ངོས་དང་པོ > ཆེད་དོན། > བྱ་འགུལ་སྣ་ཚོགས། > 2024ལོའི་མཚོ་སྔོན་རྒྱང་སྒྲོག་བརྙན་འཕྲིན་བོད་སྐད་ཕུལ་བྱུང་བརྩམས་ཆོས་དཔྱད་ཞིབ་གྲོས་ཚོགས་མཚོ་ལྷོ་ཁུལ་དུ་བསྡུས་པ།

2024ལོའི་མཚོ་སྔོན་རྒྱང་སྒྲོག་བརྙན་འཕྲིན་བོད་སྐད་ཕུལ་བྱུང་བརྩམས་ཆོས་དཔྱད་ཞིབ་གྲོས་ཚོགས་མཚོ་ལྷོ་ཁུལ་དུ་བསྡུས་པ།

རྩོམ་པ་པོ།： ཡོང་ཁུངས།：མཚོ་ལྷོ་ཁུལ་མཉམ་འདྲེས་སྨྱན་སྦྱོར་ལྟེ་གནས། དུས་ཚོད།：2025-10-16 08:25:59 ཀློག་གྲངས།：

ཟླ10བའི་ཚེས14ཉིན་གྱི་སྔ་དྲོར། མཚོ་སྔོན་ཞིང་ཆེན་རྒྱང་སྒྲོག་བརྙན་འཕྲིན་མཐུན་ཚོགས་ཀྱིས་གཙོ་སྒྲུབ་བྱས་པ་དང་། མཚོ་ལྷོ་ཁུལ་མཉམ་འདྲེས་སྨྱན་སྦྱོར་ལྟེ་གནས་ཀྱིས་འགན་སྒྲུབ་བྱས་པའི2024ལོའི་མཚོ་སྔོན་རྒྱང་སྒྲོག་བརྙན་འཕྲིན་བོད་སྐད་ཕུལ་བྱུང་བརྩམས་ཆོས་དཔྱད་ཞིབ་གྲོས་ཚོགས་རང་ཁུལ་དུ་འཚོགས་ཤིང་། ཞིང་ཆེན་ཡོངས་ཀྱི་བོད་སྐད་རྒྱང་སྒྲོག་བརྙན་འཕྲིན་ལས་ཁུངས་དང་མཉམ་འདྲེས་སྨྱན་སྦྱོར་ལྟེ་གནས་ཀྱི་འཐུས་མི་བཅས་དཔྱད་ཞིབ་གྲོས་ཚོགས་སུ་ཞུགས།

རྒྱུས་ལོན་བྱས་པ་ལྟར་ན། ཐེངས་འདིའི་དཔྱད་ཞིབ་གྲོས་ཚོགས་སྟེང་དཔྱད་འདེམས་བརྩམས་ཆོས139འབྱོར་ཡོད། དེའི་ནང་གསར་འགྱུར་དང་ཆེད་སྒྲིག རིག་རྩལ། རྒྱང་སྒྲོག་མདོ་འཛིན་པ་སོགས་ཚུད་ཡོད་ལ། བརྩམས་ཆོས་དེ་དག་གི་བརྗོད་བྱ་ཕུན་སུམ་ཚོགས་ལ་རྣམ་པ་སྣ་མང་ཡིན་པས། འདས་ཟིན་པའི་ལོ་གཅིག་རིང་གི་ཞིང་ཆེན་ཡོངས་ཀྱི་བོད་སྐད་རྒྱང་སྒྲོག་བརྙན་འཕྲིན་གསར་རྩོམ་གྱི་ཚད་མཐོའི་ཆུ་ཚད་གཅིག་བསྡུས་སྒོས་མངོན་ཡོད་པ་དང་། རྒྱ་ཆེའི་རྒྱང་སྒྲོག་གློག་བརྙན་བརྙན་འཕྲིན་ལས་དོན་པས་འཚོ་བར་ཟབ་ཞུགས་དང་མཐོ་སྒང་ལ་གཞི་ཚུགས་པའི་གྲུབ་འབྲས་ཀྱི་བསྡུས་གཟུགས་ཀྱང་ཡིན་པས། བོད་འབྲེལ་ས་ཁུལ་གྱི་སྤྱི་ཚོགས་དཔལ་འབྱོར་འཕེལ་རྒྱས་ཀྱི་གྲུབ་འབྲས་དང་བཀྲག་ཏུ་འཚེར་བའི་མི་རིགས་ཀྱི་རིག་གནས་གསོན་ཉམས་དོད་པའི་ངང་མཚོན་ཡོད་པ་རེད།

ཐེངས་འདིའི་དཔྱད་ཞིབ་གྲོས་ཚོགས་ཀྱི་དམིགས་ཡུལ་ནི་ཏང་གི་གསར་འགྱུར་གླེང་ཕྱོགས་ལས་དོན་གྱི་བྱེད་ཕྱོགས་ལག་བསྟར་དོན་འཁྱོལ་བྱེད་པ་དང་། ཡང་དག་པའི་ཆབ་སྲིད་ཀྱི་ཁ་ཕྱོགས་དང་གླེང་ཕྱོགས་ཀྱི་ཁྲིད་སྟོན། རིན་ཐང་གི་ཁ་ཕྱོགས་བཅས་མཐའ་འཁྱོངས་བྱེད་པ། བརྗོད་དོན་གཙོ་བོ་དར་སྤེལ། དྲང་ནུས་བརྒྱུད་སྤེལ་བཅས་བྱས་ཏེ་ཕུལ་བྱུང་གི་བོད་སྐད་རྒྱང་སྒྲོག་བརྙན་འཕྲིན་དང་དེ་བཞིན་དྲ་རྒྱའི་ལྟ་ཉན་བརྩམས་ཆོས་ཁག་གཅིག་སྔོག་འདོན་དང་ཁྱབ་གདལ་དུ་བཏང་བ་བརྒྱུད། ལས་རྐང་དང་པོའི་གསར་འགོད་པས་ཁྱབ་སྤེལ་ནུས་པ་དང་ཁྲིད་སྟོན་ནུས་པ། ཤུགས་རྐྱེན་ཐེབས་ཤུགས། ཀུན་གྱིས་ཡིད་ཆེས་བྱེད་པ་བཅས་ཀྱི་བརྩམས་ཆོས་ལེགས་པོ་འབོར་ཆེན་གསར་རྩོམ་བྱ་རྒྱུར་སྐུལ་མ་གནང་སྟེ། ཞིང་ཆེན་ཡོངས་ཀྱི་གསར་འགྱུར་བྱ་གཞག་སྤུས་ཚད་མཐོན་པོས་འཕེལ་རྒྱས་སུ་གཏོང་བར་སྐུལ་འདེད་གཏོང་རྒྱུ་དེ་རེད། །