ད་ལྟ་ནས་བཟུང་།ཀྲུང་གོའི་གུང་ཁྲན་ཏང་གི་ལྟེ་བའི་ལས་འགན་ནི་རྒྱལ་ཡོངས་མི་རིགས་ཁག་གི་མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ཏེ་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་སྟོབས་ལྡན་བསྐྲུན་ཚར་བར་བྱེད་པ་དང་།ལོ་བརྒྱ་གཉིས་པའི་འབད་འཐབ་དམིགས་འབེན་མངོན་འགྱུར་བྱས་ཏེ།ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་ཕྱོགས་ཡོངས་ནས་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བར་སྐུལ་འདེད་གཏོང་རྒྱུ་དེ་ཡིན།...

ཚན་རིག་དང་མཐུན་པར་སྲིད་སྐྱོང་དང་།དམངས་གཙོའི་སྲིད་སྐྱོང་།ཁྲིམས་ལྟར་སྲིད་སྐྱོང་བཅས་རྒྱུན་འཁྱོངས་བྱེད་པ་དང་།དམངས་གཙོའི་གཅིག་སྡུད་ལམ་ལུགས་ལག་ལེན་མཐར་ཕྱིན་བསྟར་བ།འགོ་ཁྲིད་བྱེད་སྟངས་གསར་གཏོད་དང་ལེགས་བཅོས་བྱས་ཏེ།ཏང་གིས་ཁ་ཕྱོགས་འཛིན་པ་དང་།ཁྱོན་ཡོངས་འཆར་འགོད།སྲིད་ཇུས་གཏན་འབེབས།བསྒྱུར་བཅོས་ལ་སྐུལ་སྤེལ་བཅས་བྱེད་པའི་ནུས་པ་ཆེ་རུ་གཏོང་བ་དང་།ཕྱོགས་གང་ཅིའི་ཐད་ཀྱི་ཧུར་བརྩོན་རང་བཞིན་ལ་སྐུལ་སློང་བྱེད་དགོས།...

ད་ལྟ་ནི་ང་ཚོ་ལོ་རྒྱུས་ཐོག་གི་དུས་སྐབས་གང་ཞིག་ལས་ཀྱང་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་ཡོང་བའི་དམིགས་འབེན་འགྲུབ་རྒྱུར་ཐག་ཉེ་ཤོས་ཡིན་པ་དང་།དེ་འགྲུབ་རྒྱུའི་གདེང་ཚོད་དང་ནུས་པ་སྔར་བས་ཆེ་བ་ལྡན་ཡོད།ལེ་དབར་བརྒྱ་ཡི་བཤུལ་ལམ་ལས།།དགུ་བཅུ་བཅད་པ་ལམ་ཕྱེད་ཙམ།།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་བྱེད་པ་ནི་བདེ་བདེ་ལྷོད་ལྷོད་དང་རྔ་རྡུང་དར་འཕྱར་བྱས་པ་ཙམ་གྱིས་འགྲུབ་ཐུབ་པ་ཞིག་མ་ཡིན་པས།ཏང་ཡོངས་ཀྱིས་ངེས་པར་དུ་ཁག་འཁུར་དེ་བས་ལྗིད་པ་དང་དཀའ་ཚེགས་དེ་བས་ཆེ་བའི་འབད་བརྩོན་བྱ་རྒྱུའི་གྲ་སྒྲིག་བྱེད་དགོས།...

ཚན་རིག་དང་མཐུན་པར་སྲིད་སྐྱོང་དང་།དམངས་གཙོས་སྲིད་སྐྱོང་།ཁྲིམས་ལྟར་སྲིད་སྐྱོང་བཅས་རྒྱུན་འཁྱོངས་བྱེད་པ་དང་།དམངས་གཙོ་གཅིག་སྡུད་ལམ་ལུགས་ལག་ལེན་མཐར་ཕྱིན་བསྟར་བ།འགོ་ཁྲིད་བྱེད་སྟངས་གསར་གཏོད་དང་ལེགས་བཅོས་བྱས་ཏེ།ཏང་གིས་ཁ་ཕྱོགས་འཛིན་པ་དང་།ཁྱོན་ཡོངས་འཆར་འགོད།སྲིད་ཇུས་གཏན་འབེབས།བསྒྱུར་བཅོས་ལ་སྐུལ་སྤེལ་བཅས་བྱེད་པའི་ནུས་པ་ཆེ་རུ་གཏོང་བ་དང་།ཕྱོགས་གང་ཅིའི་ཐད་ཀྱི་ཧུར་བརྩོན་རང་བཞིན་སྐུལ་སློང་བྱེད་དགོས།...

