“རྒྱུད་གཅིག་ལམ་གཅིག”འཛུགས་སྐྲུན་གྱི་གནས་ངེས་ནི་རང་རྒྱལ་གྱིས་ཕྱི་ཕྱོགས་ལ་སྒོ་མོ་འབྱེད་རྒྱ་ཆེ་རུ་གཏོང་བའི་འཐབ་ཇུས་ཀྱི་བྱེད་ཐབས་གལ་ཆེན་དང་དཔལ་འབྱོར་ཕྱི་འབྲེལ་གྱི་རྩེ་རིམ་ཇུས་འགོད་ཡིན་པ་དང་།ཕྱིན་ཆད་དུས་ཡུན་ཧ་ཅང་རིང་པོའི་ནང་རང་རྒྱལ་གྱིས་ཕྱི་ཕྱོགས་ལ་སྒོ་མོ་འབྱེད་པ་དང་ཕྱི་ཕྱོགས་དང་མཉམ་ལས་བྱ་རྒྱུའི་དོ་དམ་བྱེད་ཕྱོགས་ཀྱི་སྤྱིའི་འཆར་འགོད་ཡིན་ལ།རང་རྒྱལ་གྱིས་གོ་ལ་ཧྲིལ་པོའི་བཅོས་སྐྱོང་མ་ལག་ལ་འགྱུར་ལྡོག་གཏོང་བའི་རང་འགུལ་གྱི་བྱ་སྤྱོད་ཅིག་ཀྱང་ཡིན།...

“རྒྱུད་གཅིག་ལམ་གཅིག”འཛུགས་སྐྲུན་བྱེད་པར་མཉམ་གྲོས་དང་།མཉམ་སྐྲུན།མཉམ་སྤྱོད་བཅས་ཀྱི་རྩ་དོན་བཟུང་ཡོད་ལ།དེ་ནི་བཀག་སྡོམ་མ་ཡིན་པར་སྒོ་འབྱེད་ཁོང་ཡངས་ཡིན་པ་དང་།ཀྲུང་གོའི་ཁེར་དཀྲོལ་རོལ་མོ་མ་ཡིན་པར་ལམ་རྒྱུད་རྒྱལ་ཁབ་ཀྱི་མཉམ་ལེན་རོལ་མོ་ལྟ་བུ་ཡིན།“རྒྱུད་གཅིག་ལམ་གཅིག”འཛུགས་སྐྲུན་བྱེད་པ་ནི་ད་ཡོད་ས་ཁུལ་གྱི་མཉམ་ལས་ལམ་སྲོལ་དང་གྲོས་འགོ་ཡི་ཚབ་བྱེད་པ་མ་ཡིན་པར།སྔར་ཡོད་ཀྱི་རྨང་གཞིའི་ཐོག་ལམ་རྒྱུད་རྒྱལ་ཁབ་ཀྱི་འཕེལ་རྒྱས་འཐབ་ཇུས་ཕན་ཚུན་འབྲེལ་མཐུད་དང་ལེགས་ཆ་གསབ་རེས་བྱ་རྒྱུ་མངོན་འགྱུར་ཡོང་བར་སྐུལ་འདེད་གཏོང་བ་ཡིན།...

བསྒྱུར་བཅོས་ཞེས་པའི་གནད་འགག་གི་ཐབས་བཀོད་འདི་བེད་སྤྱོད་ཡག་པོ་བྱས་ཏེ་སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་བསྒྱུར་བཅོས་ཀྱི་ཁ་ཕྱོགས་རྒྱུན་འཁྱོངས་དང་།བསྒྱུར་བཅོས་དེ་མ་ལག་འདུས་གྲུབ་དང་མཐུན་སྦྱོར་ཆོད་ཆེ་ཡོང་བར་ཤུགས་རྒྱག་པ།སྒྲིག་སྲོལ་རང་བཞིན་གྱི་འགོག་རྐྱེན་དང་།ལམ་སྲོལ་རང་བཞིན་གྱི་བཀག་འགོགགསར་གཏོད་རང་བཞིན་གྱི་སྲིད་ཇུས་བཅས་ཐག་གཅོད་བྱེད་པའི་བསྒྱུར་བཅོས་ཀྱི་གྲུབ་འབྲས་སྲ་བརྟན་དང་གཏིང་ཟབ་ཏུ་བཏང་སྟེ།ཁྱབ་ཁོངས་གལ་ཆེན་དང་འགག་རྩའི་ལྷུ་ཚིགས་སུ་ཐོད་བརྒལ་གསར་པ་ཡོང་བར་བྱེད་དགོས།...

ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱ་རྒྱུ་དེ་ཏང་དང་མི་དམངས་ཀྱི་བྱ་གཞག་གི་མདུན་ལམ་དང་ལས་དབང་དང་འབྲེལ་བ་ཡོད་ལ།ཏང་གི་སྲིད་སྐྱོང་རྨང་གཞི་དང་སྲིད་སྐྱོང་གོ་གནས་དང་འབྲེལ་ཡོད།...

བསྒྱུར་བཅོས་སྒོ་འབྱེད་ནི་ཏང་དང་མི་དམངས་ཀྱི་བྱ་གཞག་གོམ་སྟབས་ཆེན་པོས་དུས་རབས་ཀྱི་རྗེས་ཟིན་པར་བྱེད་པའི་ཐབས་མཆོག་གལ་ཆེན་ཞིག་ཡིན་པ་དང་།ཏང་དང་རྒྱལ་ཁབ་ཀྱི་སྐྱེ་སྟོབས་དང་གསོན་ཤུགས་མཐའ་འཁྱོངས་བྱེད་པའི་གནད་འགག་ཡིན་པ།དེང་རབས་ཀྲུང་གོའི་ཁྱད་ཆོས་མངོན་གསལ་དོད་ཤོས་ཡིན་ལ།དེང་རབས་ཀྲུང་གོའི་གུང་ཁྲན་ཏང་མིའི་གཤིས་རྒྱུད་མངོན་གསལ་དོད་ཤོས་ཤིག་ཀྱང་ཡིན།...

ཚན་རྩལ་གྱི་རང་ཚུགས་རང་དར་ནི་རྒྱལ་ཁབ་སྟོབས་འབྱོར་མངའ་ཐང་རྒྱས་པའི་རྨང་གཞི་དང་བདེ་འཇགས་ཡོང་བའི་གནད་འགག་ཡིན།...

གསར་གཏོད་ནི་འཕེལ་རྒྱས་སྣེ་ཁྲིད་བྱེད་པའི་སྒུལ་ཤུགས་ཨང་དང་པོ་ཡིན།གསར་གཏོད་དམ་འཛིན་བྱེད་པ་ནི་འཕེལ་རྒྱས་དམ་འཛིན་བྱེད་པ་ཡིན་ལ།གསར་གཏོད་དོན་གཉེར་བྱེད་པ་ནི་འབྱུང་འགྱུར་དོན་གཉེར་བྱེད་པ་རང་ཡིན།...

གསར་གཏོད་ནི་འཕེལ་རྒྱས་ལ་སྣེ་ཁྲིད་བྱེད་པའི་སྒུལ་ཤུགས་ཨང་དང་པོ་ཡིན་པ་དང་།ཤེས་བྱའི་ཐོན་དབང་སྲུང་སྐྱོབ་བྱེད་པ་ནི་གསར་གཏོད་སྲུང་སྐྱོབ་བྱེད་པ་ཡིན།ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པར་ངེས་པར་དུ་ཤེས་བྱའི་ཐོན་དབང་སྲུང་སྐྱོབ་བྱེད་པའི་ལས་དོན་ལ་སྐུལ་འདེད་སྔར་ལས་ལེགས་པ་གཏོང་དགོས།...

སློབ་གསོ་དང་སློབ་ཁྲིད་བསྒྱུར་བཅོས་ཟབ་སྤེལ་དང་།སློབ་གྲྭའི་སློབ་གསོའི་གཡུལ་ས་གཙོ་བོའི་ནུས་པ་ཆེ་རུ་གཏོང་བ།ཕྱོགས་ཡོངས་ནས་སློབ་གྲྭའི་སློབ་ཁྲིད་སྤུས་ཚད་མཐོར་འདེགས་གཏོང་བ།སློབ་སྦྱོང་གི་ཁུར་པོ་ལྕི་དྲགས་པ་དང་སློབ་ཕྱིའི་གསོ་སྦྱོང་གི་ཁུར་པོ་དངོས་གནས་ཇེ་ཡང་དུ་གཏོང་བ་བཅས་བྱས་ཏེ།མི་དམངས་ཀྱི་བློ་ལ་འབབ་པའི་སློབ་གསོ་ལེགས་པོར་གཉེར་དགོས།...

