རང་རྒྱལ་གྱི་ཐོན་ལས་བདེ་འཇགས་དང་རྒྱལ་ཁབ་བདེ་འཇགས་འགན་སྲུང་བྱེད་ཆེད།རང་བརྟེན་ཚོད་འཛིན་ཐུབ་པ་དང་བདེ་འཇགས་བློས་འགེལ་ཆོག་པའི་ཐོན་ལས་མུ་ཕྲེང་ནུས་ཤུགས་ཡོད་རྒུས་གཏོད་པ་དང་།ཐོན་རྫས་གལ་ཆེན་དང་འདོན་སྤྲོད་ཐབས་ལམ་ཚང་མར་ཉུང་མཐར་ཡང་ཚབ་བྱེད་ཡོང་ཁུངས་གཅིག་རེ་ཡོད་པ་བརྩོན་ལེན་བྱས་ནས་དགོས་ངེས་ཀྱི་ཐོན་ལས་གྲབས་ཉར་མ་ལག་ཆགས་པ་བྱེད་དགོས།...

ཚན་རྩལ་གསར་གཏོད་ནི་འཕེལ་རྒྱས་ལ་སྐུལ་འདེད་གཏོང་བའི་སྒུལ་ཤུགས་གལ་ཆེན་ཞིག་ཡིན་ལ་རྒྱལ་ཁབ་བདེ་འཇགས་ཀྱི་འགན་སྲུང་གལ་ཆེན་ཞིག་ཀྱང་ཡིན།གལ་ཏེ་སྐེ་བཙིར་བའི་འགག་རྩ་དང་སྲོག་ཤིང་གི་ལག་རྩལ་ཐད་གང་མགྱོགས་འགག་སྒྲོལ་བྱེད་མ་ཐུབ་ན།ང་ཚོས་རང་རྒྱལ་འཕེལ་རྒྱས་གཏོང་བའི་རང་དབང་རང་ལག་ཏུ་དམ་པོར་འཛིན་ཁག་པོ་རེད།...

སྐྱེ་ཁམས་ཁོར་ཡུག་གི་བདེ་འཇགས་ནི་རྒྱལ་ཁབ་བདེ་འཇགས་ཀྱི་གྲུབ་ཆ་གལ་ཆེན་དང་།དཔལ་འབྱོར་དང་སྤྱི་ཚོགས་རྒྱུན་མཐུད་དང་སྐྱོན་བྲལ་ངང་འཕེལ་རྒྱས་ཡོང་བའི་འགན་སྲུང་གལ་ཆེན་ཞིག་ཡིན།“ཆུ་མ་ཡོང་གོང་གི་རགས།དགྲ་མ་ཡོང་གོང་གི་དོགས”ཟེར་བ་ལྟར།ཐོག་མཐའ་བར་གསུམ་དུ་དོགས་ཟོན་ཆེན་པོ་བྱེད་དགོས་པ་དང་།སྐྱེ་ཁམས་ཁོར་ཡུག་གི་ཉེན་ཁ་རིགས་སྣ་ཚོགས་སྤུངས་གསོག་དང་ཁྱབ་འབྱམས་འགྲོ་བར་བཀག་འགོག་བྱས་ཏེ།སྐྱེ་ཁམས་ཁོར་ཡུག་གི་ཉེན་ཁ་དང་འགྲན་སློང་མི་འདྲ་བ་ཚང་མར་ཁ་གཏད་གཅོག་རྒྱུའི་སྟ་གོན་ཡག་པོ་བྱེད་དགོས།...

རྒྱལ་ཁབ་ཁག་གིས་ཐུན་མོང་དང་།ཕྱོགས་བསྡུས།མཉམ་ལས།རྒྱུན་མཐུད་ཐུབ་པ་བཅས་ཀྱི་གོ་ལ་ཧྲིལ་པོའི་བདེ་འཇགས་ལྟ་བ་འཛུགས་དགོས་པ་དང་།མཉམ་ལས་ཀྱིས་བདེ་འཇགས་ཀྱི་འགྲན་སློང་ལ་ཁ་གཏད་འཇལ་བའི་འདུ་ཤེས་བཅངས་ཏེ་མཉམ་ལས་ལ་བརྟེན་ནས་བདེ་འཇགས་དོན་གཉེར་དང་བརྟན་བརླིང་དོན་གཉེར།བདེ་འཇགས་ལ་བརྟེན་ནས་ཞི་བདེར་སྐུལ་འདེད་དང་འཕེལ་རྒྱས་ལ་སྐུལ་འདེད་གཏོང་ཞིང་།རྒྱལ་ཁབ་ཁག་གི་མི་དམངས་ལ་རྒྱུན་ཆགས་ཀྱི་བདེ་འཇགས་དང་བརྟན་བརླིང་གི་ཁོར་ཡུག་ཧུར་ཐག་སྒོས་སྐྲུན་དགོས།...

