ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཏང་གི་ལོ་རྒྱུས་སློབ་སྦྱོང་སློབ་གསོའི་ཆེད་དོན་དམངས་གཙོའི་འཚོ་བའི་ཚོགས་འདུའི་ཐོག་གི་གསུང་བཤད།

       རྒྱུགས་འབུལ་ལམ་བུ་གསར་པར་ང་ཚོས་མུ་མཐུད་རྒྱུགས་ལན་ཡག་པོ་འབུལ་ཐུབ་མིན་གྱི་འགག་རྩ་ནི་བློ་བརྟན་འགྱུར་མེད་ཀྱི་ལོ་རྒྱུས་ཀྱི་གདེང་ཚོད་ཡོད་མེད་ལ་ཐུག་ཡོད། ལོ་ངོ་བརྒྱའི་རིང་། རང་རེའི་ཏང་གིས་ཀྲུང་གོའི་མི་དམངས་ལ་བདེ་སྐྱིད་དང་ཀྲུང་ཧྭ་མི་རིགས་བསྐྱར་དར་ལ་གཞོལ་བ་དང་། མིའི་རིགས་ལ་ཡར་རྒྱས་བརྩོན་ལེན་དང་འཛམ་གླིང་སྤྱི་སྙོམས་ཆེན་པོར་གཞོལ་ནས་གནམ་འོག་སྤྱི་ལ་དབང་བ་དང་འཛམ་གླིང་གི་འགྲོ་ལམ་ཡང་དག་གཏོད་པ་ནི་རང་རེའི་ཏང་ལ་ལོ་རྒྱུས་ཀྱི་གདེང་ཚོད་ལྡན་པའི་གདིང་ཤུགས་ཆེ་ཤོས་ཤིག་དང་རང་རེའི་ཏང་གིས་ཀྲུང་གོར་སྲིད་འཛིན་པ་དང་ཡུན་རིང་སྲིད་འཛིན་པའི་ལོ་རྒྱུས་ཀྱི་གདེང་ཚོད་ཅིག་རེད་ལ། རང་རེའི་ཏང་གིས་མི་དམངས་ལ་མཐུན་སྒྲིལ་སྣེ་ཁྲིད་བྱས་ནས་མུ་མཐུད་མདུན་སྐྱོད་བྱེད་པའི་ལོ་རྒྱུས་ཀྱི་གདེང་ཚོད་ཅིག་ཀྱང་རེད། ད་ལྟ་ཀྲུང་གོ་གུང་ཁྲན་ཏང་གིས་ལོ་རྒྱུས་དང་མི་དམངས་ཀྱི་གདམ་ག་ཆུད་ཟོས་སུ་བཏང་མེད་ཅེས་ང་ཚོས་བཤད་ཆོག