རྒྱལ་ཁབ་བདེ་ལ་འབངས་མི་སྐྱིད་པ་ནི་མི་དམངས་མང་ཚོགས་ཀྱི་ཆེས་གཞི་རྩ་དང་ཆེས་ཡོངས་ཁྱབ་ཏུ་གྱུར་པའི་རེ་སྨོན་ཡིན།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བའི་ཀྲུང་གོའི་ཕུགས་འདུན་མངོན་འགྱུར་དང་།མི་དམངས་བདེ་སྡོད་ལས་བརྩོན་ཡོང་བར་ཁག་ཐེག་བྱེད་པར།རྒྱལ་ཁབ་བདེ་འཇགས་ནི་དོན་ཆེན་ཨང་དང་པོ་ཡིན།...

ང་ཚོའི་ཏང་གིས་སྲིད་དབང་སྐྱོང་བའི་གོ་གནས་སྲ་བརྟན་གཏོང་བ་དང་།མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ཏེ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་བྱེད་དགོས་ན།རྒྱལ་ཁབ་བདེ་འཇགས་འགན་སྲུང་བྱ་རྒྱུ་ནི་དོན་ཆེན་ཨང་དང་པོ་ཡིན།...

རྒྱལ་ཁབ་བདེ་འཇགས་དང་སྤྱི་ཚོགས་བརྟན་བརླིང་ཡོང་རྒྱུ་ནི་བསྒྱུར་བཅོས་དང་འཕེལ་རྒྱས་ཀྱི་སྔོན་འགྲོའི་ཆ་རྐྱེན་ཡིན།རྒྱལ་ཁབ་བདེ་འཇགས་དང་སྤྱི་ཚོགས་བརྟན་བརླིང་བྱུང་ན་གཞི་ནས་བསྒྱུར་བཅོས་དང་འཕེལ་རྒྱས་མུ་མཐུད་སྐུལ་འདེད་གཏོང་ཐུབ།...

སྐྱེ་ཁམས་ཁོར་ཡུག་སྲུང་སྐྱོབ་བྱེད་ཚེ་ངེས་པར་དུ་ལམ་ལུགས་དང་ཁྲིམས་སྐྱོང་ལ་བརྟེན་དགོས།ལམ་ལུགས་ནན་ཤོས་དང་ཁྲིམས་སྐྱོང་ནན་ཤོས་ལག་བསྟར་བྱས་ན་མ་གཏོགས་སྐྱེ་ཁམས་དཔལ་ཡོན་འཛུགས་སྐྲུན་ལ་བློས་འཁེལ་བའི་འགན་སྲུང་བྱེད་མི་ཐུབ།...

ང་ཚོས་ཤེས་དགོས་པ་ཞིག་ལ།རི་ཆུ་ནགས་ཞིང་མཚེའུ་བཅས་ནི་ཚེ་སྲོག་གཅིག་མཐུན་ཚོགས་པ་ཞིག་ཡིན་པ་སྟེ།མི་གྲོགས་ཞིང་དང་།ཞིང་གྲོགས་ཆུ།ཆུ་གྲོགས་རི།རི་གྲོགས་ས།ས་གྲོགས་ཤིང་རེད།སྤྱོད་སྒོ་དོ་དམ་དང་སྐྱེ་ཁམས་ཉམས་གསོ་བྱེད་པ་ན་ངེས་པར་དུ་རང་བྱུང་ཆོས་ཉིད་སྲུང་བརྩི་བྱེད་དགོས་པ་དང་།གལ་ཏེ་ཤིང་འཛུགས་མཁན་གྱིས་ཤིང་ལས་ཁོ་ན་འཛིན་པ་དང་།ཆུ་བཅོས་མཁན་གྱིས་ཆུ་ལས་ཁོ་ན་འཛིན་པ།ཞིང་སྲུང་མཁན་གྱིས་ཞིང་ཁོ་ན་འཛིན་པ་ཡིན་ན།ཐང་གི་རྡོ་བླངས་ནས་རུམ་གྱི་བྲོ་བོར་བ་ཟེར་བའི་དཔེ་ལྟར།མཐའ་མཇུག་ཏུ་སྐྱེ་ཁམས་ལ་རྩ་ལག་རང་བཞིན་ཅན་གྱི་གཏོར་སྐྱོན་ཐེབས་ཀྱི་ཡོད།...