ཀྲུང་གོའི་ས་གཞི་ཆེན་མོར་གཞི་ཚུགས་ནས་སློབ་གསོ་གཉེར་རྒྱུ་རྒྱུན་འཁྱོངས་བྱེད་དགོས།ཀྲུང་གོའི་བྱ་བ་རྣམས་ངེས་པར་དུ་ཀྲུང་གོའི་ཁྱད་ཆོས་དང་ཀྲུང་གོའི་དོན་དངོས་གཞིར་བཟུང་ནས་སྒྲུབ་དགོས།ངེས་པར་དུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་སློབ་གསོའི་འཕེལ་རྒྱས་འགྲོ་ལམ་རྒྱུན་འཁྱོངས་དང་།ཀྲུང་གོར་རྩ་བ་ཚུགས་པ།ཀྲུང་ཕྱི་མཉམ་འདྲེས་བྱེད་པ།དུས་རབས་ལ་གཞི་ཚུགས་པ།འབྱུང་འགྱུར་ལ་ཁ་ཕྱོགས་པ་བཅས་བྱས་ནས།ཀྲུང་གོའི་ཁྱད་ཆོས་དང་འཛམ་གླིང་གི་ཆུ་ཚད་ལྡན་པའི་དེང་རབས་སློབ་གསོ་འཕེལ་རྒྱས་གཏོང་དགོས།...

གྲོང་གསེབ་དར་རྒྱས་གཏོང་བར་གྲོང་གསེབ་ཁོ་ནར་དམིགས་ནས་གྲོང་གསེབ་གླེང་མི་རུང་བར་ད་དུང་བཟོ་ལས་ཀྱིས་ཞིང་ལས་ལ་ཁ་གསབ་དང་།གྲོང་ཁྱེར་ལ་བརྟེན་ནས་གྲོང་གསེབ་གོང་སྤེལ་བཏང་ནས།བཟོ་ཞིང་ཕན་ཚུན་སྐུལ་འདེད་དང་།གྲོང་ཁྱེར་དང་གྲོང་གསེབ་ཕན་ཚུན་གསབ་རེས།མཐུན་སྦྱོར་ངང་གོང་འཕེལ།མཉམ་དུ་དར་རྒྱས་ཡོང་བ་བཅས་ཀྱི་བཟོ་ཞིང་བར་གྱི་འབྲེལ་བ་དང་གྲོང་ཁྱེར་དང་གྲོང་གསེབ་བར་གྱི་འབྲེལ་བ་གསར་པ་གང་མགྱོགས་ཆགས་པར་བྱེད་དགོས།...

ད་ཆ་ང་ཚོའི་ལས་འགན་ནི་གྲོང་གསེབ་དར་རྒྱས་ལ་ཕྱོགས་ཡོངས་ནས་སྐུལ་འདེད་གཏོང་རྒྱུ་དེ་ཡིན་པ་དང་།དེ་ནི་ཞིང་གསུམ་ལས་དོན་གྱི་གཙོ་གནད་ལ་ལོ་རྒྱུས་རང་བཞིན་གྱི་སྤོ་སྒྱུར་བྱུང་བ་ཞིག་རེད།...

གྲོང་གསེབ་དར་རྒྱས་གཏོང་བའི་འཐབ་ཇུས་ལག་བསྟར་བྱེད་པར།ཞིང་པའི་རེ་འདུན་གསར་པ་དང་བསྟུན་དགོས་ཤིང་།རྒྱལ་ཁབ་ཀྱི་གནས་ཚུལ་དང་ཞིང་ལས་ཀྱི་གནས་ཚུལ་ལ་གཞི་ཚུགས་པ།ཐོན་ལས་དར་རྒྱས་གཙོ་གནད་དུ་འཛིན་པ།སྐྱེ་ཁམས་འཕྲོད་པོ་འགག་རྩར་འཛིན་པ།ཡུལ་སྲོལ་ཡ་རབས་འགན་སྲུང་དུ་འཛིན་པ།བཅོས་སྐྱོང་དོན་ལྡན་རྨང་གཞིར་བྱེད་པ།འཚོ་བ་འབྱོར་ཕྱུག་རྩ་བར་འཛིན་པ་བཅས་བྱས་ནས།ཞིང་ལས་ཕྱོགས་ཡོངས་ནས་རིམ་འཕར་དང་།གྲོང་གསེབ་ཕྱོགས་ཡོངས་ནས་ཡར་རྒྱས།ཞིང་པ་ཕྱོགས་ཡོངས་ནས་འཕེལ་རྒྱས་བཅས་ཡོང་བར་སྐུལ་འདེད་གཏོང་དགོས།...

འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཀྱི་གཙོ་གནད་ནི་ཐོན་སྐྱེད་ནུས་ཤུགས་བཅིངས་འགྲོལ་དང་གོང་འཕེལ་གཏོང་བ་དང་།བསྒྱུར་བཅོས་ལ་བརྟེན་ནས་གྲུབ་ཚུལ་ལེགས་སྒྲིག་བྱེད་པར་སྐུལ་འདེད་གཏོང་བའི་ཐོག་ནས།ནུས་མེད་དང་དམའ་སྣེའི་འདོན་སྤྲོད་ཉུང་འཕྲི་དང་།ནུས་ལྡན་དང་འབྲིང་མཐོ་སྣེའི་འདོན་སྤྲོད་རྒྱ་སྐྱེད་གཏོང་བ།འདོན་སྤྲོད་ཀྱི་གྲུབ་ཚུལ་གྱི་དགོས་མཁོའི་འགྱུར་ལྡོག་དང་མཐུན་པའི་རང་བཞིན་དང་བབ་བསྟུན་རང་བཞིན་ཆེ་རུ་གཏོང་བ།བདག་རྐྱེན་ཆ་ཚང་གི་ཐོན་སྐྱེད་ལས་ཆོད་ཆེ་རུ་གཏོང་བ་བཅས་ཡིན།...

འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ལ་སྐུལ་འདེད་གཏོང་རྒྱུ་ནི།དཔལ་འབྱོར་འཕེལ་རྒྱས་ཀྱི་རྒྱུན་རྣམ་གསར་པར་འཚམ་པ་དང་དེ་སྣེ་ཁྲིད་བྱེད་པའི་གསར་གཏོད་ཆེན་པོ་ཞིག་ཡིན་པ་དང་།རྒྱལ་སྤྱིའི་དངུལ་རྩའི་ཉམས་ཉེན་བྱུང་རྗེས་ཕྱོགས་བསྡུས་རྒྱལ་སྟོབས་ཀྱི་འགྲན་རྩོད་ཀྱི་གནས་བབ་གསར་པར་འཚམ་མཐུན་བྱེད་པའི་རང་འགུལ་གྱི་གདམ་ག་ཞིག་ཡིན་ཞིང་།རང་རྒྱལ་གྱི་དཔལ་འབྱོར་འཕེལ་རྒྱས་ཀྱི་རྒྱུན་རྣམ་གསར་པ་དང་འཚམ་མཐུན་བྱེད་པའི་དགོས་དབང་གི་བླང་བྱ་ཞིག་ཡིན་པས།བློ་མཐུན་ཚོས་མཉམ་དུ་འབད་བརྩོན་བྱས་ནས་དོན་ཆེན་འདི་ཡག་པོ་ཞིག་སྒྲུབ་པའི་རེ་བ་ཡོད།...

འཕེལ་རྒྱས་ཀྱི་དུས་རིམ་གསར་པ་ནི་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པ་དང་།ལོ་བརྒྱ་གཉིས་པའི་འབད་འཐབ་དམིགས་འབེན་གྱི་ཕྱོགས་སུ་དཔུང་འཇུག་བྱེད་པའི་དུས་མཚམས་ཡིན།འདི་ལ་རང་རྒྱལ་གྱི་འཕེལ་རྒྱས་བརྒྱུད་རིམ་ཁྲོད་ལམ་ཚད་རྡོ་རིང་ལྟ་བུའི་དོན་སྙིང་ཡོད།...

དུས་ཡུན་ངེས་ཅན་ཞིག་གི་རིང་ལ།ང་ཚོས་ད་དུང་སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་སྤེལ་མིན་དང་།“བློ་བརྟན་འགྱུར་མེད་གཉིས”རྒྱུན་འཁྱོངས་བྱེད་མིན་ཐད་ལ་ཡང་དག་མིན་པ་དང་ཐ་ན་ནོར་འཁྲུལ་གྱི་གླེང་ཕྱོགས་ཁ་ཤས་ཐོན་ཡོད།ང་ཚོས་ངེས་པར་དུ་རྣམ་འགྱུར་གསལ་སྟོན་ལས་ཟ་ཟི་གཏན་ནས་བྱེད་མི་རུང་ལ།ཐོག་མཐའ་བར་གསུམ་དུ་སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་བསྒྱུར་བཅོས་བྱེད་པའི་ཁ་ཕྱོགས་རྒྱུན་འཁྱོངས་དང་།“བློ་བརྟན་འགྱུར་མེད་གཉིས”རྒྱུན་འཁྱོངས་བྱེད་དགོས།...