བདེ་བར་སྡོད་དུས་ཉེན་ཁ་བརྗེད་མི་ཉན་ལ།རྒྱལ་ཁབ་བདེ་འཇགས་ཡིན་དུས་ཟིང་ཆ་བརྗེད་མི་ཉན།ང་ཚོར་ཞི་བདེ་སྲུང་སྐྱོབ་དང་བདེ་འཇགས་སྲུང་སྐྱོང་།དམག་འཐབ་ཟིལ་གནོན་བཅས་ཀྱི་བྱེད་ཐབས་དང་གདམ་ག་མང་པོ་ཡོད་མོད།འོན་ཀྱང་དམག་དོན་གྱི་བྱེད་ཐབས་ནི་སྔ་ཕྱི་བར་གསུམ་དུ་མ་མཐའི་བྱེད་ཐབས་ཡིན།...

ཆབ་སྲིད་ཀྱི་བདེ་འཇགས་དང་དཔལ་འབྱོར་གྱི་བདེ་འཇགས།རྒྱལ་ཁབ་མངའ་ཁོངས་ཀྱི་བདེ་འཇགས།སྤྱི་ཚོགས་བདེ་འཇགས།དྲ་རྒྱའི་བདེ་འཇགས་སོགས་ཕྱོགས་གང་ཅིའི་ཐད་ཀྱི་བདེ་འཇགས་ལས་ཀ་གཙིགས་སུ་བཟུང་ནས་དམ་འཛིན་ཡག་པོ་བྱེད་དགོས།...

ང་ཚོས་ཞིབ་འཇུག་གང་མགྱོགས་བྱེད་པ་དང་།མ་དངུལ་འཇོག་གྲངས་མང་དུ་གཏོང་བ།འགོག་ཟོན་བྱེད་ཤུགས་ཆེ་རུ་གཏོང་བ་བཅས་བྱས་ནས་ཕྱི་རྒྱལ་དུ་བདེ་འཇགས་འགན་སྲུང་བྱེད་ནུས་དང་ཆུ་ཚད་རིམ་བཞིན་མཐོ་རུ་གཏོང་བ་དང་།ཕྱི་རྒྱལ་དུ་ཡོད་པའི་རང་རྒྱལ་གྱི་སྤྱི་དམངས་དང་ཁྲིམས་མིའི་བདེ་འཇགས་སྲུང་སྐྱོབ་བྱེད་པ།རང་རྒྱལ་གྱི་ཕྱི་རྒྱལ་དུ་ཡོད་པའི་དངུལ་རྩ་དང་།རྡོ་སྣུམ།གཏེར་རྫས།མཚོ་ཐོག་སྐྱེལ་འདྲེན།ཚོང་ལས་ཀྱི་ཁེ་ཕན་གཞན་དག་བཅས་སྲུང་སྐྱོབ་བྱེད་དགོས།...

རྒྱལ་ཁབ་བདག་དབང་དང་བདེ་འཇགས་ཨང་དང་པོར་འཇོག་རྒྱུ་རྒྱུན་འཁྱོངས་དང་།སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་ལག་ལེན་མཐར་ཕྱིན་བྱེད་པ།མཐའ་མཚམས་དོ་དམ་ཚོད་འཛིན་དང་མཚོ་ཐོག་གི་དབང་ཆ་སྲུང་སྐྱོང་བྱ་སྤྱོད་སྒྲིག་འཛུགས་ཞིབ་ཚགས་བྱེད་ཅིང་།མངའ་ཁོངས་བདག་དབང་དང་རྒྱ་མཚོའི་ཁེ་དབང་སྲུང་སྐྱོང་མཐའ་གཅིག་ཏུ་བྱས་ཏེ།མཐའ་སྲུང་མཚོ་སྲུང་གི་ལྕགས་རི་བརྟན་པོ་རྩིག་དགོས།...