འཕེལ་རྒྱས་མེད་ན་ལྗང་མདོག་རིགས་སྒྱུར་གྱི་དཔལ་འབྱོར་སྟོབས་ཤུགས་གཅིག་སྡུད་བྱེད་མི་ཐུབ་ལ།དམངས་འཚོ་སྣང་མེད་དུ་བཞག་ན་ལྗང་མདོག་རིགས་སྒྱུར་ལ་སྤྱི་ཚོགས་ཀྱི་རྒྱབ་རྟེན་ཤོར་འགྲོ་ངེས་རེད།ང་ཚོས་རྒྱུན་མཐུད་འཕེལ་རྒྱས་ཀྱི་འདུ་ཤེས་ལ་གོ་བ་ཡང་དག་ལེན་པ་དང་།མི་དམངས་ལྟེ་བར་འཛིན་པ་རྒྱུན་འཁྱོངས་དང་།དཔལ་འབྱོར་འཕར་སྣོན།དམངས་འཚོ་འགན་སྲུང་།ནུས་སྲི་སྙིགས་འཕྲི་བཅས་མཐུན་སྦྱོར་ལེགས་པོ་བྱས་ཏེ།དཔལ་འབྱོར་འཕེལ་རྒྱས་ཁྲོད་ལྗང་མདོག་རིགས་སྒྱུར་དང་།ལྗང་མདོག་རིགས་སྒྱུར་ཁྲོད་འཕེལ་རྒྱས་སྔར་ལས་ཆེན་པོ་ཡོང་བར་བྱེད་དགོས།...

སྐྱེ་ཁམས་དཔལ་ཡོན་ནི་མིའི་རིགས་ཀྱི་ཤེས་དཔལ་འཕེལ་རྒྱས་ཀྱི་ལོ་རྒྱུས་འཕེལ་ཕྱོགས་ཡིན་པས།ང་ཚོས་ལག་གདང་སྦྲེལ་ནས་སྐྱེ་ཁམས་དཔལ་ཡོན་གྱི་འདུ་ཤེས་བཟུང་ནས།ཕ་ཚ་བུ་རྒྱུད་ལ་འགན་འཁུར་བའི་མཐོ་ཚད་ཐོག་ནས་སའི་གོ་ལའི་ཚེ་སྲོག་གཅིག་མཐུན་ཚོགས་པ་མཉམ་སྐྲུན་དང་དྭངས་གཙང་མཛེས་སྡུག་ལྡན་པའི་འཛམ་གླིང་མཉམ་སྐྲུན་བྱེད་དོ།།...

“མ་ཡུམ་གཙང་པོ”རྨ་ཆུ་འབྲི་ཆུ་དང་།ཡང་ན་རླབས་ཕྲེང་དགུང་དུ་རྩེན་པའི་མཚོ་སྔོན་པོ་དང་།བརྗིད་ཆགས་ཉམས་ལྡན་གྱི་ཡར་ཀླུང་གཙང་པོ་ཡིན་ནའང་འདྲ།ལྷོ་ཆུ་བྱང་འདྲེན་གྱི་དུས་རབས་ལས་གྲྭ་དང་།ཡང་ན་སའེ་ཧན་པཱ་ནགས་རའི“ལྗང་མདོག་ས་བཀྲ”ཡིན་ནའང་འདྲ།ཡུན་ནན་གྱི་གླང་ཆེན་བྱང་ནས་ལྷོ་བགྲོད་དང་།རི་དྭགས་གཙོད་རྒྱུད་སྤེལ་མ་གནས་སྤོ་ཡིན་ནའང་འདྲ།འདི་དག་གི་ཐོག་ནས་མིས་རང་བྱུང་ལ་གཅེས་ན།རང་བྱུང་གིས་མི་ལ་གཅེས་ངེས་པ་མཚོན།...

ལྗང་མདོག་སྐྱེ་ཁམས་ནི་རྒྱུ་ནོར་ཆེ་ཤོས་དང་།དགེ་མཚན་ཆེ་ཤོས།སྤུས་རྟགས་ཆེ་ཤོས་བཅས་ཡིན་པས།ངེས་པར་དུ་སྲུང་སྐྱོབ་ཡག་པོ་བྱས་ཏེ་རི་ཀླུང་བཅོས་སྐྱོང་དང་རི་སྔོན་ཆུ་དྭངས་ཀྱི་ལས་དོན་ལེགས་པར་སྒྲུབ་ནས།དཔལ་འབྱོར་འཕེལ་རྒྱས་དང་སྐྱེ་ཁམས་དཔལ་ཡོན་གྱི་ཆུ་ཚད་མཐོ་རུ་གཏོང་བའི་གཅིག་ཕན་གཅིག་གྲོགས་དང་ཆར་པ་ཆུ་གྲོགས་ཀྱི་ལམ་བུར་སྐྱོད་དགོས།...