སློབ་གསོ་ནི་མི་དམངས་ཀྱི་ཕྱོགས་བསྡུས་བྱང་ཚད་མཐོ་རུ་གཏོང་བ་དང་།མི་ཕྱོགས་ཡོངས་ནས་འཕེལ་རྒྱས་ཡོང་བར་སྐུལ་འདེད་གཏོང་བའི་ཐབས་ལམ་གལ་ཆེན་ཞིག་དང་།མི་རིགས་དར་རྒྱས་དང་སྤྱི་ཚོགས་ཡར་ཐོན་ཡོང་བའི་རྨང་རྡོ་གལ་ཆེན་ཞིག་ཡིན་ལ།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བར་ཐག་གཅོད་རང་བཞིན་གྱི་དོན་སྙིང་ལྡན་པའི་བྱ་གཞག་ཅིག་ཀྱང་ཡིན།...

ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དུས་རབས་གསར་པར་སླེབས་ཡོད་ལ།རང་རྒྱལ་གྱི་དཔལ་འབྱོར་འཕེལ་རྒྱས་ཀྱང་དུས་རབས་གསར་པར་སླེབས་ཡོད།དུས་རབས་སགར་པར་རང་རྒྱལ་གྱི་དཔལ་འབྱོར་འཕེལ་རྒྱས་ཀྱི་ཁྱད་ཆོས་ནི་ངས་ཏང་གི་ཚོགས་ཆེན་བཅུ་དགུ་པའི་སྙན་ཞུ་ལས་ནན་བཤད་བྱས་པ་ནང་བཞིན་ཏེ།རང་རྒྱལ་གྱི་དཔལ་འབྱོར་ནི་མྱུར་ཚད་མགྱོགས་པོའི་ངང་འཕར་སྣོན་ཡོང་བའི་དུས་རིམ་ནས་སྤུས་ཚད་མཐོ་བའི་འཕེལ་རྒྱས་འགྲོ་བའི་དུས་རིམ་ལ་སླེབས་ཡོད་པ་རེད།འདི་ནི་བརྡར་གཅོད་གནད་ཆེན་ཞིག་ཡིན་པས།ང་ཚོས་ངེས་པར་དུ་གནད་ཆེའི་ད་ཡོད་ཀྱི་དོན་སྙིང་དང་ཟབ་ཡངས་ཀྱི་ལོ་རྒྱུས་ཀྱི་དོན་སྙིང་ངོས་འཛིན་ཟབ་མོ་བྱེད་དགོས།...

རང་རྒྱལ་གྱི་དཔལ་འབྱོར་འཕེལ་རྒྱས་རྒྱུན་རྣམ་གསར་པར་སླེབས་པ་ནི་རང་རྒྱལ་གྱི་དཔལ་འབྱོར་འཕེལ་རྒྱས་ཀྱི་དུས་རིམ་རང་བཞིན་གྱི་ཁྱད་ཆོས་ཀྱི་མཚོན་ཚུལ་ཟློག་ཏུ་མེད་པ་ཞིག་ཡིན་ལ།མིའི་འདོད་བློ་ལྟར་སྒྱུར་ཐུབ་པ་ཞིག་མ་རེད།རྒྱུན་རྣམ་གསར་པ་ངོས་འཛིན་དང་།རྒྱུན་རྣམ་གསར་པར་འཚམ་པ།རྒྱུན་རྣམ་གསར་པ་སྣེ་ཁྲིད་བཅས་བྱ་རྒྱུ་ནི་མིག་སྔ་དང་འབྱུང་འགྱུར་དུས་སྐབས་ཤིག་རིང་གི་རང་རྒྱལ་གྱི་དཔལ་འབྱོར་འཕེལ་རྒྱས་ཀྱི་གཏན་ཚིགས་ཆེན་པོ་དེ་རེད།...