རྒྱུན་ཆད་མེད་པར་ཏང་གི་འགོ་ཁྲིད་ལ་ཤུགས་སྣོན་དང་ལེགས་སྒྱུར་བྱས་ཏེ།ཏང་གི་འདོད་བློ་དག་ཁྲིམས་བཀོད་ཀྱི་ལས་རིམ་བརྒྱུད་དེ་རྒྱལ་ཁབ་ཀྱི་འདོད་བློ་རུ་སྒྱུར་མཁས་པོ་དང་།ཏང་རྩ་འཛུགས་ཀྱིས་འོས་སྦྱོར་བྱས་པའི་འོས་མི་གང་དེ་ཁྲིམས་བཀོད་ཀྱི་ལས་རིམ་བརྒྱུད་དེ་རྒྱལ་ཁབ་སྲིད་དབང་ལས་ཁུངས་ཀྱི་འགོ་ཁྲིད་མི་སྣར་སྒྱུར་མཁས་པོ།རྒྱལ་ཁབ་ཀྱི་སྲིད་དབང་ལས་ཁུངས་ལ་བརྟེན་ནས་ཏང་གིས་རྒྱལ་ཁབ་དང་སྤྱི་ཚོགས་ལ་འགོ་ཁྲིད་བྱ་རྒྱུ་ལག་བསྟར་བྱེད་མཁས་པོ།དམངས་གཙོ་གཅིག་སྡུད་ལམ་ལུགས་ཀྱི་རྩ་དོན་ལྟར་ཏང་དང་རྒྱལ་ཁབ་ཀྱི་དབང་གྲགས་སྲུང་སྐྱོང་དང་ཏང་ཡོངས་དང་རྒྱལ་ཡོངས་ཀྱི་མཐུན་སྒྲིལ་གཅིག་གྱུར་སྲུང་སྐྱོང་བྱེད་མཁས་པོ་བཅས་བྱེད་དགོས།...

ངས་ཐོག་མཐའ་བར་གསུམ་དུ་གནད་དོན་ཞིག་ལ་བསམ་གཞིགས་བྱེད་བཞིན་པ་ནི།ང་ཚོ་ཀྲུང་གོའི་གུང་ཁྲན་ཏང་མིས་དམག་རྒྱག་ཐུབ་མིན་དེ་ཀྲུང་གོ་གསར་པ་དབུ་བརྙེས་ཚུལ་ཐོག་ནས་གསལ་བཤད་བྱས་ཡོད་པ་དང་།ང་ཚོ་ཀྲུང་གོའི་གུང་ཁྲན་ཏང་མིས་འཛུགས་སྐྲུན་དང་འཕེལ་རྒྱས་དོན་དུ་གཉེར་ཐུབ་མིན་དེ་བསྒྱུར་བཅོས་སྒོ་འབྱེད་ལ་སྐུལ་འདེད་བཏང་ཚུལ་ཐོག་ནས་ཀྱང་གསལ་བཤད་བྱས་ཡོད་མོད།འོན་ཀྱང་།ང་ཚོ་ཀྲུང་གོའི་གུང་ཁྲན་ཏང་མིས་ཉིན་རེ་བཞིན་རྙོག་འཛིང་ཆེ་བའི་རྒྱལ་སྤྱི་རྒྱལ་ནང་གི་ཁོར་ཡུག་འོག་ཏང་གི་འགོ་ཁྲིད་རྒྱུན་འཁྱོངས་དང་།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་དང་འཕེལ་རྒྱས་གཏོང་ཐུབ་མིན་ལ་ད་དུང་ང་ཚོ་མི་རབས་ནས་མི་རབས་བར་གྱི་གུང་ཁྲན་ཏང་མིས་མུ་མཐུད་ལན་འདེབས་དགོས།...

ཀྲུང་གོ་ཞི་བའི་གོང་འཕེལ་གྱི་འགྲོ་ལམ་དུ་སྐྱོད་པ་ནི་སྐབས་བསྟུན་གྱི་ཐབས་བཀོད་ཅིག་མ་ཡིན་ལ།ཕྱི་འབྲེལ་གྱི་ཁ་ཁྱེར་ནི་དེ་བས་ཀྱང་མ་ཡིན་པར།ལོ་རྒྱུས་དང་དངོས་ཡོད།འབྱུང་འགྱུར་བཅས་ལ་བརྡར་ཤ་བཅད་པའི་ཐོག་ནས་བྱུང་བའི་སྡོམ་ཚིག་ཡིན་པ་དང་།བསམ་བློའི་གདེང་ཚོད་དང་ལག་ལེན་གྱི་རང་རྟོགས་གཉིས་ཀྱི་གཅིག་གྱུར་དམ་ཚགས་ཡིན།ཞི་བའི་གོང་འཕེལ་གྱི་འགྲོ་ལམ་ནི་ཀྲུང་གོར་ཕན་ཐོགས་ཡོད་པ་དང་འཛམ་གླིང་ལ་ཕན་ཐོགས་ཡོད་པ་ཡིན་པས།ང་ཚོར་ལག་ལེན་ལས་ཐར་ལམ་ཡིན་པར་བདེན་དཔང་བྱས་ཟིན་པའི་འགྲོ་ལམ་འདི་རྒྱུན་འཁྱོངས་མི་བྱེད་པའི་རྒྱུ་མཚན་གང་ཡང་མེད།...

