བོད་རིགས་གླུ་བ་ཨ་དུང《ཛ་དྲག6+1》འགྲན་བསྡུར་གྱི་ཕྲེང་བཅུ་གཉིས་ནང་ཚུད།

2012ལོའི《ཛ་དྲག6+1》འགྲན་བསྡུར་གྱི་ཕྲེང་བཅུ་གཉིས་ནང་
ཚུད་པའི་འགྲན་མི་རྣམས་ལྷན་དུ་པར་བླངས་པ།

         ཉེ་ལམ། ཀྲུང་དབྱང་བརྙན་འཕྲིན་ཕྱོགས་བསྡུས་རིག་རྩལ་ལེ་ཚན་གྱིས་སྤེལ་བའི《ཛ་དྲག6+1》2012ལོའི་ཕྲེང་བཅུ་གཉིས་པའི་མིང་ཐོ་གསལ་བསྒྲགས་བྱས་ཡོད་པ་སྟེ། དེ་ལས་དྲ་རྒྱའི་འགྲན་ཁུལ་དུ་བདམས་ཐོན་བྱུང་བའི་འགྲན་མི9ཡིན་ལ། དེའི་ནང་བོད་རིགས་གླུ་བ་ཨ་དུང་ཀྱང་ཚུད་ཡོད། 
         དེ་ཡང་ཕྲེང་བཅུ་གཉིས་པར་ཛ་དྲག་འགྲན་ཞུགས་དབར་རབས་བདུན་གྱི་འགྲན་བསྡུར་དང་བླང་དོར་བྱས་པར་བརྒྱུད། མཐར་རྩེར་སོན་གྱི་མི3ཀྱིས་མིང་གྲགས་སྒྲ་ལེན་ཀུང་ཟི་དང་གྲོས་ཆོད་བཞག་པ་མ་ཟད། ཀྲུང་དབྱང་བརྙན་འཕྲིན་ཁང་གི《ཐད་ཞུགས་ལོ་སར་དགོང་ཚོགས》ཀྱི་གར་སྟེགས་སུ་ཞུགས་ཆོག་པ་རེད།