ངེས་པར་དུ་ཚན་རྩལ་སྒྲིག་སྲོལ་གྱི་བསྒྱུར་བཅོས་ཟབ་སྤེལ་བྱས་ནས་ཚན་རྩལ་གསར་གཏོད་ལ་འགོག་རྐྱེན་བཟོ་བའི་བསམ་བློའི་འགལ་རྐྱེན་དང་ལམ་ལུགས་ཀྱི་བཀག་རྒྱ་ཐམས་ཅད་སེལ་དགོས་པ་དང་།སྲིད་གཞུང་དང་ཚོང་རའི་བར་གྱི་འབྲེལ་བ་ཐག་གཅོད་ཡག་པོ་བྱེད་དགོས་ལ།ཚན་རྩལ་དེ་དཔལ་འབྱོར་དང་སྤྱི་ཚོགས་ཀྱི་གོང་འཕེལ་དང་མཉམ་འདྲེས་ཟབ་མོ་ཡོང་བར་སྐུལ་འདེད་གཏོང་དགོས་ཤིང་།ཚན་རྩལ་སྟོབས་ཤུགས་ཆེ་བ་ནས་ཐོན་ལས་སྟོབས་ཤུགས་ཆེ་བ་དང་།དཔལ་འབྱོར་སྟོབས་ཤུགས་ཆེ་བ།རྒྱལ་ཁབ་སྟོབས་ཤུགས་ཆེ་བ་བཅས་སུ་འགྱུར་བའི་རྒྱུག་ལམ་གཤོང་དགོས་པ་དང་།བསྒྱུར་བཅོས་ལ་བརྟེན་ནས་གསར་གཏོད་ཀྱི་སྐྱེ་སྟོབས་སྐྱེད་དགོས་ལ།རྒྱལ་ཁབ་ཀྱི་གསར་གཏོད་མ་ལག་གང་མྱུར་འཐུས་ཚང་བཙུགས་ནས་གསར་གཏོད་ཀྱི་འབྱུང་ཁུངས་ཐམས་ཅད་ཆུ་གཏེར་རྒྱས་པ་ལྟར་ཐོན་དུ་འཇུག་དགོས།...

དུས་རབས་གསར་པར་ཏང་གི་སློབ་གསོའི་བྱེད་ཕྱོགས་ལག་བསྟར་མཐར་ཕྱིན་བྱེད་པའི་ཚེ།མར་ཁེ་སིའི་རིང་ལུགས་ཀྱི་སློབ་སྟོན་གོ་གནས་རྒྱུན་འཁྱོངས་དང་།དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ལག་ལེན་མཐར་ཕྱིན།སྤྱི་ཚོགས་རིང་ལུགས་ཀྱི་སློབ་སྒྲུབ་ཁ་ཕྱོགས་རྒྱུན་འཁྱོངས།ཀུན་སྤྱོད་ལ་བརྟེན་ནས་མི་གསོ་སྐྱོང་བྱེད་པའི་རྩ་བའི་ལས་འགན་དོན་འཁྱོལ།སློབ་གསོས་མི་དམངས་ལ་ཞབས་འདེགས་ཞུ་རྒྱུ་དང་ཀྲུང་གོའི་གུང་ཁྲན་ཏང་གི་རྒྱལ་སྲིད་སྐྱོང་བར་ཞབས་འདེགས་ཞུ་རྒྱུ།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལམ་ལུགས་སྲ་བརྟན་དང་གོང་འཕེལ་གཏོང་བར་ཞབས་འདེགས་ཞུ་རྒྱུ།བསྒྱུར་བཅོས་སྒོ་འབྱེད་དང་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་འཛུགས་སྐྲུན་ལ་ཞབས་འདེགས་...

ང་ཚོས་རང་རྒྱལ་གྱི་སློབ་གསོ་དེང་རབས་ཅན་དུ་འགྱུར་བའི་སྤྱི་ཚོགས་རིང་ལུགས་ཀྱི་ཁ་ཕྱོགས་རྒྱུན་འཁྱོངས་དང་།སློབ་གསོའི་སྤྱི་ཕན་རང་བཞིན་གྱི་རྩ་དོན་རྒྱུན་འཁྱོངས་བྱས་ཏེ་སློབ་གསོ་དྲང་སྙོམས་ཡོང་བ་བྱ་རྒྱུ་དེ་རྒྱལ་ཁབ་ཀྱི་གཞི་རྩའི་སློབ་གསོ་སྲིད་ཇུས་བྱེད་དགོས་པ་དང་།སློབ་གསོའི་སྒྲིག་སྲོལ་བསྒྱུར་བཅོས་དང་གསར་གཏོད་བྱེད་པར་སྐུལ་འདེད་ཤུགས་ཆེན་གཏོང་དགོས།མི་ཚེ་གང་པོ་དང་འགྲོགས་པའི་སློབ་གསོ་གང་མགྱོགས་སུ་བསྐྲུན་ནས་སློབ་སྦྱོང་བྱ་རྒྱུ་དེ་མི་ཚང་མའི་འཚོ་བའི་གོམས་གཤིས་དང་འཚོ་བ་སྐྱེལ་སྟངས་ཤིག་ཆགས་པ་དང་།མི་ཚང་མས་སློབ་སྦྱོང་བྱེད་པ་དང་།གང་སར་སློབ་སྦྱོང་བྱེད་ཐུབ་པ།དུས་དང་རྣམ་པ་ཀུན་ཏུ་སློབ་སྦྱོང་བྱེད་ཐུབ་པ་བཅས་ཡོང་བ་བྱེད་དགོས།མི་ཚང་མ་འདྲ་མཉམ་དུ་འཛིན་པའི་སློབ་གསོ་གང་མགྱོགས་སུ་འཛུགས་སྐྲུན་བྱས་ཏེ།ཕོ་མོ་དང་།གྲོང་ཁྱེར་དང་གྲོང་གསེབ།ས་ཁོངས།དབུལ་ཕྱུགམི་རིགས་བཅས་ཀྱི་དབྱེ་བ་མེད་པར་ཚང་མར་སློབ་གསོ་བཟང་པོ་ཐོབ་གང་ཐུབ་བྱེད་དགོས།མི་རེ་རེར་འཚམ་པའི་སློབ་གསོ་གང་མགྱོགས་སུ་འཛུགས་སྐྲུན་བྱས་ཏེ།གཤིས་རྒྱུད་དང་བསྐོས་ཐང་དང་།དགའ་ཕྱོགས་དང་ཁྱད་ནུས།བྱང་ཚད་དང་བག་ཉལ་སྟོབས་ཤུགས་བཅས་མི...

