ལག་ལེན་ལས་ང་ཚོར་གསལ་བཤད་ཡང་ཡང་བྱས་གསལ།འགག་རྩ་དང་སྲོག་ཤིང་གི་ལག་རྩལ་ནི་སློང་བས་མི་ཐོབ་པ་དང་།ཉོ་བས་མི་ཁུག་པ།ཞུ་བས་མི་རྙེད་པ་ཞིག་རེད།འགག་རྩ་དང་སྲོག་ཤིང་གི་ལག་རྩལ་རང་ཉིད་ལ་དབང་བ་ཡིན་ན་གཞི་ནས་རྒཡླ་ཁབ་ཀྱི་དཔལ་འབྱོར་བདེ་འཇགས་དང་།རྒྱལ་སྲུང་བདེ་འཇགས།བདེ་འཇགས་གཞན་དག་བཅས་རྩ་བའི་ཐོག་ནས་འགན་སྲུང་བྱེད་ཐུབ་པ་རེད།དེ་ལ་གདེང་ཚོད་བཞི་ཆེ་རུ་སྐྱེད་པ་དང་འགག་རྩའི་ཐུན་མོང་རང་བཞིན་གྱི་ལག་རྩལ་དང་།མདུན་སྣེའི་སྣ་ཁྲིད་ལག་རྩལ།དེང་རབས་ཀྱི་བཟོ་སྐྲུན་ལག་རྩལ།རྩ་སློག་རང་བཞིན་གྱི་ལག་རྩལ་གསར་གཏོད་བཅས་ཐོད་བརྒལ་བྱེད་ས་བྱས་ཏེ།སྔོན་རབས་པ་བསྐྱོད་མྱོང་མེད་པའི་ལམ་ཐོག་ཏུ་བསྐྱོད་ཕོད་པ་དང་།ཧུར་བརྩོན་ཆེན་པོས་འགག་རྩ་དང་སྲོག་ཤིང་གི་ལག་རྩལ་རང་བདག་དང་ཚོད་འཛིན་ཐུབ་...

མ་འོངས་པར་ཁ་ཕྱོགས་ཚེ།ཚན་རྩལ་གསར་བརྗེ་དང་ཐོན་ལས་འཕོ་འགྱུར་གསར་པ་ནི་ཚོད་འཛིན་བྱེད་དཀའ་ཤོས་ཡིན་མོད།འོན་ཀྱང་ངེས་པར་དུ་ཁ་གཏད་འཇལ་དགོས་པའི་ངེས་གཏན་མེད་པའི་རྒྱུ་རྐྱེན་གྱི་གྲས་ཤིག་ཡིན་པས།འཛིན་ཐུབ་ན་གོ་སྐབས་ཡིན་ལ།འཛིན་མ་ཐུབ་ན་འགྲན་སློང་རེད་ཅེས་བཤད་ཆོགཚན་རྩལ་གསར་བརྗེ་དང་ཐོན་ལས་འཕོ་འགྱུར་གསར་པས་གོ་ལ་ཧྲིལ་པོའི་དཔལ་འབྱོར་གྲུབ་ཚུལ་བསྐྱར་སྐྲུན་བྱ་རྒྱུ་ཡིན་པ་སྟེ།ལུས་རྩལ་འགྲན་སྡུར་དེ་འགྲན་ར་གསར་པ་ཞིག་ཏུ་བརྗེ་བ་ནང་བཞིན།གལ་ཏེ་ང་ཚོ་ད་དུང་སྔར་གྱི་འགྲན་རར་བསྡད་ན་སུ་གང་གི་རྗེས་ཀྱང་མི་ཆོད།ང་ཚོས་ངེས་པར་དུ་ཉམས་ཉེས་དྲན་པའི་འདུ་ཤེས་ཆེ་རུ་གཏོང་བ་དང་།འཛམ་གླིང་གི་ཚན་རྩལ་གསར་གཏོད་ཀྱི་འཕེལ་ཕྱོགས་ཤེས་ཚོར་སྐྱེན་པོས་ཁོང་དུ་ཆུད་པ།རེས་སྐོར་གསར་པའི་ཚན་རྩལ་གསར་བརྗེ་དང་ཐོན་ལས་འཕོ་འགྱུར་གྱི་གོ་སྐབས་དམ་འཛིན་དང་བེད་སྤྱོད་ཡག་པོ་བཅས་བྱེད་དགོས་པ་ལས།རེ་སྒུག་དང་།བབ་ལྟ།སྒྱིད་ལུག་བཅས་བྱེད་མི་རུང་།...

བསྒྱུར་བཅོས་སྒོ་འབྱེད་བྱས་པའི་ལོ་ངོ་སུམ་ཅུ་ལྷག་གི་རིང་ལ།ང་ཚོས་མང་ཆེ་བ་ཐོན་ཁུངས་དང་།མ་རྩ།ངལ་རྩོལ་ནུས་ཤུགས་སོགས་ཀྱི་བདག་རྐྱེན་སྤྱོད་པར་བརྟེན་ནས་དཔལ་འབྱོར་མགྱོགས་མྱུར་ངང་གོང་དུ་འཕེལ་བ་དང་གཞི་ཁྱོན་རྒྱ་བསྐྱེད་པར་འདེགས་སྐྱོར་བྱས་ཡོད།བསྒྱུར་བཅོས་སྒོ་འབྱེད་འཕེལ་རྒྱས་བྱུང་ནས་ད་ལྟའི་བར་དུ་བདག་རྐྱེན་འདི་དག་གི་ཆ་རྐྱེན་ལ་འགྱུར་ལྡོག་ཧ་ཅང་ཆེན་པོ་བྱུང་ཡོད་པས།ད་དུང་སྔོན་ཆད་ནང་བཞིན་བདག་རྐྱེན་འདི་དག་གཏོང་འཇོག་བྱ་རྒྱུ་གཙོ་བོར་བཟུང་ནས་འཕེལ་རྒྱས་བཏང་ན།ཐོག་མ་ནང་བཞིན་གྱི་ཆ་རྐྱེན་མེད་ལ།ཐོན་ཁུངས་ཁོར་ཡུག་གིས་ཀྱང་ཐེག་དཀའ་བ་ཞིག་རེད།ང་ཚོས་ངེས་པར་དུ་བདག་རྐྱེན་གྱིས་འཕེལ་རྒྱས་ལ་སྐུལ་འདེད་གཏོང་རྒྱུ་གཙོ་བོར་བྱེད་པ་ནས་གསར་གཏོད་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་བའི་...

སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་གྱི་ཆ་རྐྱེན་འོག་གི་རྒྱལ་ཡོངས་སྟོབས་ཤུགས་གཅིག་སྒྲིལ་གྱི་སྒྲིག་སྲོལ་དཔེ་གསར་ཅན་འཐུས་སྒོ་ཚང་དུ་གཏོང་བ་དང་།རྒྱལ་ཁབ་ནི་གནད་ཆེའི་ཚན་རྩལ་གསར་གཏོད་སྒྲིག་འཛུགས་བྱེད་མཁན་གལ་ཆེན་ཡིན་པའི་ནུས་པ་སྒོ་ཀུན་ནས་འདོན་སྤེལ་བྱས་ཏེ།འཁོར་ཡུན་རིང་བ་དང་།ཉེན་ཁ་ཆེ་བ།དཀའ་ཚེགས་ཆེ་བ།མདུན་ལྗོངས་བཟང་བ་བཅས་ཀྱི་འཐབ་ཇུས་རང་བཞིན་གྱི་ཚན་རིག་འཆར་གཞི་དང་ཚན་རིག་ལས་གྲྭར་རྒྱབ་སྐྱོར།མ་ལག་ལྡན་པར་བཀོད་སྒྲིག་དང་།མ་ལག་ལྡན་པར་ཇུས་འགོད།ལས་རིགས་བརྒལ་ཏེ་འདུས་གྲུབ་བཅས་འཛིན་པ།སྲིད་གཞུང་དང་།ཚོང་ར།སྤྱི་ཚོགས་སོགས་ཕྱོགས་གང་ཅིའི་སྟོབས་ཤུགས་གཅིག་སྒྲིལ་བཅས་བྱས་ཏེ།མ་འོངས་པའི་སྤྱི་ཆའི་དགེ་མཚན་ཆགས་པར་བྱེད་དགོས།ཕན་ནུས་ལྡན་པའི་ཚོ...

ཚན་རྩལ་ནི་འཕེལ་རྒྱས་ཀྱི་མཚོན་ཆ་རྣོན་པོ་ཡིན་ལ།ཉེན་ཁའི་འབྱུང་རྩར་འགྱུར་ཡང་སྲིད།ཚན་རྩལ་འཕེལ་རྒྱས་ལས་བྱུང་བའི་སྒྲིག་སྲོལ་ཐད་ཀྱི་གདོང་ཐུག་དང་།སྤྱི་ཚོགས་ཀྱི་ཉེན་ཁ།ཚུལ་ལུགས་ཀྱི་འགྲན་སློང་བཅས་ལ་སྔོན་ཚོད་ངང་བརྡར་ཤ་གཅོད་དགོས་པ་དང་།འབྲེལ་ཡོད་བཅའ་ཁྲིམས་ཁྲིམས་སྲོལ་དང་།ཚུལ་ལུགས་ཀྱི་ཞིབ་བཤེར་སྒྲིག་སྲོལ་དང་དེ་བཞིན་ལྟ་སྐུལ་དོ་དམ་གྱི་སྒྲོམ་གཞི་བཅས་འཐུས་ཚང་དུ་གཏོང་དགོས།གོ་ལ་ཧྲིལ་པོའི་ཚན་རྩལ་བཅོས་སྐྱོང་ལ་ཟབ་མོར་ཞུགས་པ་དང་།ཀྲུང་གོའི་བློ་གྲོས་ལེགས་སྐྱེས་སུ་འབུལ་བ།ཚན་རྩལ་དགེར་ཕྱོགས་ཀྱི་རིག་གནས་ལྟ་བ་བཞེངས་སྐྲུན་བཅས་བྱས་ཏེ།ཚན་རྩལ་གྱིས་སྔར་ལས་ལེགས་པའི་སྒོ་ནས་མིའི་རིགས་ལ་བདེ་སྐྱིད་སྐྲུན་པ་དང་།ཀྲུང་གོའི་ཚན་རྩལ་གྱིས་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པར་སྐུལ་འདེད་གཏོང་བར་བྱས་རྗེས་སྔར་ལས་ཆེན་པོ་འཇོག་དགོས།...

རྒྱལ་ཁབ་ཀྱི་འཐབ་ཇུས་ཚན་རྩལ་སྟོབས་ཤུགས་ཆེ་རུ་གཏོང་བར།ཐོག་མར་ཚན་རྩལ་གསར་གཏོད་གནད་ཆེན་སྒྲིག་འཛུགས་བྱེད་མཁན་ཡིན་པའི་རྒྱལ་ཁབ་ཀྱི་ནུས་པ་འདོན་སྤེལ་གང་ལེགས་བྱེད་དགོས།གོ་ལ་ཧྲིལ་པོའི་ཚན་རྩལ་འགྲན་རྩོད་ཉིན་རེ་བཞིན་ཛ་དྲག་ཏུ་འགྲོ་བཞིན་ཡོད་པ་དང་།རྒྱལ་ཁབ་ཆེན་པོའི་ཚན་རྩལ་འགྲན་རྩོད་དེ་རྒྱལ་ཁབ་ཀྱི་བྱ་སྤྱོད་དུ་གྱུར་ཡོད་པས།ང་ཚོས་ངེས་པར་དུ་མ་ལག་ཅན་གྱི་འགྲན་རྩོད་སྟོབས་ཤུགས་ལ་ཤུགས་རྒྱག་དགོས།འཐབ་ཇུས་རང་བཞིན་གྱི་དགོས་མཁོའི་ཁྲིད་སྟོན་རྒྱུན་འཁྱོངས་དང་།ཚན་རྩལ་གསར་གཏོད་ཀྱི་ཁ་ཕྱོགས་དང་གཙོ་གནད་གཏན་འཁེལ་བྱས་ཏེ་རྒྱལ་ཁབ་ཀྱི་འཕེལ་རྒྱས་དང་བདེ་འཇགས་ལ་ཚོད་འཛིན་བཟོ་བའི་དཀའ་གནད་གལ་ཆེན་ནུས་ཤུགས་ཡོད་རྒུས་ཐ...

