བོད་ལུགས་གཙགས་དྲུབ་ཐོན་ལས་ཡར་ངོའི་ཟླ་ལྟར་འཕེལ་བས།ཀོས་ནན་རྫོང་བྱ་མདོ་ཤང་གི་གྲོང་གསེབ་ཀྱི་དཔལ་འབྱོར་ལ་གསོན་ཤུགས་རྒྱས་ཡོད།སྲོལ་རྒྱུན་གྱི་ལག་རྩལ་འདིས་ས་གནས་འདིའི་བུད་མེད་རྣམས་ལ་ལས་ཞུགས་ཀྱི་ལམ་བུ་བརྟན་པོ་ཞིག་བཏོད་པར་མ་ཟད།གྲོང་གསེབ་དར་རྒྱས་སུ་གཏོང་བའི་ལམ་བུ་གལ་ཆེན་ཞིག་ཏུའང་གྱུར་ཡོད།...

ཟླ5པའི་ཚེས16ཉིན།གསར་འགོད་པས་ཞིང་ཆེན་རིག་རྩལ་མཉམ་འབྲེལ་ལྷན་ཚོགས་ནས་ཤེས་གསལ་ལྟར་ན།ཀྲུང་གོ་ཡང་བའི་བཟོ་ལས་མཉམ་འབྲེལ་ལྷན་ཚོགས་དང་པེ་ཅིང་མངོན་མིན་རིག་གནས་ཤུལ་བཞག་འཕེལ་རྒྱས་ཐེབས་རྩ་ལྷན་ཚོགས་ཀྱིས་གཉེར་བའི་སྲོལ་རྒྱུན་བཟོ་རྩལ་རྒྱལ་ཁབ་ཆེན་པོའི་མངོན་མིན་རིག་གནས་ཤུལ་བཞག་གི་ལག་ཤེས་འདེམས་སྒྲུག་བྱེད་སྒོ་སྐབས་དང་པོ་ཁྱབ་སྒྲོག་བྱས་པ་དང་།ཞིང་ཆེན་རིག་རྩལ་མཉམ་འབྲེལ་ལྷན་ཚོགས་སྐབས་དགུ་པའི་ཨུ་ཡོན་ལྷན་ཁང་གི་ཨུ་ཡོན།ཞིང་ཆེན་མཛེས་རྩལ་མཁས་ཅན་མཐུན་ཚོགས་ཀྱི་ཀྲུའུ་ཞི་གཞོན་པ་ཆོས་གྲགས་ལ“སྲོལ་རྒྱུན་བཟོ་རྩལ་རྒྱལ་ཁབ་ཆེན་པོའི་མངོན་མིན་རིག་གནས་ཤུལ་བཞག་གི་ལག་ཤེས་པའི”མཚན་སྙན་ཐོབ་པ་རེད།...

ལོ38ཡིན་པའི་ལྷ་མོ་གཡུ་སྒྲོན་ནི་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་རྫོང་རིན་ཆེན་རིག་གནས་སྒྱུ་རྩལ་གསར་སྤེལ་ཚད་ཡོད་འགན་ཁུར་ཀུང་སིའི་ལག་རྩལ་སྤྱི་ཁྱབ་ལྟ་ཞིབ་པ་ཡིན་ལ།མོ་ནི་བོད་ཀྱི་གཙགས་དྲུབ་ལ་མཁས་བའི་ཁྱིམ་ཚང་ཞིག་ཏུ་སྐྱེས་པས་ཆུང་དུས་ནས་གཙགས་དྲུབ་ལག་རྩལ་སློབ་པ་རེད།“སྔོན་ཆད་བོད་ཀྱི་གཙགས་དྲུབ་བུད་མེད་ཚོའི་སྐྲ་ཤུབས་སྟེང་རྒྱུན་པར་མཐོང་ཐུབ”ཟེར།ཡིན་ཡང་ལྷ་མོ་གཡུ་སྒྲོན་གྱིས་བོད་ཀྱི་གཙགས་དྲུབ་མཐོ་སྒང་ནས་ཕྱིར་བསྐྱོད་དུ་འཇུག་ཆེད་དེའི་ལག་རྩལ་ཅི་ལྟར་གསར་སྤེལ་བཏང་ནས་སྲོལ་རྒྱུན་བོད་ཀྱི་གཙགས་དྲུབ་ལ་གསོན་ཤུགས་ལྡན་པའི་སྐོར་ནས་ཞིབ་འཇུག་བྱས།...

