མི་དང་རང་བྱུང་ཁམས་བར་གྱི་འབྲེལ་བ་སྔར་ལས་དོ་མཉམ་ཡོང་བ་དང་།སྐྱེ་ཁམས་མ་ལག་དོ་མཉམ་ཡོང་བར་སྲུང་སྐྱོང་བྱས་ན་ད་གཟོད་མིའི་རིགས་ཀྱི་བདེ་ཐང་སྲུང་སྐྱོང་བྱེད་ཐུབ།མི་དང་རང་བྱུང་ཁམས་ནི་ཚེ་སྲོག་གཅིག་མཐུན་ཚོགས་པ་ཡིན་པའི་ཆོས་ཉིད་རང་བཞིན་ལ་ངོས་འཛིན་གཏིང་ཟབ་བྱེད་པ་དང་།སྐྱེ་ཁམས་དཔལ་ཡོན་འཛུགས་སྐྲུན་ཕྱོགས་ཡོངས་ནས་མགྱོགས་སུ་གཏོང་དགོས།སྐྱེ་ཁམས་དཔལ་ཡོན་གྱི་དར་ཆ་འདི་ངེས་པར་དུ་མཐོན་པོར་སྒྲེང་དགོས།...

སྐྱེ་ཁམས་ཁོར་ཡུག་ནི་ཏང་གི་འགན་འཁྲི་དང་དམིགས་ཡུལ་དང་འབྲེལ་བའི་ཆབ་སྲིད་ཀྱི་གནད་དོན་ཆེན་པོ་ཞིག་ཡིན་ལ།དམངས་འཚོ་དང་འབྲེལ་བའི་སྤྱི་ཚོགས་ཀྱི་གནད་དོན་ཆེན་པོ་ཞིག་ཀྱང་ཡིན།...

སྐྱེ་ཁམས་དཔལ་ཡོན་འཛུགས་སྐྲུན་ནི་ཀྲུང་ཧྭ་མི་རིགས་རྒྱུན་མཐུད་འཕེལ་རྒྱས་ཡོང་བའི་རྩ་བའི་ཇུས་ཆེན་ཞིག་ཡིན་ལ།ཀྲུང་ཧྭ་མི་རིགས་ཀྱིས་སྔ་ཕྱི་བར་གསུམ་དུ་རང་བྱུང་ལ་བརྩི་འཇོག་དང་།རང་བྱུང་ལ་དགའ་ཞེན་བྱེད་ཅིང་།ལོ་ངོ་ལྔ་སྟོང་ལྷག་གི་ཀྲུང་ཧྭའི་ཤེས་རིག་གིས་སྐྱེ་ཁམས་རིག་གནས་ཕུན་སུམ་ཚོགས་པ་གསོ་སྐྱོང་བྱེད་བཞིན་ཡོད།...

སྐྱེ་ཁམས་དཔལ་ཡོན་ནི་མིའི་རིགས་ཀྱི་སྤྱི་ཚོགས་ཡར་ཐོན་བྱུང་བའི་གྲུབ་འབྲས་གལ་ཆེན་ཞིག་ཡིན།མིའི་རིགས་ཀྱིས་གདོད་མའི་དཔལ་ཡོན་དང་།ཞིང་ལས་དཔལ་ཡོན།བཟོ་ལས་དཔལ་ཡོན་བཅས་བརྒྱུད་ཅིང་།སྐྱེ་ཁམས་དཔལ་ཡོན་ནི་བཟོ་ལས་དཔལ་ཡོན་དུས་རིམ་ངེས་ཅན་ཞིག་ཏུ་འཕེལ་རྒྱས་བྱུང་བའི་ཐོན་དངོས་ཡིན་པ་དང་།མི་དང་རང་བྱུང་ཁམས་ཞི་མཐུན་ངང་འཕེལ་རྒྱས་ཡོང་བའི་བླང་བྱ་གསར་པ་ཡིན།ལོ་རྒྱུས་ཀྱི་ངོས་ནས་བལྟས་ན།སྐྱེ་ཁམས་དར་ན་དཔལ་ཡོན་རྒྱས་པ་དང་།སྐྱེ་ཁམས་རྒུད་ན་དཔལ་ཡོན་ཉམས་པར་འགྱུར།...

