བོད་ཀྱི་སྐད་ཡིག་དང་རྩོམ་རིག་ལ་རྒྱལ་ཁབ་གཙོ་གནད་རིག་ཚན་གྱི་ཆོག་མཆན་ཐོབ་པ།

            ཉེ་ཆར་བོད་ལྗོངས་སློབ་གྲྭ་ཆེན་མོའི་རྩོམ་རིག་གླིང་གི་ཀྲུང་གོའི་གྲངས་ཉུང་མི་རིགས་ཀྱི་སྐད་ཡིག་དང་རྩོམ་རིག（བོད་ཀྱི་སྐད་ཡིག་དང་རྩོམ་རིག）ལ་རྒྱལ་ཁབ་གཙོ་གནད་རིག་ཚན་གྱི་ཆོག་མཆན་ཐོབ་ཅིང་། དུས་མཚུངས་སུ་ཞིང་ལས་རིག་པ་གླིང་གི་སྐྱེ་ཁམས་རིག་པར་རྒྱལ་ཁབ་གཙོ་གནད（གསོ་སྦྱོང）རིག་ཚན་གྱི་ཆོག་མཆན་ཐོབ།  འདི་ནི་བོད་ལྗོངས་སློབ་གྲྭ་ཆེན་མོས་རྒྱལ་ཁབ་རིམ་པའི་གཙོ་གནད་རིག་ཚན་འཛུགས་སྐྲུན་ཐད་བླངས་པའི་སྔར་མེད་ཀྱི་གྲུབ་འབྲས་གསར་བ་ཞིག་ཡིན་ཞིང་།  རྗེས་སོར་སྔར་ལས་ལྷག་པའི་སྒོ་ནས་རིག་ཚན་འཛུགས་སྐྲུན་ལ་ཤུགས་སྣོན་དང་རིག་ཚན་གྱི་ཆུ་ཚད་མཐོ་རུ་བཏེགས་ཏེ་ཁྱད་ཆོས་སྔར་ལས་མངོན་གསལ་དང་།  དེ་མིན་འཇོན་མི་གསོ་སྐྱོང་དང་ཚན་རིག་ཞིབ་འཇུག   སྤྱི་ཚོགས་ལ་ཞབས་ཞུ་སྒྲུབ་པའི་ཕྱོགས་ཡོངས་ཆུ་ཚད་མཐོར་འདེགས་གཏོང་བ་བཅས་ཀྱིས།  རང་སྐྱོང་ལྗོངས་ཀྱི་དཔལ་འབྱོར་འཕེལ་རྒྱས་དང་འཆམ་མཐུན་སྤྱི་ཚོགས་འཛུགས་སྐྲུན་སོགས་ལ་བྱས་རྗེས་ཆེན་པོ་འཇོག་ཐུབ་པར་གདོན་མི་ཟའོ།།