«ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་དང་འཕེལ་རྒྱས་གཏོང་རྒྱུ་དཀྱུས་གཅིག་ཏུ་དོན་འཁྱོལ་བྱེད་དགོས།»

       ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ནི་རྩོལ་མེད་དུ་བྱུང་བ་ཞིག་མ་ཡིན་པར་དེ་ནི་བསྒྱུར་བཅོས་སྒོ་འབྱེད་བྱས་ནས་ལོ་ངོ༤༠རིང་གི་ལག་ལེན་རླབས་པོ་ཆེ་ལས་བྱུང་བ་དང་། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ༧༠ལ་ཉེ་བའི་རིང་བསྟུད་མར་འཚོལ་ཞིབ་བྱས་པ་ལས་བྱུང་བ། ང་ཚོའི་ཏང་གིས་མི་དམངས་ལ་འགོ་ཁྲིད་བྱས་ནས་སྤྱི་ཚོགས་གསར་བརྗེ་རླབས་པོ་ཆེ་བྱས་པའི་ལོ་ངོ༩༧རིང་གི་ལག་ལེན་ལས་བྱུང་བ། ཉེ་རབས་ནས་བཟུང་ཀྲུང་ཧྭ་མི་རིགས་ཉམས་རྒུད་ནས་དར་རྒྱས་སུ་སྐྱོད་པའི་ལོ་ངོ༡༧༠ལྷག་རིང་གི་ལོ་རྒྱུས་འཕེལ་རིམ་ལས་བྱུང་བ། ཀྲུང་ཧྭའི་ཤེས་དཔལ་ལོ་ངོ༥༠༠༠ལྷག་ལ་འཛིན་སྐྱོང་སྤེལ་གསུམ་བྱས་པ་ལས་བྱུང་བ། ཏང་དང་མི་དམངས་ཀྱིས་དཀའ་སྡུག་ཚད་མེད་མྱངས་ཤིང་རིན་དོད་སྣ་ཚོགས་བཏང་ནས་ཐོབ་པ་བཅས་ཀྱི་རིན་ཐང་གཞལ་མེད་ཀྱི་གྲུབ་འབྲས་ཤིག་ཡིན། གྲུབ་འབྲས་འདི་ནི་ལས་སླ་པོར་ཐོབ་པ་ཞིག་མ་རེད།