རྒྱལ་སྤྱིའི་གནས་བབ་ཀྱི་འགྱུར་ལྡོག་ཟབ་མོ་དང་རྒྱལ་ཁབ་ཁག་ཕྱར་བ་གྲུ་འདེགས་བྱེད་དགོས་པའི་ཕྱི་རོལ་ཡུལ་གྱི་བླང་བྱའི་མདུན་དུ།རྒྱལ་ཁབ་ཁག་གིས་མཉམ་དུ་མཉམ་ལས་མཉམ་རྒྱལ་ཡོང་བའི་རྒྱལ་སྤྱིའི་འབྲེལ་བ་དཔེ་གསར་ཅན་འཛུགས་རྒྱུར་སྐུལ་འདེད་གཏོང་དགོས་པ་དང་།རྒྱལ་ཁབ་ཁག་གི་མི་དམངས་ཀྱིས་ལག་གདང་སྦྲེལ་ནས་འཛམ་གླིང་གི་ཞི་བདེ་སྲུང་སྐྱོང་དང་མཉམ་དུ་གོང་འཕེལ་ཡོང་བར་སྐུལ་འདེད་གཏོང་དགོས།...

ཀྲུང་གོ་ཞི་བའི་གོང་འཕེལ་གྱི་འགྲོ་ལམ་དུ་སྐྱོད་དགོས་ལ།རྒྱལ་ཁབ་གཞན་དག་ཀྱང་ཞི་བའི་གོང་འཕེལ་གྱི་འགྲོ་ལམ་དུ་སྐྱོད་དགོས་པས།རྒྱལ་ཁབ་ཁག་ཚང་མ་ཞི་བའི་གོང་འཕེལ་གྱི་འགྲོ་ལམ་དུ་སྐྱོད་པ་ཡིན་ན་རྒྱལ་ཁབ་ཁག་གཞི་ནས་མཉམ་དུ་གོང་འཕེལ་ཡོང་ཐུབ་ལ།རྒྱལ་ཁབ་དང་རྒྱལ་ཁབ་བར་གཞི་ནས་ཞི་བདེ་མཉམ་གནས་ཡོང་ཐུབ།...

ཞི་བའི་གོང་འཕེལ་གྱི་འགྲོ་ལམ་དུ་སྐྱོད་པ་ནི་ང་ཚོའི་ཏང་གིས་དུས་རབས་ཀྱི་འཕེལ་ཕྱོགས་དང་རང་རྒྱལ་གྱི་རྩ་བའི་ཁེ་ཕན་གཞིར་བཟུང་ནས་འཐབ་ཇུས་ཀྱི་གདམ་གསེས་བྱས་པ་ཞིག་ཡིན།...

མིའི་རིགས་ཀྱི་ལས་དབང་གཅིག་མཐུན་ཚོགས་པ་མཉམ་དུ་འཛུགས་པར་སྐུལ་འདེད་གཏོང་བ་ནི་ལམ་ལུགས་ཤིག་གིས་ལམ་ལུགས་གཞན་ཞིག་གི་ཚབ་བྱེད་པ་མིན་ལ།ཤེས་དཔལ་ཞིག་གིས་ཤེས་དཔལ་གཞན་ཞིག་གི་ཚབ་བྱེད་པའང་མ་ཡིན་པར་སྤྱི་ཚོགས་ལམ་ལུགས་མི་འདྲ་བ་དང་།འདུ་ཤེས་འཛིན་སྟངས་མི་འདྲ་བ།ལོ་རྒྱུས་རིག་གནས་མི་འདྲ་བ།འཕེལ་རྒྱས་ཆུ་ཚད་མི་འདྲ་བ་བཅས་ཀྱི་རྒྱལ་ཁབ་ཁག་གིས་རྒྱལ་སྤྱིའི་ལས་དོན་ནང་དུ་ཁེ་ཕན་མཉམ་གནས་དང་།ཁེ་དབང་མཉམ་སྤྱོད།འགན་འཁྲི་མཉམ་འཁུར་བཅས་བྱས་ཏེ།མཛེས་སྡུག་ལྡན་པའི་འཛམ་གླིང་མཉམ་སྐྲུན་བྱེད་པའི་མཐུན་ཆ་ཆེ་ཤོས་ཆགས་པར་བྱེད་པ་དེ་ཡིན།...

