ངོས་དང་པོ > ཆེད་དོན། > བྱ་འགུལ་སྣ་ཚོགས། > ༄༅།།མཚོ་ལྷོ་ཁུལ་མི་རིགས་དངོས་མང་བཤམས་སྟོན་ཁང་གིས2021ལོའི5.18རྒྱལ་སྤྱིའི་དངོས་མང་བཤམས་སྟོན་ཁང་ཉིན་མོའི་བྱ་འགུལ་སྤེལ།

༄༅།།མཚོ་ལྷོ་ཁུལ་མི་རིགས་དངོས་མང་བཤམས་སྟོན་ཁང་གིས2021ལོའི5.18རྒྱལ་སྤྱིའི་དངོས་མང་བཤམས་སྟོན་ཁང་ཉིན་མོའི་བྱ་འགུལ་སྤེལ།

རྩོམ་པ་པོ།：ངེད་དྲ་བ། ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2021-05-18 16:41:03 ཀློག་གྲངས།：

བྱ་འགུལ་ཡུལ་དངོས།

ད་ལོའི་ཟླ5བའི་ཚེས18ཉིན་ནི་རྒྱལ་སྤྱིའི་དངོས་མང་བཤམས་སྟོན་ཁང་ཉིན་མོ་སྐབས45བ་ཡིན་ལ། མཚོ་ལྷོ་ཁུལ་མི་རིགས་དངོས་མང་བཤམས་སྟོན་ཁང་གིས་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་འཁོར100ལོན་པར་རྟེན་འབྲེལ་ཞུ་བའི་གོ་སྐབས་དང་བསྟུན་ནས། དངོས་མང་བཤམས་སྟོན་ཁང་གི་མ་འོངས་པ་སླར་གསོ་དང་བསྐྱར་བཞེངས་ཞེས་པའི་བརྗོད་དོན་དང་དམ་པོར་དམིགས་ནས། ཁྱད་ཆོས་འབུར་དུ་ཐོན་ཞིང་ནང་དོན་ཕུན་སུམ་ཚོགས་པ། དེ་མིན་རྣམ་པ་སྣ་ཚོགས་ཀྱི་བཤམས་སྟོན་བྱ་འགུལ་སྤེལ་བ་རེད།
གཅིག་ནི་མཚོ་ལྷོ་ཁུལ་རིག་གནས་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ་ཡི་ཅུའུ་ཀྲང་གཞོན་པའམ་རིག་དངོས་ཅུའུ་ཡི་ཅུའུ་ཀྲང་བློ་མཐུན་ཚེ་གཟུང་ཐར་གྱིས་བྱ་འགུལ་ལ་ཤིས་ཚིག་ཕུལ། གཉིས་ནི་དང་བླངས་པའི་འཐུས་ཚབ་མི་སྣས་སྤྱི་ཚོགས་ཡོངས་ལ་རིག་གནས་གནའ་རྫས་སྲུང་སྐྱོབ་བྱེད་པའི་གྲོས་འདོན་ཡི་གེ་བསྒྲགས་འདོན་བྱས། གསུམ་ནི་ཕུལ་བྱུང་དང་བླངས་པ་རྣམས་ལ་བྱ་དགའ་གནང་སྟེ་སྤྱི་ཚོགས་ཡོངས་ཀྱིས་དངོས་མང་བཤམས་སྟོན་ཁང་གི་བྱ་བར་དོ་ཁུར་དང་རྒྱབ་སྐྱོར་བྱེད་རྒྱུའི་འབོད་སྐུལ་བཏང་། བཞི་ནི་ཐང་བོད་གནའ་ལམ་དང་མཚོ་བོད་རྒྱུད་ལམ་ཏེ་མཚོ་ལྷོ་བོད་རིགས་རང་སྐྱོང་ཁུལ་གྱི་ལོ་རྒྱུས་རིག་གནས་འགྲེམས་སྟོན་ཁང་འགྲེམས་སྟོན་བྱས་ཤིང་། འདིར་པར་རིས་དང་ཡི་གེ་གཉིས་སྤྱོད་ཀྱི་ལམ་ནས་མཚོ་ལྷོ་ཁུལ་མངའ་ཁོངས་ཀྱི་ལོ་རྒྱུས་གྲགས་ཅན་གནའ་ཤུལ་ངོ་སྤྲོད་བྱས་ཡོད་པ་དང་། དེ་ལ་ནང་དོན་ཕུན་སུམ་ཚོགས་པ་དང་གོ་སླ་བའི་ཁྱད་ཆོས་ལྡན། ལྔ་ནིVRགཞི་གྲངས་ཅན་གྱི་མིག་ཤེལ་རོལ་མྱོང་བྱེད་པ་སྟེ། མིག་ཤེལ་དེ་གོན་རྗེས་ཁྱེད་ཉིད་མི་རིགས་དངོས་མང་བཤམས་སྟོན་ཁང་དུ་དངོས་སུ་སླེབས་པ་དང་ཇི་མ་ཇི་བཞིན་གྱི་རོལ་མྱོང་སྟེར་ཐུབ། དྲུག་ནི་ཡུལ་དངོས་སུ་རྒྱ་ཆེའི་མང་ཚོགས་ལ་རིན་མེད་སྒོས་གནའ་རྫས་གསལ་འབྱེད་བྱེད་པའི་ཞབས་ཕྱི་མཁོ་འདོན་བྱས།