ནུས་ཁུངས་ཀྱི་བདེ་འཇགས་ནི་རྒྱལ་ཁབ་ཀྱི་དཔལ་འབྱོར་དང་སྤྱི་ཚོགས་གོང་འཕེལ་ལ་འབྲེལ་བ་ཡོད་པའི་སྤྱི་ཡོངས་རང་བཞིན་དང་འཐབ་ཇུས་རང་བཞིན་གྱི་གནད་དོན་ཞིག་ཡིན་པ་དང་།རྒྱལ་ཁབ་ཡར་རྒྱས་གོང་འཕེལ་ཡོང་བ་དང་།མི་དམངས་ཀྱི་འཚོ་བ་ལེགས་བཅོས་ཡོང་བ།སྤྱི་ཚོགས་ཡུན་རིང་བདེ་འཁོད་ཡོང་བ་བཅས་ལ་ཆ་བཞག་ན་གལ་ཤིན་ཏུ་ཆེ་བ་ཞིག་རེད།...

ཀྲུང་དབྱང་རྒྱལ་ཁབ་བདེ་འཇགས་ཨུ་ཡོན་ལྷན་ཁང་གིས་གཅིག་སྡུད་གཅིག་གྱུར་དང་།ཚན་རིག་དང་མཐུན་པར་འཆར་འགོད།གཅིག་གྱུར་དང་ཁ་ཐོར་ཟུང་འབྲེལ།མཐུན་སྦྱོར་ངང་བྱ་བ་རྩོམ་པ།འཇོན་ཆེ་ནུས་ལྡན་བཅས་ཀྱི་རྩ་དོན་བརྩི་སྲུང་བྱེད་དགོས་པ་དང་།གཙོ་གནད་ལ་དམིགས་གཏོད་པ་དང་རྩ་བ་བཟུང་ནས་ཡན་ལག་ཁྲིད་པའི་སྒོ་ནས་རྒྱལ་ཁབ་བདེ་འཇགས་ལས་ཀའི་གཅིག་གྱུར་གྱི་བཀོད་སྒྲིག་ལ་རྩེ་གཅིག་ཏུ་དམིགས་ནས་དོན་འཁྱོལ་དཔྱིས་ཕྱིན་པ་བྱེད་དགོས།...

ང་ཚོས་རྗེས་དཔག་དང་།མཐུན་སྦྱོར།མཉམ་སྐྱོད་བཅས་ཀྱི་ཉིང་རྡུལ་བདེ་འཇགས་ལྟ་བ་རྒྱུན་འཁྱོངས་བྱས་ཏེ།ཉིང་རྡུལ་བདེ་འཇགས་ཉིད་སྐྱོན་བྲལ་དང་རྒྱུན་སྲིང་གོང་འཕེལ་ཡོང་བའི་ལམ་དུ་འཇུག་དགོས།...

དྲ་རྒྱའི་བདེ་འཇགས་དང་ཆ་འཕྲིན་ཅན་ནི་རྒྱལ་ཁབ་བདེ་འཇགས་དང་རྒྱལ་ཁབ་གོང་འཕེལ་ལ་ཐུག་ཡོད་པ་དང་།རྒྱ་ཆེའི་མི་དམངས་མང་ཚོགས་ཀྱི་ལས་ཀ་དང་འཚོ་བར་ཐུག་ཡོད་པའི་འཐབ་ཇུས་ཀྱི་གནད་དོན་ཆེན་པོ་ཞིག་ཡིན་པས།རྒྱལ་སྤྱི་རྒྱལ་ནང་གི་གནས་བབ་ཆེ་ས་ནས་གཞིགས་ཏེ་སྤྱི་ཡོངས་ནས་བཀོད་སྒྲིག་དང་།ཕྱོགས་སོ་སོ་གཅིག་གྱུར་འཆར་འགོད།གསར་གཏོད་སྒོས་གོང་སྤེལ་བཅས་བྱས་ཏེ།རང་རྒྱལ་འདི་ཉིད་དྲ་རྒྱའི་རྒྱལ་ཁབ་སྟོབས་ལྡན་དུ་འཛུགས་སྐྲུན་ཧུར་ཐག་བྱེད་དགོས།...

