གནའ་རྫས་རྟོག་ཞིབ་མཁས་པས་ཡུལ་ཤུལ་ནས་བོད་ཁུལ་གྱི་ཆེས་སྔ་བའི་བྲག་བརྐོས་སྐུ་འདྲ་རྙེད་པ།

སློབ་དཔོན་ཆེན་མོ་ཝུན་ཡུས་ཁྲེང་གིས་ལེགས་པ་ལུང་པའི་བྲག་བརྐོས་སྐུ་འདྲ་ལ་རྟོག་ཞིབ་གནང་བཞིན་པ།

ལེགས་པ་ལུང་པའི་དུས་རབས12པར་བཞེངས་པའི་མཆོད་རྟེན།

　　2011ལོའི་ཟླ6པའི་ཚེས3ཉིན་རང་རྒྱལ་གྱི་ནང་བསྟན་གནའ་རྫས་རྟོག་ཞིབ་རིག་པའི་མཁས་པ་གྲགས་ཅན། ཀྲུང་གོའི་ནང་བསྟན་གནའ་རྫས་རྟོག་ཞིབ་ལས་རིགས་ཀྱི“རྒྱལ་ཆེན་བཞི”ཞེས་འབོད་པའི་ཡ་གྱལ། སློབ་དཔོན་ཆེན་མོ་ཝུན་ཡུས་ཁྲེང་གིས་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་གྱི་ལེགས་པ་ལུང་པར་རྟོག་ཞིབ་བྱེད་སྐབས་བྲག་བརྐོས་སྐུ་འདྲ་གཉིས་རྙེད་པ་དང་། ཁོང་གིས་བྲག་བརྐོས་སྐུ་འདྲ་འདི་གཉིས་ཀྱི་ལོ་རབས་ནི་དར་རྒྱས་ཧ་ཅང་ཆེ་བའི་ཐང་རྒྱལ་རབས་ཀྱི་དུས་ཡིན་ཞིང་། ཕལ་ཆེར་སྤྱི་ལོ་དུས་རབས8པའི་སྟོད་ཀྱི（ཧ་ལམ་ཐང་ཞུན་ཙུང་གི་དུས་སྐབས་）བརྩམས་ཆོས་ཡིན་པས།  བོད་ཁུལ་གྱི་ད་ཡོད་བྲག་བརྐོས་སྐུ་འདྲ་ཆེས་སྔ་ཤོས་དེར་བརྩི་ཆོག་ཅེས་བརྗོད་བྱུང་།

ལེགས་པ་ལུང་བར་ཡོད་པའི་སངས་རྒྱས་ཤཱཀྱ་ཐུབ་པའི་བྲག་བརྐོས་སྐུ་འདྲ།

བྲག་བརྐོས་སྐུ་འདྲ། 

 

རྒྱ་བཟའ་ཀོང་ཇོའི་ལྷ་ཁང་ནང་གི་རྡོ་བརྐོས་སྐུ་འདྲ།

སངས་རྒྱས་རྣམ་པར་སྣང་མཛད།

　　ད་ལོའི་ཟླ5བའི་ཚེས6ཉིན་དཀར་མཛེས་བོད་རིགས་རང་སྐྱོང་ཁུལ་སྲིད་གཞུང་གིས་གདན་འདྲེན་ཞུས་པ་ལྟར། ཝུན་ཡུས་ཁྲེང་གིས་དཀར་མཛེས་ཁུལ་གྱི་རྫོང་ཁག་གི་ནང་བསྟན་གནའ་རྫས་དང་། སོག་པོའི་ལོ་རྒྱུས་ཀྱི་རྗེས་ཤུལ་བཅས་ལ་རྟོག་ཞིབ་གནང་། དཀར་མཛེས་དང་ཡུལ་ཤུལ་གྱི་ནང་བསྟན་གནའ་ཤུལ་གཉིས་ཞིབ་བསྡུར་གྱི་ཚུལ་དུ་ཞིབ་འཇུག་བྱ་ཆེད། ཟླ6པའི་ཚེས3ཉིན་ཝུན་ཡུས་ཁྲེང་གིས་ཉེན་ཁ་དང་དཀའ་ཚེགས་ལ་མ་འཛེམས་པར་འབྲི་ཆུའི་གྲོང་རོང་དུ་བསྐྱོད་རྒྱུ་ཐག་བཅད་ཅིང་། སྤྱི་ལེ130ཡི་ལམ་ཐག་བརྒྱུད་ནས་ཆེད་དུ་ཡུལ་ཤུལ་ཁུལ་གྱི་ནང་བསྟན་གྱི་གནའ་ཤུལ་ལ་རྟོག་ཞིབ་གནང་བ་རེད།