མི་དམངས་བླ་ན་མེད་པ་དང་ཚེ་སྲོག་བླ་ན་མེད་པ་ཡིན་པས།མི་དམངས་ཀྱི་ཚེ་སྲོག་བདེ་འཇགས་དང་གཟུགས་གཞི་བདེ་ཐང་སྲུང་སྐྱོབ་བྱེད་པར་གང་ཡང་བློས་གཏོང་བྱས་ཆོག...

བདེ་ཐང་ནི་མི་ཕྱོགས་ཡོངས་ནས་འཕེལ་རྒྱས་འགྲོ་བར་སྐུལ་འདེད་བྱེད་པའི་བླང་བྱ་ལྡོག་མེད་ཅིག་ཡིན་པ་དང་།དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་རྨང་གཞིའི་ཆ་རྐྱེན་དང་།མི་རིགས་དར་རྒྱས་དང་རྒྱལ་ཁབ་སྟོབས་འབྱོར་རྒྱས་པའི་མཚོན་རྟགས་གལ་ཆེན་ཞིག་ཡིན་ལ།རྒྱ་ཆེའི་མི་དམངས་མང་ཚོགས་ཀྱི་ཐུན་མོང་གི་རེ་སྙེག་ཀྱང་ཡིན།...

སྤྱི་ཚོགས་ཡོངས་ཀྱིས་ལོ་ཆུང་བྱིས་པ་ཚོར་རྒྱུན་ལོན་དང་།ལོ་ཆུང་བྱིས་པ་ཚོར་བརྩི་འཇོགལོ་ཆུང་བྱིས་པ་ཚོར་སེམས་ཁུར།ལོ་ཆུང་བྱིས་པ་ཚོར་ཞབས་ཞུ།ལོ་ཆུང་བྱིས་པ་ཚོར་སྤྱི་ཚོགས་ཀྱི་ཁོར་ཡུག་ཡག་པོ་ཞིག་འདོན་སྤྲོད་བཅས་བྱེད་དགོས།ལོ་ཆུང་བྱིས་པ་ཚོའི་ཁེ་དབང་ལ་གནོད་འཚེ་གཏོང་བ་དང་ལོ་ཆུང་བྱིས་པ་ཚོའི་ལུས་སེམས་བདེ་ཐང་ལ་གནོད་འཚེ་གཏོང་བའི་གཏམ་སྤྱོད་ལ་ནི་བློ་ཐག་རྦད་ཆོད་ཀྱིས་བཀག་འགོག་དང་ཁྲིམས་ལྟར་རྡུང་རྡེག་གཏོང་དགོས།...

དབང་པོ་སྐྱོན་ཅན་ནི་དམིགས་བསལ་དཀའ་ངལ་ཡོད་པའི་མི་ཚོགས་ཤིག་ཡིན་པས་ལྷག་པར་སེམས་ཁུར་དང་ལྷག་པར་དོ་ཁུར་བྱེད་དགོས།རྒྱ་ཆེའི་དབང་པོ་སྐྱོན་ཅན་བདེ་སྡོད་ལས་བརྩོན་དང་ཟས་གོས་ལ་སེམས་ཁྲལ་མེད་པར་བདེ་སྐྱིད་ལྡན་པའི་འཚོ་བ་སྐྱེལ་ཐུབ་པ་བྱ་རྒྱུ་ནི་ང་ཚོའི་ཏང་གིས་བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་དམིགས་ཡུལ་གྱི་མཚོན་ཚུལ་གལ་ཆེན་ཞིག་ཡིན་ཞིང་།རང་རྒྱལ་སྤྱི་ཚོགས་རིང་ལུགས་ལམ་ལུགས་ཀྱི་ལྡོག་མེད་བླང་བྱ་ཡིན།...

དམངས་འཚོ་ལེགས་བཅོས་གཏོང་བའི་སྲིད་ཇུས་ཐད་ང་ཚོས་རྩ་དོན་ཞིག་སྟངས་འཛིན་ཡག་པོ་བྱེད་དགོས་པ་ནི།འཁྱག་དུས་གོས་དང་ལྟོག་དུས་ཟས་སྐྱེལ་བའི་ལས་ཀ་མང་ཙམ་བྱེད་པ་དང་གོས་ཆེན་སྒང་ལ་ཕར་ཕྱིན་རྒྱག་པའི་ལས་ཀ་ཉུང་ཙམ་བྱེད་ཅིང་།བྱ་བ་གང་བྱེད་ཚང་མ་སྤྱི་ཚོགས་རིང་ལུགས་ཀྱི་ཐོག་མའི་དུས་རིམ་གྱི་གཞི་རྩའི་རྒྱལ་ཁབ་ཀྱི་གནས་ཚུལ་ལ་གཞི་ཚུགས་དགོས་པ་འདི་རེད།...

