མཚོ་སྔོན་ཞིང་ཆེན་མཚོ་ལྷོ་ཁུལ་འབའ་རྫོང་ནས་གསར་རྙེད་བྱུང་བའི་བྲག་བརྐོས་རི་མོ་ནི་མཚོ་དཔངས་རྨིད3430གིས་ཆོད་པའི་གནས་ཏེ།རྐ་འབའ་སུམ་མདོ་གྲོང་རྡལ་ནག་བཟའ་སྡེ་བ་རུ་ཁག་གཉིས་པའི་མངའ་ཁོངས་ཀྱི་ལུང་པ་ནོར་ལུང་ཁོག་ཅེས་པའི་ལྷོ་ལྟའི་གཡས་སམ་ཉིན་ངོས་དང་།དེའི་གྲོག་རོང་གི་རིམ་པ་གཉིས་པའི་འགྲམ་རྒྱུད་དང་།རང་བྱུང་གི་བྲག་ངོས3གྱི་ངོས་སུ།གཟུགས་རིས་གསལ་ཞིང་ཆ་ཚང་བ་དང་།ཞིག་པོར་གྱུར་བ་བསྡོམས་ན18ལྷག་ཤེས་རྟོགས་བྱུང་ཡོད།དེའི་ཁྲོད་གཟུགས་རིས་མང་ཤོས་ནི་འབྲོང་གཡག་སོགས་སྲོག་ཆགས་ཀྱི་རིགས་ཏེ།སྐྱ་མི་དང་།ལྷ་བ།རི་དྭགས་ཤྭ་བ་སོགས་ཡིན།ནག་བཟའི་ནོར་ལུང་བྲག་བརྐོས་རི་མོ་ནི་ད་ལྟའི་བར་ཕལ་ཆེར་ལོ2500-2000འགོར་ཞིང་།མདོ་དབུས་མཐོ་སྒང་གི“ཟངས་ཆས་དུས་རབས”ཀྱི་ཕྱུགས་ལས་རིག་གནས་ཀྱི་གནའ་ཤུལ་ཞིག་ཡིན་པར་སྙམ།ཡུལ་མིའི་ངག་ཏུ་ལུང་པ་དེར་ནོར་ལུང་ཁོག་ཅེས་འབོད་པས“འབའ་རྫོང་ནག་བཟའ་ནོར་ལུང་བྲག་བརྐོས་རི་མོ”ཞེས་པའི་མིང་བཏགས།རི་མོ་འདི་དག་རྙེད་པ་དེས་རྨ་ཆུའི་རྒྱུད་ཀྱི་འབའ་རྫོང་དུ་སྔར་བྲག་བརྐོས་རི་མོ་མེད་པའི་སྟོང་ཆ་ཞིག་གསབ་པ་དང་།མཚོ་སྔོན་གྱི་རྨ་ཆུའི་འགྲམ་དུ་གནའ་བོའི་བྲག་བརྐོས་རི་མོ་མང་པོ་ཡོད་པའི་བདེན་དཔང་ཡང་བྱུང་ཡོད།རི་མོ་འདི་དག་མཚོ་ནུབ་དང་།མཚོ་བྱང་།མཚོ་ལྷོ་སོགས་སུ་རྙེད་པའི་རི་མོའི་ས་ཁམས་ཁོར་ཡུག་དང་།མཚོ་དཔངས་སོགས་ཕལ་ཆེར་གཅིག་མཚུངས་སུ་ཡོད་པས།མདོ་དབུས་མཐོ་སྒང་ས་ཁུལ་ལས“མཚོ་སྔོན་པོའི་མཐའ་འཁོར་གྱི་བྲག་བརྐོས་རི་མོ”ལ་གཏོགས་ཤིང་།རི་མོའི་ནང་དོན་ལ་བརྟགས་ན།་ཕྱུགས་རིགས་འཚོ་སྐྱོང་དང་རི་དྭགས་རྔོན་པ་སོགས་གདོད་མའི་འཚོ་ཚིས་སྒྲུབ་པའི་རྣམ་པ་ཇི་བཞིན་མཚོན་པ་དང་།རྫོང་རུའི་གནའ་ཤུལ་ནས་བུད་པའི་རྫས་ཆས་སོགས་དང་།ཁྲི་ཀ་རྫོང་མགོའི་བྲག་བརྐོས་རི་མོ་སོགས་དང་ཉེ་ཤོས་སུ་གྱུར་པའི་རྒྱུད་གཅིག་གི་བྲག་བརྐོས་རི་མོ་ཡིན་པར་འདོད་དོ།།...