ཞི་བདེའི་མེ་སོན་མི་རབས་ནས་མི་རབས་བར་རྒྱུན་འཛིན་ཐུབ་པ་དང་།གོང་འཕེལ་གྱི་སྒུལ་ཤུགས་རྒྱུན་ཆད་མེད་པར་ཐོན་ཐུབ་པ།ཤེས་དཔལ་གྱི་གཟི་འོད་རབ་ཏུ་འབར་ཐུབ་པ་བཅས་ནི་རྒྱལ་ཁབ་ཁག་གི་མི་དམངས་ཀྱི་རེ་སྨོན་ཡིན་ལ།ང་ཚོ་མི་རབས་འདིའི་ཆབ་སྲིད་པ་རྣམས་ཀྱིས་འཁུར་འོས་པའི་འགན་འཁྲིའང་ཡིན།ཀྲུང་གོའི་ཇུས་གཞི་ནི་མིའི་རིགས་ཀྱི་ལས་དབང་གཅིག་མཐུན་ཚོགས་པ་བཙུགས་ནས་མཉམ་རྒྱལ་མཉམ་སྤྱོད་མངོན་འགྱུར་བྱ་རྒྱུ་དེ་ཡིན།...

འཛམ་གླིང་འདིར་རྒྱལ་ཁབ་ཁག་ཕན་ཚུན་འབྲེལ་འདྲིས་དང་ཕན་ཚུན་གཅིག་ལ་གཅིག་རྟེན་བྱེད་པའི་ཚད་སྔ་ན་མ་མཆིས་པར་གཏིང་ཟབ་ཏུ་སོང་ཡོད་པ་དང་།མིའི་རིགས་སའི་གོ་ལའི་གྲོང་ཚོ་རུ་འཚོ་ཞིང་གནས་ཡོད་ལ།ལོ་རྒྱུས་དང་དངོས་ཡོད་བསྣོལ་བའི་ཡུལ་དུས་སུ་འཚོ་བཞིན་ཡོད་ཅིང་།སྔར་བས་ཁྱོད་ང་ལ་འདྲེས་ཤིང་ང་ཁྱོད་ལ་འདྲེས་པའི་ལས་དབང་གཅིག་མཐུན་ཚོགས་པ་ཞིག་ཆགས་བཞིན་ཡོད།...

ངོགས་གཉིས་ཀྱི་ཕྱོགས་གཉིས་ཀས“གོ་གཉིས་ངོས་འཛིན་གཅིག་མཐུན”དང“ཐའེ་ཙན་རང་བཙན”ལ་ངོ་རྒོལ་བྱེད་པའི་ཐུན་མོང་གི་རྨང་གཞི་སྲ་བརྟན་དང་རྒྱུན་འཁྱོངས་བྱས་ཏེ།ཀྲུང་གོ་གཅིག་གི་སྒྲོམ་གཞིའི་ཐུན་མོང་གི་ངེས་ཤེས་ཟབ་སྤེལ་དང་སྲུང་སྐྱོང་བྱེད་དགོས།རྨང་གཞི་འདི་ནི་ངོགས་གཉིས་ཀྱི་འབྲེལ་བའི་གྲུ་འདོགས་ལྟ་བུ་ཡིན་ལ།གྲུ་འདོགས་བརྟན་པོར་ཚུགས་ན་གཞི་ནས་ཕྱོགས་ཀྱི་དྲག་རླུང་ཇི་ལྟར་ལྡང་ཡང་བག་ཡངས་ངང་བསྡད་ཆོག་པ་རེད།...

