དུང་བརྗོད་གློག་བརྙན་《གླིང་དཀར་སྟོད་ཀྱི་བྱམས་པ》ཞེས་པ་ད་ལྟ་ཕབ་བྱས་ཚར་བ།

           2011ལོའི་ཟླ་1པའི་ནང་མདོ་ལྷོ་གློག་བརྙན་འཕྲིན་རིག་གནས་སྒྱུ་རྩལ་འཕེལ་རྒྱས་ཚད་ཡོད་ཀུང་སི་དང་ནུབ་བྱང་མི་རིགས་སློབ་གྲྭ་ཆེན་མོའི་སློབ་མས་མཉམ་བསྒྲུབ་སྒོས་ཕབ་འགོ་བཙུགས་པའི་བོད་ཀྱི་དུང་བརྗོད་གློག་བརྙན་《གླིང་དཀར་སྟོད་ཀྱི་བྱམས་པ》ཞེས་པ་དེ་ད་ལྟ་ཕབ་ལེན་ཡོངས་སུ་མཇུག་རྫོགས་པ་དང༌།2011ལོའི་ཟླ་5པའི་ནང་རྒྱ་ཆེའི་ལྟ་མཁན་ཡོངས་ཀྱི་སྤྱན་ལམ་དུ་འབུལ་རྩིས་ཡིན།

          རེབ་འདིའི་བོད་ཀྱི་དུང་བརྗོད་གློག་བརྙན་《གླིང་དཀར་སྟོད་ཀྱི་བྱམས་པ》ཞེས་པའི་ནང་སློབ་ཆེན་སློབ་མ་ཞིག་གཞི་རིམ་དུ་དམངས་སྲོལ་རིག་གནས་འཚོལ་བསྡུར་བསྐྱོད་པའི་བྱ་རིམ་ཁྲོད་རྩྭ་ཐང་གི་གཞོན་ནུ་མ་ཞིག་གི་མཛེས་སྡུག་དང་རྣམ་དག་དྭངས་གཙང་ལ་སེམས་པ་རྨང་ནས་ཤོར་བའི་གནས་ཚུལ་རྒྱུད།ཁོ་བོའི་མི་ཚེ་འདིའི་སྒང་གི་བརྩེ་དུང་གི་གདམས་ག་དེ་ནང་སེམས་གྱི་གཏིང་ནས་འགྱུར་བ་གཏོང་དཀའ་བ་བྱུང་ཡང་།འཚོ་གནས་ཁོར་ཡུག་དང་ལས་གནས་ཀྱི་འགལ་བ་འདིས་སྡུག་བསྔལ་དང་བློ་ཕམ་བྱུང་བའི་གནས་ཚུལ་བརྗོད་ཡོད།

གློག་བརྙན། གླིང་དཀར་སྟོད་ཀྱི་བྱམས་པ།

འཁྲབ་གཞུང་། འབོ་རའི་ཀླུ་འབུམ་བཀྲ་ཤིས།

འཁྲབ་ཁྲིད་པ། པད་མ་ཚེ་རིང་། ལྷ་མོ་ཚེ་བརྟན།

གཙོ་འཁྲབ། འཕགས་པ་དོན་གྲུབ། འཕགས་པ་འཚོ།

འཁྲབ་རོགས། དཀོན་མཆོག་དོན་གྲུབ། རྟ་མགྲིན་སྐྱབས། བཟོད་པ།

བརྙན་ལེན་པ། དཀོན་པེ།

སྒྲིག་བཟོ་བ། ལྕགས་པོ།

ཕབ་སྐྲུན། མདོ་ལྷོ་གློག་བརྙན་འཕྲིན་རིག་གནས་སྒྱུ་རྩལ་འཕེལ་རྒྱས་ཚད་ཡོད་ཀུང་སི།

མདོ་ལྷོ་གློག་བརྙན་འཕྲིན་རིག་གནས་སྒྱུ་རྩལ་འཕེལ་རྒྱས་ཚད་ཡོད་ཀུང་སིས།

2011ལོའི་ཟླ་2པའི་ཚེས་25ཉིན།