ངོས་དང་པོ > ཆེད་དོན། > བྱ་འགུལ་སྣ་ཚོགས། > མཚོ་སྔོན་ཞིང་ཆེན་བོད་ལུགས་སྨན་ཁང་བཙུགས་ནས་ལོ་འཁོར40ལོན་པའི་རྟེན་འབྲེལ་ཚོགས་ཆེན་འཚོགས་པ།

མཚོ་སྔོན་ཞིང་ཆེན་བོད་ལུགས་སྨན་ཁང་བཙུགས་ནས་ལོ་འཁོར40ལོན་པའི་རྟེན་འབྲེལ་ཚོགས་ཆེན་འཚོགས་པ།

རྩོམ་པ་པོ།： ཡོང་ཁུངས།：མཚོ་སྔོན་བོད་ཡིག་གསར་འགྱུར། དུས་ཚོད།：2023-10-27 11:05:22 ཀློག་གྲངས།：

ལོ་ངོ་བཞི་བཅུར་འབྲས་བུས་གཏམས། འཐབ་ལམ་གསར་པར་འབད་པས་བསྐྱོད།

ཟླ10པའི་ཚེས20ཉིན། མཚོ་སྔོན་ཞིང་ཆེན་བོད་ལུགས་སྨན་ཁང་བཙུགས་ནས་ལོ་འཁོར40ལོན་པའི་དགའ་སྟོན་རྟེན་འབྲེལ་ཚོགས་ཆེན་གཟབ་རྒྱས་ངང་འཚོགས། རྒྱལ་ཡོངས་ཀྲུང་ལུགས་སྨན་པ་གྲགས་ཅན་མཁའ་ལོ་དང་མཚོ་སྔོན་ཞིང་ཆེན་ཀྲུང་བོད་སྨན་བཅོས་དང་སྨན་རྫས་དོ་དམ་ཅུས་ཀྱི་ཅུས་ཀྲང་ལི་ཡན་ཧྭེ། ཁུལ་དང་རྫོང་བོད་སྨན་ཁང་གི་མགོ་ཁྲིད། ལས་འཁྱུར་ངལ་གསོ་བྱས་ཟིན་པའི་ལས་བྱེད་པ་རྒན་པ། ཆེད་མཁས་པ་སོགས་མི་བརྒྱ་ལྷག་རྟེན་འབྲེལ་ཚོགས་ཆེན་ལ་ཞུགས།

མཚོ་སྔོན་ཞིང་ཆེན་བོད་ལུགས་སྨན་ཁང་ནི1983ལོར་གནའ་མཁར་ཟི་ལིང་དུ་གཞིས་ཆགས་པ་ཡིན་ཞིང་། མཚོ་སྔོན་ཞིང་ཆེན་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གི་ཐད་གཏོགས་ལས་ཁུངས་སུ་གཏོགས་པའི་སྤྱི་ཕན་སྨན་ཁང་ཞིག་ཡིན། ཞིང་ཆེན་ཕྱི་ནང་སོགས་རྒྱ་ཆེའི་མི་དམངས་མང་ཚོགས་ཀྱི་ལུས་སེམས་བདེ་ཐང་ལ་སྨན་བཅོས་དང་ཞབས་ཞུ་གང་ལེགས་འདོན་བཞིན་ཡོད་པར་མ་ཟད། བོད་ཀྱི་གསོ་བ་རིག་པའི་སྨན་བཅོས་དང་སློབ་ཁྲིད། ཚན་རིག་ཞིབ་འཇུག སྨན་རྫས་གསར་སྤེལ། ནད་མེད་ཁམས་གསོ། རིག་གཞུང་སྤེལ་རེས་བཅས་གཞི་གཅིག་ཏུ་འབྲེལ་བའི་དེང་རབས་ཅན་གྱི་རིམ་གསུམ་ཀ་པའི་ཕྱོགས་བསྡུས་སྨན་ཁང་ཞིག་ཡིན།

སྨན་ཁང་གི་འདས་ཟིན་པའི་ལོ་ངོ40ནི་མེད་པ་ནས་ཡོད་པ་དང་། ཞན་པ་ནས་ལེགས་པར་འཕེལ་བའི་དཀའ་སྡུག་གི་བརྒྱུད་རིམ་གང་མང་ཞིག་བརྒྱུད་པའི་གྲུབ་འབྲས་དང་གཟི་བརྗིད་ཀྱིས་གཏམས་པའི་ལོ་ཟླ་ཞིག་ཡིན་ལ། སྨན་ཁང་གི་ལས་བཟོ་པ་ཡོངས་ཀྱིས་སྨན་ཁང་བཙུགས་ནས་ལོ་འཁོར40ལོན་པ་ནི་མགོ་རྩོམ་ས་གསར་པ་རུ་བྱས་ཏེ་སྲོལ་རྒྱུན་རྒྱུན་འཛིན་ལས་མཁྲེགས་འཛིན་མི་བྱེད་པ། དེང་རབས་གསར་གཏོད་ལས་ཚུལ་དང་མི་འགལ་བར་སྨན་ཁང་གི་བྱེད་ཕྱོགས་རྒྱུན་འཁྱོངས་བྱེད་པ། ཐབས་ལ་མཁས་པ། ཀུན་ལ་ཕན་པ། སྲོལ་རྒྱུན་རྒྱུན་འཛིན། དེང་རབས་གསར་གཏོད་བཅས་ཀྱི་སྨན་ཁང་གི་སྙིང་སྟོབས་དར་སྤེལ་གཏོང་བ། སྔར་ལས་ལྷག་པའི་སྒོ་ནས་རང་གི་འཇོན་ནུས་མཐོར་འདེགས་གཏོང་བ་དང་། ནད་པ་ཡིད་ཚིམ་དུ་འཇུག་རྒྱུ་ནི་སྨན་ཁང་གི་ཆེས་ཆེ་བའི་དམིགས་འབེན་དུ་བཟུང་བ་བཅས་བྱས་ཏེ། ས་ཕྱོགས་གང་སར་གནས་པའི་རིགས་སོ་སོའི་མི་དམངས་ཀྱི་བདེ་ཐང་གི་ཆེད་དུ་འབད་བརྩོན་ལྷོད་མེད་བྱེད་བཞིན་ཡོད། །