ཀྲུང་དབྱང་དམག་ཨུའི་གཞི་རིམ་འཛུགས་སྐྲུན་ཚོགས་འདུའི་ཐོག་གནང་བའི་གསུང་བཤད།

       དུས་རབས་གསར་པའི་རང་དམག་གི་གཞི་རིམ་འཛུགས་སྐྲུན་ལ་ཤུགས་རྒྱག་རྒྱུ་ནི་དམག་དཔུང་སྟོབས་ལྡན་དང་དར་རྒྱས་གཏོང་བའི་གཞི་རྩ་གནས་ས་དང་སྟོབས་ཤུགས་གནས་ས་ཡིན། དམག་ཡོངས་ཀྱིས་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྟོན་དུ་འཛིན་རྒྱུ་རྒྱུན་འཁྱོངས་བྱས་ཏེ། དུས་རབས་གསར་པའི་ཏང་གི་དམག་དཔུང་སྟོབས་ལྡན་དུ་གཏོང་བའི་དགོངས་པ་ལག་བསྟར་གཏིང་ཟབ་དང་། དུས་རབས་གསར་པའི་དམག་དོན་འཐབ་ཇུས་བྱེད་ཕྱོགས་ལག་བསྟར་གཏིང་ཟབ། “རྒྱུན་འཁྱོངས་བཞིའི་གནད་འགག”གི་བླང་བྱ་དོན་འཁྱོལ། སྲོལ་རྒྱུན་བཟང་པོ་དར་སྤེལ། བསྒྱུར་བཅོས་གསར་གཏོད་བྱེད་ཤུགས་ཆེ་རུ་གཏོང་བ་བཅས་བྱས་ནས། ཕྱོགས་ཡོངས་ནས་ཏང་གི་བཀའ་ལ་ཉན་པ་དང་ཏང་གི་རྗེས་སུ་འབྲང་བའི་ཉམས་སད་ཐེག་ཐུབ་པའི་གཞི་རིམ་དང་། དམག་རྒྱག་ཐུབ་པ་དང་རྒྱལ་ཁ་ལེན་ཐུབ་པའི་ཉམས་སད་ཐེག་ཐུབ་པའི་གཞི་རིམ། སྒྲིག་ཁྲིམས་ནན་པོ་དང་དར་སྲོལ་གཞུང་དྲང་གི་ཉམས་སད་ཐེག་ཐུབ་པའི་གཞི་རིམ་བཅས་སྐྲུན་བཟོ་བྱས་ཏེ། དམག་དཔུང་སྟོབས་ལྡན་དུ་གཏོང་བའི་བྱ་གཞག་ལ་སྐུལ་འདེད་གཏོང་ཆེད་རྨང་གཞི་བརྟན་པོ་དང་འདེགས་སྐྱོར་འདོན་སྤྲོད་བྱེད་དགོས།