་འདྲ་ཞིག་མེད་ཁོ་ཐག་ཡིན། བདག་གི་གྲོགས་མོ་བཟང་བོ། །