འབྲུ་རིགས་ཀྱི་གནད་དོན་དེ་དཔལ་འབྱོར་ཁོ་ནའི་ཐད་ནས་བལྟ་མི་རུང་བར་ངེས་པར་དུ་ཆབ་སྲིད་ཀྱི་ཐད་ནས་བལྟ་དགོས།རྒྱལ་ཁབ་ཀྱི་འབྲུ་རིགས་བདེ་འཇགས་འགན་སྲུང་བྱ་རྒྱུ་ནི་དཔལ་འབྱོར་འཕེལ་རྒྱས་དང་སྤྱི་ཚོགས་བརྟན་བརླིང་།རྒྱལ་ཁབ་བདེ་འཇགས་བཅས་ཡོང་བའི་རྨང་གཞི་གལ་ཆེན་ཡིན།...

ང་ཚོས་ཉེན་ཁ་སྣ་ཚོགས་ལ་སྔོན་འགོག་ཚོད་འཛིན་བྱེད་དགོས།ཡིན་ནའང་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བའི་འཕེལ་རིམ་འགག་པ་དང་ཡང་ན་མཚམས་གཅོད་ཉེན་ཡོད་པའི་ཁྱོན་ཡོངས་རང་བཞིན་གྱི་ཉེན་ཁ་དག་གཙོ་གནད་དུ་སྔོན་འགོག་ཚོད་འཛིན་བྱེད་དགོས།འདི་ནི་ངས་ཐོག་མཐའ་བར་གསུམ་དུ་མཐའ་ཚད་བསམ་གཞིགས་ནན་བཤད་བྱེད་པའི་རྩ་བའི་གོ་དོན་ཡིན།...

སྒོ་འབྱེད་དང་བདེ་འཇགས་ཀྱི་འབྲེལ་བ་སྟངས་འཛིན་ཡག་པོ་བྱེད་པ་དང་།སྒོ་འབྱེད་དང་བདེ་འཇགས་དྲ་རྒྱ་དམ་པོ་སྐྲུན་པ།ཕྱི་ཕྱོགས་སྒོ་འབྱེད་ཀྱི་ཁོར་ཡུག་ཁྲོད་རྒྱལ་ཁབ་བདེ་འཇགས་འགུལ་རྣམ་གྱིས་སྲུང་སྐྱོབ་བྱེད་པའི་ནུས་པ་ཆེ་རུ་གཏོང་དགོས།...

མཐར་གཏུགས་ནས་བཤད་ན་རྒྱལ་ཁབ་བདེ་འཇགས་ལས་དོན་ནི་མི་དམངས་ཀྱི་ཁེ་ཕན་འགན་སྲུང་བྱ་རྒྱུ་དེ་ཡིན་པས།རྒྱལ་ཁབ་བདེ་འཇགས་ཀྱི་བྱ་བ་ཐམས་ཅད་མི་དམངས་ཀྱི་དོན་དུ་ཡིན་པ་དང་།ཐམས་ཅད་མི་དམངས་ལ་རྟེན་དགོས་པ་རྒྱུན་འཁྱོངས་བྱས་ཏེ།མང་ཚོགས་བདེ་སྡོད་ལས་བརྩོན་ཡོང་བར་འགན་སྲུང་བརྟན་པོ་མཁོ་འདོན་བྱེད་དགོས།...

རྒྱལ་ཁབ་བདེ་ལ་འབངས་མི་སྐྱིད་པ་ནི་མི་དམངས་མང་ཚོགས་ཀྱི་ཆེས་གཞི་རྩ་དང་ཆེས་ཡོངས་ཁྱབ་ཏུ་གྱུར་པའི་རེ་སྨོན་ཡིན།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བའི་ཀྲུང་གོའི་ཕུགས་འདུན་མངོན་འགྱུར་དང་།མི་དམངས་བདེ་སྡོད་ལས་བརྩོན་ཡོང་བར་ཁག་ཐེག་བྱེད་པར།རྒྱལ་ཁབ་བདེ་འཇགས་ནི་དོན་ཆེན་ཨང་དང་པོ་ཡིན།...

