ངོས་དང་པོ > གསོ་རིག > སྨན་སྦྱོར་ཤེས་བྱ། > གསོ་བ་རིག་པའི་སྐོར་གྱི་དྲི་བ་དྲིས་ལན་འོས་སྦྱོར།

གསོ་བ་རིག་པའི་སྐོར་གྱི་དྲི་བ་དྲིས་ལན་འོས་སྦྱོར།

རྩོམ་པ་པོ།：ཚེ་རིག་པའི་གསོ་རིག་ལས་སྒྲུབ་ཁང ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2014-01-10 11:14:00 ཀློག་གྲངས།：

　　1.བད་ཀན་ནད་ཀྱི་རྐྱེན་ཅི་ལྟར་ཡིན།
　　ལན། སློང་རྐྱེན་ཁ་མངར་ལྕི་བསིལ་སྣུམ་བསྟེན་དྲགས། །འགྲངས་རྗེས་དལ་བར་བསྡད་དང་ཉིན་གཉིད་ལོག །རླན་སྟེང་ཉལ་དང་ཆུར་ཞུགས་གོས་སྲབ་འཁྱགས། །གྲོ་སྲན་གསར་ཐོག་སེར་ཅན་སུངས་པ་དང༌། །ར་སྐོམ་ཤ་རིད་ཚིལ་བུ་འབྲུ་མར་དང༌། །རྩི་མར་རུལ་པ་ལོ་ཤུར་ལ་ཕུག་རས། །རི་སྒོག་ལ་སོགས་རྗེན་ཟས་མཐའ་དག་དང༌། །མ་ཚོས་པ་དང་ཚིག་པོ་ཁེངས་པོའི་ཟས། །བ་རའི་འོ་མ་ཞོ་དར་ཆུ་གྲང་ཇ། །བཟའ་བཏུང་ཆེས་ཏེ་ཚད་ལས་འདས་པའམ། །སྔ་མ་མ་ཞུ་ཕྱི་མ་ཟོས་པ་ཡི། །རྐྱེན་དེ་རྣམས་ཀྱིས་བད་ཀན་གྲང་ནད་སློང༌། །
　　2. ཚོན་རྩས་སྟོད་ནད་དང་། ཀན་རྩས་བར་ནད། ཆག་རྩས་སྨད་ནད་སོགས་བརྟག་ཐབས་ཀྱི་མན་ངག་ཅི་ལྟར་ཡིན།
　　ལན། གསང་ཏིག་སྒྲོན་མེ་ལས། ཚོན་གྱིས་ཀླད་པ་མན་ཆད་ནས།། སྙིང་ཁ་ཡན་ཆད་བརྟག་པར་བྱ།། ཀན་གྱི་སྙིང་ག་མན་ཆད་ནས།། ལྟེ་བ་ཡན་ཆད་བརྟག་པར་བྱ།། ཆག་གིས་ལྟེ་བ་མན་ཆད་ནས།། རྐང་མཐིལ་ཡན་ཆད་བརྟག་པར་བྱ།། ཞེས་དང་། ཟླ་བའི་རྒྱལ་པོ་ལས། ཚོན་གཉིས་ལྷག་ཆད་སྟོད་ལ་སྟེ།། དྲག་ཞན་དག་ཀྱང་དེ་བཞིན་ནོ།། མཆིན་དྲི་མགོ་བོའི་བར་དག་གོ། ཀན་གཉིས་དྲག་ཏུ་འཕར་བ་ན།། མཆིན་པ་ལྟེ་བའི་བར་དག་སྟེ།། ཆག་གཉིས་ལྟེ་བ་མན་ཆད་ནས།། རྐང་པའི་མཐིལ་ནི་ཡན་ཆད་དོ།། དྲག་ཞན་ཚ་གྲང་བརྟག་པའོ།། ཞེས་གསུངས་སོ།།
　　3. ཡན་ལག་གི་རུས་པའི་གནས་ལུགས་གསལ་པའི་དཔེ་རིས།