ཞང་ཀང་དང་ཨའོ་མོན་མེས་རྒྱལ་གྱི་པང་དུ་ལོག་རྗེས།དམིགས་བསལ་སྲིད་འཛིན་ས་ཁུལ་འདི་གཉིས་ཀྱི་ལས་དོན་ཐག་གཅོད་བྱ་རྒྱུ་ནི་ཀྲུང་གོའི་ནང་སྲིད་འབའ་ཞིག་ཡིན་པས་ཕྱིའི་སྟོབས་ཤུགས་གང་ཞིག་ལའང་བཀའ་བཀོད་གཏོང་བའི་དབང་ཆ་མེད།ཀྲུང་གོའི་སྲིད་གཞུང་དང་ཀྲུང་གོའི་མི་དམངས་ཀྱིས་རྒྱལ་ཁབ་ཀྱི་བདག་དབང་དང་།བདེ་འཇགས།འཕེལ་རྒྱས་ཀྱི་ཁེ་ཕན་བཅས་སྲུང་སྐྱོང་བྱེད་པའི་འདོད་བློ་རྡོ་རྗེ་བྲག་ལྟར་འགྱུར་བ་མེད་པས།ང་ཚོས་ཕྱི་ཕྱོགས་ཀྱི་སྟོབས་ཤུགས་གང་ཡང་རུང་བར་ཞང་ཀང་དང་ཨའོ་མོན་གྱི་ལས་དོན་ལ་ཐེ་ཇུས་བྱེད་དུ་གཏན་ནས་འཇུག་མི་སྲིད།...

རྒྱལ་ཁབ་གཅིག་ལ་ལམ་ལུགས་གཉིས་འཛིན་པ་ནི་ལག་ལེན་དངོས་ཀྱི་ཐོག་ནས་ཞིབ་བཤེར་ཡང་ཡང་བྱས་པ་དང་།རྒྱལ་ཁབ་དང་མི་རིགས་ཀྱི་རྩ་བའི་ཁེ་ཕན་དང་མཐུན་པ།ཞང་ཀང་དང་ཨའོ་མོན་གྱི་རྩ་བའི་ཁེ་ཕན་དང་མཐུན་ཞིང་།མེས་རྒྱལ་གྱི་མི་དམངས་དུང་ཕྱུར་བཅུ་བཞི་ལྷག་ཙམ་གྱིས་རྒྱབ་སྐྱོར་ཤུགས་ཆེན་བྱས་པ་དང་།ཞང་ཀང་དང་ཨའོ་མོན་གྱི་སྡོད་དམངས་ཀྱིས་མགྲིན་གཅིག་ཏུ་བརྩི་བཀུར་བྱས་ཤིང་།རྒྱལ་སྤྱིའི་སྤྱི་ཚོགས་ཀྱིས་ཀྱང་ཡོངས་ཁྱབ་ཏུ་ཁས་ལེན་བྱས་ཡོད།ལམ་ལུགས་བཟང་པོ་འདི་ལྟ་བུ་ལ་འགྱུར་ལྡོག་གཏོང་དགོས་པའི་རྒྱུ་མཚན་གང་ཡང་མེད་པས།ངེས་པར་དུ་ཡུན་རིང་རྒྱུན་འཁྱོངས་བྱེད་དགོས།...

གནད་དོན་གྱིས་སྣེ་ཁྲིད་བྱ་རྒྱུ་རྒྱུན་འཁྱོངས་དང་།བསམ་ཕྱོགས་དང་བྱེད་ཐབས་བཏོན་ནས།འགན་འཁྲི་འཁུར་སེམས་ཆེན་པོས་གནད་དོན་ཐག་གཅོད་བྱེད་པར་སྐུལ་འདེད་གཏོང་བ་དང་།དཔལ་འབྱོར་འཛུགས་སྐྲུན་དང་རྒྱལ་སྲུང་འཛུགས་སྐྲུན་བར་གྱི་འབྲེལ་བ་ཡང་དག་པའི་སྒོ་ནས་སྟངས་འཛིན་དང་ཐག་གཅོད་བྱས་ཏེ།དེ་གཉིས་མཐུན་སྦྱོར་ངང་འཕེལ་རྒྱས་དང་དོ་མཉམ་ངང་འཕེལ་རྒྱས།འཆམ་མཐུན་ངང་འཕེལ་རྒྱས་བཅས་གཏོང་དགོས།...

ཏང་གི་ཁ་ཕྱོགས་ནི་རང་དམག་གི་ཆབ་སྲིད་ལས་ཀའི་ཁ་ཕྱོགས་ཡིན།ཏང་དང་དམག་དཔུང་གི་གནས་བབ་གསར་པའི་འོག་གི་ལྟེ་གནད་ལས་འགན་གྱིས་རང་དམག་གི་ཆབ་སྲིད་ལས་ཀའི་ལས་འགན་གཏན་འཁེལ་བྱས་ཡོད།དམག་དཔུང་གི་ཆབ་སྲིད་ལས་ཀའི་དུས་རབས་ཀྱི་བརྗོད་བྱ་གཙོ་བོ་ནི།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བའི་ཀྲུང་གོའི་ཕུགས་འདུན་མངོན་འགྱུར་བྱེད་པར་དམིགས་ཏེ་གནས་བབ་གསར་པའི་འོག་ཏང་གིས་དམག་དཔུང་སྟོབས་ལྡན་དུ་གཏོང་བའི་དམིགས་འབེན་མངོན་འགྱུར་བྱེད་པར་ཆབ་སྲིད་ཀྱི་འགན་ལེན་སྲ་བརྟན་འདོན་སྤྲོད་བྱ་རྒྱུ་དེ་ཡིན།...