རྒྱལ་སྤྱིའི་ཚན་རྩལ་མཉམ་ལས་ནི་འཕེལ་ཕྱོགས་ཆེན་པོ་ཡིན།ང་ཚོས་སྔར་བས་རང་འགུལ་ངང་གོ་ལ་ཧྲིལ་པོའི་གསར་གཏོད་དྲ་རྒྱར་མཉམ་འདྲེས་བྱས་ཏེ་སྒོ་འབྱེད་མཉམ་ལས་ཁྲོད་རང་ངོས་ཀྱི་ཚན་རྩལ་གསར་གཏོད་ནུས་པ་ཆེ་རུ་གཏོང་དགོས།བཀག་སྡོམ་དང་གནོན་ཤུགས་ཇི་ཙམ་ཆེ་ན།དེ་ཙམ་གྱིས་རང་སྒོ་རང་རྒྱག་དང་རང་ངོས་ལོགས་བཀར་བྱེད་མི་རུང་བར།སྔར་བས་སྒོ་འབྱེད་ཁོང་ཡངས་དང་གཉིས་ཕན་མཉམ་སྤྱོད་ཀྱི་རྒྱལ་སྤྱིའི་ཚན་རྩལ་མཉམ་ལས་འཐབ་ཇུས་ལག་བསྟར་བྱེད་དགོས།ཕྱོགས་གཅིག་ནས་རང་ཉིད་ཀྱི་བྱ་བ་ལེགས་པར་བསྒྲུབ་རྒྱུ་རྒྱུན་འཁྱོངས་བྱེད་པ་དང་།ཚན་རྩལ་གྱི་རང་བརྟེན་གསར་གཏོད་བྱེད་ནུས་རྒྱུན་མཐུད་ངང་ཆེ་རུ་གཏོང་བ།དགེ་མཚན་ཡོད་པའི་ཁྱབ་ཁོངས་ཁ་ཤས་སུ"ལེབ་རིང"བཟོ་བ་བཅས་བྱས་ཏེ།རྒྱལ་སྤྱིའི་མཉམ...

ཚན་རྩལ་གསར་གཏོད་ལ་སྐུལ་འདེད་གཏོང་བར་ངེས་པར་དུ་སྒྲིག་སྲོལ་དང་ལམ་སྲོལ་གྱི་འགལ་རྐྱེན་སེལ་དགོས།ད་ལྟ།ཚན་རྩལ་གྲུབ་འབྲས་སྤོ་སྒྱུར་བདེ་བླག་མིན་པའི་གནད་དོན་འབུར་ཐོན་ཡིན་པའི་གནད་འགག་གལ་ཆེན་ཞིག་ནི་ཚན་རིག་ཞིབ་འཇུག་གི་གྲུབ་འབྲས་བཀག་སྡོམ་དང་རང་ངོས་ནས་རེས་འཁོར་བྱེད་ཚུལ་ཅུང་ཚབས་ཆེན་ཡིན་པས།ངེས་པར་དུ་དཔལ་འབྱོར་དང་སྤྱི་ཚོགས་གོང་དུ་སྤེལ་བའི་གཡུལ་ས་གཙོ་བོར་ཁ་ཕྱོགས་པ་དང་།ཐོན་ལས་མུ་ཕྲེང་ལ་དམིགས་ནས་གསར་གཏོད་མུ་ཕྲེང་བཀོད་སྒྲིག་བྱས་ཏེ་ཚན་རྩལ་གསར་གཏོད་ཁྲོད་ཀྱི"ཁེར་ཆགས་གླིང་ཕྲན་གྱི་སྣང་ཚུལ"མེད་པ་བཟོ་དགོས།ཐོན་སློབ་ཞིབ་སྤྱོད་ཟུང་འབྲེལ་དམ་ཚགས་ལ་ཚོད་འཛིན་བྱེད་པའི་སྒྲིག་སྲོལ་དང་ལམ་སྲོལ་གྱི་འགོག་རྐྱེན་སེལ་བར་དོ་སྣང་བྱས་ཏེ།གསར་གཏོད་ཐོན་ཁུངས་བགོ་སྒྲིག་ཁྲོད་ཀྱི་ཚོང་རའི་ཐག་གཅོད་ར...

ངེས་པར་དུ་ཚན་རྩལ་སྒྲིག་སྲོལ་གྱི་བསྒྱུར་བཅོས་ཟབ་སྤེལ་བྱས་ནས་ཚན་རྩལ་གསར་གཏོད་ལ་འགོག་རྐྱེན་བཟོ་བའི་བསམ་བློའི་འགལ་རྐྱེན་དང་ལམ་ལུགས་ཀྱི་བཀག་རྒྱ་ཐམས་ཅད་སེལ་དགོས་པ་དང་།སྲིད་གཞུང་དང་ཚོང་རའི་བར་གྱི་འབྲེལ་བ་ཐག་གཅོད་ཡག་པོ་བྱེད་དགོས་ལ།ཚན་རྩལ་དེ་དཔལ་འབྱོར་དང་སྤྱི་ཚོགས་ཀྱི་གོང་འཕེལ་དང་མཉམ་འདྲེས་ཟབ་མོ་ཡོང་བར་སྐུལ་འདེད་གཏོང་དགོས་ཤིང་།ཚན་རྩལ་སྟོབས་ཤུགས་ཆེ་བ་ནས་ཐོན་ལས་སྟོབས་ཤུགས་ཆེ་བ་དང་།དཔལ་འབྱོར་སྟོབས་ཤུགས་ཆེ་བ།རྒྱལ་ཁབ་སྟོབས་ཤུགས་ཆེ་བ་བཅས་སུ་འགྱུར་བའི་རྒྱུག་ལམ་གཤོང་དགོས་པ་དང་།བསྒྱུར་བཅོས་ལ་བརྟེན་ནས་གསར་གཏོད་ཀྱི་སྐྱེ་སྟོབས་སྐྱེད་དགོས་ལ།རྒྱལ་ཁབ་ཀྱི་གསར་གཏོད་མ་ལག་གང་མྱུར་འཐུས་ཚང་བཙུགས་ནས་གསར་གཏོད་ཀྱི་འབྱུང་ཁུངས་ཐམས་ཅད་ཆུ་གཏེར་རྒྱས་པ་ལྟར་ཐོན་དུ་འཇུག་དགོས།...

དུས་རབས་གསར་པར་ཏང་གི་སློབ་གསོའི་བྱེད་ཕྱོགས་ལག་བསྟར་མཐར་ཕྱིན་བྱེད་པའི་ཚེ།མར་ཁེ་སིའི་རིང་ལུགས་ཀྱི་སློབ་སྟོན་གོ་གནས་རྒྱུན་འཁྱོངས་དང་།དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ལག་ལེན་མཐར་ཕྱིན།སྤྱི་ཚོགས་རིང་ལུགས་ཀྱི་སློབ་སྒྲུབ་ཁ་ཕྱོགས་རྒྱུན་འཁྱོངས།ཀུན་སྤྱོད་ལ་བརྟེན་ནས་མི་གསོ་སྐྱོང་བྱེད་པའི་རྩ་བའི་ལས་འགན་དོན་འཁྱོལ།སློབ་གསོས་མི་དམངས་ལ་ཞབས་འདེགས་ཞུ་རྒྱུ་དང་ཀྲུང་གོའི་གུང་ཁྲན་ཏང་གི་རྒྱལ་སྲིད་སྐྱོང་བར་ཞབས་འདེགས་ཞུ་རྒྱུ།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལམ་ལུགས་སྲ་བརྟན་དང་གོང་འཕེལ་གཏོང་བར་ཞབས་འདེགས་ཞུ་རྒྱུ།བསྒྱུར་བཅོས་སྒོ་འབྱེད་དང་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་འཛུགས་སྐྲུན་ལ་ཞབས་འདེགས་...