ང་ཚོར་རི་སྔོན་ཆུ་དྭངས་དགོས་ལ།གསེར་རི་དངུལ་རི་ཡང་དགོས།རི་སྔོན་ཆུ་དྭངས་བྱུང་ན་གསེར་རི་དངུལ་རི་མེད་ཀྱང་འགྲིག་ཅིང་།རི་སྔོན་ཆུ་དྭངས་རང་ནི་གསེར་རི་དངུལ་རི་ཡིན།ང་ཚོས་སྐྱེ་ཁམས་ཁོར་ཡུག་བློས་བཏང་ནས་དཔལ་འབྱོར་གནས་སྐབས་འཕེལ་རྒྱས་གཏོང་ཐབས་གཏན་ནས་བྱེད་མི་རུང་།ང་ཚོས་སྐྱེ་ཁམས་དཔལ་ཡོན་འཛུགས་སྐྲུན་དང་མཛེས་སྡུག་ལྡན་པའི་ཀྲུང་གོ་འཛུགས་སྐྲུན་བྱེད་པའི་འཐབ་ཇུས་ཀྱི་ལས་འགན་བཏོན་ནས།བུ་རབས་ཚ་རྒྱུད་ལ་ནམ་མཁའ་སྔོན་པོ་དང་རི་ཀླུང་སྔོ་ལྗང་དང་ཆུ་བོ་དྭངས་གཙང་བཅས་ཀྱི་མཛེས་སྡུག་ལྡན་པའི་ཁྱིམ་གཞིས་ཤིག་ཤུལ་དུ་འཇོག་དགོས།...

སྐྱེ་ཁམས་དཔལ་ཡོན་འཛུགས་སྐྲུན་ནི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཁྱད་ཆོས་གལ་ཆེན་ཞིག་ཡིན།སྐྱེ་ཁམས་དཔལ་ཡོན་འཛུགས་སྐྲུན་བྱེད་ཤུགས་ཆེ་རུ་གཏོང་བ་ནི།འཕེལ་རྒྱས་ཀྱི་འདུ་ཤེས་གསར་པ་ལག་བསྟར་དང་།དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ལྡོག་མེད་ཀྱི་བླང་བྱ་ཡིན་ལ།མི་དམངས་མང་ཚོགས་ཀྱིས་སྤུས་ལེགས་འཚོ་བ་དོན་གཉེར་བྱེད་པའི་ཐུན་མོང་གི་ངོས་འཛིན་དང་འབོད་སྒྲ་ཡང་ཡིན།...

མི་དང་རང་བྱུང་ཁམས་བར་གྱི་འབྲེལ་བ་སྔར་ལས་དོ་མཉམ་ཡོང་བ་དང་།སྐྱེ་ཁམས་མ་ལག་དོ་མཉམ་ཡོང་བར་སྲུང་སྐྱོང་བྱས་ན་ད་གཟོད་མིའི་རིགས་ཀྱི་བདེ་ཐང་སྲུང་སྐྱོང་བྱེད་ཐུབ།མི་དང་རང་བྱུང་ཁམས་ནི་ཚེ་སྲོག་གཅིག་མཐུན་ཚོགས་པ་ཡིན་པའི་ཆོས་ཉིད་རང་བཞིན་ལ་ངོས་འཛིན་གཏིང་ཟབ་བྱེད་པ་དང་།སྐྱེ་ཁམས་དཔལ་ཡོན་འཛུགས་སྐྲུན་ཕྱོགས་ཡོངས་ནས་མགྱོགས་སུ་གཏོང་དགོས།སྐྱེ་ཁམས་དཔལ་ཡོན་གྱི་དར་ཆ་འདི་ངེས་པར་དུ་མཐོན་པོར་སྒྲེང་དགོས།...