དམག་དོན་སྦྱོར་བརྡར་ནི་དམག་དཔུང་གི་རྒྱུན་གཏན་རང་བཞིན་གྱི་ལྟེ་བའི་ལས་དོན་ཞིག་དང་།འཐབ་འཛིང་གི་ནུས་ཤུགས་ཆགས་པ་དང་ཆེ་རུ་གཏོང་བའི་གཞི་རྩའི་ཐབས་ལམ་ཡིན་ལ།དམག་དོན་འཐབ་རྩོད་ཀྱི་ཆེས་ཐད་ཀའི་གྲ་སྒྲིག་ཀྱང་ཡིན་པས།དེ་ནི་དམག་དཔུང་གིས་དམག་འཁྲུག་རྒྱག་ཐུབ་པ་དང་རྒྱལ་ཁ་ལེན་ཐུབ་པར་འགན་ལེན་བྱེད་པ་དང་།དམག་དཔུང་ཕྱོགས་ཡོངས་ནས་འཛུགས་སྐྲུན་བྱེད་པའི་ཆུ་ཚད་མཐོ་རུ་གཏོང་པར་དོན་སྙིང་ཧ་ཅང་གལ་ཆེན་ལྡན།...

ཏང་གི་སྲོལ་རྒྱུན་བཟང་བོ་དང་སྤྱོད་ཚུལ་སློབ་གསོ་གཏིང་ཟབ་ཏུ་སྤེལ་དགོས་ཤིང་།སྤྱོད་ཚུལ་འཛུགས་སྐྱོང་གི་ཡུན་ཕན་རྐྱེན་སྲོལ་འཐུས་ཚང་དུ་བཏང་སྟེ།སྲོལ་རྒྱུན་རྒྱང་ལམ་གསར་པ་རུ་སྐྱེལ་བ་དང་།སྤྱོད་ཚུལ་དུས་རབས་གསར་པ་རུ་དར་སྤེལ་གཏོང་དགོས།...

ནན་པོའི་དགོངས་གཞི་གཙོ་བོ་རྒྱུན་འཁྱོངས་བྱེད་པར་གཡོ་འགུལ་མི་གཏོང་བ་དང་།སྒྲིག་ཁྲིམས་འཛུགས་སྐྱོང་གི་ཆབ་སྲིད་རང་བཞིན་དང་།དུས་རབས་རང་བཞིན།ཁ་གཏད་རང་བཞིན་ཇེ་མཐོར་གཏོང་དགོས།ངེས་པར་དུ་ཆབ་སྲིད་སྒྲིག་ལམ་ལག་བསྟར་བྱས་ཏེ་སྒྲིག་ལམ་སྣ་ཚོགས་ཁྱོན་ཡོངས་ནས་གཟབ་ནན་ཡོང་བ་དང་ནན་པོ་མཐར་ཕྱིན་བྱེད་པར་སྐུལ་ཁྲིད་བྱེད་དགོས།སྒྲིག་ལམ་ཁྲིམས་ལས་དམ་པ་དང་སྒྲིག་བསྟར་ཁྲིམས་བསྟར་འབྲེལ་མཐུད་བྱེད་པ་རྒྱུན་འཁྱོངས་བྱེད་དགོས།“རྣམ་པ་བཞིའི”སྲིད་ཇུས་དང་ཐབས་ཇུས་བཀོལ་སྤྱོད་གཏིང་ཟབ་བྱས་ནས།སྒྲིག་བསྟར་ངེས་པར་ནན་དགོས་པ་དང་སྒྲིག་འགལ་ངེས་པར་རྩད་བཅད་དེ།དམ་ནན་གྱི་སྒྲིག་ལམ་ལ་བརྟེན་ནས་ཏང་གི་དམིགས་འབེན་གཅིག་གྱུར་དང་།མཐུན་སྒྲིལ་གཅིག་གྱུར།གོམ་འགྲོས་གཅིག་གྱུར་ཡོང་བར་འགན་སྲུང་བྱེད་དགོས།...