ལས་ཞུགས་ནི་དམངས་འཚོའི་ལས་གྲྭ་དང་།དམངས་སེམས་ལས་གྲྭ།རྨང་གཞིའི་ལས་གྲྭ་བཅས་ཆེ་ཤོས་ཡིན་པས།ངེས་པར་དུ་དམ་འཛིན་དངོས་འཛིན་བཟང་འཛིན་བྱེད་དགོས།...

ང་ཚོའི་ཐུན་མོང་ཐོག་ཕྱུག་པོར་འགྱུར་ཡོང་བ་ཞེས་པ་ནི་མི་དམངས་ཀྱི་དགའ་སྐྱིད་ལྡན་པའི་འཚོ་བའི་དགོས་མཁོ་སྔར་ལས་ལེགས་པར་སྐོང་བ་དང་།སྤྱིའི་ཆ་ནས་ཕྱུག་པོར་འགྱུར་བ་དང་ཡོངས་ཁྱབ་ཏུ་ཕྱུག་པོར་འགྱུར་བ་རིམ་བཞིན་མངོན་འགྱུར་བྱེད་པ།ཚོང་ར་དང་སྲིད་གཞུང་ཟུང་འབྲེལ་དང་།ལས་ཆོད་དང་དྲང་སྙོམས་གཅིག་གྱུར་ཡོང་བ་རྒྱུན་འཁྱོངས་བཅས་བྱས་ནས།བག་ལེབ་ཆེན་པོ་བཟོ་བ་དང་སྦྲགས་བག་ལེབ་ཡག་པོ་བགོས་ནས་སྐྱུ་རུ་རའི་དབྱིབས་ཀྱི་བགོ་བཤའི་གྲུབ་ཚུལ་བསྐྲུན་པ་ལ་ཟེར་བ་ཡིན།...

ཀྲུང་གོའི་དཔལ་འབྱོར་དང་སྤྱི་ཚོགས་འཕེལ་རྒྱས་སྔར་ལས་ལེགས་པ་ཡོང་དགོས་ན་མཐར་གཏུགས་ནས་བཤད་ན་མི་དམངས་དུང་ཕྱུར་བཅུ་བཞི་ལྷག་གི་སྟོབས་ཤུགས་སྐུལ་སློང་བྱེད་དགོས།ང་ཚོས་མི་དམངས་ལྟེ་བར་འཛིན་པ་རྒྱུན་འཁྱོངས་བྱས་ཏེ་མི་དམངས་ཀྱི་འཚོ་བའི་ཆུ་ཚད་མུ་མཐུད་མཐོ་རུ་གཏོང་རྒྱུ་དང་།ཡོང་འབབ་འབྲིང་རིམ་གྱི་མི་ཚོགས་དེ་འབྱུང་འགྱུར་ལོ་བཅོ་ལྔའི་ནང་དུང་ཕྱུར༨ལས་བརྒལ་ནས་གཞི་ཁྱོན་ཆེ་བའི་ཚོང་ར་རྒྱུན་ཆད་མེད་པར་འཕེལ་རྒྱས་འགྲོ་བར་སྐུལ་འདེད་གཏོང་དགོས།...

ཡོང་འབབ་འབྲིང་རིམ་གྱི་མི་ཚོགས་ལ་མཚོན་ན།རྒྱུ་ནོར་གྱི་བདག་དབང་ནི་ཁོ་ཚོས་སྤྱི་ཚོགས་ལ་ཡིད་ཆེས་བྱེད་པའི་འབྱུང་ཁུངས་གཙོ་བོ་ཡིན།ཐོན་དངོས་བདག་དབང་སྲུང་སྐྱོབ་ལེགས་པོ་དང་རྒྱུ་ནོར་བདེ་འཇགས་འགན་སྲུང་བྱས་ཚེ།ད་གཟོད་ཁོ་ཚོ་སེམས་སྐྱིད་ཅིང་སྙིང་རུས་བསྐྱེད་ཐུབ་པ་དང་།ད་གཟོད་ཁོང་ཚོའི་སྔོན་དཔག་བརྟན་པོ་ཡོང་དུ་འཇུག་ཐུབ།...