སྐྱེ་ཁམས་ཁོར་ཡུག་ནི་ཏང་གི་འགན་འཁྲི་དང་དམིགས་ཡུལ་དང་འབྲེལ་བའི་ཆབ་སྲིད་ཀྱི་གནད་དོན་ཆེན་པོ་ཞིག་ཡིན་ལ།དམངས་འཚོ་དང་འབྲེལ་བའི་སྤྱི་ཚོགས་ཀྱི་གནད་དོན་ཆེན་པོ་ཞིག་ཀྱང་ཡིན།...

སྐྱེ་ཁམས་དཔལ་ཡོན་འཛུགས་སྐྲུན་ནི་ཀྲུང་ཧྭ་མི་རིགས་རྒྱུན་མཐུད་འཕེལ་རྒྱས་ཡོང་བའི་རྩ་བའི་ཇུས་ཆེན་ཞིག་ཡིན་ལ།ཀྲུང་ཧྭ་མི་རིགས་ཀྱིས་སྔ་ཕྱི་བར་གསུམ་དུ་རང་བྱུང་ལ་བརྩི་འཇོག་དང་།རང་བྱུང་ལ་དགའ་ཞེན་བྱེད་ཅིང་།ལོ་ངོ་ལྔ་སྟོང་ལྷག་གི་ཀྲུང་ཧྭའི་ཤེས་རིག་གིས་སྐྱེ་ཁམས་རིག་གནས་ཕུན་སུམ་ཚོགས་པ་གསོ་སྐྱོང་བྱེད་བཞིན་ཡོད།...

སྐྱེ་ཁམས་དཔལ་ཡོན་ནི་མིའི་རིགས་ཀྱི་སྤྱི་ཚོགས་ཡར་ཐོན་བྱུང་བའི་གྲུབ་འབྲས་གལ་ཆེན་ཞིག་ཡིན།མིའི་རིགས་ཀྱིས་གདོད་མའི་དཔལ་ཡོན་དང་།ཞིང་ལས་དཔལ་ཡོན།བཟོ་ལས་དཔལ་ཡོན་བཅས་བརྒྱུད་ཅིང་།སྐྱེ་ཁམས་དཔལ་ཡོན་ནི་བཟོ་ལས་དཔལ་ཡོན་དུས་རིམ་ངེས་ཅན་ཞིག་ཏུ་འཕེལ་རྒྱས་བྱུང་བའི་ཐོན་དངོས་ཡིན་པ་དང་།མི་དང་རང་བྱུང་ཁམས་ཞི་མཐུན་ངང་འཕེལ་རྒྱས་ཡོང་བའི་བླང་བྱ་གསར་པ་ཡིན།ལོ་རྒྱུས་ཀྱི་ངོས་ནས་བལྟས་ན།སྐྱེ་ཁམས་དར་ན་དཔལ་ཡོན་རྒྱས་པ་དང་།སྐྱེ་ཁམས་རྒུད་ན་དཔལ་ཡོན་ཉམས་པར་འགྱུར།...

མི་དམངས་བླ་ན་མེད་པ་དང་ཚེ་སྲོག་བླ་ན་མེད་པ་ཡིན་པས།མི་དམངས་ཀྱི་ཚེ་སྲོག་བདེ་འཇགས་དང་གཟུགས་གཞི་བདེ་ཐང་སྲུང་སྐྱོབ་བྱེད་པར་གང་ཡང་བློས་གཏོང་བྱས་ཆོག...

བདེ་ཐང་ནི་མི་ཕྱོགས་ཡོངས་ནས་འཕེལ་རྒྱས་འགྲོ་བར་སྐུལ་འདེད་བྱེད་པའི་བླང་བྱ་ལྡོག་མེད་ཅིག་ཡིན་པ་དང་།དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་རྨང་གཞིའི་ཆ་རྐྱེན་དང་།མི་རིགས་དར་རྒྱས་དང་རྒྱལ་ཁབ་སྟོབས་འབྱོར་རྒྱས་པའི་མཚོན་རྟགས་གལ་ཆེན་ཞིག་ཡིན་ལ།རྒྱ་ཆེའི་མི་དམངས་མང་ཚོགས་ཀྱི་ཐུན་མོང་གི་རེ་སྙེག་ཀྱང་ཡིན།...

