ངོས་དང་པོ > ཆེད་དོན། > གངས་ལྗོངས་ཀུན་གླེང་། > ༄༅།།མཚོ་སྔོན་ནས་ཐོག་དང་པོར་རྡོའི་པུར་སྒམ་གྱི་དུར་ས་གསར་རྙེད་བྱུང་།

༄༅།།མཚོ་སྔོན་ནས་ཐོག་དང་པོར་རྡོའི་པུར་སྒམ་གྱི་དུར་ས་གསར་རྙེད་བྱུང་།

རྩོམ་པ་པོ།：མི་གསལ། ཡོང་ཁུངས།：ཀྲུང་གོ་བོད་ཀྱི་དྲ་བ། དུས་ཚོད།：2020-07-09 10:17:07 ཀློག་གྲངས།：

ཉེ་ཆར། མགོ་ལོག་བོད་རིགས་རང་སྐྱོང་ཁུལ་པད་མ་རྫོང་གིས་རྫོང་ཉེ་འཁོར་གྱི་གསེར་ཆེན་ཐང་པད་མ་གཏེར་ཆུ་འཛུགས་སྐྲུན་ཁུལ་དུ་ཀེང་རུས་ཤིག་རྙེད་པ་དེ་གནའ་བོའི་བང་སོ་དང་འདྲ། མཚོ་སྔོན་ཞིང་ཆེན་རིག་དངོས་གནའ་རྫས་རྟོག་ཞིབ་ཞིབ་འཇུག་སུའོ་ཡི་འབྲེལ་ཡོད་ཆེད་མཁས་པས་ཡུལ་དངོས་སུ་རྟོག་ཞིབ་བྱས་པ་བརྒྱུད། གནས་དེར་དཔེ་མཚོན་ཅན་གྱི་རྡོའི་པུར་སྒམ་དུར་འཇུག་བྱས་ཡོད་པ་གཏན་འཁེལ་བྱས། པུར་སྒམ་དེའི་འགྲམ་དུ་ཀེང་རུས་ཞིག་ཉལ་ཡོད། ཀེང་རུས་ཀྱི་ལོགས་གཉིས་སུ་རྡོ་ལེབ་མང་པོ་ཡོད་པ་དང་དུར་རྫས་མེད། གནའ་རྫས་རྟོག་ཞིབ་ཀྱི་རིན་ཐང་ལ་འགན་ལེན་ཡང་དག་བྱ་ཆེད། གནའ་རྫས་རྟོག་ཞིབ་མི་སྣས་རྡོའི་པུར་སྒམ་གྱི་སྨི20ཡི་ཚངས་ཕྱེད་ཁྱབ་ཁོངས་ནང་ས་ངོས་བཤུ་སློག་བྱས་ཀྱང་རྡོའི་པུར་སྒམ་གསར་པ་གསར་རྙེད་བྱུང་མེད།

རྡོའི་པུར་སྒམ་ནི་ཐུན་མོང་མ་ཡིན་པའི་དུར་འཇུག་གི་རྣམ་པ་ཞིག་ཡིན། ནུབ་བྱང་ས་ཁུལ་དུ་གཙོ་བོ་མཚོ་སྔོན་དང་ཀན་སུའུ་རུ་ཁྱབ་ཡོད་པ་དང་། ཆེས་ཐོག་མར་ཧུང་ཧྲན་རིག་གནས་དང་ཞ་ཅ་ཏེན་གོང་རིམ་རིག་གནས། རི་ཕྱེད་རིག་གནས་བཅས་སུ་མངོན་ཡོད། ལོ་རྒྱུས་ཆེས་རིང་བ་ལོ་ངོ5000ལ་ཁུངས་འདེད་ཐུབ། རིག་གཞུང་ལས་རིགས་ཀྱིས་རྡོའི་པུར་སྒམ་གྱི་འབྱུང་ཁུངས་དང་རིགས་ཁོངས་སྔ་མོ་ནས་ནུབ་བྱང་ས་ཁུལ་གྱི་ཆའང་རིགས་ལ་ཁུངས་འདེད་བྱས་ཡོད། འདི་ཡང་མགོ་ལོག་ཁུལ་ནས་ད་ལྟའི་བར་དུ་རྙེད་པའི་རྡོའི་པུར་སྒམ་ཐོག་མ་ཡིན་པས། མགོ་ལོག་ས་ཁུལ་གྱི་སྔ་དུས་མིའི་རིགས་ཀྱི་འགུལ་སྐྱོད་རྗེས་ཤུལ་དང་རིག་གནས་རྣམ་པར་ཞིབ་འཇུག་བྱེད་པར་གནའ་རྫས་རྟོག་ཞིབ་ཀྱི་རིན་ཐང་གལ་ཆེན་ལྡན།