ཟླ6པའི་ཚེས22ཉིན་གྱི་སྔ་དྲོ།ལྷ་ས་གྲོང་ཁྱེར་མི་དམངས་སྲིད་གཞུང་གིས་གཙོ་གཉེར་བྱས་ཤིང་།ལྷ་ས་གྲོང་ཁྱེར་ལུས་རྩལ་ཅུས་དང་ལྷ་ས་གྲོང་ཁྱེར་ཞིང་ལས་གྲོང་གསེབ་ཅུས(གྲོང་གསེབ་དར་རྒྱས་ཅུས)ཀྱིས་སྒྲུབ་འགན་འཁུར་བའི་ལྷ་ས་ཞིང་འབྲོག་མང་ཚོགས་ཀྱི་ལུས་རྩལ་འགྲན་ཚོགས་སྐབས་དང་པོ་གྲོང་ཁྱེར་མང་ཚོགས་རིག་གནས་ལུས་རྩལ་ལྟེ་གནས་ལུས་རྩལ་ཐང་དུ་འགོ་ཚུགས་པ་རེད།ཚེས23ཉིན་གྱི་ཕྱི་དྲོར།གཡག་རྒྱུག་འགྲན་བསྡུར་གྱི་གྲ་སྒྲིག་འགྲན་བསྡུར་དང་རྟིང་རྩོད་འགྲན་བསྡུར་གཉིས་རྟ་རྒྱུག་ཐང་དུ་གཉེར་ཞིང་།འགྲན་བསྡུར་ཡུལ་དངོས་སུ་འཁྲུག་ཆ་དོད་པ་དང་དགའ་འབོད་ཀྱི་སྒྲ་མཚམས་མི་ཆད་པར་གྲགས།གཡག་རྒྱུག་འགྲན་བསྡུར་ནི་བོད་རིགས་ཀྱི་སྲོལ་རྒྱུན་ལུས་རྩལ་རྣམ་གྲངས་ཤིག་ཡིན་པ་དང་།ཉམས་མྱོང་ཕུན་སུམ་ཚོགས་པའི་འབྲོག་པས་གཡག་གི་བང་རྩལ་འགྲན་པའི་ལུས་རྩལ་ཞིག་རེད།འགྲན་བསྡུར་བྱེད་སྐབས་འབྲོག་པ་ཚོ་འགོ་ཐིག་ཏུ་བསྡད་ནས་རྒྱུག་བརྡ་བཏང་རྗེས་གཡག་ལ་ཁ་ལོ་གཅུན་ཏེ་སྔོན་ལ་མཇུག་ཐིག་ཏུ་སླེབས་མཁན་རྒྱལ་བར་བརྩི་བཞིན་ཡོད།...

དབྱར་ཟླ་དྲུག་པའི་འབྲོག་པའི་རྩྭ་ཐང་ནི་ལྗང་མདོག་གི་གོས་ཆེན་འཛིན་མའི་ཁྱོན་ལ་གཡོགས་པ་དང་།ནོར་འཛིན་སྒེག་མོས་དབྱར་གྱི་གཞོན་ཤ་དོད་ཅིང་མཛེས་པ་ཐམས་ཅད་སྦ་གསང་མེད་པར་མངོན་པ་དང་ཀུན་ནས་མཚུངས།ཟླ༦ཚེས༡༩ཉིན།དཔའ་རིས་བོད་རང་སྐྱོང་རྫོང་བོད་སྐད་ཡིག་ཁྲིད་སྟོན་ལྟེ་བས་རྒྱལ་ཁབ་རིམ་པའི་གཟུགས་མེད་རིག་གནས་ལུས་ཤུལ་དཔའ་རིས་དམངས་གླུའི་བརྒྱུད་ཁྲིད་བསྐྱེད་བསྲིང་ལས་འགུལ་སྤེལ།...

སྤྱི་ཟླ6ཚེས9ཉིན།ལྔ་པའི་ཚེས་ལྔའི་དུས་ཆེན་ལ་རྟེན་འབྲེལ་ཞུ་བའི2024ལོའི་བོད་རང་སྐྱོང་ལྗོངས་ཀྱི་ཀོ་གྲུ་དང་འབྲུག་གྲུའི་འགྲན་བསྡུར་དེ་ལྷ་ས་གྲོང་ཁྱེར་དུ་གཉེར་ཡོད།ཤེས་རྟོགས་བྱུང་བར་གཞིགས་ན།ད་ཐེངས་ཀྱི་འགྲན་བསྡུར་དེར་ཀོ་གྲུ་རུ་ཁག20དང་།འབྲུག་གྲུ་རུ་ཁག6བཅས་ཁྱོན་བོད་ལྗོངས་ས་གནས་ཁག་གི་འཐུས་མི་རུ་ཁག26ཞུགས་ཡོད།དེ་ནི་བོད་ལྗོངས་ལྷ་སར་གཉེར་བའི་ཀྲུང་གོའི་ས་བབ་མཐོ་ཤོས་ཀྱི་འབྲུག་གྲུའི་འགྲན་བསྡུར་ཐོག་མ་དེ་ཡིན་པ་རེད།...

སྤྱི་ལོ༢༠༢༤ལོའི་ཟླ༦པའི་ཚེས༡ཉིན་གྱི་ཞོགས་པར།མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་གཉིས་པས་སློབ་གྲྭའི་ལུས་རྩལ་ར་བར་མཐོ་གསུམ་སློབ་མའི་མཐར་ཕྱིན་མཛད་སྒོ་སྐབས༢༩པ་གཟབ་རྒྱས་ངང་འཚོགས།ཏང་ཨུའི་ཧྲུའུ་ཅི་བསོད་ནམས་རྡོ་རྗེ་དང་སློབ་གཙོ་ཕྱུག་ལོ་གཙོ་བྱས་སློབ་གྲྭའི་དབུ་ཁྲིད་རྣམ་པ་དང་།དགེ་སློབ་ལྷན་རྒྱས།ཕྱོགས་ཡོངས་ནས་ཕེབས་པའི་ཁྱིམ་བདག་རྣམ་པ་བཅས་མཐར་ཕྱིན་མཛད་སྒོར་ཞུགས།...