བྲིས་པ་ཆུང་ཆུང་བདེ་དབང་སྒྲོན་ནི་སི་ཁྲོན་ཞིང་ཆེན་རྔ་བ་རྫོང་བོད་ཡིག་སློབ་འབྲིང་ན་སློབ་གཉེར་བྱེད་བཞིན་པའི་སློབ་མ་ཞིག་ཡིན་ལ།སློབ་ཆུང་གི་གནས་སྐབས་ནས་ཡིག་གཟུགས་ལ་མོས་པ་ཆེ་བ་དང་།ད་ལྟ་ཡང་དགའ་ཕྱོགས་མ་དོར་བར་ཡིག་གཟུགས་འབྲི་སྦྱོང་ལ་འབད་པ་བྱེད་མུས་སུ་མཆིས།...

རྒྱལ་ཡོངས་བོད་ཀྱི་ཡིག་གཟུགས་དུས་ཆེན་འཆར་ཉིན།བོད་ཀྱི་སྐད་ཡིག་སྦྱོང་སྤྱོད་སྤེལ་གསུམ་ལ་སྨན་ཕྱིར།བོད་ཀྱི་ཡིག་གཟུགས་རྒྱུན་འཛིན་པ་རྒན་བསྟན་འཛིན་ལགས་ཀྱིས་བརྩམས་པའི«བོད་ཀྱི་རྒྱུན་སྤྱོད་ཡིག་གཟུགས་འབྲི་ཚུལ་མཁས་པའི་ཞལ་གདམས»ཞེས་པ་ལས་ཁུངས་ལྡན་འབྲི་ཚུལ་བཅུ་གཉིས་ཀྱི་གསལ་བཤད་དང་བྲིས་དཔེ་མཉམ་དུ་པར་རིས་ཀྱི་རྣམ་པར་བཟོས་ཡོད།...

མི་རིགས་ས་ཁོངས་ཀྱི་ཁྱད་ཆོས་ལྡན་པའི“ལྕི་བའི་སྒྱུ་རྩལ་གྱང”10ལྷག་ཙམ་མཚོ་སྔོན་པོའི་བྱང་ངོགས་སུ་ཡོད་པའི་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་གི་མཚོ་འཁྱིལ་རྩྭ་ཐང་དུ་བཞེངས་ཡོད།ཉེ་ཆར།ས་གནས་དེ་གའི་མང་ཚོགས་ཀྱིས་ལྕི་བའི་བཟོ་བཀོད་འགྲན་བསྡུར་གྱི་བྱེད་སྒོ་ཞིག་སྤེལ་བ་དང་།སྔོན་ཆད་རྩྭ་ཐང་ཐོག་གང་སར་ཐོར་བའི་ལྕི་བ་དག་ད་ལྟ“སྒྱུ་རྩལ་གྱི་བརྩམས་ཆོས”སུ་གྱུར་ནས་རྩྭ་ཐང་ལ་མཛེས་རྒྱན་སྤྲས་ཡོད།“བཀྲ་ཤིས་ཕྱུགས་བཞི”དང“སྦྲ་ནག”སོགས་བཟོ་ལྟ་དཔེ་གསར་ཅན་གྱི“ལྕི་སྤུང”སྟེང་ལ་མི་རིགས་ཀྱི་ཁྱད་ཆོས་ལྡན་པའི་རི་མོ་བཞེངས་ཡོད་པ་ལས།རྩྭ་ཐང་འབྲོག་དམངས་ཀྱིས་འཚོ་བར་བཅངས་པའི་དགའ་ཞེན་མཚོན་ཡོད།ས་གནས་དེ་གའི་སྲིད་གཞུང་གིས་ཀྱང་དཔྱད་འདེམས་ཚོགས་པ་སྒྲིག་འཛུགས་བྱས་ནས“ལྕི་བའི་གྱང”དེ་དག་ལ་སྐར་རྒྱག་དཔྱད་འདེམས་བྱས་རྗེས་བྱ་དགའི་དངུལ་སྤྲད་དེ།མང་ཚོགས་ཀྱིས་བརྩོན་པའི་ལག་ཟུང་དང་རིག་པའི་རྩལ་ལ་བརྟེན་ནས་བདེ་སྐྱིད་ལྡན་པའི་འཚོ་བ་གཏོད་པར་སྐུལ་ལྕག་བྱས་ཡོད་པ་རེད།...

