མཚོ་ལྷོ་ཁུལ་གྱི་དམངས་གཞས་དགོང་ཚོགས་སྐབས་གསུམ་པ་ཕབ་སྐྲུན་ལེགས་འགྲུབ་བྱུང་།

ཉེ་བའི་ལོ་ཤས་རིང་ལ། མཚོ་ལྷོ་ཁུལ་ཨུ་ཡིས་ཏང་གི་འགོ་ཁྲིད་འོག་དཔལ་འབྱོར་འཕེལ་རྒྱས་ཆེན་པོ་དང་། རིག་གནས་དར་རྒྱས་ཆེན་པོ། མི་རིགས་མཐུན་སྒྲིལ་ཆེན་པོ་བཅས་ཀྱི་གྲུབ་འབྲས་ཕྱོགས་ཡོངས་ནས་མངོན་ཆེད་དང་། ནུས་ཤུགས་ཡོད་རྒུས་མི་རིགས་མཐུན་སྒྲིལ་དང་། དམངས་ཚིས་ལེགས་བཅོས། སྤྱི་ཚོགས་འཆམ་མཐུན་བཅས་ཀྱི་སྤྱི་ཚོགས་ཁོར་ཡུག་བཟང་པོ་ཞིག་བསྐྲུན་རྒྱུ།  དེ་མིན་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ100འཁོར་བར་རྟེན་འབྲེལ་ཞུ་བ་བཅས་ལ་དམིགས་ནས། ཟླ11པའི་ཚེས12ཉིན་མཚོ་སྔོན་ཞིང་ཆེན་མི་རིགས་སྐད་ཡིག་གློག་བརྙན་བརྙན་འཕྲིན་སྒྱུར་བཟོ་ལྟེ་གནས་དང་། ཀྲུང་གུང་མཚོ་ལྷོ་ཁུལ་ཨུ་དྲིལ་བསྒྲགས་པུའུ། མཚོ་ལྷོ་ཁུལ་རིག་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ། མཚོ་ལྷོ་ཁུལ་རྒྱང་སྒྲོག་བརྙན་འཕྲིན་ཁང་བཅས་ཀྱིས་མཉམ་འབྲེལ་སྒོས་སྒྲུབ་པའི་མཚོ་ལྷོ་ཁུལ་གྱི་བོད་ཀྱི་དམངས་གཞས་དགོང་ཚོགས་སྐབས་གསུམ་པ་དེ་མཚོ་ལྷོ་ཁུལ་རྒྱང་སྒྲོག་བརྙན་འཕྲིན་ཁང་གི་འཁྲབ་སྟོན་ཚོམས་ཆེན་དུ་ཕབ་སྐྲུན་བྱས། དགོང་ཚོགས་དེ2021ལོའི་དཔྱིད་གསར་དུས་ཆེན་དང་བོད་ཀྱི་ལོ་སར་སྐབས་སུ་མཚོ་ལྷོ་ཁུལ་རྒྱང་སྒྲོག་བརྙན་འཕྲིན་ཁང་དང་། མཚོ་ལྷོ་ཁུལ་དྲ་རྒྱའི་རྒྱང་སྒྲོག་བརྙན་འཕྲིན་ཁང་།  མཚོ་ཡི་ལྷོ་རྒྱུད་ལག་ཐོགས་ཁ་པར་གྱི་མཐུད་སྣེ་དང་སྐད་འཕྲིན་སྤྱི་སྟེགས་སོགས་བརྒྱུད་ནས་སྟོན་རྒྱུ་རེད།