ཀྲུང་གོས་བློ་རྩ་བརྟན་པོས་ཚན་རྩལ་དང་སློབ་གསོ་ལ་བརྟེན་ནས་རྒྱལ་ཁབ་དར་རྒྱས་གཏོང་བའི་འཐབ་ཇུས་ལག་བསྟར་བྱེད་པ་དང་།ཐོག་མཐའ་བར་གསུམ་དུ་སློབ་གསོ་སྔོན་ལ་གོང་འཕེལ་གཏོང་བའི་འཐབ་ཇུས་ཀྱི་གོ་གནས་སུ་འཇོག་པ།རྒྱུན་ཆད་མེད་པར་གཏོང་སྒོ་ཆེ་རུ་གཏོང་བ།དམངས་ཡོངས་ཀྱི་སློབ་གསོ་དང་ཚེ་གང་སློབ་གསོ་གོང་སྤེལ་ཧུར་ཐག་གཏོང་བ།སློབ་སྦྱོང་ཅན་གྱི་སྤྱི་ཚོགས་འཛུགས་སྐྲུན་བཅས་བྱས་ནས།ཕྲུ་གུ་ཚང་མར་སློབ་གསོ་མྱོང་བའི་གོ་སྐབས་རག་པར་འབད་བརྩོན་དང་།མི་དམངས་དུང་ཕྱུར༡༣ལ་སྔར་བས་ལེགས་པ་དང་སྔར་བས་འདྲ་མཉམ་གྱི་སློབ་གསོ་མྱོང་རྒྱུ་ཡོད་པར་འབད་བརྩོན་བྱས་ཏེ།རང་ཉིད་ཡར་རྒྱས་ཡོང་བ་དང་།སྤྱི་ཚོགས་ལ་ལེགས་སྐྱེས་འབུལ་བ།མི་དམངས་ལ་བདེ་སྐྱིད་སྐྲུན་པ་བཅས་ཀྱི་ནུས་པ་ཐོབ་ཏུ་འཇུག་དགོས།...

རང་རྒྱལ་གྱི་དཔལ་འབྱོར་ནི་མྱུར་ཚད་མགྱོགས་པའི་འཕར་སྣོན་གྱི་དུས་རིམ་ནས་སྤུས་ཚད་མཐོ་བའི་འཕེལ་རྒྱས་ཀྱི་དུས་རིམ་དུ་འཕེལ་འགྱུར་བྱུང་ཡོད་པས།ས་ཁོངས་ཁག་མཐུན་སྦྱོར་ངང་འཕེལ་རྒྱས་ཡོང་རྒྱུར་བླང་བྱ་གསར་པ་བཏོན་ཡོད།དཔལ་འབྱོར་འཕེལ་རྒྱས་ཡོང་བའི་ཐད་ལ་སླ་བཅོས་ངང་ས་ཁུལ་ཁག་གི་ཆ་རྐྱེན་ལ་གཞིགས་ནས་ཚད་གཅིག་གི་སྟེང་དུ་སླེབས་དགོས་པའི་བླང་བྱ་འདོན་མི་རུང་བར་ས་ཁུལ་ཁག་གི་ཆ་རྐྱེན་ལ་གཞིགས་ནས་ལས་བགོས་ལུགས་མཐུན་དང་འཕེལ་རྒྱས་ལེགས་སྒྱུར་བྱེད་པའི་ལམ་དུ་སྐྱོད་དགོས།པེ་ཅིན་ཐེན་ཅིན་ཧོ་པེ་གསུམ་དང་།འབྲི་ཆུའི་ཟུར་གསུམ་གླིང་།ཀྲུའུ་ཅང་གཙང་པོའི་ཟུར་གསུམ་གླིང་བཅས་ས་ཁུལ་ཆེན་པོ་གསུམ་དང་།དེ་བཞིན་གྲོང་ཁྱེར་ཁྱུ་ཚོགས་གལ་ཆེན་དུ་མས་གཙོས་པའི་རྒྱལ་ཡོངས་ཀྱི་སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་ཁྲིད་བྱེད་ཐུབ་པའི་སྒུལ་ཤུགས་ཀྱི་འབྱུང་ཁུངས་གསར་པ་ཁག་ཅིག་ཆགས་པར་བྱེད་དགོས།དོ་མཉམ་མིན་པ་ནི་ཡོངས་ཁྱབ་ཏུ་གནས་ཡོད་པ་ཞིག་ཡིན་ལ་འཕེལ་རྒྱས་ཡོང་རིམ་ནང་དུ་བལྟོས་ས་ལྟོས་འཇོག་གི་དོ་མཉམ་ཡོང་བར་སྐུལ་འདེད་གཏོང་དགོས།འདི་ནི་ས་ཁོངས་ཁག་མཐུན་སྦྱོར་ངང་འཕེལ་རྒྱས་ཡོང་བའི་རྩོད་སྒྲུབ་རིག་པ་ཡིན།...

ཞིང་ལས་རྒྱལ་ཁབ་སྟོབས་ལྡན་འཛུགས་སྐྲུན་བྱེད་པར་མིག་སྔར་གྲོང་གསེབ་དར་རྒྱས་གཏོང་རྒྱུ་དམ་འཛིན་གང་ལེགས་བྱེད་དགོས།“ཞིང་གསུམ”ལས་དོན་གྱི་གཙོ་གནད་ལ་ལོ་རྒྱུས་རང་བཞིན་གྱི་སྤོ་སྒྱུར་མངོན་འགྱུར་བྱུང་བས།མི་ཤུགས་ཀྱི་གཏོང་ཆ་དང་།དངོས་ཤུགས་ཀྱི་བཀོད་སྒྲིགནོར་ཤུགས་ཀྱི་འགན་སྲུང་བཅས་ཚང་མ་གྲོང་གསེབ་དར་རྒྱས་ཀྱི་ཕྱོགས་སུ་སྤོ་སྒྱུར་བྱེད་དགོས།ལས་དོན་འདི་འགོ་བརྩམས་མ་ཐག་པ་ཡིན་པས།དཀའ་ཚེགས་དང་ལྗིད་རྫོབ་ཆེ་བའི་ལས་འགན་ད་དུང་རྗེས་སུ་ཡོད་ཅིང་།ལྷོད་གཡེང་གཏན་ནས་བྱེད་མི་རུང་ལ་འགྲོ་ལམ་དེ་བས་ཀྱང་བརྗེ་མི་རུང་།སྤྱིའི་བླང་བྱ་ནི་སྔར་བཞིན་ཐོན་ལས་དང་།ཤེས་ལྡན་མི་སྣ།རིག་གནས།སྐྱེ་ཁམས།རྩ་འཛུགས་བཅས“དར་སྤེལ་ལྔ”ལ་ཕྱོགས་ཡོངས་ནས་སྐུལ་འདེད་གཏོང་རྒྱུ་དེ་ཡིན།“དར་སྤེལ་ལྔ”ནི་ཕན་ཚུན་འབྲེལ་བ་དང་།ཕན་ཚུན་འདེགས་སྐྱོར།ཕན་ཚུ...