བྱེད་སྒོའི་ཡུལ་དངོས་སུ་མང་རྫོང་གི་ཞིང་ཆེན་རིམ་པའི་བོད་ཀྱི་གཙགས་དྲུབ་གཟུགས་ཤུལ་བཞག་རིག་གནས་ཀྱི་རྒྱུན་འཛིན་པ་རྡོ་རྗེ་མཚོ་དང་ལྷ་མོ་གཡུ་སྒྲོན་གཉིས་ཀྱིས་མང་རྫོང་གི་བོད་ཀྱི་གཙགས་དྲུབ་ལག་ཤེས་བཟོ་རྩལ་ངོམ་པ་དང་།དེས་མང་རྫོང་གི་ཐུན་མོང་མ་ཡིན་པའི་མི་རིགས་ཀྱི་དམངས་ཁྲོད་སྲོལ་རྒྱུན་རིག་གནས་མཚོན་པར་མ་ཟད།མི་རིགས་མཐུན་སྒྲིལ་དང་སྤྱི་ཚོགས་འཆམ་མཐུན།མི་དམངས་བདེ་སྡོད་ལས་བརྩོན་བཅས་ཀྱི་མཛེས་སྡུག་ལྡན་པའི་མང་རྫོང་གི་སྣང་བརྙན་སྔར་བས་མངོན་ཏེ།“ངམ་རྫོང་གི་བོད་མིའི་གཙགས་དྲུབ”ཀྱི་མཚན་སྙན་དང་ཤུགས་རྐྱེན་ཀྱང་མཐོར་བཏེགས་ཡོད།།...

བོད་ལྗོངས་སྙེ་མོ་རྫོང་ཕུ་གསུམ་ཤང་ལ་“པར་བརྐོའི་ཕ་ཡུལ”ཞེས་བརྗོད་ཀྱི་ཡོད།ཕུ་གསུམ་གྱི་པར་རྐོས་ལ་ལོ་རྒྱུས་རིང་པོ་ལྡན་པ་དེ་ནི་ཕུ་གསུམ་ཤང་གི་མང་ཚོགས་ཀྱིས་མི་རབས་ནས་མི་རབས་བར་རྒྱུད་འཛིན་བྱས་པའི་གནའ་བོའི་ལག་རྩལ་ཞིག་རེད།བརྐོ་སྟངས་རྣམ་པ་འདྲ་མིན་དང་།བེད་སྤྱོད་ཁྱབ་རྒྱ་ཧ་ཅང་ཆེ།2009ལོར་ཕུར་གསུམ་ཤང་གི་པར་རྐོས་ལག་རྩལ་དེ་བོད་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་སྲུང་སྐྱོབ་ཀྱི་མིང་གཞུང་ནང་བཅུག་ཡོད།...

ཟླ8པའི་ཚེས1ཉིན།གསར་འགོད་པས་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་དུ་བོད་ཀྱི་གཙག་དྲུབ་སྒྱུ་རྩལ་ལ་པར་བླངས།བོད་ཀྱི་གཙག་དྲུབ་ནི་དུས་རབས9པར་བྱུང་བ་དང་།ཐང་ག་དང་གོས་དྲུབ་བཅས་གསུམ་ལ་བོད་བརྒྱུད་ནང་བསྟན་གྱི་སྒྱུ་རྩལ་ཆེན་མོ་གསུམ་གྱི་མཚན་སྙན་ལྡན་ཞིང་།ཀྲུང་གོའི་གྲངས་ཉུང་མི་རིགས་སྲོལ་རྒྱུན་རིག་གནས་ཁྲོད་ཆེས་ཁྱད་ཆོས་ལྡན་པའི་གཙག་དྲུབ་རིགས་ཤིག་ཡིན།བོད་ཀྱི་གཙག་དྲུབ་ཀྱི་སྒྱུ་རྩལ་མཚོན་ཚུལ་རྣམ་པ་དང་ལག་རྩལ།ས་ཁུལ་གྱི་ཁྱད་པར་སོགས་ལ་གཞིགས་ཏེ་ཕྱོགས་ཁག་ཁ་ཤས་སུ་དབྱེ་ཡོད་དེ།དེའི་ནང་མཚོ་ལྷོའི་གཙག་དྲུབ་ནི་གཙོ་བོ་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གྱི་ཀོས་ནན་ས་ཁུལ་དང་གུང་ཧོ་གཤོང་ས་གཙོ་ཡིན་པའི་ཞིང་ལས་ས་ཁུལ་དུ་ཁྱབ་ཡོད།...