ང་ཚོའི་ཏང་གིས་སྲིད་དབང་སྐྱོང་བའི་གོ་གནས་སྲ་བརྟན་གཏོང་བ་དང་།མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ཏེ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་བྱེད་དགོས་ན།རྒྱལ་ཁབ་བདེ་འཇགས་འགན་སྲུང་བྱ་རྒྱུ་ནི་དོན་ཆེན་ཨང་དང་པོ་ཡིན།...

རྒྱལ་ཁབ་བདེ་འཇགས་དང་སྤྱི་ཚོགས་བརྟན་བརླིང་ཡོང་རྒྱུ་ནི་བསྒྱུར་བཅོས་དང་འཕེལ་རྒྱས་ཀྱི་སྔོན་འགྲོའི་ཆ་རྐྱེན་ཡིན།རྒྱལ་ཁབ་བདེ་འཇགས་དང་སྤྱི་ཚོགས་བརྟན་བརླིང་བྱུང་ན་གཞི་ནས་བསྒྱུར་བཅོས་དང་འཕེལ་རྒྱས་མུ་མཐུད་སྐུལ་འདེད་གཏོང་ཐུབ།...

སྐྱེ་ཁམས་ཁོར་ཡུག་སྲུང་སྐྱོབ་བྱེད་ཚེ་ངེས་པར་དུ་ལམ་ལུགས་དང་ཁྲིམས་སྐྱོང་ལ་བརྟེན་དགོས།ལམ་ལུགས་ནན་ཤོས་དང་ཁྲིམས་སྐྱོང་ནན་ཤོས་ལག་བསྟར་བྱས་ན་མ་གཏོགས་སྐྱེ་ཁམས་དཔལ་ཡོན་འཛུགས་སྐྲུན་ལ་བློས་འཁེལ་བའི་འགན་སྲུང་བྱེད་མི་ཐུབ།...

ང་ཚོས་ཤེས་དགོས་པ་ཞིག་ལ།རི་ཆུ་ནགས་ཞིང་མཚེའུ་བཅས་ནི་ཚེ་སྲོག་གཅིག་མཐུན་ཚོགས་པ་ཞིག་ཡིན་པ་སྟེ།མི་གྲོགས་ཞིང་དང་།ཞིང་གྲོགས་ཆུ།ཆུ་གྲོགས་རི།རི་གྲོགས་ས།ས་གྲོགས་ཤིང་རེད།སྤྱོད་སྒོ་དོ་དམ་དང་སྐྱེ་ཁམས་ཉམས་གསོ་བྱེད་པ་ན་ངེས་པར་དུ་རང་བྱུང་ཆོས་ཉིད་སྲུང་བརྩི་བྱེད་དགོས་པ་དང་།གལ་ཏེ་ཤིང་འཛུགས་མཁན་གྱིས་ཤིང་ལས་ཁོ་ན་འཛིན་པ་དང་།ཆུ་བཅོས་མཁན་གྱིས་ཆུ་ལས་ཁོ་ན་འཛིན་པ།ཞིང་སྲུང་མཁན་གྱིས་ཞིང་ཁོ་ན་འཛིན་པ་ཡིན་ན།ཐང་གི་རྡོ་བླངས་ནས་རུམ་གྱི་བྲོ་བོར་བ་ཟེར་བའི་དཔེ་ལྟར།མཐའ་མཇུག་ཏུ་སྐྱེ་ཁམས་ལ་རྩ་ལག་རང་བཞིན་ཅན་གྱི་གཏོར་སྐྱོན་ཐེབས་ཀྱི་ཡོད།...