སྤྱི་ཚོགས་ཞི་མཐུན་བརྟན་བརླིང་དང་རྒྱལ་ཁབ་ཀྱི་ཡུན་རིང་བདེ་འཁོད་སྲུང་སྐྱོང་བྱེད་པར་ངེས་པར་དུ་ཡོང་འབབ་དམའ་བའི་མི་ཚོགས་ཀྱི་བསྡུར་ཚད་རིམ་བཞིན་ཉུང་དུ་གཏོང་བ་དང་།ཡོང་འབབ་འབྲིང་རིམ་གྱི་མི་ཚོགས་ཀྱི་བསྡུར་ཚད་རྒྱ་སྐྱེད་གཏོང་དགོས་ལ།ངེས་པར་དུ་སྔོན་ལ་ཕྱུག་པོར་གྱུར་བ་ཚོས་རྗེས་སུ་ཕྱུག་པོར་འགྱུར་བ་ལ་རོགས་རམ་བྱ་རྒྱུ་རྒྱུན་འཁྱོངས་བྱས་ཏེ།རིམ་བཞིན་མི་དམངས་ཡོངས་རྫོགས་ཐུན་མོང་ཐོག་ཕྱུག་པོར་འགྱུར་བ་མངོན་འགྱུར་བྱེད་དགོས།...

ཀྲུང་གོའི་གཏམ་རྒྱུད་ཡག་པོ་ཤོད་པ་དང་།ཀྲུང་གོའི་སྐད་སྒྲ་སྒྲོག་སྤེལ་ཡག་པོ་བྱེད་པ།མངོན་སུམ་དང་།ལངས་གཟུགས།ཕྱོགས་ཡོངས་བཅས་ཀྱི་ཀྲུང་གོ་མངོན་པར་བྱེད་དགོས།...

ང་ཚོས་རྒྱལ་སྤྱིའི་སྒྲོག་སྤེལ་ཁྱབ་ཁོངས་ཀྱི་འགུལ་སྐྱོད་ཅན་དང་།འབྲེལ་ལམ་ཅན།གཟུགས་བརྙན་ཅན་བཅས་ཀྱི་འཕེལ་ཕྱོགས་སྟངས་འཛིན་བྱས་ཏེ།ཕྱི་ཕྱོགས་ལ་སྒྲོག་སྤེལ་བྱེད་པའི་གཏམ་བཤད་མ་ལག་གཏོད་པར་ཤུགས་རྒྱག་དགོས་ཤིང་།དང་ལེན་བྱེད་མོས་པ་དང་གོ་བདེ་བའི་ཐད་དུ་བརྩོན་པ་བསྐྱེད་ནས་ཕྱི་རྒྱལ་གྱི་ཉན་མཁན་དང་ལྟ་མཁན་སྔར་ལས་མང་བས་དོན་གོ་བ་དང་།ཉན་དགའ་བ།ཧ་གོ་བ་བཅས་ཡོང་བར་བྱས་ཏེ།ཕྱི་ཕྱོགས་ལ་སྒྲོག་སྤེལ་བྱེད་པའི་ཕན་འབྲས་རྒྱུན་ཆད་མེད་པར་ཆེ་རུ་གཏོང་དགོས།...

ང་ཚོར་ཀྲུང་གོའི་ལས་དོན་ལེགས་པར་སྒྲུབ་པའི་འཇོན་ཐང་ཡོད་ན།ཀྲུང་གོའི་གཏམ་རྒྱུད་ཡག་པོ་ཤོད་པའི་ནུས་པ་ཅི་ལ་མེད་ཨང་།ང་ཚོར་འདི་འདྲའི་ཡིད་ཆེས་ཡོད་དགོས།...