ང་ཚོས་རང་རྒྱལ་གྱི་སློབ་གསོ་དེང་རབས་ཅན་དུ་འགྱུར་བའི་སྤྱི་ཚོགས་རིང་ལུགས་ཀྱི་ཁ་ཕྱོགས་རྒྱུན་འཁྱོངས་དང་།སློབ་གསོའི་སྤྱི་ཕན་རང་བཞིན་གྱི་རྩ་དོན་རྒྱུན་འཁྱོངས་བྱས་ཏེ་སློབ་གསོ་དྲང་སྙོམས་ཡོང་བ་བྱ་རྒྱུ་དེ་རྒྱལ་ཁབ་ཀྱི་གཞི་རྩའི་སློབ་གསོ་སྲིད་ཇུས་བྱེད་དགོས་པ་དང་།སློབ་གསོའི་སྒྲིག་སྲོལ་བསྒྱུར་བཅོས་དང་གསར་གཏོད་བྱེད་པར་སྐུལ་འདེད་ཤུགས་ཆེན་གཏོང་དགོས།མི་ཚེ་གང་པོ་དང་འགྲོགས་པའི་སློབ་གསོ་གང་མགྱོགས་སུ་བསྐྲུན་ནས་སློབ་སྦྱོང་བྱ་རྒྱུ་དེ་མི་ཚང་མའི་འཚོ་བའི་གོམས་གཤིས་དང་འཚོ་བ་སྐྱེལ་སྟངས་ཤིག་ཆགས་པ་དང་།མི་ཚང་མས་སློབ་སྦྱོང་བྱེད་པ་དང་།གང་སར་སློབ་སྦྱོང་བྱེད་ཐུབ་པ།དུས་དང་རྣམ་པ་ཀུན་ཏུ་སློབ་སྦྱོང་བྱེད་ཐུབ་པ་བཅས་ཡོང་བ་བྱེད་དགོས།མི་ཚང་མ་འདྲ་མཉམ་དུ་འཛིན་པའི་སློབ་གསོ་གང་མགྱོགས་སུ་འཛུགས་སྐྲུན་བྱས་ཏེ།ཕོ་མོ་དང་།གྲོང་ཁྱེར་དང་གྲོང་གསེབ།ས་ཁོངས།དབུལ་ཕྱུགམི་རིགས་བཅས་ཀྱི་དབྱེ་བ་མེད་པར་ཚང་མར་སློབ་གསོ་བཟང་པོ་ཐོབ་གང་ཐུབ་བྱེད་དགོས།མི་རེ་རེར་འཚམ་པའི་སློབ་གསོ་གང་མགྱོགས་སུ་འཛུགས་སྐྲུན་བྱས་ཏེ།གཤིས་རྒྱུད་དང་བསྐོས་ཐང་དང་།དགའ་ཕྱོགས་དང་ཁྱད་ནུས།བྱང་ཚད་དང་བག་ཉལ་སྟོབས་ཤུགས་བཅས་མི...

ཀྲུང་གོས་བློ་རྩ་བརྟན་པོས་ཚན་རྩལ་དང་སློབ་གསོ་ལ་བརྟེན་ནས་རྒྱལ་ཁབ་དར་རྒྱས་གཏོང་བའི་འཐབ་ཇུས་ལག་བསྟར་བྱེད་པ་དང་།ཐོག་མཐའ་བར་གསུམ་དུ་སློབ་གསོ་སྔོན་ལ་གོང་འཕེལ་གཏོང་བའི་འཐབ་ཇུས་ཀྱི་གོ་གནས་སུ་འཇོག་པ།རྒྱུན་ཆད་མེད་པར་གཏོང་སྒོ་ཆེ་རུ་གཏོང་བ།དམངས་ཡོངས་ཀྱི་སློབ་གསོ་དང་ཚེ་གང་སློབ་གསོ་གོང་སྤེལ་ཧུར་ཐག་གཏོང་བ།སློབ་སྦྱོང་ཅན་གྱི་སྤྱི་ཚོགས་འཛུགས་སྐྲུན་བཅས་བྱས་ནས།ཕྲུ་གུ་ཚང་མར་སློབ་གསོ་མྱོང་བའི་གོ་སྐབས་རག་པར་འབད་བརྩོན་དང་།མི་དམངས་དུང་ཕྱུར༡༣ལ་སྔར་བས་ལེགས་པ་དང་སྔར་བས་འདྲ་མཉམ་གྱི་སློབ་གསོ་མྱོང་རྒྱུ་ཡོད་པར་འབད་བརྩོན་བྱས་ཏེ།རང་ཉིད་ཡར་རྒྱས་ཡོང་བ་དང་།སྤྱི་ཚོགས་ལ་ལེགས་སྐྱེས་འབུལ་བ།མི་དམངས་ལ་བདེ་སྐྱིད་སྐྲུན་པ་བཅས་ཀྱི་ནུས་པ་ཐོབ་ཏུ་འཇུག་དགོས།...

རང་རྒྱལ་གྱི་དཔལ་འབྱོར་ནི་མྱུར་ཚད་མགྱོགས་པའི་འཕར་སྣོན་གྱི་དུས་རིམ་ནས་སྤུས་ཚད་མཐོ་བའི་འཕེལ་རྒྱས་ཀྱི་དུས་རིམ་དུ་འཕེལ་འགྱུར་བྱུང་ཡོད་པས།ས་ཁོངས་ཁག་མཐུན་སྦྱོར་ངང་འཕེལ་རྒྱས་ཡོང་རྒྱུར་བླང་བྱ་གསར་པ་བཏོན་ཡོད།དཔལ་འབྱོར་འཕེལ་རྒྱས་ཡོང་བའི་ཐད་ལ་སླ་བཅོས་ངང་ས་ཁུལ་ཁག་གི་ཆ་རྐྱེན་ལ་གཞིགས་ནས་ཚད་གཅིག་གི་སྟེང་དུ་སླེབས་དགོས་པའི་བླང་བྱ་འདོན་མི་རུང་བར་ས་ཁུལ་ཁག་གི་ཆ་རྐྱེན་ལ་གཞིགས་ནས་ལས་བགོས་ལུགས་མཐུན་དང་འཕེལ་རྒྱས་ལེགས་སྒྱུར་བྱེད་པའི་ལམ་དུ་སྐྱོད་དགོས།པེ་ཅིན་ཐེན་ཅིན་ཧོ་པེ་གསུམ་དང་།འབྲི་ཆུའི་ཟུར་གསུམ་གླིང་།ཀྲུའུ་ཅང་གཙང་པོའི་ཟུར་གསུམ་གླིང་བཅས་ས་ཁུལ་ཆེན་པོ་གསུམ་དང་།དེ་བཞིན་གྲོང་ཁྱེར་ཁྱུ་ཚོགས་གལ་ཆེན་དུ་མས་གཙོས་པའི་རྒྱལ་ཡོངས་ཀྱི་སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་ཁྲིད་བྱེད་ཐུབ་པའི་སྒུལ་ཤུགས་ཀྱི་འབྱུང་ཁུངས་གསར་པ་ཁག་ཅིག་ཆགས་པར་བྱེད་དགོས།དོ་མཉམ་མིན་པ་ནི་ཡོངས་ཁྱབ་ཏུ་གནས་ཡོད་པ་ཞིག་ཡིན་ལ་འཕེལ་རྒྱས་ཡོང་རིམ་ནང་དུ་བལྟོས་ས་ལྟོས་འཇོག་གི་དོ་མཉམ་ཡོང་བར་སྐུལ་འདེད་གཏོང་དགོས།འདི་ནི་ས་ཁོངས་ཁག་མཐུན་སྦྱོར་ངང་འཕེལ་རྒྱས་ཡོང་བའི་རྩོད་སྒྲུབ་རིག་པ་ཡིན།...