བོད་དུ་དར་བའི་ཤོག་བུའི་རིགས་འགའ་ཞིག་བཀོད་ན་འདི་ལྟ་སྟེ།སྐྱེམ་ཤོགདྭགས་ཤོགཀོང་ཤོགའབྲུག་ཤོགསྟོད་ཤོགགཙང་ཤོགསྙེ་ཤོགགཉའ་ཤོགཀློ་ཤོགསྤོ་ཤོགཇོ་ཤོགགཉལ་ཤོགཞོ་ཤོགཁམས་ཤོགམཚོ་སྣའི་ལས་ཤོག་ཅེས་རིགས་འགའ་ཞིག་ཡོད་ལ།དེ་དག་ལས།༼༡༽སྐྱེམ་ཤོག་ནི།དྭགས་སྨད་སྐྱེམ་སྟོང་རྫོང་ནས་བཟོ་བཞིན་ཡོད་ལ།སྐྱེམ་སྟོང་གི་གཙང་ཆུ་ནི་ཤོག་བུ་བཟོ་བའི་ཆུ་རིགས་ཧ་ཅང་དམིགས་བསལ་པ་དེ་ཡིན།སྐྱེམ་སྟོང་གི་ཤོག་རྭའི་ཤོག་བུ་ལ་རིགས་གཉིས་ཡོད་ཅིང་།ཤོག་བུ་རྙིང་པ་དེར(ཕྱག་ཤོག)དང་གསར་པ་དེར(ལོར་ཤོག)ཅེས་འབོད་ཀྱི་ཡོད།དགའ་ལྡན་ཕོ་བྲང་གི(དངུལ་ལོར)ཤོག་བུའང་སྐྱེམ་ཤོག་གི་རིགས་དེ་ཡིན་པས(གསང་ཤོག)ཟེར་ལ།ཤོག་བུའི་གསེབ་ལ(གནམ་བསྐོས་དགའ་བ་བརྒྱ་ལྡན་ཕོ་བྲང་ཕྱོགས་ལས་རྣམ་རྒྱལ)ཞེས་པའི་ཆུ་པར་གསང་བའི་སྒོ་ནས་འཇོག་ཐུབ་ཀྱི་ཡོད།...

བོད་མི་རིགས་ཀྱི་ལོ་རྒྱུས་འཕེལ་རིམ་ཁྲོད་དུ།ས་གནས་རང་གི་རང་བྱུང་ཁོར་ཡུག་དང་།སྤྱི་ཚོགས་ཁོར་ཡུགཐོན་སྐྱེད་ཁོར་ཡུགརིག་གནས་འདུ་ཤེས་བཅས་ལ་གཞིགས་ནས་ཨར་ལས་སམ་གྱང་ཁང་གི་རིག་པའི་ཁྱབ་ཁོངས་སུ་མི་རིགས་ཀྱི་ཁྱད་ཆོས་ལྡན་པའི་བཟོ་བཀོད་ཀྱི་ཁྱད་ཆོས་རིམ་གྱིས་ཆགས་ཤིང་།མཐའ་སྐོར་གྱི་མི་རིགས་དང་ས་ཁུལ་བར་རིག་གནས་སྤེལ་རེས་བྱེད་སྐབས་སྔོན་ཐོན་གྱི་བཟོ་སྐྲུན་ལག་རྩལ་དང་བཟོ་བཀོད་ཀྱི་ཉམས་འགྱུར་བཟང་བོ་བསྡུ་ལེན་དང་དཔྱད་གཞིར་འཛིན་གང་ཐུབ་བྱས་མཐར་རང་ཉིད་ཀྱི་སྡོད་ཁང་རྩིག་བཟོའི་འཛུགས་སྐྲུན་རིག་གནས་ཀྱི་ལོ་རྒྱུས་ཐོག་གནས་བབ་གལ་ཆེན་བཟུང་ཡོད་པ་མ་ཟད།འཛམ་གླིང་གི་ལོ་རྒྱུས་ཐོག་ཏུའང་ཉམས་པ་མེད་པའི་ལེའུ་གསར་བ་ཞིག་བརྩམས་ཡོད།...

བོད་ལྗོངས་གཞིས་རྩེ་གྲོང་ཁྱེར་ལྷ་རྩེ་རྫོང་གི་བོད་གྲིའི་བཟོ་རྩལ་ལ་ལོ་རྒྱུས་ཡུན་རིང་ལྡན་ཞིང་།ད་ལོ་དགུང་ལོ73ལ་ཕེབས་པའི་ཚེ་བརྟན་དབང་རྒྱལ་ལགས་ནི་ལྷ་རྩེའི་བོད་གྲིའི་བཟོ་རྩལ་གྱི་རྒྱུན་འཛིན་པ་མི་རབས་དྲུག་པ་དེ་རེད།ལོ་ཡི་བགྲང་བྱ་བརྒྱ་ཕྲག་ཁ་ཤས་ཀྱི་ཞུན་བརྡར་དང་རྒྱུན་འཛིན་བརྒྱུད།ལྷ་རྩེའི་བོད་གྲི་དེ་དམིགས་བསལ་གྱི་ཐུན་མིན་ཁྱད་ཆོས་མངའ་བའི་ལག་ཤེས་བཟོ་རྩལ་ཞིག་གྲུབ་གཤིས།ལྷག་པར་དུ་ངར་གཏོང་བའི་སྐབས་མར་དང་སྲོག་ཆགས་ཀྱི་ཁྲག་ཨ་རུ་ནག་ཆུང་སོགས་བླུགས་པས་ཁྱད་ཆོས་དམིགས་བསལ་ལྡན།ཡར་སྐོར་བསྐྱར་སྐོར་གྱིས་བརྡུངས་བའི་བོད་གྲི་ནི་ཤིན་ཏུ་རྣོ་བས་སྐད་གྲགས་ཆོད་ཅིང་།ལྷ་རྩེའི་བོད་གྲིར་ཐོན་སྐྱེད་དང་འཚོ་བའི་ཐད་ཀྱི་སྤྱོད་མཁོ་ཡོད་པ་ཕུད།ད་དུང་གྲི་གཞན་གྱི་བརྡར་རྡོ་ཡང་བྱས་ཆོག་གི་ཡོད།...