ཉེ་ཆར«དཀར་མཛེས་ཀྱི་བྲག་བརྐོས་རི་མོ»ཞེས་པའི་རིག་གཞུང་ཆེད་རྩོམ་པར་སྐྲུན་བྱས་པ་དང་བསྟུན་ནས།ཀྲུང་གོའི་སྒྱུ་རྩལ་ལོ་རྒྱུས་བསྐྱར་འབྲིའི་གནའ་རྫས་རྟོག་ཞིབ་ཀྱི་གྲུབ་འབྲས་ཤིག་ཀྱང་བཏོན་པ་སྟེ།རྒྱ་མཚོའི་ངོས་ལས་མཐོ་ཚད་ལ་སྨི4721ཡོད་པའི་ལི་ཐང་རྫོང་གི་མཚོ་མང་སྒང་ནས་དགེ་བསྙེན་བར་གྱི་ས་ཁོངས་སུ་གནའ་རྫས་རྟོག་ཞིབ་རིག་པ་མཁས་ཅན་གྱིས་ད་བར་ལོ8000ཟིན་པའི་རྡོ་ཆས་རྙིང་པའི་དུས་རབས་ཀྱི་བྲག་བརྐོས་རི་མོའི་ཚོགས་ཤིག་གཏན་འཁེལ་བྱས་ཡོད།...

ཉེ་སྔོན།མཚོ་ལྷོ་བོད་རིགས་རང་སྐྱོང་ཁུལ་བྲག་དཀར་རྫོང་རིག་དངོས་ཡོངས་བཤེར་རུ་ཁག་གིས་རྒྱལ་ཡོངས་རིག་དངོས་ཡོངས་བཤེར་ཐེངས་བཞི་པའི་བྱེས་སུ་བརྟག་དཔྱད་བྱེད་སྐབས་བྲག་བརྐོས་རི་མོའི་ཚོགས་ཤིག་གསར་རྙེད་བྱུང་འདུགབྲག་རིས་ཚོགས་དེར་ཤྭ་བའི་ཁྱུ་དང་འབྲོང་གཡགགསའ་སོགས་ཀྱིས་མཚོན་པའི་སྲོག་ཆགས་མང་པོའི་རི་མོ་གསོན་ཉམས་ལྡན་པར་བརྐོས་ཡོད་པ་རེད།...

སེར་ཤུལ་རྫོང་ནི་སི་ཁྲོན་དང་བོད་ལྗོངས།མཚོ་སྔོན་བཅས་ཞིང་ཆེན་གསུམ་གྱི་འབྲེལ་མཚམས་ལ་གནས།སི་ཁྲོན་ཞིང་ཆེན་ལ་མཚོན་ན་ཆེས་ནུབ་བྱང་གི་རྫོང་སྒོ་དེ་ཡིན།རྫོང་གི་ཤར་ཕྱོགས་གསེར་རྟ་དང་སྡེ་དགེ་ལ་འདབས་འབྲེལ།ལྷོ་ཕྱོགས་བོད་ལྗོངས་འཇོ་མདའ་དང་འདབས་འབྲེལ།ནུབ་ཕྱོགས་མཚོ་སྔོན་ཡུས་ཧྲུའུ་ཁུལ་གྱི་ཁྲི་འདུ་རྫོང་དང་འདབས་འབྲེལ།བྱང་ཕྱོགས་མཚོ་སྔོན་མགོ་ལོག་ཁུལ་དར་ལག་རྫོང་དང་འདབས་འབྲེལ་ནས་ཡོད།...

རྐང་ཚའི་ཡུལ་དུ་བསྐལ་པ་ཡ་ཐོག་གི་ལག་རྗེས་རི་མོ་འདི་གསར་རྙེད་བྱུང་བ་དེས།མདོ་དབུས་མཐོ་སྒང་འདིར་དེ་སྔ་ཡ་ཐོག་ལག་རྗེས་རི་མོ་མེད་པའི་ལོ་རྒྱུས་མཇུག་སྒྲིལ་བ་ཡིན་ལ།རྐང་ཚའི་ཆུ་འདལ་མའི་བྲག་ལྡེབས་ཀྱི་རི་མོ་འདིའི་མཚོན་ཐབས་དང་གོ་དོན་ལ་བརྟག་ཅིང་དཔྱད་ཚེ།འདི་ནི་བསྐལ་པ་ཡ་ཐོག་གི་དུས་སུ་བྲིས་པ་ཡིན་པར་འདོད་ཅིང་།མདོ་དབུས་མཐོ་སྒང་གི་ཡ་ཐོག་བྲག་རིས་སྒྱུ་རྩལ་ལ་ཞིབ་འཇུག་བགྱི་བར་རིན་ཐང་ཆེན་པོ་ལྡན་པར་མ་ཟད།རིག་གཞུང་ཞིབ་འཇུག་གི་ཐད་ལ་ཡང་རིན་ཐང་གཞལ་དུ་མེད་པ་མཆིས་སོ།།...