རང་རྒྱལ་སྤྱི་ཚོགས་ཀྱི་འགལ་བ་གཙོ་བོའི་འགྱུར་ལྡོག་དང་བསྟུན་ནས་མི་དམངས་ཀྱི་དགའ་སྐྱིད་ལྡན་པའི་འཚོ་བའི་དགོས་མཁོ་ཉིན་བཞིན་ཆེ་རུ་འགྲོ་བ་དེ་སྔར་ལས་ལྷག་པའི་སྐོང་དགོས་ན།ངེས་པར་དུ་མི་དམངས་ཡོངས་རྫོགས་ཐུན་མོང་ཐོག་ཕྱུག་འགྱུར་ཡོང་བར་སྐུལ་འདེད་གཏོང་རྒྱུ་དེ་མི་དམངས་ལ་བདེ་སྐྱིད་སྐྲུན་པའི་ཤུགས་འདོན་ས་བྱེད་དགོས་པ་དང་།ཏང་གིས་དུས་ཡུན་རིང་པོར་སྲིད་དབང་སྐྱོང་བའི་རྨང་གཞི་རྒྱུན་ཆད་མེད་པར་སྲ་བརྟན་གཏོང་དགོས།...

ཐུན་མོང་ཐོག་ཕྱུག་པོར་འགྱུར་བར་བྱ་རྒྱུ་དེ་ཉིད་མ་གཞི་ནས་སྤྱི་ཚོགས་རིང་ལུགས་དེང་རབས་ཅན་གྱི་དམིགས་འབེན་གལ་ཆེན་ཞིག་ཡིན།ང་ཚོས་ཐོག་མཐའ་བར་གསུམ་དུ་མི་དམངས་ཀྱིས་དགའ་སྐྱིད་ལྡན་པའི་འཚོ་བར་བཅངས་པའི་རེ་སྒུག་གསར་པ་སྐོང་རྒྱུ་དེ་འགོ་རྩོམ་ས་དང་མཐའ་མཇུག་གི་འབབ་སར་བྱེད་དགོས་པ་ལས།དེང་རབས་ཅན་མངོན་འགྱུར་བྱས་རྗེས་གཞི་ནས་ཐུན་མོང་ཐོག་ཕྱུག་པོར་འགྱུར་བའི་གནད་དོན་ཐག་གཅོད་བྱས་ན་མི་འགྲིག་སྟེ།དེང་རབས་ཅན་དུ་འགྱུར་བའི་བརྒྱུད་རིམ་ནང་དུ་གནད་དོན་འདི་རྒྱུན་ཆད་མེད་པར་རིམ་བཞིན་ཐག་གཅོད་ལེགས་པོ་བྱེད་དགོས།...

ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ཚར་བར་བྱེད་པར་གཅིག་ཀྱང་ལུས་མི་རུང་ལ།ཐུན་མོང་ཐོག་ཕྱུག་པོར་འགྱུར་བའི་འགྲོ་ལམ་ཐོག་གཅིག་ཀྱང་གྲལ་གཞུག་ཏུ་ལུས་མི་རུང་བ་ཡིན།—«དུས་རབས་གསར་པར་རྣམ་པ་གསར་པ་གཏོད་དགོས་ལ།དེ་བས་ཀྱང་བྱས་རྗེས་གསར་པ་འཇོག་དགོས།»(༢༠༡༧ལོའི་ཟླ༡༠ཚེས༢༥ཉིན།) «ཞི་ཅིན་ཕིང་གིས་རྒྱལ་སྲིད་སྐྱོང་ལུགས་སྐོར་གླེང་བ།»པོད་གསུམ་པ།ཕྱི་ཡིག་དཔེ་སྐྲུན་ཁང་གི༢༠༢༠ལོའི་རྒྱ་ཡིག་པར་གཞི།ཤོག་ངོས༦༦པ།...

ཐུན་མོང་ཐོག་ཕྱུག་པོར་འགྱུར་བ་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རྩ་བའི་རྩ་དོན་ཡིན་པས།ངེས་པར་དུ་འཕེལ་རྒྱས་ཀྱི་གྲུབ་འབྲས་ཉིད་སྔར་ལས་མང་བ་དང་སྔར་ལས་དྲང་སྙོམས་ཀྱི་སྒོ་ནས་མི་དམངས་ཡོངས་རྫོགས་ལ་ཕན་པའི་གསོས་སུ་འགྱུར་བར་བྱས་ཏེ།ཐུན་མོང་ཐོག་ཕྱུག་པོར་འགྱུར་བའི་ཕྱོགས་སུ་གོམ་སྟབས་བརྟན་པོས་མདུན་སྐྱོད་བྱེད་དགོས།...

མི་དམངས་ལ་འཚོ་བ་ཡག་པོ་སྐྱེལ་དུ་འཇུག་རྒྱུ་ནི་ང་ཚོའི་ལས་དོན་མཐའ་དག་གི་ཀུན་སློང་དང་དམིགས་ཡུལ་ཡིན།...