སྤྱི་ཚོགས་ཡོངས་ཀྱིས་ལོ་ཆུང་བྱིས་པ་ཚོར་རྒྱུན་ལོན་དང་།ལོ་ཆུང་བྱིས་པ་ཚོར་བརྩི་འཇོགལོ་ཆུང་བྱིས་པ་ཚོར་སེམས་ཁུར།ལོ་ཆུང་བྱིས་པ་ཚོར་ཞབས་ཞུ།ལོ་ཆུང་བྱིས་པ་ཚོར་སྤྱི་ཚོགས་ཀྱི་ཁོར་ཡུག་ཡག་པོ་ཞིག་འདོན་སྤྲོད་བཅས་བྱེད་དགོས།ལོ་ཆུང་བྱིས་པ་ཚོའི་ཁེ་དབང་ལ་གནོད་འཚེ་གཏོང་བ་དང་ལོ་ཆུང་བྱིས་པ་ཚོའི་ལུས་སེམས་བདེ་ཐང་ལ་གནོད་འཚེ་གཏོང་བའི་གཏམ་སྤྱོད་ལ་ནི་བློ་ཐག་རྦད་ཆོད་ཀྱིས་བཀག་འགོག་དང་ཁྲིམས་ལྟར་རྡུང་རྡེག་གཏོང་དགོས།...

དབང་པོ་སྐྱོན་ཅན་ནི་དམིགས་བསལ་དཀའ་ངལ་ཡོད་པའི་མི་ཚོགས་ཤིག་ཡིན་པས་ལྷག་པར་སེམས་ཁུར་དང་ལྷག་པར་དོ་ཁུར་བྱེད་དགོས།རྒྱ་ཆེའི་དབང་པོ་སྐྱོན་ཅན་བདེ་སྡོད་ལས་བརྩོན་དང་ཟས་གོས་ལ་སེམས་ཁྲལ་མེད་པར་བདེ་སྐྱིད་ལྡན་པའི་འཚོ་བ་སྐྱེལ་ཐུབ་པ་བྱ་རྒྱུ་ནི་ང་ཚོའི་ཏང་གིས་བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་དམིགས་ཡུལ་གྱི་མཚོན་ཚུལ་གལ་ཆེན་ཞིག་ཡིན་ཞིང་།རང་རྒྱལ་སྤྱི་ཚོགས་རིང་ལུགས་ལམ་ལུགས་ཀྱི་ལྡོག་མེད་བླང་བྱ་ཡིན།...

དམངས་འཚོ་ལེགས་བཅོས་གཏོང་བའི་སྲིད་ཇུས་ཐད་ང་ཚོས་རྩ་དོན་ཞིག་སྟངས་འཛིན་ཡག་པོ་བྱེད་དགོས་པ་ནི།འཁྱག་དུས་གོས་དང་ལྟོག་དུས་ཟས་སྐྱེལ་བའི་ལས་ཀ་མང་ཙམ་བྱེད་པ་དང་གོས་ཆེན་སྒང་ལ་ཕར་ཕྱིན་རྒྱག་པའི་ལས་ཀ་ཉུང་ཙམ་བྱེད་ཅིང་།བྱ་བ་གང་བྱེད་ཚང་མ་སྤྱི་ཚོགས་རིང་ལུགས་ཀྱི་ཐོག་མའི་དུས་རིམ་གྱི་གཞི་རྩའི་རྒྱལ་ཁབ་ཀྱི་གནས་ཚུལ་ལ་གཞི་ཚུགས་དགོས་པ་འདི་རེད།...

ལས་ཞུགས་ནི་དམངས་འཚོའི་ལས་གྲྭ་དང་།དམངས་སེམས་ལས་གྲྭ།རྨང་གཞིའི་ལས་གྲྭ་བཅས་ཆེ་ཤོས་ཡིན་པས།ངེས་པར་དུ་དམ་འཛིན་དངོས་འཛིན་བཟང་འཛིན་བྱེད་དགོས།...

