2023ལོའི་ཟླ3པའི་ཚེས11ཉིན་གྱི་སྔ་དྲོར།མཚོ་སྔོན་སློབ་ཆེན་བོད་ལུགས་གསོ་རིག་སློབ་གླིང་གི་དགེ་རྒན་ཆེན་མོའམ་འབུམ་རམས་པའི་མཛུབ་སྟོན་དགེ་རྒན་བྱ་མདོ་ཀླུ་བྱམས་རྒྱལ་གྱི་དེབ་གསར«བོད་ཀྱི་གསོ་རིག་ཁྱད་ཆོས་གཡུ་ཐོག་མཆོད་སྤྲིན»(བྱ་མདོ་ཀླུ་བྱམས་རྒྱལ་གྱིས་བརྩམས།)དང«སྲོལ་རྒྱུན་གསོ་རིག་སྡུར་དཔྱོད་གཡུ་ཐོག་ཞལ་ལུང»(བྱ་མདོ་ཀླུ་བྱམས་རྒྱལ་དང་རིན་ཆེན་རྡོ་རྗེ་གཉིས་ཀྱིས་བརྩམས།)ཞེས་པའི་དེབ་གསར་གཉིས་ཀྱི་འགྲེམ་སྤེལ་མཛད་སྒོ་ཟི་ལིང“གཙུག་ལག་ཕྲེང་བ”དཔེ་ཤག་ནས་བསྡུས་ཤིང་།འགྲེམ་སྤེལ་མཛད་སྒོ་དེ་ཡུལ་དངོས་དང“ཐིང་ཞོན་གྲོས་ཚོགས”ཀྱི་དྲ་ལམ་ཟུང་དུ་འབྲེལ་ནས་འཚོགས་པ་དང་།ཀྲུང་གོའི་བོད་རིག་པ་ལྟེ་གནས་ཀྱི་སྒྲོལ་དཀར་སྐྱབས་དང་།བོད་ལྗོངས་སྨན་རྩིས་ཁང་གི་བུ་ཆུང་ཚེ་རིང་།བོད་ལྗོངས་བོད་ལུགས་གསོ་རིག་སློབ་ཆེན་གྱི་རིན་ཆེན་རྒྱལ།ལྷོ་ནུབ་མི་རིགས་སློབ་ཆེན་གྱི་བདུད་འདུལ།ཁྲིན་ཏུའུ་ཀྲུང་ལུགས་གསོ་རིག་སློབ་ཆེན་གྱི་འཇམ་དབྱངས་བསོད་ནམས།ཀན་སུའུ་ཀྲུང་ལུགས་གསོ་རིག་སློབ་ཆེན་གྱི་འབུམ་ཁོ།མཚོ་སྔོན་ཞིང་ཆེན་བོད་སྨན་ཁང་གི་དོན་གྲུབ་ཚེ་རིང་དང་སྟག་འབུམ་རྒྱལ།མཚོ་སྔོན་ཞིང་ཆེན་བོད་ཀྱི་གསོ་རིག་ཞིབ་འཇུག་གླིང་གི་བཀྲ་བྷ།མཚོ་སྔོན་བོད་ཀྱི་གསོ་རིག་རིག་གནས་རྟེན་མཛོད་གླིང་གི་ཚེ་ལོ་ཐར།ཨ་རུ་བོད་སྨན་སྤྱི་གཉེར་པདྨ་ཚེ་རིང་སོགས་འབྲེལ་ཡོད་ཀྱི་ཆེད་མཁས་པ་དང་ཞིབ་འཇུག་པ།དགེ་རྒན་དང་སྨན་པ་ཆེད་མཁས་པ་རྣམས་ཀྱིས་དེབ་གསར་གྱི་ཁྱད་ཆོས་དང་སྦྲགས་ནས་གཏམ་བཤད་དང་བགྲོ་གླེང་འཁྲུག་ཆ་དོད་པོར་བྱས་ལ།སློབ་མ་སོགས་ཚོགས་ཞུགས་པ་ལྔ་བཅུ་ལྷག་མཛད་སྒོར་ཞུགས།...