2011ལོ་དང2013ལོ།2014ལོ་བཅས་ལོ་གསུམ་རིང་ལ་ཁོ་མོས་གོ་སྐབས་དམ་འཛིན་བྱས་ཏེ།ས་གནས་དེར་ལོ་གཉིས་རེའི་ནང་སྤེལ་བཞིན་པའི་བྱ་མདོ་ཞང་དྲུག་པའི་སྲོལ་རྒྱུན་སྤྲོ་ཚོགས་ཀྱི་འགྲན་སྡུར་ཁྲོད་ཞུགས་ནས་གཙགས་དྲུབ་གྱི་བྱ་དགའ་ཨང་དང་པོ་ཐོབ་དང་།2013ལོར་ཀོས་ནན་རྫོང་སྐབས་དང་པོའི་བོད་ཀྱི་གཙགས་གྲུབ་དང་མི་རིགས་གླུ་གར་རིག་གནས་སྤྲོ་ཚོགས་ཀྱི་གཙགས་དྲུབ་འགྲན་སྡུར་སྟེང་བྱ་དགའ་ཨང་གཉིས་པ་ཐོབ་མྱོང་།2016ལོར་མང་རྫོང་སྐབས་གཉིས་པའི་བོད་ཀྱི་གཙགས་དྲུབ་དང་མི་རིགས་གླུ་གར་རིག་གནས་སྒྱུ་རྩལ་དུས་ཆེན་སྟེང་ཀོས་ནན་རྫོང་བསོད་ནམས་ཡར་འགྲོ་མི་རིགས་གྱོན་གོས་ཚད་ཡོད་སྤྱི་གཉེར་ཁང་གི་སྐྱ་ལོང་ལ་བྱ་དགའ་ཨང་པོ་ཐོབ།2017ལོའི་ཟླ་བདུན་པར་ཀོས་ནན་རྫོང་སྐབས་གཉིས་པའི་འཕྲུལ་འཁོར་རིག་གནས་ཡུལ་སྐོར་དུས་ཆེན་གྱི་བོད་ཀྱི་གཙགས་དྲུབ་རྒྱན་གོས་འགྲན་བསྡུར་སྟེང་བྱ་དགའ་ཨང་གཉིས་པ་དང་རྒྱན་གོས་ཇུས་འགོད་ལ་ཡང་བྱ་དགའ་ཨང་གཉིས་པ་ཐོབ།2018ལོའི་ཟླ་བདུན་པར་ཀོས་ནན་རྫོང་སྐབས་གསུམ་པའི་འཕྲུལ་འཁོར་རིག་གནས་ཡུལ་སྐོར་དུས་ཆེན་གྱི་བོད་ཀྱི་གཙགས་དྲུབ་འགྲེམས་སྟོན་འགྲན་བསྡུར་སྟེང་བྱ་དགའ་ཨང་གཉིས་པ་ཐོབ།...

ཨ་མདོའི་སྲོལ་རྒྱུན་གྱི་མི་རིགས་གྱོན་ཆས་སྔར་བས་འགྲེམས་སྟོན་དང་ཀོས་ནན་གྱི་ས་ཁུལ་ཁྱད་ཆོས་དང་མི་རིགས་ཁྱད་ཆོས་འབུར་ཐོན་བྱ་ཆེད།ཟླ2པའི་ཚེས21ནས་ཚེས23ཉིན་བར།ཀོས་ནན་རྫོང་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུས་རང་རེའི་རྫོང་གི་རྒྱལ་ཁབ་རིམ་པའི་གཟུགས་འདས་རིག་གནས་ཤུལ་བཞག་གི་མཚོན་བྱེད་རང་བཞིན་ལྡན་པའི་རྣམ་གྲངས་ཀོས་ནན་བོད་རིགས་ཀྱི་གཙགས་དྲུབ་ཏེ་ཞིང་ཆེན་རིག་གནས་དང་ཡུལ་སྐོར་ཐིང་གིས་གཉེར་བའི་མཛེས་སྡུག་ལྡན་པའི་མཚོ་སྔོན་གྱི་གཟུགས་འདས་ཤུལ་བཞག་རིག་གནས་ཐུན་མོང་ཐོག་ལོངས་སྤྱོད་བྱེད་པ་ཞེས་པ་བརྗོད་དོན་གཙོ་བོར་བྱས་པའི་མཚོ་སྔོན་གྱི་ལག་བཟོས་འགྲེམས་ཁུལ་གྱི་བྱེད་སྒོར་ཞུགས་པ་རེད།...