ང་ཚོའི་ཐུན་མོང་ཐོག་ཕྱུག་པོར་འགྱུར་ཡོང་བ་ཞེས་པ་ནི་མི་དམངས་ཀྱི་དགའ་སྐྱིད་ལྡན་པའི་འཚོ་བའི་དགོས་མཁོ་སྔར་ལས་ལེགས་པར་སྐོང་བ་དང་།སྤྱིའི་ཆ་ནས་ཕྱུག་པོར་འགྱུར་བ་དང་ཡོངས་ཁྱབ་ཏུ་ཕྱུག་པོར་འགྱུར་བ་རིམ་བཞིན་མངོན་འགྱུར་བྱེད་པ།ཚོང་ར་དང་སྲིད་གཞུང་ཟུང་འབྲེལ་དང་།ལས་ཆོད་དང་དྲང་སྙོམས་གཅིག་གྱུར་ཡོང་བ་རྒྱུན་འཁྱོངས་བཅས་བྱས་ནས།བག་ལེབ་ཆེན་པོ་བཟོ་བ་དང་སྦྲགས་བག་ལེབ་ཡག་པོ་བགོས་ནས་སྐྱུ་རུ་རའི་དབྱིབས་ཀྱི་བགོ་བཤའི་གྲུབ་ཚུལ་བསྐྲུན་པ་ལ་ཟེར་བ་ཡིན།...

ཀྲུང་གོའི་དཔལ་འབྱོར་དང་སྤྱི་ཚོགས་འཕེལ་རྒྱས་སྔར་ལས་ལེགས་པ་ཡོང་དགོས་ན་མཐར་གཏུགས་ནས་བཤད་ན་མི་དམངས་དུང་ཕྱུར་བཅུ་བཞི་ལྷག་གི་སྟོབས་ཤུགས་སྐུལ་སློང་བྱེད་དགོས།ང་ཚོས་མི་དམངས་ལྟེ་བར་འཛིན་པ་རྒྱུན་འཁྱོངས་བྱས་ཏེ་མི་དམངས་ཀྱི་འཚོ་བའི་ཆུ་ཚད་མུ་མཐུད་མཐོ་རུ་གཏོང་རྒྱུ་དང་།ཡོང་འབབ་འབྲིང་རིམ་གྱི་མི་ཚོགས་དེ་འབྱུང་འགྱུར་ལོ་བཅོ་ལྔའི་ནང་དུང་ཕྱུར༨ལས་བརྒལ་ནས་གཞི་ཁྱོན་ཆེ་བའི་ཚོང་ར་རྒྱུན་ཆད་མེད་པར་འཕེལ་རྒྱས་འགྲོ་བར་སྐུལ་འདེད་གཏོང་དགོས།...

ཡོང་འབབ་འབྲིང་རིམ་གྱི་མི་ཚོགས་ལ་མཚོན་ན།རྒྱུ་ནོར་གྱི་བདག་དབང་ནི་ཁོ་ཚོས་སྤྱི་ཚོགས་ལ་ཡིད་ཆེས་བྱེད་པའི་འབྱུང་ཁུངས་གཙོ་བོ་ཡིན།ཐོན་དངོས་བདག་དབང་སྲུང་སྐྱོབ་ལེགས་པོ་དང་རྒྱུ་ནོར་བདེ་འཇགས་འགན་སྲུང་བྱས་ཚེ།ད་གཟོད་ཁོ་ཚོ་སེམས་སྐྱིད་ཅིང་སྙིང་རུས་བསྐྱེད་ཐུབ་པ་དང་།ད་གཟོད་ཁོང་ཚོའི་སྔོན་དཔག་བརྟན་པོ་ཡོང་དུ་འཇུག་ཐུབ།...

སྤྱི་ཚོགས་ཞི་མཐུན་བརྟན་བརླིང་དང་རྒྱལ་ཁབ་ཀྱི་ཡུན་རིང་བདེ་འཁོད་སྲུང་སྐྱོང་བྱེད་པར་ངེས་པར་དུ་ཡོང་འབབ་དམའ་བའི་མི་ཚོགས་ཀྱི་བསྡུར་ཚད་རིམ་བཞིན་ཉུང་དུ་གཏོང་བ་དང་།ཡོང་འབབ་འབྲིང་རིམ་གྱི་མི་ཚོགས་ཀྱི་བསྡུར་ཚད་རྒྱ་སྐྱེད་གཏོང་དགོས་ལ།ངེས་པར་དུ་སྔོན་ལ་ཕྱུག་པོར་གྱུར་བ་ཚོས་རྗེས་སུ་ཕྱུག་པོར་འགྱུར་བ་ལ་རོགས་རམ་བྱ་རྒྱུ་རྒྱུན་འཁྱོངས་བྱས་ཏེ།རིམ་བཞིན་མི་དམངས་ཡོངས་རྫོགས་ཐུན་མོང་ཐོག་ཕྱུག་པོར་འགྱུར་བ་མངོན་འགྱུར་བྱེད་དགོས།...