འཕེལ་རྒྱས་མེད་ན་ལྗང་མདོག་རིགས་སྒྱུར་གྱི་དཔལ་འབྱོར་སྟོབས་ཤུགས་གཅིག་སྡུད་བྱེད་མི་ཐུབ་ལ།དམངས་འཚོ་སྣང་མེད་དུ་བཞག་ན་ལྗང་མདོག་རིགས་སྒྱུར་ལ་སྤྱི་ཚོགས་ཀྱི་རྒྱབ་རྟེན་ཤོར་འགྲོ་ངེས་རེད།ང་ཚོས་རྒྱུན་མཐུད་འཕེལ་རྒྱས་ཀྱི་འདུ་ཤེས་ལ་གོ་བ་ཡང་དག་ལེན་པ་དང་།མི་དམངས་ལྟེ་བར་འཛིན་པ་རྒྱུན་འཁྱོངས་དང་།དཔལ་འབྱོར་འཕར་སྣོན།དམངས་འཚོ་འགན་སྲུང་།ནུས་སྲི་སྙིགས་འཕྲི་བཅས་མཐུན་སྦྱོར་ལེགས་པོ་བྱས་ཏེ།དཔལ་འབྱོར་འཕེལ་རྒྱས་ཁྲོད་ལྗང་མདོག་རིགས་སྒྱུར་དང་།ལྗང་མདོག་རིགས་སྒྱུར་ཁྲོད་འཕེལ་རྒྱས་སྔར་ལས་ཆེན་པོ་ཡོང་བར་བྱེད་དགོས།...

སྐྱེ་ཁམས་དཔལ་ཡོན་ནི་མིའི་རིགས་ཀྱི་ཤེས་དཔལ་འཕེལ་རྒྱས་ཀྱི་ལོ་རྒྱུས་འཕེལ་ཕྱོགས་ཡིན་པས།ང་ཚོས་ལག་གདང་སྦྲེལ་ནས་སྐྱེ་ཁམས་དཔལ་ཡོན་གྱི་འདུ་ཤེས་བཟུང་ནས།ཕ་ཚ་བུ་རྒྱུད་ལ་འགན་འཁུར་བའི་མཐོ་ཚད་ཐོག་ནས་སའི་གོ་ལའི་ཚེ་སྲོག་གཅིག་མཐུན་ཚོགས་པ་མཉམ་སྐྲུན་དང་དྭངས་གཙང་མཛེས་སྡུག་ལྡན་པའི་འཛམ་གླིང་མཉམ་སྐྲུན་བྱེད་དོ།།...

“མ་ཡུམ་གཙང་པོ”རྨ་ཆུ་འབྲི་ཆུ་དང་།ཡང་ན་རླབས་ཕྲེང་དགུང་དུ་རྩེན་པའི་མཚོ་སྔོན་པོ་དང་།བརྗིད་ཆགས་ཉམས་ལྡན་གྱི་ཡར་ཀླུང་གཙང་པོ་ཡིན་ནའང་འདྲ།ལྷོ་ཆུ་བྱང་འདྲེན་གྱི་དུས་རབས་ལས་གྲྭ་དང་།ཡང་ན་སའེ་ཧན་པཱ་ནགས་རའི“ལྗང་མདོག་ས་བཀྲ”ཡིན་ནའང་འདྲ།ཡུན་ནན་གྱི་གླང་ཆེན་བྱང་ནས་ལྷོ་བགྲོད་དང་།རི་དྭགས་གཙོད་རྒྱུད་སྤེལ་མ་གནས་སྤོ་ཡིན་ནའང་འདྲ།འདི་དག་གི་ཐོག་ནས་མིས་རང་བྱུང་ལ་གཅེས་ན།རང་བྱུང་གིས་མི་ལ་གཅེས་ངེས་པ་མཚོན།...

ལྗང་མདོག་སྐྱེ་ཁམས་ནི་རྒྱུ་ནོར་ཆེ་ཤོས་དང་།དགེ་མཚན་ཆེ་ཤོས།སྤུས་རྟགས་ཆེ་ཤོས་བཅས་ཡིན་པས།ངེས་པར་དུ་སྲུང་སྐྱོབ་ཡག་པོ་བྱས་ཏེ་རི་ཀླུང་བཅོས་སྐྱོང་དང་རི་སྔོན་ཆུ་དྭངས་ཀྱི་ལས་དོན་ལེགས་པར་སྒྲུབ་ནས།དཔལ་འབྱོར་འཕེལ་རྒྱས་དང་སྐྱེ་ཁམས་དཔལ་ཡོན་གྱི་ཆུ་ཚད་མཐོ་རུ་གཏོང་བའི་གཅིག་ཕན་གཅིག་གྲོགས་དང་ཆར་པ་ཆུ་གྲོགས་ཀྱི་ལམ་བུར་སྐྱོད་དགོས།...