«ལག་གདང་སྦྲེལ་ནས་མཚོ་འགག་ངོགས་གཉིས་ཀྱི་འབྲེལ་བ་ཞི་བའི་གོང་འཕེལ་འགྲོ་བའི་གནས་སྟངས་ཆེན་མོ་སྲ་བརྟན་གཏོང་དགོས།»

       ངོགས་གཉིས་ཀྱི་སྤུན་ཟླ་ལ་བདེ་སྐྱིད་མང་ཙམ་བསྐྲུན་རྒྱུ་རྒྱུན་འཁྱོངས་བྱེད་དགོས། ངོགས་གཉིས་ཁྱིམ་ཚང་གཅིག་ཡིན་ལ། ནང་མི་མཐུན་ན་དོན་ཀུན་འགྲུབ་པ་རེད། ང་ཚོས་ངོགས་གཉིས་ཀྱི་འབྲེལ་བ་ཞི་བའི་གོང་འཕེལ་འགྲོ་བར་སྐུལ་འདེད་གཏོང་སྐབས། དམིགས་ཡུལ་ནི་སྤུན་ཟླའི་བར་གྱི་བརྩེ་དུང་དང་བསོད་བདེ་ཆེ་རུ་གཏོང་རྒྱུ་དང་། ངོགས་གཉིས་ཀྱི་སྤུན་ཟླ་ཚོར་སྔར་བས་བདེ་སྐྱིད་ལྡན་པའི་འཚོ་བ་རོལ་དུ་འཇུག་རྒྱུ་དེ་ཡིན། ངོགས་གཉིས་ཀྱི་སྤུན་ཟླའི་བར་གྱི་བརྩེ་དུང་དང་བསོད་བདེ་ཆེ་རུ་གཏོང་བར་ཕན་ཐོགས་ཡོད་པ་དང་། ངོགས་གཉིས་ཀྱི་འབྲེལ་བ་ཞི་བའི་གོང་འཕེལ་འགྲོ་བར་ཕན་ཐོགས་ཡོད་པ། ཀྲུང་ཧྭ་མི་རིགས་སྤྱི་ཡོངས་ཀྱི་ཁེ་ཕན་སྲུང་སྐྱོང་བྱེད་པར་ཕན་ཐོགས་ཡོད་པ་བཅས་ཀྱི་བྱ་བ་ཞིག་ཡིན་ཕྱིན། ངོགས་གཉིས་ཀྱི་ཕྱོགས་གཉིས་ཀས་ནུས་ཤུགས་ཡོད་རྒུ་བཏོན་ནས་སྒྲུབ་དགོས་པར་མ་ཟད་དོན་བཟང་འདི་ཡག་པོ་སྒྲུབ་དགོས།