རིག་གནས་ཁྱབ་ཁོངས་ཀྱི་འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ལ་སྐུལ་འདེད་གཏོང་དགོས་པ་དང་།དེང་རབས་རིག་གནས་ཐོན་ལས་མ་ལག་དང་ཚོང་རའི་མ་ལག་ཆ་ཚང་དུ་འཛུགས་པ།རིག་གནས་ཚོང་རའི་བྱེད་པོ་སྣ་ཚོགས་དར་རྒྱས་གོང་འཕེལ་ཡོང་བར་སྐུལ་འདེད་གཏོང་བ།རིག་གནས་རྣམ་པ་དང་རིག་གནས་མཛད་སྤྱོད་བྱེད་སྟངས་དཔེ་གསར་སྐྱེད་སྲིང་བྱས་ཏེ་སྤུས་ཚད་མཐོ་བའི་རིག་གནས་འདོན་སྤྲོད་བྱེད་པའི་ཐོག་ནས་མི་རྣམས་ཀྱི་རིག་གནས་ཀྱི་ཐོབ་སྣང་དང་སྐྱིད་སྣང་ཆེ་རུ་གཏོང་དགོས།...

སྤྱི་པའི་རིག་གནས་ཞབས་ཞུ་ཚད་ལྡན་ཅན་དང་ཆ་སྙོམས་ཅན་དུ་འགྱུར་བར་སྐུལ་འདེད་གཏོང་དགོས།ཤར་རྒྱུད་ས་ཁུལ་གྱི་རིག་གནས་འཛུགས་སྐྲུན་ལེགས་པོ་བྱེད་དགོས་ལ།དབུས་རྒྱུད་དང་ནུབ་རྒྱུད་ས་ཁུལ་གྱི་རིག་གནས་ཀྱང་འཛུགས་སྐྲུན་ལེགས་པོ་བྱེད་དགོས་ཤིང་།གྲོང་ཁྱེར་གྱི་རིག་གནས་དར་རྒྱས་ཡོང་བར་བྱེད་དགོས་ལ།གྲོང་གསེབ་ཀྱི་རིག་གནས་ཀྱང་དར་རྒྱས་ཡོང་བ་བྱེད་དགོས་ཤིང་།ལྷག་པར་དུ་གསར་བརྗེའི་གནས་རྙིང་ཁུལ་དང་།མི་རིགས་ས་ཁུལ།མཐའ་མཚམས་ས་ཁུལ།དབུལ་ཕོངས་ས་ཁུལ་བཅས་ཀྱི་རིག་གནས་འཛུགས་སྐྲུན་བྱ་རྒྱུ་རྗེས་ལུས་ཐེབས་སུ་འཇུག་མི་རུང་།...

རིག་རྩལ་ནི་བླ་སྲོག་བཞེངས་པའི་ལས་གྲྭ་ཞིག་ཡིན་ལ།རིག་གནས་ལ་བརྟེན་ནས་སེམས་རྒྱུད་འདུལ་བ་དང་རིག་གནས་ལ་བརྟེན་ནས་མི་སྣ་གསོ་སྐྱོང་བྱེད་པའི་འགན་འཁྲི་ཁུར་ཡོད་པས།དམིགས་བསལ་གྱི་བསམ་སྤྱོད་སྤྱད་དེ་བློ་སྒོ་འབྱེད་པ་དང་།གྲག་མེད་ངང་དུ་དངོས་ཀུན་གསོ་བར་བྱེད་པའི་སྒྱུ་རྩལ་གྱི་བག་ཆགས་ལ་བརྟེན་ནས་མིའི་སེམས་སྒོ་འབྱེད་པ་དང་།དགེ་བརྩོན་ཡར་ཐོན་གྱི་རིན་ཐང་ལྟ་བ་བརྒྱུད་སྤྲོད་བྱེད་དགོས།...

ང་ཚོས་མི་དམངས་ལྟེ་བར་འཛིན་པའི་གསར་རྩོམ་གྱི་ཁྲིད་ཕྱོགས་བརྟན་སྲུང་དང་རིག་རྩལ་གསར་རྩོམ་དར་རྒྱས་གཏོང་བ།དུས་རབས་གསར་པ་དང་འཚམ་པའི་རིག་གནས་སྤུས་དག་སྔར་ལས་མང་པོ་འདོན་པ་བཅས་ཀྱིས་མཐོ་སྒང་ནས་རྩེ་མོ་སྙེག་ཐུབ་པར་བྱས་ཏེ།རྒྱ་ཆེའི་མི་དམངས་མང་ཚོགས་ལ་སྔར་ལས་ཕུན་སུམ་ཚོགས་ཤིང་འཚོ་བཅུད་ལྡན་པའི་བསམ་པའི་ལོངས་སྤྱོད་འདོན་སྤྲོད་བྱེད་དགོས།...