ཞིང་ལས་རྒྱལ་ཁབ་སྟོབས་ལྡན་འཛུགས་སྐྲུན་བྱེད་པར་མིག་སྔར་གྲོང་གསེབ་དར་རྒྱས་གཏོང་རྒྱུ་དམ་འཛིན་གང་ལེགས་བྱེད་དགོས།“ཞིང་གསུམ”ལས་དོན་གྱི་གཙོ་གནད་ལ་ལོ་རྒྱུས་རང་བཞིན་གྱི་སྤོ་སྒྱུར་མངོན་འགྱུར་བྱུང་བས།མི་ཤུགས་ཀྱི་གཏོང་ཆ་དང་།དངོས་ཤུགས་ཀྱི་བཀོད་སྒྲིགནོར་ཤུགས་ཀྱི་འགན་སྲུང་བཅས་ཚང་མ་གྲོང་གསེབ་དར་རྒྱས་ཀྱི་ཕྱོགས་སུ་སྤོ་སྒྱུར་བྱེད་དགོས།ལས་དོན་འདི་འགོ་བརྩམས་མ་ཐག་པ་ཡིན་པས།དཀའ་ཚེགས་དང་ལྗིད་རྫོབ་ཆེ་བའི་ལས་འགན་ད་དུང་རྗེས་སུ་ཡོད་ཅིང་།ལྷོད་གཡེང་གཏན་ནས་བྱེད་མི་རུང་ལ་འགྲོ་ལམ་དེ་བས་ཀྱང་བརྗེ་མི་རུང་།སྤྱིའི་བླང་བྱ་ནི་སྔར་བཞིན་ཐོན་ལས་དང་།ཤེས་ལྡན་མི་སྣ།རིག་གནས།སྐྱེ་ཁམས།རྩ་འཛུགས་བཅས“དར་སྤེལ་ལྔ”ལ་ཕྱོགས་ཡོངས་ནས་སྐུལ་འདེད་གཏོང་རྒྱུ་དེ་ཡིན།“དར་སྤེལ་ལྔ”ནི་ཕན་ཚུན་འབྲེལ་བ་དང་།ཕན་ཚུན་འདེགས་སྐྱོར།ཕན་ཚུ...

རང་རྒྱལ་འཕེལ་རྒྱས་ཀྱི་དོ་མི་མཉམ་པ་ཆེ་ཤོས་ནི་གྲོང་ཁྱེར་དང་གྲོང་གསེབ་བར་གྱི་འཕེལ་རྒྱས་དོ་མི་མཉམ་པ་དང་།གང་ལེགས་མ་བྱུང་བ་ཆེ་ཤོས་ནི་གྲོང་གསེབ་འཕེལ་རྒྱས་གང་ལེགས་མ་བྱུང་བ་དེ་རེད།ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན།ང་ཚོས་བཟོ་ཞིང་བར་གྱི་འབྲེལ་བ་དང་།གྲོང་ཁྱེར་དང་གྲོང་གསེབ་བར་གྱི་འབྲེལ་བ་ལེགས་སྒྲིག་བྱ་རྒྱུའི་སེམས་ཐག་བཅད་དེ།ཐབས་རྣམ་རབ་དང་རིམ་པར་བརྟེན་ནས་བཟོ་ལས་ཀྱིས་ཞིང་ལས་ལ་དྲིན་ལན་འཇལ་བ་དང་།གྲོང་ཁྱེར་གྱིས་གྲོང་གསེབ་ལ་རོགས་སྐྱོར་བྱེད་པ་ལ་སྐུལ་འདེད་བཏང་ཡོད།ཏང་གི་ཚོགས་ཆེན་བཅུ་དགུ་པའི་ཐོག་གྲོང་གསེབ་དར་རྒྱས་གཏོང་བའི་འཐབ་ཇུས་ལག་བསྟར་བྱེད་དགོས་ལུགས་བཏོན་པ་དེ་ནི་སྤྱི་ཡོངས་དང་འཐབ་ཇུས་ཀྱི་མཐོ་ཚད་ཐོག་ནས་བཟོ་ཞིང་བར་གྱི་འབྲེལ་བ་དང་གྲོང་ཁྱེར་དང་གྲོང་གསེབ་བར་གྱི་འབྲེལ་བ་སྟངས་འཛིན་དང་ཐག་གཅོད་བྱེད་པའི་ཆེད་དུ་རེད།...

