མཚོ་སྔོན་གྱི་ཐེངས་དང་པོའི་བོད་སྨན་ཐོན་ཁུངས་རྩིས་བཤེར་གྱི་བྱ་བ་འགོ་བརྩམས་པ།

　　ཟླ6པའི་ཚེས26ཉིན། མཚོ་སྔོན་ཞིང་ཆེན་བོད་སྨན་ཁང་གིས་རྩ་འཛུགས་བྱས་ནས་བོད་སྨན་ཐོན་ཁུངས་ཀྱི་རྩིས་བཤེར་བྱ་བའི་འགོ་ཁྲིད་ཚོ་ཆུང་བཙུགས་ཏེ་ཐེངས་དང་པོའི་མཚོ་སྔོན་ཞིང་ཆེན་གྱི་བོད་སྨན་ཐོན་ཁུངས་རྩིས་བཤེར་གྱི་བྱ་བ་འགོ་བརྩམས་ཤིང་། འགོ་ཁྲིད་ཚོ་ཆུང་གིས་རྩིས་བཤེར་གྱི་ཚོད་ལྟའི་རྫོང་ཁག9བཙུགས་ནས་རྩིས་བཤེར་གྱི་འགན་འཁུར་དང་ལག་རྩལ་གྱི་དམིགས་ཚད། ལེགས་འགྲུབ་འབྱུང་བའི་དུས་ཡུན་སོགས་གསལ་ལེར་གཏན་ཁེལ་བྱས།
　　མཚོ་སྔོན་ཞིང་ཆེན་བོད་སྨན་ཁང་གིས་ད་ལོའི་ལོ་མཇུག་བར་དུ་མཚོ་སྔོན་གྱི་ཚོད་ལྟའི་རྫོང་ཁག9ལ་ཕྱོགས་ཡོངས་ནས་བོད་སྨན་ཐོན་ཁུངས་ཀྱི་རྩིས་བཤེར་བྱས་ནས། མཚོ་སྔོན་ཞིང་ཆེན་གྱི་བོད་ལུགས་སྨན་རྫས་ཀྱི་ཁྱབ་ཁོངས་ལ་རྒྱུས་ལོན་དང་། མཚོ་སྔོན་གྱི་བོད་སྨན་ཐོན་ཁུངས་ཀྱི་གྲངས་མཛོད་འཛུགས་པ་སོགས་བྱས་ནས་བོད་ལུགས་སྨན་རྫས་ཐོན་ལས་ཀྱི་རྒྱུན་མཐུད་འཕེལ་རྒྱས་ལ་ཁུངས་མ་ཡང་དག་ཅིག་འདོན་སྤྲོད་བྱ་རྒྱུ་རེད།