གདོང་དར་ནི་གསུང་རབ་དག་གི་ནང་དོན་ཤིན་ཏུ་བསྡུས་པའི་སྒོ་ནས་བྲིས་ཏེ་ལྟ་ཀློག་བདག་གཉེར་བྱེད་སླ་བའི་ཆེད་དུ་དབུ་ཤོག་དང་ལྷན་དུ་སྦྱར་བའི་གོས་དར་ཅིག་ཡིན་ལ།སྒྲིལ་ཆས་གཞན་དང་བསྡུར་ན་ཅུང་ཟད་ཞིག་ཕྱིས་ནས་དར་བར་མངོན།གསུང་རབ་དེ་དག་ཀུན་དགའ་ར་བའི་ནང་དུ་གྲལ་ལ་མངའ་བ་བཞིན་འཇོག་སྐབས།གསུང་རབ་དེ་དག་གི་ནང་དོན་གང་ཞིག་ཡིན་པ་དེ་དག་གདོང་དར་གྱི་སྟེང་དུ་ཤིན་ཏུ་བསྡུས་པའི་སྒོ་ནས་བྲིས་ཏེ་ཀ་མད་ལ་གོ་རིམ་བཅོལ་ཏེ་ཀུན་དགའ་ར་བར་བསྒྲིགས་ཏེ་ལྟ་ཀློག་དང་བདག་གཉེར་སླ་བའི་ཆེད་དུ་ཡིན།...

དཔྱད་རྩོམ་འདིར་རྒྱ་བོད་ཀྱི་ལོ་རྒྱུས་ཡིག་ཚང་ཁུངས་ཐུབ་པ་མང་པོར་གཞི་བཅོལ་ནས་བོད་དུ་གསེར་གྱི་ཐོན་ཁུངས་ཕུན་སུམ་ཚོགས་པ་དང་།གནའ་སྔ་མོ་ནས་གསེར་གྱི་ཅ་དངོས་ལ་དགའ་ཞིང་སྤྱོད་སྒོ་ཡངས་པ་བསྒྲུབས་ཤིང་།བྱེ་བྲག་ཏུ་ལྷོ་ཁ་ཡར་འབྲོག་ལྷོ་རྒྱུད་དང་མཚོ་སྔོན་ནུབ་བྱང་རྒྱུད་ཀྱི་དུར་ལམ་སོགས་ནས་ཐོན་པའི་བོད་བཙན་པོའི་དུས་ཀྱི་གསེར་དངུལ་གྱི་ཅ་དངོས་སྤུས་ལེགས་འགའ་ཤས་དཔེར་དྲངས་ཏེ།ཅ་དངོས་དེ་དག་གི་བཟོ་རྩལ་ཕུལ་དུ་བྱུང་ཞིང་བཀོད་རིས་སོགས་ལ་ཐུན་མོང་མ་ཡིན་པའི་མི་རིགས་ཀྱི་མཛེས་དཔྱོད་བསམ་འཁྱེར་ལྡན་ཞིང་།ཨེ་ཤ་ཡའི་དབུས་ནུབ་རིག་གནས་ཀྱི་ཤན་ཞུགས་དང་ཁྱད་ཆོས་དང་ལྡན་པས་བོད་བཙན་པོའི་སྐབས་སུ་ཤར་ལྷོ་རྒྱ་གར་ནག་དང་འབྲེལ་བ་དམ་པོ་ཡོད་པར་མ་ཟད།བོད་རིགས་ས་ཁུལ་གྱི་ནུབ་ཕྱོགས་ཀྱི་གྲུ་གུ་དང་སྟག་གཟིགསོག་བརྟན།ས་སན་སོགས་ཀྱི་རིག་གནས་ཀྱི་སྐོར་ནས་འབྲེལ་བ་ཡོད་པ་ལའང་དཔྱད་ཡོད།...

ཉེ་བའི་ལོ་འགའི་རིང་།ཀོས་ནན་གཙག་དྲུབ་ཀྱིས་འགག་བརྟོལ་ས་འཚོལ་ཞིབ་བྱས་ནས།ཀོས་ནན་བོད་ཀྱི་གཙག་དྲུབ་སྲོལ་རྒྱུན་གཞི་རྒྱུ་རྒྱུད་འཛིན་དང་རྒྱུན་འཁྱོངས་བྱས་པའི་རྨང་གཞི་ཐོགགསར་སྤེལ་གང་ལེགས་བྱས་ནས་སྲོལ་རྒྱུན་མི་རིགས་རིག་གནས་སྒྱུ་རྩལ་དང་རྒྱུག་ཆེ་བའི་དར་སྲོལ་རྒྱུ་ཆ་ཟུང་འབྲེལ་བྱས་ནས་གསར་སྐྲུན་རང་བཞིན་གྱི་གཙག་དྲུབ་སྒྱུ་རྩལ་གཞན་སྒྱུར་བྱས་པས།གསོན་ཉམས་ལྡན་པའི་ལག་བཟོའི་གཙག་དྲུབ་བརྩམས་ཆོས་རེ་རེ་རྒྱལ་ཡོངས་དང་འཛམ་གླིང་ཡོངས་སུ་བསྐྱལ་ཡོད།།...

