༄༅།།སེམས་ཀྱི་མེ་ཏོག་འབར་ཁམས་ནས་གཟིགས་འབུལ་བྱས།

     གློག་བརྙན་འདིའི་ནང་དུ་ཧྲུའུ་ཅི་དང་པོའི་འགན་ཁུར་བའི་སྒྲོལ་མ་དང་མོའི་དབུལ་སྐྱོར་དུད་ཁྱིམ་གྱི་མཆུ་ཤོ་བའི་བུ་མོ་ཆུང་ཆུང་མེ་ཏོག་ཅེས་པ་གཉིས་ཀྱི་གཏམ་རྒྱུད་བརྗོད་ཡོད་པ་རེད། གཙོ་བོ་སྒྲོལ་མ་དང་མེ་ཏོག་གི་ཨ་ཕའི་བར་གྱི་འགལ་འདུ་དང་། སྒྲོལ་མར་བཟའ་མིའི་རྒྱབ་སྐྱོར་ཐོབ་པ། ད་དུང་ངེས་པར་སྨན་བཅོས་བྱེད་དགོས་པའི་འགྱུར་མེད་ཀྱི་དམ་བཅའ་སོགས་ལས་འགན་གྱི་ཞོར་དུ་བྱུང་བའི་བྱ་བ་མང་པོ་ཞིག་ལ་གདོང་གཏད་ནས་དབུལ་སྐྱོར་ལས་བྱེད་པ་ཞིག་གིས་བློ་སེམས་གཅིག་ཏུ་སྒྲིལ་ནས་མང་ཚོགས་ལ་ཞབས་འདེགས་ཞུ་བའི་རྣམ་པ་གསལ་བོར་མཚོན་ཡོད།     གློག་བརྙན་གཟིགས་འབུལ་གྱི་ཡུལ་དངོས་ནས་གློག་བརྙན་འདིའི་བརྗོད་བྱ་གཙོ་བོ་མཚོ་སྐྱིད་ཀྱིས་གློག་བརྙན་ལ་བལྟས་པའི་མྱོང་ཚོར་གླེང་། ང་རང་ནི་བརྗོད་བྱ་འདིའི་ནང་གི་མི་སྣ་གཙོ་བོ་དེ་ཡིན་པས། མགོ་ནས་མཇུག་བར་མིག་ཆུ་འདོན་ཞོར་གློག་བརྙན་ལ་བལྟས་པ་ཡིན་ཟེར། ད་དུང་གློག་བརྙན་སྒྲིག་བཟོ་བ་དང་འཁྲབ་གཞུང་རྩོམ་པ་པོ། སྒྲོལ་མ་དང་མེ་ཏོག་གི་འཁྲབ་སྟོན་པ་སོགས་སྟེགས་བུར་བུད་ནས་སོ་སོས་མྱོང་ཚོར་བརྗོད།