རང་རྒྱལ་འཕེལ་རྒྱས་ཀྱི་དོ་མི་མཉམ་པ་ཆེ་ཤོས་ནི་གྲོང་ཁྱེར་དང་གྲོང་གསེབ་བར་གྱི་འཕེལ་རྒྱས་དོ་མི་མཉམ་པ་དང་།གང་ལེགས་མ་བྱུང་བ་ཆེ་ཤོས་ནི་གྲོང་གསེབ་འཕེལ་རྒྱས་གང་ལེགས་མ་བྱུང་བ་དེ་རེད།ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན།ང་ཚོས་བཟོ་ཞིང་བར་གྱི་འབྲེལ་བ་དང་།གྲོང་ཁྱེར་དང་གྲོང་གསེབ་བར་གྱི་འབྲེལ་བ་ལེགས་སྒྲིག་བྱ་རྒྱུའི་སེམས་ཐག་བཅད་དེ།ཐབས་རྣམ་རབ་དང་རིམ་པར་བརྟེན་ནས་བཟོ་ལས་ཀྱིས་ཞིང་ལས་ལ་དྲིན་ལན་འཇལ་བ་དང་།གྲོང་ཁྱེར་གྱིས་གྲོང་གསེབ་ལ་རོགས་སྐྱོར་བྱེད་པ་ལ་སྐུལ་འདེད་བཏང་ཡོད།ཏང་གི་ཚོགས་ཆེན་བཅུ་དགུ་པའི་ཐོག་གྲོང་གསེབ་དར་རྒྱས་གཏོང་བའི་འཐབ་ཇུས་ལག་བསྟར་བྱེད་དགོས་ལུགས་བཏོན་པ་དེ་ནི་སྤྱི་ཡོངས་དང་འཐབ་ཇུས་ཀྱི་མཐོ་ཚད་ཐོག་ནས་བཟོ་ཞིང་བར་གྱི་འབྲེལ་བ་དང་གྲོང་ཁྱེར་དང་གྲོང་གསེབ་བར་གྱི་འབྲེལ་བ་སྟངས་འཛིན་དང་ཐག་གཅོད་བྱེད་པའི་ཆེད་དུ་རེད།...

དཔལ་འབྱོར་བྱེད་སྒོ་ནི་འགུལ་རྣམ་གྱི་ཡང་སྐོར་བསྐྱར་སྐོར་གྱི་རེས་འཁོར་བརྒྱུད་རིམ་ཞིག་ཡིན།གཏིང་རྩའི་བསྒྱུར་བཅོས་ལ་སྐུལ་འདེད་གཏོང་བ་དང་སྲིད་ཇུས་ཀྱི་ཁྲིད་སྟོན་ལ་ཤུགས་བརྒྱབ་ནས་དཔལ་འབྱོར་རེས་འཁོར་ལ་ཚོད་འཛིན་ཐེབས་པའི་འགག་གནས་ནུས་ཤུགས་ཡོད་རྒུས་སེལ་དགོས།རྒྱལ་ནང་གི་དགོས་མཁོ་བསྐང་རྒྱུ་གཞི་རྩའི་རྐང་འཛུགས་སར་བྱེད་དགོས་ཤིང་།ནང་མཁོ་རྒྱ་སྐྱེད་གཏོང་བའི་འཐབ་ཇུས་ལག་བསྟར་བྱ་རྒྱུ་དེ་འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཟབ་སྤེལ་བྱ་རྒྱུ་དང་ཟུང་འབྲེལ་དམ་ཚགས་བྱས་ཏེ།འདོན་སྤྲོད་མ་ལག་དེ་རྒྱལ་ནང་གི་དགོས་མཁོར་འཚམ་པའི་རང་བཞིན་ཆེ་རུ་གཏོང་གང་ཐུབ་བྱེད་པ་དང་།དགོས་མཁོས་འདོན་སྤྲོད་སྣེ་ཁྲིད་དང་།འདོན་སྤྲོད་ཀྱིས་དགོས་མཁོ་གསར་སྐྲུན་གྱི་འགུལ་རྣམ་དོ་མཉམ་ཆགས་པར་བྱེད་དགོས།...

དངོས་གཞིའི་དཔལ་འབྱོར་དར་རྒྱས་གཏོང་རྒྱུ་ནི་འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཀྱི་ལས་འགན་གཙོ་བོ་ཞིག་ཡིན་པས།འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཀྱིས་དངོས་གཞིའི་དཔལ་འབྱོར་དར་རྒྱས་གཏོང་རྒྱུར་ཤུགས་འདོན་པ་དང་ཤུགས་བསྒྲིལ་དགོས།དཔལ་འབྱོར་འཕེལ་རྒྱས་ནི་དུས་ནམ་ཞིག་ལ་སླེབས་རུང་།དངོས་གཞིའི་དཔལ་འབྱོར་ནི་རང་རྒྱལ་གྱི་དཔལ་འབྱོར་འཕེལ་རྒྱས་འགྲོ་བ་དང་།རྒྱལ་སྤྱིའི་དཔལ་འབྱོར་འགྲན་རྩོད་ཁྲོད་རང་དབང་ཟིན་པའི་རྨང་གཞི་ཡིན།རང་རྒྱལ་གྱི་དཔལ་འབྱོར་ནི་དངོས་གཞིའི་དཔལ་འབྱོར་ལ་བརྟེན་ནས་དར་བ་ཡིན་ལ།དངོས་གཞིའི་དཔལ་འབྱོར་ལ་བརྟེན་ནས་མ་འོངས་པར་སྐྱོད་དགོས།...