རིག་དངོས་ཅུའུ་ཡི་ཅུའུ་ཀྲང་ཚེ་གཟུང་ཐར་གྱིས་ཤིས་ཚིག་ཕུལ་བ།

དང་བླངས་པའི་འཐུས་ཚབ་མི་སྣས་གྲོས་འདོན་ཡི་གེ་བསྒྲགས་པ།

ཕུལ་བྱུང་དང་བླངས་པ་རྣམ་པར་བྱ་དགའ་གནང་པ།

VRགཞི་གྲངས་ཅན་གྱི་མིག་ཤེལ་རོལ་མྱོང་བྱེད་པ།

འགྲེམས་སྟོན་ཁང་གི་རིག་དངོས།

ཐེངས་འདིའི་བྱ་འགུལ་ལ་རིགས་སྣ་མི་གཅིག་པའི་རིག་དངོས་བསྡོམས་པས465འགྲེམས་སྟོན་བྱས་ཡོད་པ་དང་། དྲ་ལམ་དང་ཡུལ་དངོས་གཉིས་ཀྱི་ལམ་ནས་བྱ་འགུལ་ལ་ཞུགས་པའི་མི་ཐེངས866ཐོན་པ། དྲིལ་བསྒྲགས་བྱང་བུ800ལྷག་བཀྲམས་པ་དང་། དྲིལ་བསྒྲགས་དངོས་ཟོག300ལྷག་བྱིན་པ་རེད། བྱ་འགུལ་འདི་དང་བརྒྱུད་ནས། མང་ཚོགས་ཀྱི་ཤུལ་བཞག་རིག་གནས་ལ་སྲུང་སྐྱོང་བྱེད་པའི་འདུ་ཤེས་སྔར་ལས་མཐོར་འདེགས་དང་། དེ་མིན་རིག་དངོས་ལ་དགའ་ཞེན་བྱེད་པའི་སྤྱི་ཚོགས་ཁོར་ཡུག་ཆགས་པར་བྱས་ཡོད་པ་མ་ཟད། ནུས་ཤུགས་ཡོད་རྒུས་རང་ཁུལ་གྱི་རིག་དངོས་ལ་སྲུང་སྐྱོབ་བྱེད་ཤུགས་ཀྱི་སྤྱི་ཚོགས་ཅན་གྱི་བརྒྱུད་རིམ་ལ་སྐུལ་འདེད་བཏང་ཡོད།
དེ་རིང་ནས་བཟུང་། མཚོ་ལྷོ་ཁུལ་མི་རིགས་དངོས་མང་བཤམས་སྟོན་ཁང་དངོས་སུ་སྤྱི་ཚོགས་ཡོངས་ལ་འགྲེམས་སྟོན་བྱ་རྒྱུ་ཡིན་པས། རྒྱ་ཆེའི་མང་ཚོགས་རྣམས་ལྟ་སྐོར་སླེབས་པར་དགའ་བསུ་བྱེད།།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com