ཉེ་བའི་ལོ་འགའི་རིང་།ཀརྨ་ཆོས་གྲགས་རིགས་ཁག་གི་ན་གཞོན་ལས་གཏོད་ལས་ཞུགས་འགྲན་བསྡུར་ཆེན་མོ་ཧུར་ཐག་ཞུགས་པ་མ་ཟད།པེ་ཅིན་དང་ཁྲེང་ཏུའུ་སོགས་ས་གནས་སུ་སོང་ནས་གཟུགས་འདས་རིག་གནས་ཤུལ་བཞག་སྐོར་གྱི་བརྩམས་ཆོས་འགྲེམ་འཚོང་ཚོགས་འདུར་ཞུགས་ནས།ཕུ་གསུམ་དཔར་བརྐོའི་སྙན་གྲགས་སྔར་བས་མཐོར་འདེགས་སུ་བཏང་།“དུས་རབས་འཕེལ་རྒྱས་སུ་སོང་བ་དང་བསྟུན་ནས་ཕུ་གསུམ་དཔར་བརྐོའི་བཟོ་རྩལ་ཀྱང་དར་སྤེལ་དུ་གཏོང་དགོས”།“མ་འོངས་པར་དུས་རབས་དང་མཐུན་པ་དང་རྒྱ་ཁྱབ་སྒོས་དགའ་བསུ་ཐོབ་པའི་ཐོན་རྫས་སྔར་བས་མང་པོ་གསར་གཏོད་བྱས་ནས་གྲོང་ཚོ་མང་པོ་འབབ་འཕར་ཕྱུག་འགྱུར་ཡོང་བར་སྐུལ་ཁྲིད་བྱ་རྒྱུའི་རེ་བ་བཅངས་ཡོད”ཅེས་ཀརྨ་ཆོས་གྲགས་ཀྱིས་བཤད།།...

བོད་ཡིག་གནའ་དཔེ་ནི་མི་དབང་སངས་རྒྱས་རྒྱ་མཚོས་བཻ་དཀར་གཡའ་སེལ་དུ་བཀའ་འདི་དག་འབྲི་བའི་གཞི་ནི་གྲོ་ག་ཤིང་ཤུན་རས་དང་ཤོག་བུ་སོགས་དཀར་པོའམ་ཚོས་མ་གང་ཡང་རུང་བ་ལ་གླེགས་བམ་མམ་ལེགས་སྦྱར་སྐད་དུ་པོ་སྟི་ཀ་ཞེས་གསུངས་པའི་དོན་དང་མཚུངས་པར་བོད་ཡིག་གི་ཐོག་ནས་བོད་ཀྱི་སྲོལ་རྒྱུན་རིག་གནས་སོགས་བརྗོད་བྱར་བྱས་སྟེ་དུས་རབས་མི་འདྲ་བའི་ནང་དུ་བྱུང་བའི་འབྲི་རྫས་ཏེ།སེམས་ཅན་གྱི་རུས་པ་དང་པགས་པ།ཁྲམ་བྱང་དང་ཤིང་ཤུན།རྡོ་རིང་དང་ཅོང་།གོས་ཆེན་དང་ཤོག་བུ་སོགས་ཀྱི་སྟེང་དུ་བྲིས་ཤིང་།དཔེ་གཟུགས་ལྟེབས་མགོ་མ་དང་ཤོག་དྲིལ།སྣ་རིང་དང་ལྟེབས་འགྲིག་མ།ལྟེབས་ཟུར་མ་སོགས་དུས་རབས་མི་འདྲ་བའི་ནང་བྱུང་བའི་དཔེ་གཟུགས་སུ་སྡེབས་ཡོད་པ་སྟེ་སྤྱི་ལོ1949ལོའི་ཡར་སྔོན་དུ་བྱུང་བའི་དཔེ་རྙིང་ལ་ཟེར།...

