ཞི་ཅིན་ཕིང་གིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དང་པོའི་སྟེང་གནང་བའི་གསུང་བཤད།

       དར་ཆ་གསལ་སྒྲེང་སྒོས་ཆབ་སྲིད་ལ་སྣང་ཆེན་དང་། ཆབ་སྲིད་ཐད་ཀྱི་གོ་ཤེས་ཅན་ཞིག་བྱེད་པ། དམངས་གཙོ་གཅིག་སྡུད་ལམ་ལུགས་ལག་བསྟར་བྱེད་པར་མིག་དཔེ་སྟོན་པ། ཏང་ཀྲུང་དབྱང་གི་དབང་གྲགས་དང་གཅིག་སྡུད་གཅིག་གྱུར་གྱི་མགོ་ཁྲིད་ལ་སྲུང་སྐྱོང་བྱེད་རྒྱུ་དེ་ཆེས་གཞི་རྩའི་ཆབ་སྲིད་སྒྲིག་ཁྲིམས་དང་ཆབ་སྲིད་སྒྲིག་སྲོལ་དུ་བརྩི་ཞིང་། ཏང་ཀྲུང་དབྱང་གི་ཇུས་གཅོད་བཀོད་སྒྲིག་རྦད་ཆོད་ཀྱིས་ལག་བསྟར་མཐའ་འཁྱོལ་བྱེད་དགོས། དུས་རྒྱུན་དུ་ཏང་ཀྲུང་དབྱང་དང་དཔེ་བསྡུར་ཚད་འཛིན་བྱེད་པ་དང་། རང་རྟོགས་ཀྱིས་བསམ་བློའི་ཐད་དང་ཆབ་སྲིད་ཀྱི་ཐད། བྱ་སྤྱོད་ཀྱི་ཐད་ནས་ཏང་ཀྲུང་དབྱང་དང་གཅིག་གྱུར་ཚད་མཐོན་པོ་བྱེད་པ་སྲུང་འཛིན་བྱེད་ཅིང་། དུས་ཐོག་ཏུ་ཐལ་སྐྱོན་ལ་ཡོ་བསྲང་བྱས་ཐོག་གཅོག་འཕྲི་མི་བྱེད་པ་དང་། འགྱུར་བ་མི་གཏོང་བ། བཟོ་ལྟ་མི་འཆོལ་བ་བཅས་བྱས་ཏེ། གང་འདོད་དེ་སྒྲུབ་དང་རང་ཐག་རང་གཅོད་གཏན་ནས་བྱ་མི་རུང་།