དཔལ་འབྱོར་བྱེད་སྒོ་ནི་འགུལ་རྣམ་གྱི་ཡང་སྐོར་བསྐྱར་སྐོར་གྱི་རེས་འཁོར་བརྒྱུད་རིམ་ཞིག་ཡིན།གཏིང་རྩའི་བསྒྱུར་བཅོས་ལ་སྐུལ་འདེད་གཏོང་བ་དང་སྲིད་ཇུས་ཀྱི་ཁྲིད་སྟོན་ལ་ཤུགས་བརྒྱབ་ནས་དཔལ་འབྱོར་རེས་འཁོར་ལ་ཚོད་འཛིན་ཐེབས་པའི་འགག་གནས་ནུས་ཤུགས་ཡོད་རྒུས་སེལ་དགོས།རྒྱལ་ནང་གི་དགོས་མཁོ་བསྐང་རྒྱུ་གཞི་རྩའི་རྐང་འཛུགས་སར་བྱེད་དགོས་ཤིང་།ནང་མཁོ་རྒྱ་སྐྱེད་གཏོང་བའི་འཐབ་ཇུས་ལག་བསྟར་བྱ་རྒྱུ་དེ་འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཟབ་སྤེལ་བྱ་རྒྱུ་དང་ཟུང་འབྲེལ་དམ་ཚགས་བྱས་ཏེ།འདོན་སྤྲོད་མ་ལག་དེ་རྒྱལ་ནང་གི་དགོས་མཁོར་འཚམ་པའི་རང་བཞིན་ཆེ་རུ་གཏོང་གང་ཐུབ་བྱེད་པ་དང་།དགོས་མཁོས་འདོན་སྤྲོད་སྣེ་ཁྲིད་དང་།འདོན་སྤྲོད་ཀྱིས་དགོས་མཁོ་གསར་སྐྲུན་གྱི་འགུལ་རྣམ་དོ་མཉམ་ཆགས་པར་བྱེད་དགོས།...

དངོས་གཞིའི་དཔལ་འབྱོར་དར་རྒྱས་གཏོང་རྒྱུ་ནི་འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཀྱི་ལས་འགན་གཙོ་བོ་ཞིག་ཡིན་པས།འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཀྱིས་དངོས་གཞིའི་དཔལ་འབྱོར་དར་རྒྱས་གཏོང་རྒྱུར་ཤུགས་འདོན་པ་དང་ཤུགས་བསྒྲིལ་དགོས།དཔལ་འབྱོར་འཕེལ་རྒྱས་ནི་དུས་ནམ་ཞིག་ལ་སླེབས་རུང་།དངོས་གཞིའི་དཔལ་འབྱོར་ནི་རང་རྒྱལ་གྱི་དཔལ་འབྱོར་འཕེལ་རྒྱས་འགྲོ་བ་དང་།རྒྱལ་སྤྱིའི་དཔལ་འབྱོར་འགྲན་རྩོད་ཁྲོད་རང་དབང་ཟིན་པའི་རྨང་གཞི་ཡིན།རང་རྒྱལ་གྱི་དཔལ་འབྱོར་ནི་དངོས་གཞིའི་དཔལ་འབྱོར་ལ་བརྟེན་ནས་དར་བ་ཡིན་ལ།དངོས་གཞིའི་དཔལ་འབྱོར་ལ་བརྟེན་ནས་མ་འོངས་པར་སྐྱོད་དགོས།...

འཕེལ་རྒྱས་ཀྱི་དུས་རིམ་གསར་པར་བསྐྱོད་པ་དང་།འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་པ།འཕེལ་རྒྱས་ཀྱི་བཀོད་པ་གསར་པ་སྐྲུན་པ་བཅས་ནི་རང་རྒྱལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བའི་རིགས་པའི་གཞུང་ལུགས་ཀྱི་གཏན་ཚིགས་དང་།ལོ་རྒྱུས་ཀྱི་གཏན་ཚིགས།དོན་དངོས་ཀྱི་གཏན་ཚིགས་བཅས་ཀྱིས་ཐག་བཅད་པ་ཞིག་ཡིན་ཞིང་།དེ་གསུམ་བར་གྱི་འབྲེལ་བ་དམ་ཚགས་ཡིན།འཕེལ་རྒྱས་ཀྱི་དུས་རིམ་གསར་པར་བསྐྱོད་པ་དེས་རང་རྒྱལ་འཕེལ་རྒྱས་ཀྱི་ལོ་རྒྱུས་གནས་ཕྱོགས་གསལ་ངེས་བཟོས་པ་དང་།འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་པ་དེས་རང་རྒྱལ་གྱི་དེང་རབས་ཅན་འཛུགས་སྐྲུན་གྱི་མཛུབ་སྟོན་རྩ་དོན་གསལ་ངེས་བཟོས་ཤིང་།འཕེལ་རྒྱས་ཀྱི་བཀོད་པ་གསར་པ་སྐྲུན་པ་དེས་རང་རྒྱལ་གྱི་དཔལ་འབྱོར་དེང་རབས་ཅན་དུ་འགྱུར་བའི་ཐབས་ལམ་གདམ་ག་གསལ་ངེས་བཟོས་ཡོད།འཕེལ་རྒྱས་ཀྱི་དུས་རིམ་གསར་པར་ངེས་ཤེས་འདྲོང་རྒྱུ་ནི་འཕེལ་རྒྱས་ཀྱི་འདུ་ཤེས་གསར་པ་ལག་བསྟར་དང་འཕེལ་རྒྱས་ཀྱི་བཀོད་པ་གསར་པ་སྐྲུན་པའི་དོན་དངོས་ཀྱི་གཞི་འཛིན་ས་ཡིན་པ་དང་།འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་པ་དེས་འཕེལ་རྒྱས་ཀྱི་དུས་རིམ་གསར་པར་ངེས་ཤེས་འདྲོང་བ་དང་འཕེལ་རྒྱས་ཀྱི་བཀོད་པ་གསར་པ་སྐྲུན་པར་བྱ་སྤྱོད་ཀྱི་ཕྱོགས་སྟོན་འདོན་སྤྲོད་བྱས་ཡོད།འཕེལ་རྒྱས་ཀྱི་བཀོད་པ་གསར་པ་སྐྲུན་པ་ནི་འཕེལ་རྒྱས་ཀྱི་དུས་རིམ་གསར་པའི་གོ་སྐབས་དང་འགྲན་སློང་ལ་ཁ་གཏད་འཇལ་བ་དང་འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་པའི་འཐབ་ཇུས་ཀྱི་གདམ་ག་ཡིན།...

ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་ང་ཚོས་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་རིགས་པའི་གཞུང་ལུགས་དང་འདུ་ཤེས་གལ་ཆེན་མང་པོ་བཏོན་ཡོད་པ་དང་།དེ་དག་ལས་འཕེལ་རྒྱས་ཀྱི་འདུ་ཤེས་གསར་པ་ནི་གལ་ཆེ་ཤོས་དང་གཙོ་ཆེ་ཤོས་དེ་རེད།འཕེལ་རྒྱས་ཀྱི་འདུ་ཤེས་གསར་པ་ནི་མ་ལག་ལྡན་པའི་རིགས་པའི་གཞུང་ལུགས་ཆ་ཚང་ཞིག་ཡིན་ལ།དེས་འཕེལ་རྒྱས་གཏོང་བའི་དམིགས་ཡུལ་དང་།སྒུལ་ཤུགས།བྱེད་སྟངས།ཐབས་ལམ་སོགས་སྐོར་གྱི་རིགས་པའི་གཞུང་ལུགས་དང་ལག་ལེན་གྱི་གནད་དོན་རབ་དང་རིམ་པར་ལན་བཏབ་ཡོད་པ་དང་།ང་ཚོའི་ཏང་གི་འཕེལ་རྒྱས་གཏོང་ཕྱོགས་སྐོར་གྱི་ཆབ་སྲིད་ཀྱི་ལངས་ཕྱོགས་དང་།རིན་ཐང་གི་ཁྲིད་ཕྱོགས།འཕེལ་རྒྱས་གཏོང་སྟངས།འཕེལ་རྒྱས་འགྲོ་ལམ་སོགས་ཆབ་སྲིད་ཀྱི་གནད་དོན་གལ་ཆེན་ཁག་གསལ་བཤད་བྱས་ཡོད་པས།ཏང་ཡོངས་ཀྱིས་ངེས་པར་དུ་ཆ་ཚང་དང་།ཡང་དགཕྱོགས་ཡོངས་བཅས་ཀྱི་སྒོ་ནས་འཕེལ་རྒྱས་ཀྱི་འདུ་ཤེས་གསར་པ་ལག་ལེན་མཐར་ཕྱིན་བྱེད་དགོས།...

འཕེལ་རྒྱས་ཀྱི་དུས་རིམ་གསར་པ་ལ།རྒྱལ་ཁབ་ཕྱི་ནང་གི་ཁོར་ཡུག་ལ་འགྱུར་ལྡོག་གཏིང་ཟབ་བྱུང་བ་ལས་གོ་སྐབས་གསར་པ་རབ་དང་རིམ་པ་བྱུང་ཡོད་ལ།འགྲན་སློང་གསར་པའང་རབ་དང་རིམ་པ་འཕྲད་ཡོད།ཉེན་ཁ་དང་གོ་སྐབས་མཉམ་དུ་གནས་ཤིང་།ཉེན་ཁའི་ཁྲོད་གོ་སྐབས་ཡོད་ལ།ཉེན་ཁ་གོ་སྐབས་སུ་འགྱུར་ཐུབ།ང་ཚོས་རྩོད་སྒྲུབ་ཀྱི་སྒོ་ནས་རྒྱལ་ཁབ་ཕྱི་ནང་གི་གནས་བབ་ཆེན་པོར་ངོས་འཛིན་དང་ཁོང་དུ་ཆུད་པར་བྱེད་དགོས་ཤིང་།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བའི་འཐབ་ཇུས་ཀྱི་ཁྱོན་ཡོངས་དང་འཛམ་གླིང་ཐོག་ལོ་བརྒྱའི་རིང་བྱུང་མ་མྱོང་བའི་འཕོ་འགྱུར་ཆེན་པོར་གཅིག་གྱུར་འཆར་འགོད་དང་།རང་རྒྱལ་སྤྱི་ཚོགས་ཀྱི་འགལ་བ་གཙོ་བོའི་འཕེལ་རྒྱས་དང་འགྱུར་ལྡོག་ལས་བྱུང་བའི་ཁྱད་ཆོས་གསར་པ་དང་བླང་བྱ་གསར་པར་ངོས་འཛིན་གཏིང་ཟབ་བྱེད་པ་དང་།སྣེ་མང་རྙོག་འཛིང་ཆེ་བའི་རྒྱལ་སྤྱིའི་ཁོར་ཡུག་ལས་བྱུང་བའི་འགལ་བ་གསར་པ་དང་འགྲན་སློང་གསར་པར་ངོས་འཛིན་གཏིང་ཟབ།གོ་སྐབས་ཀྱི་འདུ་ཤེས་དང་ཉེན་ཁའི་འདུ་ཤེས་འཛིན་ཤུགས་ཆེ་རུ་གཏོང་བ་དང་།འགྱུར་ལྡོག་ངོས་འཛིན་གནད་འཁེལ་བྱེད་པ་དང་།ཚན་རིག་དང་མཐུན་པར་འགྱུར་ལྡོག་ལ་བསྟུན་པ།རང་འགུལ་གྱིས་འགྱུར་ལྡོག་གཏོང་བ་བཅས་བྱེད་པ་དང་།གྲུ་གཟིངས་གྱེན་ཏུ་གཏོང་ཕོད་པ་དང་།ཉེན་ཁ་གོ་སྐབས་སུ་སྒྱུར་མཁས་པོ་བྱས་ནས།སྤུས་ཚད་སྔར་ལས་མཐོ་བ་དང་།ལས་ཆོད་སྔར་ལས་ཆེ་བ།དྲང་གཞག་སྔར་ལས་ཡིན་པ།རྒྱུན་མཐུད་སྔར་ལས་རུང་བ།བདེ་འཇགས་སྔར་ལས་ཆེ་བ་བཅས་ཀྱི་འཕེལ་རྒྱས་ཡོང་བར་འབད་བརྩོན་བྱེད་དགོས།...

ཐོན་ཁུངས་བགོ་སྒྲིག་ཁྲོད་ཚོང་རས་ཐག་གཅོད་རང་བཞིན་གྱི་ནུས་པ་འདོན་རྒྱུ་དང་སྲིད་གཞུང་གི་ནུས་པ་སྔར་ལས་འདོན་སྤེལ་བྱ་རྒྱུའི་སྐོར་འདི་ནི།ཐེངས་འདིའི་ཚང་འཛོམས་གྲོས་ཚོགས་ཀྱི་ཆོད་དོན་ནང་བཏོན་པའི་རིགས་པའི་གཞུང་ལུགས་ཀྱི་ལྟ་བ་གལ་ཆེན་ཞིག་ཡིན།རྒྱུ་མཚན་ཅི་ཡིན་ཞེ་ན།དཔལ་འབྱོར་སྒྲིག་སྲོལ་གྱི་བསྒྱུར་བཅོས་ནི་སྔར་བཞིན་ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པའི་གཙོ་གནད་ཡིན་པ་དང་།དཔལ་འབྱོར་སྒྲིག་སྲོལ་བསྒྱུར་བཅོས་བྱེད་པའི་སྲོག་ཤིང་དུ་གྱུར་པའི་གནད་དོན་ནི་སྔར་བཞིན་སྲིད་གཞུང་དང་ཚོང་རའི་བར་གྱི་འབྲེལ་བ་ཐག་གཅོད་ལེགས་པོ་བྱེད་དགོས་པ་དེ་ཡིན་པས་རེད།...

