འཐུང་ཆུ་དང་འབྲེལ་བའི་བདེ་ཐང་གི་ཤེས་བྱ་ཁག་ཅིག

ས་ཡོམ་རྗེས་ཀྱི་འཐུང་ཆུ་ཐད་ཀར་འཐུང་མི་རུང་།
     ས་ཡོམ་ནི་གློ་བུར་དུ་བྱུང་བའི་རང་བྱུང་གི་གནོད་པ་ཞིག་ཡིན་ཞིང་། ས་ཡོམ་བརྒྱབ་རྗེས་ཆུ་མཁོ་འདོན་གྱི་སྒྲིག་བཀོད་ལ་གཏོར་སྐྱོན་ཕོག་པ་དང་འཐུང་ཆུའི་ཆུ་མགོར་ལ་སྦག་བཙོག་ཐེབས་ནས་ཐད་ཀར་འཐུང་ཚེ་བཤལ་ནད་དང་རྒྱུ་ཚད། སྐྱུགས་བཤལ་སོགས་རྒྱུ་ལམ་གྱི་འགོས་ནད་ཧ་ཅང་ཕོག་སླ་བ་དང་སྨན་བཅོས་དུས་ཐོག་ཏུ་མ་བྱས་ཚེ་ཚེ་སྲོག་ལ་ཉེན་ཁ་ཡོད།
ཆུ་འཁོལ་མེད་པ་འཐུང་མི་རུང་།
     ཆུ་འཁོལ་མེད་པ་གཏན་ནས་འཐུང་མི་རུང་། དཀར་འདོན་ཕྱེ་མ་སོགས་ཀྱིས་དུག་སེལ་བྱས་པའི་ཆུ་འཁོལ་རྗེས་ད་བཟོད་འཐུང་ཆོག
ཆུ་དྭངས་གཙང་སྤྱོད་དགོས།
     ཚལ་བཀྲུ་བ་དང་ཟས་སྐོལ་བ། ཁ་ཆུ་བཤལ་གཏོང་བ་སོགས་དུས་རྒྱུན་འཚོ་བའི་ཆུ་ངེས་པར་དུག་སེལ་བྱས་རྗེས་ཀྱི་ཆུ་དྭངས་གཙང་སྤྱོད་དགོས།
འཐུང་ཆུ་སྤྱོད་སྟངས།
    ཆུ་ཟོམ་ཆེ་ཆུང་ཅི་རིགས་ལ་མཱིན་ཧྥིན་རིལ་གཅིག་བླུགས་ཆོག ཆུ་ཟོམ་སྤྱི་རྒྱ25ཡི་ནང་དུ་མཱིན་ཧྥན་རིལ་གཅིག་འཕངས་ནས་སྐར་མ1ནས2བར་དཀྲུགས་དཀྲུགས་བཏང་རྗེས་སྐར་མ40ནས60བར་བཞག་ནས་ཆུ་དྭངས་མོ་གྱུར་ཚེ་ཆུ་དྭངས་མ་ཆུ་ཟོམ་གཞན་ཞིག་ཏུ་ལེན་དགོས།
    དེ་རྗེས་དཀར་འདོན་རིལ་བུ་གཅིག་ཞིབ་མོར་བཏང་ནས་ཆུ་དྭངས་གཙང་གིས་སྐྱོ་མ་ལྟར་བཟོས་ནས་ཆུ་ཟོམ་གཉིས་ཏེ་སྤྱི་རྒྱ50ཡི་ནང་བླུགས་ནས་སྐར་མ30ལ་ལྷང་འཇགས་ངང་བཞག་རྗེས་བེད་སྤྱོད་བྱས་ཆོག།
    དཀར་འདོན་རིལ་དང་དཀར་འདོན་ཕྱེ་མ་ཚང་མ་ཉི་འོད་མི་འཕོགས་ས་དང་སྐམ་ཤས་ཆེ་ས། བསིལ་བོ་ཡོད་ས་བཅས་སུ་འཇོག་དགོས།