འཕེལ་རྒྱས་ཀྱི་དུས་རིམ་གསར་པར་བསྐྱོད་པ་དང་།འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་པ།འཕེལ་རྒྱས་ཀྱི་བཀོད་པ་གསར་པ་སྐྲུན་པ་བཅས་ནི་རང་རྒྱལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བའི་རིགས་པའི་གཞུང་ལུགས་ཀྱི་གཏན་ཚིགས་དང་།ལོ་རྒྱུས་ཀྱི་གཏན་ཚིགས།དོན་དངོས་ཀྱི་གཏན་ཚིགས་བཅས་ཀྱིས་ཐག་བཅད་པ་ཞིག་ཡིན་ཞིང་།དེ་གསུམ་བར་གྱི་འབྲེལ་བ་དམ་ཚགས་ཡིན།འཕེལ་རྒྱས་ཀྱི་དུས་རིམ་གསར་པར་བསྐྱོད་པ་དེས་རང་རྒྱལ་འཕེལ་རྒྱས་ཀྱི་ལོ་རྒྱུས་གནས་ཕྱོགས་གསལ་ངེས་བཟོས་པ་དང་།འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་པ་དེས་རང་རྒྱལ་གྱི་དེང་རབས་ཅན་འཛུགས་སྐྲུན་གྱི་མཛུབ་སྟོན་རྩ་དོན་གསལ་ངེས་བཟོས་ཤིང་།འཕེལ་རྒྱས་ཀྱི་བཀོད་པ་གསར་པ་སྐྲུན་པ་དེས་རང་རྒྱལ་གྱི་དཔལ་འབྱོར་དེང་རབས་ཅན་དུ་འགྱུར་བའི་ཐབས་ལམ་གདམ་ག་གསལ་ངེས་བཟོས་ཡོད།འཕེལ་རྒྱས་ཀྱི་དུས་རིམ་གསར་པར་ངེས་ཤེས་འདྲོང་རྒྱུ་ནི་འཕེལ་རྒྱས་ཀྱི་འདུ་ཤེས་གསར་པ་ལག་བསྟར་དང་འཕེལ་རྒྱས་ཀྱི་བཀོད་པ་གསར་པ་སྐྲུན་པའི་དོན་དངོས་ཀྱི་གཞི་འཛིན་ས་ཡིན་པ་དང་།འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་པ་དེས་འཕེལ་རྒྱས་ཀྱི་དུས་རིམ་གསར་པར་ངེས་ཤེས་འདྲོང་བ་དང་འཕེལ་རྒྱས་ཀྱི་བཀོད་པ་གསར་པ་སྐྲུན་པར་བྱ་སྤྱོད་ཀྱི་ཕྱོགས་སྟོན་འདོན་སྤྲོད་བྱས་ཡོད།འཕེལ་རྒྱས་ཀྱི་བཀོད་པ་གསར་པ་སྐྲུན་པ་ནི་འཕེལ་རྒྱས་ཀྱི་དུས་རིམ་གསར་པའི་གོ་སྐབས་དང་འགྲན་སློང་ལ་ཁ་གཏད་འཇལ་བ་དང་འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་པའི་འཐབ་ཇུས་ཀྱི་གདམ་ག་ཡིན།...

ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་ང་ཚོས་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་རིགས་པའི་གཞུང་ལུགས་དང་འདུ་ཤེས་གལ་ཆེན་མང་པོ་བཏོན་ཡོད་པ་དང་།དེ་དག་ལས་འཕེལ་རྒྱས་ཀྱི་འདུ་ཤེས་གསར་པ་ནི་གལ་ཆེ་ཤོས་དང་གཙོ་ཆེ་ཤོས་དེ་རེད།འཕེལ་རྒྱས་ཀྱི་འདུ་ཤེས་གསར་པ་ནི་མ་ལག་ལྡན་པའི་རིགས་པའི་གཞུང་ལུགས་ཆ་ཚང་ཞིག་ཡིན་ལ།དེས་འཕེལ་རྒྱས་གཏོང་བའི་དམིགས་ཡུལ་དང་།སྒུལ་ཤུགས།བྱེད་སྟངས།ཐབས་ལམ་སོགས་སྐོར་གྱི་རིགས་པའི་གཞུང་ལུགས་དང་ལག་ལེན་གྱི་གནད་དོན་རབ་དང་རིམ་པར་ལན་བཏབ་ཡོད་པ་དང་།ང་ཚོའི་ཏང་གི་འཕེལ་རྒྱས་གཏོང་ཕྱོགས་སྐོར་གྱི་ཆབ་སྲིད་ཀྱི་ལངས་ཕྱོགས་དང་།རིན་ཐང་གི་ཁྲིད་ཕྱོགས།འཕེལ་རྒྱས་གཏོང་སྟངས།འཕེལ་རྒྱས་འགྲོ་ལམ་སོགས་ཆབ་སྲིད་ཀྱི་གནད་དོན་གལ་ཆེན་ཁག་གསལ་བཤད་བྱས་ཡོད་པས།ཏང་ཡོངས་ཀྱིས་ངེས་པར་དུ་ཆ་ཚང་དང་།ཡང་དགཕྱོགས་ཡོངས་བཅས་ཀྱི་སྒོ་ནས་འཕེལ་རྒྱས་ཀྱི་འདུ་ཤེས་གསར་པ་ལག་ལེན་མཐར་ཕྱིན་བྱེད་དགོས།...