ང་ཚོས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུ་བརྗོད་དོན་གཙོ་བོར་འཛིན་རྒྱུ་རྒྱུན་འཁྱོངས་བྱས་ཏེ།ནང་མཁོ་རྒྱ་སྐྱེད་གཏོང་བའི་འཐབ་ཇུས་ལག་བསྟར་བྱ་རྒྱུ་དེ་འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཟབ་སྤེལ་བྱེད་པ་དང་ཟུང་འབྲེལ་དམ་ཚགས་དང་།རྒྱལ་ནང་གི་རེས་འཁོར་ཆེན་པོའི་ནང་སྐྱེས་སྒུལ་ཤུགས་དང་བློ་འགེལ་ཆོག་པའི་རང་བཞིན་ཆེ་རུ་གཏོང་བ།རྒྱལ་སྤྱིའིི་རེས་འཁོར་གྱི་སྤུས་ཚད་དང་ཆུ་ཚད་མཐོ་རུ་གཏོང་བ།དེང་རབས་ཅན་གྱི་དཔལ་འབྱོར་མ་ལག་མགྱོགས་པོར་འཛུགས་པ།བདག་རྐྱེན་ཆ་ཚང་གི་ཐོན་སྐྱེད་བྱེད་ཚད་མཐོ་རུ་གཏོང་གང་ཐུབ་བྱེད་པ།ཐོན་ལས་མུ་ཕྲེང་དང་འདོན་སྤྲོད་མུ་ཕྲེང་གི་ལྡེམ་ཤུགས་དང་བདེ་འཇགས་ཀྱི་ཆུ་ཚད་མཐོ་རུ་གཏོང་གང་ཐུབ་བྱེད་པ།གྲོང་ཁྱེར་དང་གྲོང་གསེབ་མཉམ་འདྲེས་དང་ས་ཁོངས་ཁག་མཐུན་སྦྱོར་ངང་འཕེལ་རྒྱས་ཡོང་བར་སྐུལ་འདེད་གཏོང་གང་ཐུབ་བྱེད་པ་བཅས་ཀྱིས་དཔལ་འབྱོར་སྤུས་ཚད་ཇེ་མཐོར་ནུས་ལྡན་ཡོང་བ་དང་གྲངས་འབོར་འཕར་སྣོན་ལུགས་མཐུན་ཡོང་བར་སྐུལ་འདེད་གཏོང་དགོས།...

སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་འདེད་གཏོང་རྒྱུ་ནི་ང་ཚོའི་ད་ལྟ་དང་སླད་ཕྱིན་གྱི་དུས་སྐབས་ཤིག་རིང་གི་དཔལ་འབྱོར་འཕེལ་རྒྱས་ཀྱི་བསམ་ཕྱོགས་གཏན་འཁེལ་དང་།དཔལ་འབྱོར་སྲིད་ཇུས་གཏན་འབེབས།སྤྱི་ཁོག་སྙོམ་སྒྲིག་ལག་བསྟར་བཅས་བྱེད་པའི་ཕྱོགས་ཀྱི་རྩ་བའི་བླང་བྱ་ཡིན་པས།སྲིད་ཇུས་མ་ལག།ཚད་གཞིའི་མ་ལག།བསྡོམས་རྩིས་མ་ལག།བྱས་འབྲས་གདེང་འཇོག།སྲིད་འབྲས་དཔྱད་ཞིབ་བཅས་མགྱོགས་པོར་ཆགས་པར་བྱེད་དགོས་པ་དང་།ལམ་ལུགས་ཀྱི་ཁོར་ཡུག་གསར་འཛུགས་དང་འཐུས་སྒོ་ཚང་དུ་བཏང་སྟེ།རང་རྒྱལ་གྱི་དཔལ་འབྱོར་གྱི་སྤུས་ཚད་མཐོ་བའི་འཕེལ་རྒྱས་མངོན་དུ་གྱུར་པའི་རྨང་གཞིའི་ཐོག་རྒྱུན་ཆད་མེད་པར་འཕེལ་སྐྱེད་གསར་པ་ཡོང་བར་སྐུལ་འདེད་གཏོང་དགོས།...

མི་དམངས་ནི་ལོ་རྒྱུས་གསར་སྐྲུན་བྱེད་མཁན་ཡིན་ལ།མི་དམངས་ནི་དཔའ་བོ་ངོ་མ་ཡིན།བརྗིད་ཉམས་ལྡན་པའི་ཀྲུང་ཧྭ་མི་རིགས་ཀྱི་འཕེལ་རྒྱས་ལོ་རྒྱུས་དེབ་ཐེར་ནི་ཀྲུང་གོའི་མི་དམངས་ཀྱིས་བྲིས་པ་རེད་ཨང་།རྒྱ་ཆེ་ལ་གཏིང་ཟབ་པའི་ཀྲུང་ཧྭའི་ཤེས་དཔལ་ནི་ཀྲུང་གོའི་མི་དམངས་ཀྱིས་བསྐྲུན་པ་རེད་ཨང་།ཀྲུང་ཧྭ་མི་རིགས་ཀྱི་རྒྱུན་རིང་ཉམས་མེད་ཀྱི་སྙིང་སྟོབས་ནི་ཀྲུང་གོའི་མི་དམངས་ཀྱིས་བསྐྲུན་པ་རེད་ཨང་།ཀྲུང་ཧྭ་མི་རིགས་ཡར་ལངས་པ་དང་ཕྱུག་པོར་གྱུར་པ་ནས་སྟོབས་ལྡན་དུ་འགྱུར་བའི་འཕུར་མཆོང་རླབས་པོ་ཆེ་བསུ་རྒྱུ་བྱུང་བ་ནི་ཀྲུང་གོའི་མི་དམངས་ཀྱིས་འབད་འཐབ་བྱས་ནས་ཐོབ་པ་རེད།...

གྲོང་གསེབ་དར་རྒྱས་གཏོང་བར་གྲོང་གསེབ་ཁོ་ནར་དམིགས་ནས་གྲོང་གསེབ་གླེང་མི་རུང་བར་ད་དུང་བཟོ་ལས་ཀྱིས་ཞིང་ལས་ལ་ཁ་གསབ་དང་།གྲོང་ཁྱེར་ལ་བརྟེན་ནས་གྲོང་གསེབ་གོང་སྤེལ་བཏང་ནས།བཟོ་ཞིང་ཕན་ཚུན་སྐུལ་འདེད་དང་།གྲོང་ཁྱེར་དང་གྲོང་གསེབ་ཕན་ཚུན་གསབ་རེས།མཐུན་སྦྱོར་ངང་གོང་འཕེལ།མཉམ་དུ་དར་རྒྱས་ཡོང་བ་བཅས་ཀྱི་བཟོ་ཞིང་བར་གྱི་འབྲེལ་བ་དང་གྲོང་ཁྱེར་དང་གྲོང་གསེབ་བར་གྱི་འབྲེལ་བ་གསར་པ་གང་མགྱོགས་ཆགས་པར་བྱེད་དགོས།...