ཏང་གི་སྒྲིག་ཁྲིམས་དང་སྒྲིག་སྲོལ་ཁྲོད་དུ།ཆབ་སྲིད་སྒྲིག་ཁྲིམས་དང་ཆབ་སྲིད་ཁྲིམས་སྲོལ་ནི་ཆེས་རྩ་བ་དང་ཆེས་གལ་ཆེ་བས་ན།དུས་དང་རྣམ་པ་ཀུན་ཏུ་དར་ཆ་གསལ་སྒྲེང་སྒོས་ཆབ་སྲིད་ལ་སྣང་ཆེན་བྱེད་པའི་རྒྱུད་སྐུད་འདི་ལྷོད་མི་རུང་ལ།ཡིན་མིན་ཆེན་པོའི་མདུན་དང་ཆབ་སྲིད་རྩ་དོན་གྱི་གནད་དོན་ཐད་ཀླད་པ་ལྷག་པར་གསལ་བོ་བྱེད་པ་དང་ལངས་ཕྱོགས་ལྷག་པར་བརྟན་པོ་ཡོང་བར་བྱེད་པ་ལས།ངོ་གཉིས་ཕྱོགས་ཁག་དང་ངོ་གཉིས་མ་གཏན་ནས་མི་བྱེད་པ་དང་།ཏང་གི་རྩ་དོན་ལ་བརྟེན་ནས་ཉོ་ཚོང་གཏན་ནས་མི་བྱེད་པ།“ཡོད་པ་བདུན”གྱི་ལད་མོ་གཏན་ནས་མི་བྱེད།...

ཏང་གི་སྒྲིག་ཁྲིམས་འཛུགས་སྐྱོང་ལ་ཕྱོགས་ཡོངས་སུ་ཤུགས་བསྣོན་པ་དང་།མགོ་ཁྲིད་ལས་བྱེད་པའམ་ལྷག་པར་དུ་མཐོ་རིམ་ལས་བྱེད་པས་རང་གཅུན་ནན་མོ་དང་།རང་འགན་ནན་འཁུར།རང་ཁོངས་ནན་སྐྱོང་བྱེད་པར་སྐུལ་འདེད་བྱས་ཏེ།ཏང་གི་སྒྲིག་ཁྲིམས་དང་འགལ་བའི་གནད་དོན་ཡོད་ཚེ།གཅིག་བྱུང་ན་གཅིག་རྦད་དེ་ཐག་གཅོད་པ་དགོས།ཏང་གཤིས་དང་ཏང་སྲོལ།ཏང་གི་སྒྲིག་ཁྲིམས་བཅས་ཆབས་ཅིག་ཏུ་འཛིན་པ་རྒྱུན་འཁྱོངས་བྱས་ནས་བསམ་བློའི་ཐད་ནས་གཞི་བརྟན་སྟོབས་འཕེལ་ཡོང་བ་དང་།ཏང་གཤིས་ཀྱི་གོ་རྟོགས་མཐོ་རུ་འདེགས་པ།རུལ་འགོག་འགྱུར་ཟོན་གྱི་ནུས་པ་ཇེ་དྲག་ཏུ་བཏང་སྟེ།བཙན་ཕྱུག་སུས་ཀྱང་སླུ་མི་ཐུབ།།དབུལ་བོར་གྱུར་ཀྱང་བློ་མི་འགྱུར།།འཇིགས་ཟིལ་བསྟན་ཀྱང་མགོ་མི་སྒུར་ཞེས་པའི་སྒམ་བརླིང་གི་སྙིང་རུས་ཤིག་འཛོམས་དགོས།...

དར་ཆ་གསལ་སྒྲེང་སྒོས་ཆབ་སྲིད་ལ་སྣང་ཆེན་དང་།ཆབ་སྲིད་ཐད་ཀྱི་གོ་ཤེས་ཅན་ཞིག་བྱེད་པ།དམངས་གཙོ་གཅིག་སྡུད་ལམ་ལུགས་ལག་བསྟར་བྱེད་པར་མིག་དཔེ་སྟོན་པ།ཏང་ཀྲུང་དབྱང་གི་དབང་གྲགས་དང་གཅིག་སྡུད་གཅིག་གྱུར་གྱི་མགོ་ཁྲིད་ལ་སྲུང་སྐྱོང་བྱེད་རྒྱུ་དེ་ཆེས་གཞི་རྩའི་ཆབ་སྲིད་སྒྲིག་ཁྲིམས་དང་ཆབ་སྲིད་སྒྲིག་སྲོལ་དུ་བརྩི་ཞིང་།ཏང་ཀྲུང་དབྱང་གི་ཇུས་གཅོད་བཀོད་སྒྲིག་རྦད་ཆོད་ཀྱིས་ལག་བསྟར་མཐའ་འཁྱོལ་བྱེད་དགོས།དུས་རྒྱུན་དུ་ཏང་ཀྲུང་དབྱང་དང་དཔེ་བསྡུར་ཚད་འཛིན་བྱེད་པ་དང་།རང་རྟོགས་ཀྱིས་བསམ་བློའི་ཐད་དང་ཆབ་སྲིད་ཀྱི་ཐད།བྱ་སྤྱོད་ཀྱི་ཐད་ནས་ཏང་ཀྲུང་དབྱང་དང་གཅིག་གྱུར་ཚད་མཐོན་པོ་བྱེད་པ་སྲུང་འཛིན་བྱེད་ཅིང་།དུས་ཐོག་ཏུ་ཐལ་སྐྱོན་ལ་ཡོ་བསྲང་བྱས་ཐོག་གཅོག་འཕྲི་མི་བྱེད་པ་དང་།འགྱུར་བ་མི་གཏོང་བ།བཟོ་ལྟ་མི་འཆོལ་བ་བཅས་བྱས་ཏེ།གང་འདོད་དེ་སྒྲུབ་དང་རང་ཐག་རང་གཅོད་གཏན་ནས་བྱ་མི་རུང་།...