འཕེལ་རྒྱས་ཀྱི་དུས་རིམ་གསར་པ་ལ།རྒྱལ་ཁབ་ཕྱི་ནང་གི་ཁོར་ཡུག་ལ་འགྱུར་ལྡོག་གཏིང་ཟབ་བྱུང་བ་ལས་གོ་སྐབས་གསར་པ་རབ་དང་རིམ་པ་བྱུང་ཡོད་ལ།འགྲན་སློང་གསར་པའང་རབ་དང་རིམ་པ་འཕྲད་ཡོད།ཉེན་ཁ་དང་གོ་སྐབས་མཉམ་དུ་གནས་ཤིང་།ཉེན་ཁའི་ཁྲོད་གོ་སྐབས་ཡོད་ལ།ཉེན་ཁ་གོ་སྐབས་སུ་འགྱུར་ཐུབ།ང་ཚོས་རྩོད་སྒྲུབ་ཀྱི་སྒོ་ནས་རྒྱལ་ཁབ་ཕྱི་ནང་གི་གནས་བབ་ཆེན་པོར་ངོས་འཛིན་དང་ཁོང་དུ་ཆུད་པར་བྱེད་དགོས་ཤིང་།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བའི་འཐབ་ཇུས་ཀྱི་ཁྱོན་ཡོངས་དང་འཛམ་གླིང་ཐོག་ལོ་བརྒྱའི་རིང་བྱུང་མ་མྱོང་བའི་འཕོ་འགྱུར་ཆེན་པོར་གཅིག་གྱུར་འཆར་འགོད་དང་།རང་རྒྱལ་སྤྱི་ཚོགས་ཀྱི་འགལ་བ་གཙོ་བོའི་འཕེལ་རྒྱས་དང་འགྱུར་ལྡོག་ལས་བྱུང་བའི་ཁྱད་ཆོས་གསར་པ་དང་བླང་བྱ་གསར་པར་ངོས་འཛིན་གཏིང་ཟབ་བྱེད་པ་དང་།སྣེ་མང་རྙོག་འཛིང་ཆེ་བའི་རྒྱལ་སྤྱིའི་ཁོར་ཡུག་ལས་བྱུང་བའི་འགལ་བ་གསར་པ་དང་འགྲན་སློང་གསར་པར་ངོས་འཛིན་གཏིང་ཟབ།གོ་སྐབས་ཀྱི་འདུ་ཤེས་དང་ཉེན་ཁའི་འདུ་ཤེས་འཛིན་ཤུགས་ཆེ་རུ་གཏོང་བ་དང་།འགྱུར་ལྡོག་ངོས་འཛིན་གནད་འཁེལ་བྱེད་པ་དང་།ཚན་རིག་དང་མཐུན་པར་འགྱུར་ལྡོག་ལ་བསྟུན་པ།རང་འགུལ་གྱིས་འགྱུར་ལྡོག་གཏོང་བ་བཅས་བྱེད་པ་དང་།གྲུ་གཟིངས་གྱེན་ཏུ་གཏོང་ཕོད་པ་དང་།ཉེན་ཁ་གོ་སྐབས་སུ་སྒྱུར་མཁས་པོ་བྱས་ནས།སྤུས་ཚད་སྔར་ལས་མཐོ་བ་དང་།ལས་ཆོད་སྔར་ལས་ཆེ་བ།དྲང་གཞག་སྔར་ལས་ཡིན་པ།རྒྱུན་མཐུད་སྔར་ལས་རུང་བ།བདེ་འཇགས་སྔར་ལས་ཆེ་བ་བཅས་ཀྱི་འཕེལ་རྒྱས་ཡོང་བར་འབད་བརྩོན་བྱེད་དགོས།...

ཐོན་ཁུངས་བགོ་སྒྲིག་ཁྲོད་ཚོང་རས་ཐག་གཅོད་རང་བཞིན་གྱི་ནུས་པ་འདོན་རྒྱུ་དང་སྲིད་གཞུང་གི་ནུས་པ་སྔར་ལས་འདོན་སྤེལ་བྱ་རྒྱུའི་སྐོར་འདི་ནི།ཐེངས་འདིའི་ཚང་འཛོམས་གྲོས་ཚོགས་ཀྱི་ཆོད་དོན་ནང་བཏོན་པའི་རིགས་པའི་གཞུང་ལུགས་ཀྱི་ལྟ་བ་གལ་ཆེན་ཞིག་ཡིན།རྒྱུ་མཚན་ཅི་ཡིན་ཞེ་ན།དཔལ་འབྱོར་སྒྲིག་སྲོལ་གྱི་བསྒྱུར་བཅོས་ནི་སྔར་བཞིན་ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པའི་གཙོ་གནད་ཡིན་པ་དང་།དཔལ་འབྱོར་སྒྲིག་སྲོལ་བསྒྱུར་བཅོས་བྱེད་པའི་སྲོག་ཤིང་དུ་གྱུར་པའི་གནད་དོན་ནི་སྔར་བཞིན་སྲིད་གཞུང་དང་ཚོང་རའི་བར་གྱི་འབྲེལ་བ་ཐག་གཅོད་ལེགས་པོ་བྱེད་དགོས་པ་དེ་ཡིན་པས་རེད།...

ང་ཚོས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུ་བརྗོད་དོན་གཙོ་བོར་འཛིན་རྒྱུ་རྒྱུན་འཁྱོངས་བྱས་ཏེ།ནང་མཁོ་རྒྱ་སྐྱེད་གཏོང་བའི་འཐབ་ཇུས་ལག་བསྟར་བྱ་རྒྱུ་དེ་འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཟབ་སྤེལ་བྱེད་པ་དང་ཟུང་འབྲེལ་དམ་ཚགས་དང་།རྒྱལ་ནང་གི་རེས་འཁོར་ཆེན་པོའི་ནང་སྐྱེས་སྒུལ་ཤུགས་དང་བློ་འགེལ་ཆོག་པའི་རང་བཞིན་ཆེ་རུ་གཏོང་བ།རྒྱལ་སྤྱིའིི་རེས་འཁོར་གྱི་སྤུས་ཚད་དང་ཆུ་ཚད་མཐོ་རུ་གཏོང་བ།དེང་རབས་ཅན་གྱི་དཔལ་འབྱོར་མ་ལག་མགྱོགས་པོར་འཛུགས་པ།བདག་རྐྱེན་ཆ་ཚང་གི་ཐོན་སྐྱེད་བྱེད་ཚད་མཐོ་རུ་གཏོང་གང་ཐུབ་བྱེད་པ།ཐོན་ལས་མུ་ཕྲེང་དང་འདོན་སྤྲོད་མུ་ཕྲེང་གི་ལྡེམ་ཤུགས་དང་བདེ་འཇགས་ཀྱི་ཆུ་ཚད་མཐོ་རུ་གཏོང་གང་ཐུབ་བྱེད་པ།གྲོང་ཁྱེར་དང་གྲོང་གསེབ་མཉམ་འདྲེས་དང་ས་ཁོངས་ཁག་མཐུན་སྦྱོར་ངང་འཕེལ་རྒྱས་ཡོང་བར་སྐུལ་འདེད་གཏོང་གང་ཐུབ་བྱེད་པ་བཅས་ཀྱིས་དཔལ་འབྱོར་སྤུས་ཚད་ཇེ་མཐོར་ནུས་ལྡན་ཡོང་བ་དང་གྲངས་འབོར་འཕར་སྣོན་ལུགས་མཐུན་ཡོང་བར་སྐུལ་འདེད་གཏོང་དགོས།...

སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་འདེད་གཏོང་རྒྱུ་ནི་ང་ཚོའི་ད་ལྟ་དང་སླད་ཕྱིན་གྱི་དུས་སྐབས་ཤིག་རིང་གི་དཔལ་འབྱོར་འཕེལ་རྒྱས་ཀྱི་བསམ་ཕྱོགས་གཏན་འཁེལ་དང་།དཔལ་འབྱོར་སྲིད་ཇུས་གཏན་འབེབས།སྤྱི་ཁོག་སྙོམ་སྒྲིག་ལག་བསྟར་བཅས་བྱེད་པའི་ཕྱོགས་ཀྱི་རྩ་བའི་བླང་བྱ་ཡིན་པས།སྲིད་ཇུས་མ་ལག།ཚད་གཞིའི་མ་ལག།བསྡོམས་རྩིས་མ་ལག།བྱས་འབྲས་གདེང་འཇོག།སྲིད་འབྲས་དཔྱད་ཞིབ་བཅས་མགྱོགས་པོར་ཆགས་པར་བྱེད་དགོས་པ་དང་།ལམ་ལུགས་ཀྱི་ཁོར་ཡུག་གསར་འཛུགས་དང་འཐུས་སྒོ་ཚང་དུ་བཏང་སྟེ།རང་རྒྱལ་གྱི་དཔལ་འབྱོར་གྱི་སྤུས་ཚད་མཐོ་བའི་འཕེལ་རྒྱས་མངོན་དུ་གྱུར་པའི་རྨང་གཞིའི་ཐོག་རྒྱུན་ཆད་མེད་པར་འཕེལ་སྐྱེད་གསར་པ་ཡོང་བར་སྐུལ་འདེད་གཏོང་དགོས།...

མི་དམངས་ནི་ལོ་རྒྱུས་གསར་སྐྲུན་བྱེད་མཁན་ཡིན་ལ།མི་དམངས་ནི་དཔའ་བོ་ངོ་མ་ཡིན།བརྗིད་ཉམས་ལྡན་པའི་ཀྲུང་ཧྭ་མི་རིགས་ཀྱི་འཕེལ་རྒྱས་ལོ་རྒྱུས་དེབ་ཐེར་ནི་ཀྲུང་གོའི་མི་དམངས་ཀྱིས་བྲིས་པ་རེད་ཨང་།རྒྱ་ཆེ་ལ་གཏིང་ཟབ་པའི་ཀྲུང་ཧྭའི་ཤེས་དཔལ་ནི་ཀྲུང་གོའི་མི་དམངས་ཀྱིས་བསྐྲུན་པ་རེད་ཨང་།ཀྲུང་ཧྭ་མི་རིགས་ཀྱི་རྒྱུན་རིང་ཉམས་མེད་ཀྱི་སྙིང་སྟོབས་ནི་ཀྲུང་གོའི་མི་དམངས་ཀྱིས་བསྐྲུན་པ་རེད་ཨང་།ཀྲུང་ཧྭ་མི་རིགས་ཡར་ལངས་པ་དང་ཕྱུག་པོར་གྱུར་པ་ནས་སྟོབས་ལྡན་དུ་འགྱུར་བའི་འཕུར་མཆོང་རླབས་པོ་ཆེ་བསུ་རྒྱུ་བྱུང་བ་ནི་ཀྲུང་གོའི་མི་དམངས་ཀྱིས་འབད་འཐབ་བྱས་ནས་ཐོབ་པ་རེད།...

གྲོང་གསེབ་དར་རྒྱས་གཏོང་བར་གྲོང་གསེབ་ཁོ་ནར་དམིགས་ནས་གྲོང་གསེབ་གླེང་མི་རུང་བར་ད་དུང་བཟོ་ལས་ཀྱིས་ཞིང་ལས་ལ་ཁ་གསབ་དང་།གྲོང་ཁྱེར་ལ་བརྟེན་ནས་གྲོང་གསེབ་གོང་སྤེལ་བཏང་ནས།བཟོ་ཞིང་ཕན་ཚུན་སྐུལ་འདེད་དང་།གྲོང་ཁྱེར་དང་གྲོང་གསེབ་ཕན་ཚུན་གསབ་རེས།མཐུན་སྦྱོར་ངང་གོང་འཕེལ།མཉམ་དུ་དར་རྒྱས་ཡོང་བ་བཅས་ཀྱི་བཟོ་ཞིང་བར་གྱི་འབྲེལ་བ་དང་གྲོང་ཁྱེར་དང་གྲོང་གསེབ་བར་གྱི་འབྲེལ་བ་གསར་པ་གང་མགྱོགས་ཆགས་པར་བྱེད་དགོས།...

འཐབ་ལམ་གསར་པའི་ཐོག་ཏུ་ང་ཚོས་ངེས་པར་དུ་མི་དམངས་ལ་དམ་པོར་བརྟེན་ནས་ལོ་རྒྱུས་གསར་སྐྲུན་བྱེད་དགོས་པ་དང་།བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་རྩ་བའི་དམིགས་ཡུལ་རྒྱུན་འཁྱོངས་བྱེད་དགོས་པ།མི་དམངས་ཀྱི་ལངས་ཕྱོགས་སུ་བརྟན་པོར་ལངས་དགོས་པ།ཏང་གི་མང་ཚོགས་ལམ་ཕྱོགས་ལག་བསྟར་མཐར་ཕྱིན་བྱེད་དགོས་པ།མི་དམངས་ཀྱི་གསར་གཏོད་སྙིང་སྟོབས་ལ་བརྩི་འཇོག་བྱེད་དགོས་པ།མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་ལག་ལེན་བསྟར་དགོས་པ།བརྒྱུད་རིམ་ཡོངས་ཀྱི་མི་དམངས་དམངས་གཙོ་གོང་འཕེལ་གཏོང་དགོས་པ།སྤྱི་ཚོགས་ཀྱི་དྲང་སྙོམས་དྲང་བདེན་སྲུང་སྐྱོང་བྱེད་དགོས་པ།འཕེལ་རྒྱས་དོ་མི་མཉམ་ཞིང་དཔྱིས་ཕྱིན་པ་ཞིག་མ་བྱུང་བའི་གནད་དོན་དང་མི་དམངས་མང་ཚོགས་ཀྱི་འཕྲལ་མཁོ་དང་།དཀའ་ངལ།སེམས་ཁྲལ།རེ་སྒུག་བཅས་ཀྱི་གནད་དོན་ཐག་གཅོད་གང་ལེགས་བྱེད་དགོས་པ།མིའི་ཕྱོགས་ཡོངས་ཀྱི་འཕེལ་རྒྱས་དང་མི་དམངས་ཡོངས་རྫོགས་ཐུན་མོང་ཐོག་ཕྱུག་འགྱུར་ཡོང་རྒྱུར་སྐུལ་འདེད་གཏོང་བའི་ཐད་དུ་སྔར་བས་མིག་མཐོང་ལག་ཟིན་གྱི་འཕེལ་སྐྱེད་ལོན་པ་བྱེད་དགོས།...

