«ཀྲུང་གོའི་མི་དམངས་ཆབ་སྲིད་གྲོས་མོལ་ཚོགས་འདུ་དབུ་བརྙེས་ནས་ལོ་ངོ༦༥འཁོར་བར་རྟེན་འབྲེལ་ཞུ་བའི་ཚོགས་ཆེན་ཐོག་གི་གསུང་བཤད།»

       གྲོས་མོལ་དམངས་གཙོ་ནི་ཀྲུང་གོའི་སྤྱི་ཚོགས་རིང་ལུགས་ཀྱི་དམངས་གཙོའི་ཆབ་སྲིད་ཀྱི་གོ་རིམ་ཧྲིལ་པོར་ཕྲ་བཏབ་པ་ལྟར་གཞི་ཚུགས་ཡོད། ཀྲུང་གོའི་སྤྱི་ཚོགས་རིང་ལུགས་ཀྱི་གྲོས་མོལ་དམངས་གཙོ་ཡིས་ཀྲུང་གོའི་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་བྱས་ཡོད་ལ། ཕྱོགས་སོ་སོའི་དགེ་མཚན་ལྡན་པའི་ནུས་པ་ཡང་འདོན་སྤེལ་བྱས་ཡོད་པ་དང་། མི་དམངས་ཀྱི་བྱེད་པོའི་གོ་གནས་རྒྱུན་འཁྱོངས་བྱས་ཡོད་ལ། དམངས་གཙོ་གཅིག་སྡུད་ལམ་ལུགས་ཀྱི་འགོ་ཁྲིད་ལམ་ལུགས་དང་རྩ་འཛུགས་ཀྱི་རྩ་དོན་ཡང་ལག་ལེན་མཐར་ཕྱིན་བྱས་ཡོད། མི་དམངས་དམངས་གཙོའི་རྩ་དོན་རྒྱུན་འཁྱོངས་བྱས་ཡོད་ལ་མཐུན་སྒྲིལ་དང་ཞི་མཐུན་གྱི་བླང་བྱའང་ལག་ལེན་མཐར་ཕྱིན་བྱས་ཡོད། ཀྲུང་གོའི་སྤྱི་ཚོགས་རིང་ལུགས་ཀྱི་གྲོས་མོལ་དམངས་གཙོས་དམངས་གཙོའི་རྣམ་པ་གྲ་རྒྱས་ཕུན་ཚོགས་བཟོས་ཡོད་པ་དང་། དམངས་གཙོའི་ཐབས་ལམ་རྒྱ་སྐྱེད་བཏང་ཡོད་ལ། དམངས་གཙོའི་གོ་དོན་ཇེ་ཟབ་ཏུ་བཏང་ཡོད།