སྒྲིག་ཁྲིམས་ནི་ཏང་ལ་དོ་དམ་དང་ཏང་བཅོས་སྐྱོང་གི“སྐུལ་ལྕག”ལྟ་བུ་ཡིན་ལ།ཏང་ཡོན་དང་ལས་བྱེད་པས་རང་ཉིད་ཀྱི་བྱ་སྤྱོད་ལ་ཚོད་འཛིན་བྱེད་པའི་ཚད་གཞི་དང་བསྲུང་བྱ་ཡང་ཡིན་པས།སྒྲིག་ཁྲིམས་འཛུགས་སྐྱོང་སྔར་ལས་ཁྱད་དུ་འཕགས་པའི་གོ་གནས་སུ་བཞག་སྟེ།ཏང་གི་སྒྲིག་སྲོལ་གཏན་འབེབས་དང་ཏང་གི་སྒྲིག་ཁྲིམས་སློབ་གསོ།སྒྲིག་བསྟར་ལྟ་སྐུལ་བཅས་ཀྱི་གོ་རིམ་ཧྲིལ་བོར་བླང་བྱ་ནན་མོ་ལག་བསྟར་བྱས་ཏེ།རྣོ་ལྕགས་ལྟ་བུའི་སྒྲིག་ལམ་གྱི“སོ་ཁ་རྣོ”ཞིང་ཟིལ་ཤུགས་མངོན་དགོས་པར་མ་ཟད།ལས་བྱེད་པ་རྣམས་ཀྱིས་མཐོང་ཆེན་དང་དོགས་ཟོན།ཚོད་ཟིན་བཅས་བྱེད་ཤེས་པར་ཡང་བྱས་ནས་ཏང་ཡོངས་སུ་སྒྲིག་ཁྲིམས་བརྩི་སྲུང་གི་རང་རྟོགས་མཐོན་པོ་ཡོད་པར་བྱེད་དགོས།གུང་ཁྲན་ཏང་ཡོན་རེ་རེ་དང་ལྷག་པར་དུ་མགོ་ཁྲིད་ལས་བྱེད་པ་རེ་རེས་ཏང་གི་སྒྲིག་ཡིག་གི་འདུ་ཤེས་བརྟན་པོར་བཅངས་ཏེ།སྔར་ལས་རང་རྟོགས་ཀྱིས་ཏང་གི་སྒྲིག་ཡིག་སློབ་སྦྱོང་དང་།ཏང་གི་སྒྲིག་ཡིག་བརྩི་སྲུང་།ཏང་གི་སྒྲིག་ཡིག་ལག་བསྟར།ཏང་གི་སྒྲིག་ཡིག་སྲུང་སྐྱོང་བཅས་བྱས་ནས།ཏང་གི་སྒྲིག་ཡིག་དང་ཏང་གི་སྒྲིག་སྲོལ།ཏང་གི་སྒྲིག་ཁྲིམས་བཅས་ཀྱིས་རང་གི་གཏམ་སྤྱོད་ཡོད་ཚད་ལ་ཚོད་འཛིན་བྱེད་པ་དང་།སྒྲིག་ཁྲིམས་འདུ་ཤེས་དང་སྒྲིག་སྲོལ་འདུ་ཤེས་ཇེ་དྲག་ཏུ་བཏང་སྟེ།ལྟ་སྐུལ་དང་ཚོད་འཛིན་ཐེབས་པའི་ཁོར་ཡུག་འོག་ཏུ་བྱ་བ་སྒྲུབ་པ་དང་འཚོ་བ་རོལ་བའི་གོམས་སྲོལ་སྔར་ལས་ལོབས་པར་བྱེད་དགོས།...