བོད་ཀྱི་བྲག་རིས་ནི་ལོ་ངོ་སྟོང་ཕྲག་དུ་མའི་ལོ་རྒྱུས་ལྡན་པའི་རིག་གནས་བརྡ་རྟགས་ཤིག་ཡིན་པ་མ་ཟད་དུས་ད་ལྟའང་བོད་ཡུལ་སྟོད་སྨད་བར་གསུམ་ཀུན་ཏུ་མཇལ་ཐུབ་ཅིང་།དེ་དག་གི་ཁྲོད་དུ་བྲག་རིས་ཤྭ་བ་ནི་ཚབ་མཚོན་རང་བཞིན་ལྟ་བུར་གྱུར་ཡོད།མིག་སྔར་ཞིབ་འཇུག་གི་ཁྱབ་ཁོངས་སུ་བོད་ཀྱི་བྲག་རིས་བྱུང་བའི་ལོ་ཚིགས་དང་རྣམ་པ།ཁྱབ་ཡུལ།སྒྱུ་རྩལ་རིན་ཐང་སྐོར་སོགས་ལ་ཞིབ་འཇུག་གི་དཔྱད་འབྲས་ཅུང་མང་མོད།འོན་ཀྱང་བོད་ཡིག་གི་ཡིག་ཆ་གཞིར་བྱས་ཏེ་ཞིབ་འཇུག་བྱས་པ་ཧ་ཅང་ཉུང་བས།འདིར་གཏམ་ཤུལ་དགའ་ཐང་འབུམ་པ་ཆེའི་གནའ་དཔེ་དང་མུ་ཡེ་པྲ་ཕུད་ཕྱའི་མཐར་ཐུག་ཅེས་པ་སོགས་ཀྱི་ཡིག་ཚང་ལ་ཁུངས་བཅོལ་ཏེ།ཡིག་ཆ་ཞིབ་བསྡུར་དང་ཡུལ་དངོས་རྟོག་ཞིབ་ཀྱི་བྱེད་ཐབས་གཞིར་བཟུང་ཞིང་།ད་དུང་ཡིག་ཚང་ཁྲོད་ཀྱི་ཤྭ་བ་དང་བྲག་བརྐོས་རི་མོའི་ཤྭ་བ་གཉིས་ཕན་ཚུན་ཟུང་འབྲེལ་གྱི་སྒོ་ནས་ཞིབ་ཏུ་དཔྱད་ན།ཤྭ་བའི་རུ་ལག་གི་གྲངས་ཀ་དང་ཉམས་འགྱུར་སོགས་ལ་གཅིག་མཐུན་གྱི་ཁྱད་ཆོས་ལྡན་པས་བོད་ཀྱི་བྲག་རིས་ཤྭ་བའི་མཚོན་དོན་ནི་གདོད་མའི་རྔོན་ལས་ཀྱི་བྱེད་སྒོ་ཙམ་མ་ཟད།ཆོས་ལུགས་རིག་གནས་ཀྱི་བླ་འགུག་དང་།ཕྱྭ་གཡང་འགུག་པའི་ཆོ་ག་སོགས་ལ་འབྲེལ་བ་ཟབ་མོ་ཡོད།གཞན་ཡང་པདྨ་བཀའ་ཐང་དང་རྒྱལ་དབང་ལྔ་པའི་རང་རྣམ།པོ་ཏ་ལའི་ལྡེབས་རིས་བཅས་དང་སྒོ་བསྟུན་ནས་དཔྱད་ན།ཤྭ་བ་དང་འབྲེལ་བའི་མདོས་གཏོང་ལུགས་ཀྱི་ཆོ་ག་རྣམས་ནི་སྔ་མའི་ལུགས་དེ་རྣམ་པ་གཞན་དུ་འཕོས་ནས་རྒྱུད་འཛིན་དར་འཕེལ་བྱུང་བ་ཞིག་ཡིན་པ་གླེང་འདུག...

ཧོར་ཞང་གི་རྡོ་རྐོས་ནི་རྩེ་ཁོག་རྫོང་གི་ནུབ་ངོས་ན་ཡོད་པའི་ཧོར་གྲོང་རྡལ་དང་ཧོར་སྡེ་བ་ནས་བྱུང་བ་ཡིན་ཞིང་།དེ་ལ་གངས་རིའི་ལྗོངས་སུ་མཚན་སྙན་ཧ་ཅང་ཆེ་བས“རྡོ་རྐོས་སྒྱུ་རྩལ་གྱི་ཕ་ས”དང“མཐོ་སྒང་གི་རྡོ་རྐོས་གྲོང་ཚོ་དང་པོ”“རྒྱལ་ཁབ་རིམ་པའི་གཟུགས་འདས་རིག་གནས་ཤུལ་བཞག་རྡོ་རྐོས་ཀྱི་དཔེ་སྟོན་གྲོང་ཚོ”ཞེས་པའི་མཚན་སྙན་ཡོད།...