ཟླ3ཚེས7ཉིན་གྱི་སྔ་དྲོར།མཚོ་སྔོན་ཞིང་ཆེན་གེ་སར་སྒྲུང་ཟློས་གར་ཚོགས་པའམ་མཚོ་ལྷོ་ཁུལ་མི་རིགས་གླུ་གར་ཚོགས་པར་གེ་སར་རིག་གནས་སྲུང་སྐྱོབ་རྒྱུན་འཛིན་རྟེན་གཞིའི་སྒོ་བྱང་འགེལ་བའི་མཛད་སྒོ་བསྡུས་པ་དང་།མཚོ་སྔོན་ཞིང་ཆེན་གེ་སར་སྒྲུང་ཟློས་གར་ཚོགས་པའམ་མཚོ་ལྷོ་ཁུལ་མི་རིགས་གླུ་གར་ཚོགས་པས་གེ་སར་རིག་གནས་སྔོག་འདོན་དང་སྲུང་སྐྱོབ།རྒྱུན་འཛིན་བཅས་ཀྱི་ཐད་གྲུབ་འབྲས་བླ་མེད་བླངས་ཡོད་ཅིང་།དེ་ལས་ཧོར་གླིང་གཡུལ་འགྱེད་དང་འཇང་ཕྲུག་སོགས་གེ་སར་རིག་གནས་མང་པོ་འཁྲབ་སྟོན་བྱས་མྱོང་།...

ཟླ3པའི་ཚེས7ཉིན།“གསུམ་བརྒྱད”རྒྱལ་སྤྱིའི་བུད་མེད་དུས་ཆེན་ཐོན་ལ་ཉེ་བའི་དུས་སུ།ཁུལ་ཨུའི་ཧྲུའུ་ཅི་ལིས་ཀང་གིས་ཁུལ་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་དང་ཁུལ་སྲིད་གཞུང་།ཁུལ་སྲིད་གྲོས་བཅས་ཀྱི་འགན་འཁུར་བློ་མཐུན་གྱི་སྣེ་ཁྲིད་དེ་གུང་ཧོ་རྫོང་ཀྲུང་ལུགས་སྨན་ཁང་དང་ཁུལ་ཁྲིམས་ཁང་།ཁུལ་ཞིབ་དཔྱོད་ཁང་བཅས་སུ་སོང་སྟེ་བུད་མེད་དུས་ཆེན་ལ་འཚམས་འདྲི་ཞུས་པ་དང་འབྲེལ་ཁུལ་ཡོངས་ཀྱི་བུད་མེད་འཐུས་མིའི་བཞུགས་མོལ་ཚོགས་འདུར་ཞུགས་ནས།བུད་མེད་ཀྱི་འཐུས་མི་དང་ཁུལ་ཡོངས་ཀྱི་རྒྱ་ཆེའི་བུད་མེད་རྣམས་ལ་དུས་ཆེན་ལ་བཀྲ་ཤིས་བདེ་ལེགས་ཞུས་པ་དང་།ཁོང་གིས་བུད་མེད་དང་བུད་མེད་མཉམ་འབྲེལ་ལྷན་ཚོགས་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཡི་གསུང་བཤད་གལ་ཆེན་ལ་སློབ་སྦྱོང་གཏིང་ཟབ་བྱས་ནས་ཏང་གི་ཚོགས་ཆེན་ཉི་ཤུ་པའི་ཐབས་ཇུས་བཀོད་སྒྲིག་ཕྱོགས་ཡོངས་ནས་ལག་བསྟར་བྱས་ཏེ“དེང་རབས་ཅན་གྱི་མཚོ་སྔོན་གསར་བ་དྲུག”དང“མཚོ་ལྷོ་དྲུག”འཛུགས་སྐྲུན་བྱེད་པར་བུད་མེད་ཀྱིས་སྟོབས་ཤུགས་གཅིག་ཏུ་སྒྲིལ་ནས་བུད་མེད་ཀྱི་ཉམས་འགྱུར་མངོན་དགོས་ཞེས་ནན་བཤད་གནང་བ་རེད།...

ཟླ3པའི་ཚེས6ཉིན་གྱི་སྔ་དྲོར།མཚོ་ལྷོ་ཁུལ་གྱིས་ཧྲན་ཞི་དང་ཀན་སུའུ།ཉིང་ཞ།མཚོ་སྔོན་བཅས་ཀྱི་ཡུལ་སྐོར་རིག་གནས་ཡུལ་སྐོར་ཐོན་ཁུངས་དྲིལ་སྒྲོག་གི་འོས་སྦྱོར་བྱེད་སྒོ་དེ་ཟི་ལིང་དུ་སྤེལ་བ་དང་།ཞིང་ཆེན་ཕྱི་ནང་གི་ཡུལ་སྐོར་ལས་དོན་ཁང་གི་འཐུས་མི120དང་གསར་འགྱུར་སྨྱན་སྦྱོར20ལྷག་ཙམ།མཚོ་ལྷོ་ཁུལ་གྱི་རིག་གནས་ཡུལ་སྐོར་ཁེ་ལས80བཅས་བྱེད་སྒོར་ཞུགས་ཡོད་པ་རེད།...

