༄༅།།《བོད་ལུགས་བཟོ་རིག་པའི་བསྟན་བཅོས་སྐོར》པར་དུ་བསྐྲུན།

《བོད་ཀྱི་མཛེས་རྩལ་ཀུན་བཏུས》ནི་སི་ཁྲོན་མི་རིགས་དཔེ་སྐྲུན་ཁང་གི་རྒྱལ་ཁབ་དཔེ་སྐྲུན་ཐེབས་རྩའི་རྣམ་གྲངས་ཀྱི་ལས་གཞི་འགངས་ཆེན་ཞིག་ཡིན་ལ། དེ་ནི་བོད་རྒྱ་ཤན་སྦྱར་དང་བོད་དབྱིན་ཤན་སྦྱར་གྱི་པར་ཡིག་སྦྲགས་མའི་དཔེ་དེབ་སྤུས་ལེགས་པོད་གྲངས་༡༠༠ཡི་བདག་ཉིད་ཅན་ཞིག་ཡིན། སྤྱིའི་ཆ་ནས་རི་མོ་སྒྱུ་རྩལ་དང་། འབུར་བརྐོས་སྒྱུ་རྩལ། བཟོ་སྐྲུན་སྒྱུ་རྩལ། བཟོ་བཀོད་མཛེས་རྩལ། ཡིག་གཟུགས་དང་ཐམ་བརྐོས་སྒྱུ་རྩལ་སྐོར། མཛེས་རྩལ་གཞུང་ལུགས་སྐོར་བཅས་གཞུང་དོན་སྤྱིའི་ཁོག་དབུབས་དོན་ཚན་ཆེན་མོ་དྲུག་ཏུ་བཀར་ཏེ་གྲུབ་ཡོད་པས། འདི་ནི་བོད་ཀྱི་མཛེས་རྩལ་ལོ་རྒྱུས་ཐོག་མཛེས་རྩལ་གྱི་རིགས་རྣམ་དང་ནང་དོན་གྱི་ཁྱབ་རྒྱ། པར་འདེབས་ཀྱི་རྒྱུ་སྤུས་སོགས་ཕྱོགས་གང་ཐད་ནས་དཔེ་ཚོགས་འཐུས་ཚང་ཤོས་དང་གྲ་རྒྱས་ཤོས། སྤུས་དག་ཤོས་དེ་ཡིན།
ཉེ་ལམ། སི་ཁྲོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི《བོད་ལུགས་བཟོ་རིག་པའི་བསྟན་བཅོས་སྐོར》གྱི་དེབ་འདི་ནི་མཁས་དབང་དཀོན་མཆོག་བསྟན་འཛིན་ལགས་ཀྱིས་གཙོ་སྒྲིག་མཛད་ཅིང་། མཛེས་རྩལ་བསྟན་བཅོས་ཁྲོད་ཀྱི་སྐུ་གཟུགས་བྲིས་འབུར་གྱི་ཐིག་རྩ་དང་། ཡིག་གཟུགས། མཆོད་རྟེན། གཞལ་ཡས་ཁང་གི་བཟོ་སྐྲུན། བཟོ་བོའི་སྤྱོད་ལམ་བཅས་བཟོའི་བསྟན་བཅོས་གཙོ་བོར་བྱས་ཐོག བཟོ་དང་འབྲེལ་བའི་གཞུང་ལུགས་ཀྱི་སྤྱི་ཁོག་བསྡུས་ཡོད་དོ།།