མི་དམངས་ཀྱི་དགོས་མཁོ་ནི་རིག་རྩལ་བྱུང་ཞིང་གནས་པའི་རྩ་བའི་རིན་ཐང་གནས་ས་ཡིན།ཕུལ་བྱུང་གི་བརྩམས་ཆོས་འདོན་ཐུབ་མིན་གྱི་ཆེས་རྩ་བར་གྱུར་པ་ནི་མི་དམངས་ཀྱི་དོན་དུ་རྩོམ་པ་དང་།མི་དམངས་ཀྱི་དོན་དུ་བརྩེ་དུང་མཚོན་པ།མི་དམངས་ཀྱི་དོན་དུ་འདུན་པ་མཚོན་པ་བཅས་ཡིན་མིན་ལ་རག་ལས་ཡོད།...

བསམ་པའི་དར་ཆ་སྒྲེང་བ་དང་།བསམ་པའི་རྟེན་གཞི་འཛུགས་པ།བསམ་པའི་ཁྱིམ་གཞིས་སྐྲུན་པ་བཅས་ཚང་མ་རིག་རྩལ་དང་ཁ་འབྲལ་ཐབས་མེད།རང་རྒྱལ་གྱི་ས་གཞི་ཆེན་མོའི་གང་སར་ཐོག་བརྩེགས་ཁང་ཆེན་ཀྲོང་ངེར་བསླངས་པ་དང་ཆབས་ཅིག་ཀྲུང་ཧྭ་མི་རིགས་ཀྱི་བསམ་པའི་ཐོག་བརྩེགས་ཁང་ཆེན་ཡང་ཀྲོང་ངེར་སློང་ཐུབ་པ་བྱེད་དགོས།...

ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རིག་གནས་འཕེལ་རྒྱས་འགྲོ་ལམ་དུ་བསྐྱོད་རྒྱུ་རྒྱུན་འཁྱོངས་དང་།སྤྱི་ཚོགས་རིང་ལུགས་ཀྱི་སྔོན་ཐོན་རིག་གནས་དར་སྤེལ།རིག་གནས་སྒྲིག་སྲོལ་བསྒྱུར་བཅོས་ཟབ་སྤེལ་བཅས་བྱས་ཏེ།སྤྱི་ཚོགས་རིང་ལུགས་ཀྱི་རིག་གནས་འཕེལ་རྒྱས་ཆེན་པོ་དང་དར་སྤེལ་ཆེན་པོ་འགྲོ་བར་སྐུལ་འདེད་གཏོང་བ་དང་།མི་རིགས་ཡོངས་ཀྱི་རིག་གནས་གསར་གཏོད་ཀྱི་སྐྱེ་སྟོབས་ཆེ་རུ་བཏང་ནས་རིག་གནས་གསར་གཏོད་ཀྱི་འབྱུང་ཁུངས་ཡོད་ཚད་འདོན་སྤེལ་གང་ལེགས་བྱེད་དགོས།...

ང་ཚོས་སྤྱི་ཚོགས་ཡོངས་སུ་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་དར་སྤེལ་དང་ཉམས་ལེན་ཤུགས་ཆེན་བྱས་ཏེ།དེ་ཉིད་མཁའ་རླུང་ཇི་བཞིན་ས་ཆ་གང་སར་ཁྱབ་པ་དང་།དུས་དང་རྣམ་པ་ཀུན་ཏུ་མཐོང་ཐུབ་པར་བྱས་ཐོག་མི་དམངས་ཡོངས་ཀྱི་ཐུན་མོང་གི་རིན་ཐང་དོན་གཉེར་བྱེད་ས་དང་།ང་ཚོ་གསོན་ཕྱིན་ཀྲུང་གོ་བ་ཡིན་པའི་ཐུན་མིན་གྱི་བསམ་པའི་རྟེན་ས།མི་དམངས་ཀྱི་ཉིན་རྒྱུན་བྱ་སྤྱོད་ཀྱི་ཚད་གཞི་བཅས་སུ་འགྱུར་བར་བྱེད་དགོས།...