ང་ཚོས་ངེས་པར་དུ་མི་དམངས་ཀྱི་ལངས་ཕྱོགས་ཐོག་མཐའ་བར་གསུམ་དུ་རྒྱུན་འཁྱོངས་དང་།མི་དམངས་ཀྱི་བྱེད་པོའི་གོ་གནས་རྒྱུན་འཁྱོངས།ཁེངས་སྐྱུང་གི་སྒོ་ནས་མི་དམངས་ལ་སློབ་སྦྱོང་དང་།མི་དམངས་ཀྱི་རེ་འབོད་ལ་ཉན་པ།མི་དམངས་ཀྱི་བློ་གྲོས་བསྡུ་ལེན་བཅས་བྱེད་པ་དང་།མི་དམས་ཀྱི་བརྩི་བཀུར་ཐོབ་མིན་དང་།མོས་མཐུན་བྱེད་མིན།དགའ་པོ་བྱེད་མིན།ཁས་ལེན་མིན་བཅས་ལས་དོན་མཐའ་དག་གི་ཐོབ་ཤོར་འཇལ་བྱེད་ཀྱི་རྩ་བའི་ཚད་གཞིར་འཛིན་པ།མི་དམངས་ཀྱི་སེམས་ཁུར་ཆེ་ཤོས་དང་བདེ་རྩར་ཐུག་ཤོས་དང་ཉེ་བར་མཁོ་ཤོས་བཅས་ཡིན་པའི་ཁེ་ཕན་གྱི་གནད་དོན་ཤུགས་བརྒྱབ་ནས་ཐག་གཅོད་ཡག་པོ་བྱེད་པ་བཅས་ཀྱི་ཐོག་ནས།ཀྲུང་གོའི་མི་དམངས་དང་ཀྲུང་ཧྭའི་བུ་ཕྲུག་ཡོངས་ལ་ཀྲུང་ཧྭ་མི་རིགས་ཀྱི་བསྐྱར་དར་རླབས་པོ་ཆེ་མངོན་འགྱུར་བྱེད་པའི་ལོ་རྒྱུས་འཕེལ་རིམ་ནང་དུ་བདེ་སྐྱིད་དང་གཟི་བརྗིད་མཉམ་དུ་ལོངས་སུ་སྤྱོད་དུ་འཇུག་དགོས།...

མ་འོངས་པར་ཁ་ཕྱོགས་ཚེ་ང་ཚོས་ངེས་པར་དུ་མི་དམངས་དང་མཉམ་དུ་གནས་རྒྱུ་རྒྱུན་འཁྱོངས་བྱེད་དགོས།མི་དམངས་ནི་ལོ་རྒྱུས་གསར་སྐྲུན་བྱེད་མཁན་ཡིན་པས།ང་ཚོས་མི་དམངས་ལ་ཉེ་བར་བརྟེན་པ་དང་།མི་དམངས་ཀྱི་བྱེད་པོའི་ནུས་པ་འདོན་སྤེལ་གང་ལེགས་བྱེད་པ།མི་དམངས་ཀྱི་ཐོག་མའི་གསར་གཏོད་ཀྱི་སྙིང་སྟོབས་ལ་བརྩི་འཇོག་བྱེད་པ་དང་།མི་དམངས་ཀྱི་དོན་དུ་ལས་སྒྲུབ་ལས་གཏོད་དང་།མི་དམངས་ལ་བརྟེན་ནས་ལས་སྒྲུབ་ལས་གཏོད་བཅས་བྱེད་དགོས།ང་ཚོས“མི་སེར་གྱིས་གང་བསམ་དེ་བསམ”བྱ་རྒྱུ་རྒྱུན་འཁྱོངས་བྱེད་པ་དང་།མི་དམངས་ཀྱི་བསམ་འདུན་ལ་ཉན་འཇོག་དང་མི་དམངས་ཀྱི་བློ་གྲོས་བསྡུ་ལེན་བྱེད་པ་དང་།ཆེས་རྒྱ་ཆེ་བའི་མི་དམངས་ཀྱི་རྩ་བའི་ཁེ་ཕན་མངོན་འགྱུར་ཡག་པོ་དང་།སྲུང་སྐྱོང་ཡག་པོ།གོང་སྤེལ་ཡག་པོ་བཅས་བྱ་རྒྱུ་དེ་ཐོག་མཐའ་བར་གསུམ་དུ་ལས་དོན་མཐའ་དག་གི་འགོ་རྩོམ་ས་དང་མཐའ་མཇུག་གི་འབབ་སར་བརྩིས་ཏེ།འཕེལ་རྒྱས་ཀྱི་གྲུབ་འབྲས་སྔར་ལས་མང་བ་དང་སྔར་བས་དྲང་སྙོམས་ཀྱི་སྒོ་ནས་མི་དམངས་ཡོངས་རྫོགས་ལ་ཕན་ཐོགས་པར་བྱེད་དགོས།...

མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་ནི་སྤྱི་མཚན་པ་ཙམ་དང་རྟོགས་དཀའ་བའི་གོ་དོན་ཞིག་མིན་ལ།ཁ་བཤད་ཙམ་གྱིས་མི་འཐུས་ལ་དྲན་ཤེས་ཙམ་གྱིས་མི་ཆོག་པར་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཕྱོགས་གང་ཅིར་མངོན་པར་བྱེད་དགོས།མི་དམངས་ཀྱི་བྱེད་པོའི་གོ་གནས་རྒྱུན་འཁྱོངས་དང་།མི་དམངས་མང་ཚོགས་ཀྱིས་དགའ་སྐྱིད་ལྡན་པའི་འཚོ་བར་བཅངས་པའི་སྨོན་འདུན་ལ་བསྟུན་པ།ཆེས་རྒྱ་ཆེ་བའི་མི་དམངས་ཀྱི་རྩ་བའི་ཁེ་ཕན་རྒྱུན་ཆད་མེད་པར་མངོན་འགྱུར་ཡག་པོ་དང་།སྲུང་སྐྱོང་ཡག་པོ།གོང་སྤེལ་ཡག་པོ་བཅས་བྱས་ཏེ།མི་དམངས་ཀྱི་དོན་དུ་འཕེལ་རྒྱས་གཏོང་བ་དང་།མི་དམངས་ལ་བརྟེན་ནས་འཕེལ་རྒྱས་གཏོང་བ།འཕེལ་རྒྱས་ཀྱི་གྲུབ་འབྲས་མི་དམངས་ཀྱིས་མཉམ་དུ་ལོངས་སུ་སྤྱོད་པ་བཅས་བྱེད་ཐུབ་དགོས།...