སི་ཁྲོན་སྡེ་དགེ་ནས་ཐོན་པའི་བོད་ཤོག་ནི་ཐུན་མོང་མ་ཡིན་པའི་རྒྱུ་ཆ་ལས་བཟོས་པས་འབུ་དང་བྱི་བ་ཡང་འགོག་ཐུབ།སྔོན་ཆད་སྡེ་དགེའི་བོད་ཤོག་གིས་པར་སྐྲུན་བྱས་པའི་དཔེ་ཆ་ད་ལྟ་ད་དུང་ཆ་ཚང་ངང་ཉར་ཚགས་བྱས་ཡོད་པ་ཅུང་མང་ལ།དཔེ་ཆ་ལ་ལ་ལོ་ངོ་བརྒྱ་ཕྲག་འགོར་ཡང་ཆ་ཚང་སྐྱོན་མེད་དུ་ལུས་ཡོད།ཉེ་ཆར།དཀར་མཛེས་ཁུལ་གྱི་དྲ་གྲགས་པད་མ་ཆོས་མཚོ་བདེ་དགེའི་བོད་ཤོག་སྒྱུ་རྩལ་ལྟེ་གནས་ཡོད་ས་ཁམས་པའི་རིག་གནས་གླིང་མཛེས་ལྗོངས་ཁུལ་དུ་བསྐྱོད་ནས།སྡེ་དགེའི་བོད་ཤོག་གི་ལོ་རྒྱུས་འཕེལ་རྒྱས་ལ་རྒྱུས་ལོན་བྱས།...

རྫ་ཡུལ་ཤིང་ཕོར་གྱི་རྒྱུན་འཛིན་པ་བློ་བཟང་ཆོས་འཕེལ་ལ་རྫ་ཡུལ་ཤིང་ཕོར་གྱི་ལེགས་ཆ་གང་ཡོད་མེད་དང་།རྒྱུ་ཆ་འཚོལ་སྟངས།ཤིང་ཕོར་བཟོ་བའི་བརྒྱུད་རིམ་ཐུན་མོང་མ་ཡིན་པ་གང་འདྲ་ཡོད་མེད་སྐོར་འདྲི་སྐབས།ཁོང་གིས།རྫ་ཡུལ་དུ་ཤིང་རིགས་སྣ་ཁ་ཤིན་ཏུ་མང་ཡང་མང་ཆེ་བར་ཕོར་པ་བཟོ་སྲོལ་མེད།སྔ་ནས་ད་བར་མང་ཆེ་བས་གར་མར་ཤིང་དང་།ལག་ཁྲ་ཤིང་།མ་གལ་ཤིང་སོགས་སྤྱད་ནས་རྫབ་ཕོར་བཟོ་ཞིང་།ཤིང་དེ་དག་ནི་སྤྱིར་བཏང་རྒྱ་མཚོའི་ངོས་ལས་ས་བབ་མཐོ་ཚད་སྨི3200མན་ལ་སྐྱེ་ཡི་ཡོད།ཤིང་ཕོར་བཟོ་བྱེད་དེའི་མིང་ལ་ཕོར་རྡོར་དང་སྒ་བཟོ་བྱེད་ཀྱི་མིང་ལ་སྒ་རྡོག་ཅེས་ཟེར།ཕོར་རྡོར་དེ་དག་མང་ཆེ་བར་ཤིང་སྡོང་གི་ལྦ་བ་ལས་བཀོག་པ་ཤ་སྟག་རེད།གལ་སྲིད་ལྦ་བ་ལས་མ་བཀོག་པར་ཤིང་སྡོང་ཐད་ཀར་བཅད་ནས་དཀྲུག་པ་ཡིན་ན་དེ་ལ་སྡོང་དཀྲུག་ཅེས་ཟེར་གྱི་ཡོད།...

སྨར་ཁམས་རྫོང་བོད་ཤར་ནོར་བུ་ཆང་ལས་ཚད་ཡོད་ཀུང་སིའི་དེང་རབས་ཅན་གྱི་རྒུན་ཆང་བཟོ་གྲྭ་ཞིག་ལ་མི་རྣམས་ཀྱིས་དོ་སྣང་ཆེན་པོ་བྱེད་ཀྱི་ཡོད།“ཀུང་སིས་ཆུ་ཤེལ་ཨ་རག་དང་བདག་དམར་གཡང་གྲས་ཀྱི་ཐོན་རྫས་རིགས10གསར་སྤེལ་བྱས་པ་དང་ལོ་རེར་རྒུན་ཆང་ཏུན200ལྷག་ཙམ་ཐོན་སྐྱེད་བྱས་པར་རིན་ཐང་སྒོར་ཁྲི3000ལྷག་ཙམ་ཟིན་གྱི་ཡོད”ཅེས་སྨར་ཁམས་རྫོང་བོད་ཤར་ནོར་བུ་ཆང་ལས་ཚད་ཡོད་ཀུང་སིའི་ཏུང་ཧྲི་ཀྲང་བློ་བཟང་ཚེ་རིང་གིས་བཤད།...