རེབ་འདིའི་འགྲེམས་སྟོན་ཚན་པ་གསུམ་དུ་བཀར་ཡོད་ཅིང་།ཁྱོན་བསྡོམས་བརྩམས་ཆོས100འགྲེམས་སྟོན་བྱས་ཡོད་པ་དང་འགྲེམས་སྟོན་དུས་ཡུན་ཟླ་བ་གཅིག་རེད།ཚན་པ་དང་པོ«མི་ཚུལ་རིང་ལུགས་ཀྱི་དེད་དཔོན་ཆེན་མོ་སྟེ་དགེ་འདུན་ཆོས་འཕེལ་དང་ཁོང་གི་སྒྱུ་རྩལ་བརྩམས་ཆོས»སུ་དགེ་འདུན་ཆོས་འཕེལ་གྱི་སྒྱུ་རྩལ་བརྩམས་ཆོས33འགྲེམས་སྟོན་བྱས་ཡོད་པ་དང་། ཚན་པ་གཉིས་པ«དུས་རབས་ཤིག་གི་སྐྱེས་ཆེན་ཏེ་ཨ་མདོ་བྱམས་པ་དང་ཁོང་གི་སྒྱུ་རྩལ་བརྩམས་ཆོས»སུ་ཨ་མདོ་བྱམས་པའི་ཐང་ག་སྒྱུ་རྩལ་བརྩམས་ཆོས40འགྲེམས་སྟོན་བྱས་ཡོད།ཚན་པ་གསུམ་པ«མི་རབས་བར་གྱི་རྒྱུན་འཛིན་ཏེ་ཐང་ག་སྒྱུ་རྩལ་གྱི་རྒྱུན་འཛིན་དང་གསར་གཏོད»དུ་དགེ་འདུན་ཆོས་འཕེལ་དང་ཨ་མདོ་བྱམས་པའི་ཐང་ག་སྒྱུ་རྩལ་གྱི་ལད་འབྲི་དང་རྒྱུན་འཛིན་གྱི་སྒྱུ་རྩལ་བརྩམས་ཆོས27འགྲེམས་སྟོན་བྱས་ཡོད།...

རྩོམ་རིག་གཞུང་ལུགས་ལ་བློ་སྦྱོང་ལྡན་ཞིང་རྩོམ་འབྲིའི་ལག་ལེན་ལ་ནང་བྱན་ཆུད་པ།བརྩམས་ཆོས་འབྲི་སྦྱོང་གི་མཛུབ་སྟོན་ལ་ཉམས་མྱོང་མོད་པའི་དགེ་རྒན་དུ་མས་རིས་སུ་མ་ཆད་པའི་སྐར་གྲངས་བཀོད་རྗེས་ཨང་རིམ་བཀར།དེ་ལས་ཏཱ་རེ་སྒྲོལ་མ་སོགས་སློབ་བུ༧༩ལ་རྟིང་སྐུལ་བྱ་དགའ་དང་།བུན་ཁྲང་ཚེ་རིང་སོགས་སློབ་བུ༨༥ལ་ཕུལ་བྱུང་བྱ་དགའ། གནམ་བྱམས་སྒྲོལ་མ་སོགས་སློབ་བུ༡༥ལ་ཨང་གསུམ་པའི་བྱ་དགའ། བཀྲ་ཤིས་མཚོ་སོགས་སློབ་བུ༡༥ལ་ཨང་གཉིས་པའི་བྱ་དགའ།སྙིང་དཀར་སྐྱིད་སོགས་སློབ་བུ༤ལ་ཨང་དང་པོའི་བྱ་དགའ་ཐོབ་ཅིང་།སློབ་བུ་ཚེ་རིང་སྒྲོལ་མ་ལ་ཐེངས་འདིའི་རྩོམ་པ་པོ་ཆུང་ཆུང་རྟགས་མའི་རྩོམ་ཡིག་འགྲན་སྡུར་ཁྲོད་སློབ་རའི་རྩོམ་པ་པོ་ཆུང་ཆུང་གི་མཚན་སྙན་ཐོབ།...

དབྱར་ཟླ་ལྔ་བའི་བསིལ་རླུང་དྲོ་ཞིང་འཇམ་ཤ་དོད་ལ།དབྱར་ཟླ་ལྔ་བའི་ཉི་འོད་འཛིན་མའི་ཁྱོན་ལ་འཁྱུད་ཅིང་སྐྱེ་རྒུར་གསོན་ཤུགས་སྦྱིན།ཟླ༥ཚེས༡༥ཉིན།དཔའ་རིས་རྫོང་བོད་སྐད་ཡིག་ཁྲིད་སྟོན་ལྟེ་བས་རྒྱལ་ཁབ་རིམ་པའི་རྫས་མིན་རིག་གནས་ཤུལ་བཞག་དཔའ་རིས་དམངས་གླུ་དང་།གྲོང་ཁྱེར་རིམ་པའི་རྫས་མིན་རིག་གནས་ཤུལ་བཞག་དཔའ་རིས་བཤད་པ་བཅས་ཀྱི་བརྒྱུད་ཁྲིད་ལས་འགུལ་སྤེལ།...