ང་ཚོས་བདེན་སྲུང་གསར་གཏོད་ཀྱི་འདུ་ཤེས་བཙུགས་ནས་དེང་རབས་ཅན་གྱི་འཕེལ་རིམ་གྱི་རྒྱུན་མཐུད་རང་བཞིན་མཐའ་འཁྱོངས་བྱེད་དགོས།དེང་རབས་ཅན་གྱི་འཕེལ་རིམ་ཁྲོད་འཕྲད་པའི་གནད་དོན་གསར་པ་དང་།གནས་ཚུལ་གསར་པ།འགྲན་སློང་གསར་པ་བཅས་ཀྱི་མདུན་དུ།སྲིད་ཏང་གིས་འཁུར་ལེན་ཕོད་པ་དང་བྱས་རྗེས་འཇོག་ཕོད་པ་བྱས་ནས་བསམ་བློ་འདུ་ཤེས་ཀྱི་འཆིང་རྒྱ་ལས་སྒྲོལ་བ་དང་།སྒྲིག་སྲོལ་དང་ལམ་སྲོལ་གྱི་སྐྱོན་ཆ་སེལ་བ།ཐབས་ལམ་ལེགས་སྒྱུར་བྱེད་ཐབས་འཚོལ་ཞིབ་བྱེད་པ།རིགས་པའི་གཞུང་ལུགས་དང་ལག་ལེན་ཐོག་གི་གསར་གཏོད་འགག་སྒྲོལ་རྒྱུན་ཆད་མེད་པར་མངོན་འགྱུར་བཅས་བྱས་ནས་དེང་རབས་ཅན་གྱི་འཕེལ་རིམ་ལ་རྒྱུན་ཆད་མེད་པའི་གསོན་ཤུགས་ཆེན་པོ་སྣོན་དགོས།ལག་གདང་སྦྲེལ་ནས་གོ་ལ་ཧྲིལ་པོའི་བཅོས་སྐྱོང་མ་ལག་བསྒྱུར་བཅོས་དང་འཛུགས་སྐྲུན་ལ་སྐུལ་འདེད་གཏོང་བ་དང་།རྒྱལ་སྤྱིའི་སྒྲིག་ལམ་སྔར་ལས་དྲང་གཞག་ལུགས་མཐུན་གྱི་ཕྱོགས་སུ་འཕེལ་རྒྱས་འགྲོ་བར་སྐུལ་འདེད་བཏང་ནས།ཁེ་དབང་དྲང་སྙོམས་དང་།གོ་སྐབས་དྲང་སྙོམས།སྒྲིག་སྲོལ་དྲང་སྙོམས་བཅས་ཡོང་བར་རྒྱུན་ཆད་མེད་པར་སྐུལ་སྤེལ་གཏོང་བའི་འབད་བརྩོན་ཁྲོད་མིའི་རིགས་ཀྱི་སྤྱི་ཚོགས་དེང་རབས་ཅན་དུ་འགྱུར་བར་སྐུལ་འདེད་གཏོང་དགོས།...

ཀྲུང་གོའི་ལུགས་ཀྱི་དེང་རབས་ཅན་གྱི་ངོ་བོའི་བླང་བྱ་ནི།ཀྲུང་གོའི་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་དང་།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་བྱས་ཏེ།སྤུས་ཚད་མཐོ་བའི་འཕེལ་རྒྱས་མངོན་འགྱུར་བྱེད་པ་དང་།བརྒྱུད་རིམ་ཧྲིལ་པོའི་མི་དམངས་དམངས་གཙོ་འཕེལ་རྒྱས་གཏོང་བ།མི་དམངས་ཀྱི་བསམ་པའི་འཇིག་རྟེན་ཕུན་སུམ་ཇེ་ཚོགས་སུ་གཏོང་བ།མི་དམངས་ཡོངས་རྫོགས་ཐུན་མོང་ཐོག་ཕྱུག་པོར་འགྱུར་བར་བྱེད་པ།མི་དང་རང་བྱུང་ཁམས་ཞི་མཐུན་མཉམ་གནས་ཡོང་བར་སྐུལ་འདེད་གཏོང་བ།མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པར་སྐུལ་འདེད་གཏོང་བ།མིའི་རིགས་ཀྱི་ཤེས་དཔལ་གྱི་རྣམ་པ་གསར་པ་གཏོད་པ་བཅས་ཡིན།...

ད་ལྟ་ནས་བཟུང་།ཀྲུང་གོའི་གུང་ཁྲན་ཏང་གི་ལྟེ་བའི་ལས་འགན་ནི་རྒྱལ་ཡོངས་མི་རིགས་ཁག་གི་མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ཏེ་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་སྟོབས་ལྡན་བསྐྲུན་ཚར་བར་བྱེད་པ་དང་།ལོ་བརྒྱ་གཉིས་པའི་འབད་འཐབ་དམིགས་འབེན་མངོན་འགྱུར་བྱས་ཏེ།ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་ཕྱོགས་ཡོངས་ནས་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བར་སྐུལ་འདེད་གཏོང་རྒྱུ་དེ་ཡིན།...

ཚན་རིག་དང་མཐུན་པར་སྲིད་སྐྱོང་དང་།དམངས་གཙོའི་སྲིད་སྐྱོང་།ཁྲིམས་ལྟར་སྲིད་སྐྱོང་བཅས་རྒྱུན་འཁྱོངས་བྱེད་པ་དང་།དམངས་གཙོའི་གཅིག་སྡུད་ལམ་ལུགས་ལག་ལེན་མཐར་ཕྱིན་བསྟར་བ།འགོ་ཁྲིད་བྱེད་སྟངས་གསར་གཏོད་དང་ལེགས་བཅོས་བྱས་ཏེ།ཏང་གིས་ཁ་ཕྱོགས་འཛིན་པ་དང་།ཁྱོན་ཡོངས་འཆར་འགོད།སྲིད་ཇུས་གཏན་འབེབས།བསྒྱུར་བཅོས་ལ་སྐུལ་སྤེལ་བཅས་བྱེད་པའི་ནུས་པ་ཆེ་རུ་གཏོང་བ་དང་།ཕྱོགས་གང་ཅིའི་ཐད་ཀྱི་ཧུར་བརྩོན་རང་བཞིན་ལ་སྐུལ་སློང་བྱེད་དགོས།...