ཟླ3པའི་ཚེས4ཉིན།རྨ་ལྷོ་ཚགས་པར་ཁང་དང་རྨ་ལྷོ་ཁུལ་རྩོམ་པ་པོ་མཐུན་ཚོགས་གཉིས་ཀྱིས་གཙོ་སྒྲུབ་གནང་བའི་རྨ་ལྷོ་ཁུལ་གྱི་སློབ་འབྲིང་སློབ་མའི་ལྷུག་རྩོམ་འགྲན་བསྡུར་སྐབས་གཉིས་པའི་བྱ་དགའ་སྤྲོད་པའི་མཛད་སྒོ་རེབ་གོང་དུ་སྤེལ།མཛད་སྒོའི་སྟེང་རྨ་ལྷོ་ཁུལ་ཨུའི་དྲིལ་སྒྲོག་པུའུ་ཡི་པུའུ་ཀྲང་གཞོན་པའམ་རྨ་ལྷོ་ཁུལ་བསམ་པའི་དཔལ་ཡོན་འཛུགས་སྐྲུན་མཛུབ་སྟོན་ཨུ་ཡོན་ལྷན་ཁང་གི་ཀྲུའུ་རེན་རྟ་མགྲིན་རྡོ་རྗེ་དང་།རྨ་ལྷོ་ཁུལ་སློབ་གསོ་ཅུས་ཀྱི་ཅུས་ཀྲང་གཞོན་པ་རྡོ་ལྷ་ཐར།ཐུན་རིན་གྲོང་ཁྱེར་སློབ་གསོ་ཅུས་ཀྱི་ཅུས་ཀྲང་དཀོན་མཆོག་སྐྱབས་སོགས་འབྲེལ་ཡོད་མགོ་ཁྲིད་དང་།རིག་ལྡན་རྒྱ་མཚོ་དང་བྱང་སྒྲ་སྙན་སོགས་རྩོམ་པ་པོ།གཞན་རྨ་ལྷོ་ཁུལ་གྱི་སློབ་འབྲིང་སོ་སོའི་སློབ་གཙོ་དང་དགེ་རྒན།བྱ་དགའ་ཐོབ་པའི་སློབ་མ་བཅས་མི་བརྒྱ་ལྷག་ཚོགས་འདུར་ཞུགས་ཡོད།...

ཟླ12པའི་ཚེས25ཉིན།“ཚོགས་ཆེན་ཉི་ཤུ་པར་དགའ་བས་རྟེན་འབྲེལ་ཞུ·དུས་རབས་གསར་པར་བསྟོད་གླུ་ཕུལ།རྒྱལ་ཁབ་ཀྱི་མཐའ་བརྟན་མཐའ་དར་དང་དམངས་ཕྱུག་གི་བྱ་སྤྱོད་དཔེ་སྟོན་ཁུལ་གཏོད་པ”བརྗོད་གཞི་ཡིན་པའི་བོད་ལྗོངས་ཇོ་མོ་གླང་མའི་པར་རིས་འགྲེམས་ཚོགས་སྐབས་བཅོ་ལྔ་པ་བོད་ལྗོངས་གཡག་རྟེན་མཛོད་ཁང་དུ་གཉེར་མགོ་ཚུགས་པ་རེད།...

མཚོ་སྔོན་ཞིང་ཆེན་ཚན་རིག་ལག་རྩལ་བྱ་དགའི་ཚོགས་ཆེན་ཟླ12པའི་ཚེས21ཉིན་ཟི་ལིང་དུ་བསྡུས།ཚོགས་འདུའི་སྟེང་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར་བྱས་པ་དང་།སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཚན་རྩལ་གསར་གཏོད་སྐོར་གྱི་གསུང་བཤད་གལ་ཆེན་དང་མཚོ་སྔོན་དུ་གཟིགས་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་ལག་བསྟར་གཏིང་ཟབ་བྱས་ལ།རང་ཞིང་གི་ཚན་རྩལ་ཡར་ཐོན་དང་དཔལ་འབྱོར་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་བར་བྱས་རྗེས་འབུར་ཐོན་བཞག་པའི་ཚན་རྩལ་མི་སྣ་དང་ཚན་རིག་ཞིབ་འཇུག་དཔུང་སྡེ་ལ་གཟེངས་བསྟོད་བྱ་དགའ་སྤྲད་པ་དང་།ཞིང་ཆེན་ཡོངས་ཀྱིས་གསར་གཏོད་ཀྱིས་འཕེལ་རྒྱས་ལ་སྣེ་ཁྲིད་པའི་འཐབ་ཇུས་ལག་བསྟར་བྱེད་པར་སྐུལ་སློང་བྱས་ནས།ཁྱོན་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་མཚོ་སྔོན་གྱི་ལེའུ་རྩོམ་ཆེད་ཚན་རྩལ་གྱི་འདེགས་སྐྱོར་འདོན་སྤྲོད་བྱས།...