སྤྱི་ལོ༢༠༢༢ལོའི་ཟླ༧ཚེས༢༣ཉིན།ཧི་པའེ་དགེ་ཐོན་སློབ་ཆེན་གྱི་དགེ་རྒན་ཆེན་མོ་འཛམ་གླིང་བྲག་རིས་ཨུ་ཡོན་ལྷན་ཁང་གི་ལས་འཛིན་ཨུ་ཡོན་ཐང་ཧུའེ་ཧྲང་།སི་ཁྲོན་སློབ་ཆེན་ལོ་རྒྱུས་རིག་གནས་སློབ་གླིང་གི་དགེ་རྒན་ཆེན་མོ་ལེ་ཡུང་ཞན།བོད་སྡོད་ཀྲུང་དབྱང་བརྙན་འཕྲིན་ལས་ཁུངས་ཀྱི་ཀྲན་ཀྲང་ཁྲང་ཁྲིན་ཆིན།ཡུལ་ཤུལ་ལོ་རྒྱུས་རིག་གནས་ཞིབ་འཇུག་གླིང་གི་འཇམ་དབྱངས་ཉི་མ།མཚོ་སྔོན་ནང་བསྟན་སློབ་གྲྭ་ཆེན་མོའི་སློབ་སྟོན་ཁང་གི་ཀྲུའུ་རེན་སྒོ་མེ་མགོན་པོ་ཚེ་རིང་སོགས་གུང་ཧོ་རྫོང་ནོར་སྲིད་ཅུའུ་ཡི་ནོར་བུ་ལྷུན་གྲུབ་ཀྱིས་མཐུན་རྐྱེན་དང་རོགས་འདེགས་བྱས་པ་དང་། ས་གནས་དེ་གའི་ཞིབ་འཇུག་སློབ་མ་རྨོག་རུ་མཁར་རྒྱལ་བྱམས་ཀྱི་སྣེ་ཁྲིད་འོག་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་རིག་སྨོན་གྲོང་རྡལ་འཁྱམས་རུ་རབ་འོག་མ་སྡེ་བའི་རུ་ཁག་གསུམ་པ་དང་ལྔ་པར་བསྐྱོད་དེ་གནས་དེར་གསར་རྙེད་བྱུང་བའི་གནའ་བོའི་བྲག་བརྐོས་རི་མོ་ཁག་ཅིག་ལ་ཡུལ་དངོས་ནས་བརྟག་དཔྱད་དང་ཞིབ་འཇུག་བྱས།...

ད་རེས་གསར་དུ་རྙེད་པའི་རབ་འོག་མའི་བྲག་བརྐོས་རི་མོ་འདིའང་གུང་ཧོའི་བྲག་བརྐོས་རི་མོའི་ཡན་ལག་གལ་ཆེན་ཞིག་ཏུ་ངོས་འཛིན་བྱས་ཆོག་པ་དང་།རྩོམ་པ་པོས་ཐོག་མའི་རྟོག་དཔྱོད་ལས་ངོས་འཛིན་བྱས་པའི་ཤྭ་བ་དང་།འབྲོང་གཡག་དང་།རྟ་དང་།འཕར་སྤྱང་སོགས་ཀྱི་རི་མོ་ཁྱད་པར་བ་འདི་དག་གི་སྒྱུ་རྩལ་གྱི་རྣམ་པ།ནང་དོན་དང་ཁྱད་ཆོས།བྱུང་པའི་གནའ་དཔྱོད་ལོ་ཚིགས་སོགས་ལ་དཔྱད་པ་བཏང་སྟེ།རིག་དངོས་འདི་དག་ནི་མིའི་རིགས་ཀྱི་རིག་གནས་འཕོ་འགྱུར་ལ་ཞིབ་འཇུག་བྱེད་པར་གལ་ཆེའི་ཁུངས་སྣེ་ཞིག་ཡིན་པ་དང་།ལོ་རྒྱུས་རིག་པ་དང་མཛེས་དཔྱོད་རིག་པའི་རིན་ཐང་སོགས་ལྡན་པར་མ་ཟད།རིག་དངོས་སྲུང་སྐྱོབ་དང་ཞིབ་འཇུག་གི་རིན་ཐང་ཡང་ཆེར་ལྡན་པའི་སྐོར་དཔྱད་བརྗོད་བྱས་ཡོད།...