«གངས་འདབས་ཀྱི་གླུ་སྐད»ཅེས་པའི་དེབ་ཆུང་འདིའི་ནང་གི་སྙན་ངག་ཕལ་ཆེ་བ་ནི་རང་ལོ་སུམ་ཅུའི་སྔ་གཞུག་ཏུ་བྲིས་པའི་བརྩམས་ཆོས་བརྒྱ་ཕྲག་ལྷག་ལས་བཏུས་པ་ཞིག་ཡིན་ཞིང་།རྩོམ་ཡིག་རེ་ཟུང་ཙམ་དེ་སྔོན«བོད་ཀྱི་རྩོམ་རིག་སྒྱུ་རྩལ་»དང«གངས་རྒྱན་མེ་ཏོག»སྦྲང་ཆར་རྩོམ་སྒྲིག་ཁང་གིས་བསྒྲིགས་པའི་སྙན་རྩོམ་གཅེས་བཏུས«ཚངས་སྲས་མཆོད་པ»«ལྷོ་ཁའི་རྩོམ་རིག་སྒྱུ་རྩལ»«བྱང་ཐང»སོགས་དང་།གཞན་ཡང«མཆོད་མེ་བོད་ཀྱི་རྩོམ་རིག་དྲ་བ»དང«མཚོ་སྔོན་པོ་དྲ་བ»སོགས་སུ་འཁོད་མྱོང་བ་ཕུད།ཕལ་ཆེ་བ་ནི་དུས་དེབ་དང་ཚགས་ཤོག་རྣམས་སུ་སྤེལ་མྱོང་མེད་ལ།ཁྱད་པར་རྩོམ་རིག་གི་རིན་ཐང་ལ་ཅུང་ཟད་རྒྱང་ཐག་བསྲིང་བའི་གྲོང་སྐད་དང་ཕལ་སྐད་ཡིག་ལམ་དུ་བསྟར་བ་དག་ནི་རེ་ཞིག«གངས་འདབས་ཀྱི་གླུ་སྐད»འདིའི་དབྱངས་ལ་བཏགས་མ་ནུས་པར་ཟུར་ལ་བཞག་པའོ།།...

སྤྱི་ཟླ༡༠པའི་ཚེས༡༤ཉིན་གྱི་སྔ་དྲོར།རྒྱལ་ཁབ་ཀྱི“ལོ་ལྔའི་འཆར་གཞི་ཐེངས་བཅུ་བཞི”པའི་དཔེ་སྐྲུན་འཆར་འགོད་རྣམ་གྲངས«རྒྱ་བོད་ཤན་སྦྱར་ཚིག་མཛོད་ཆེན་མོ»ཡི་དེབ་གསར་འགྲེམ་སྤེལ་མཛད་སྒོ་ཐེན་ཧྥུ་དཔེ་དེབ་འགྲེམ་སྟོན་སྟེང་དུ་གཟབ་རྒྱས་ངང་སྤེལ།ལས་གཞི་འདི་ནི་སི་ཁྲོན་མི་རིགས་དཔེ་སྐྲུན་ཁང་དང་སི་ཁྲོན་ཞིང་ཆེན་རླུང་འཕྲིན་གློག་བརྙན་བརྙན་འཕྲིན་གྲངས་ཉུང་མི་རིགས་སྐད་བརྡ་སྒྱུར་སྐྲུན་སྒྲོག་གཏོང་ལྟེ་གནས་ཏེ་ཁམས་པའི་བརྙན་འཕྲིན་ཁང་གཉིས་ཀྱིས་ཐུན་མོང་ཐོག་རྩོམ་སྒྲིག་དཔེ་སྐྲུན་བྱས་པ་དང་།སི་ཁྲོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན་དང་སི་ཁྲོན་དཔེ་སྐྲུན་འཕེལ་རྒྱས་སྤྱི་ཕན་ཐེབས་རྩ་ཚོགས་པས་རྒྱབ་སྐྱོར་བྱས་པའི་དཔེ་སྐྲུན་གཙོ་གནད་ལས་གཞི་ཡིན།...

སྙན་དེབ«གོས་ཆེན་འབྲུག་མ»ནི།རྩོམ་མཁན་གང་ཉིད་ཀྱིས་ལོ་ངོ་བརྒྱད་ཙམ་རིང་འབད་པ་བྱས་པའི་ཚིགས་བཅད་སྙན་ངག་དག་ལས་ལེགས་བཏུས་བྱས་ཏེ་ཕྱོགས་གཅིག་ཏུ་བསྡེབས་པ་ཞིག་ཡིན་ལ།ཐེངས་འདིར་ནག་ཆུའི་རྩོམ་རིག་སྒྱུ་རྩལ་ལྷན་ཚོགས་ཀྱི་༢༠༢༣ལོའི“དུས་རབས་གསར་པའི་ནག་ཆུའི་རྩོམ་རིག་སྒྱུ་རྩལ་སྤུད་དག་དཔེ་ཚོགས”ཀྱི་གྲལ་དུ་ཚུད་ཅིང་བོད་ལྗོངས་མི་དམངས་དཔེ་སྐྲུན་ཁང་ནས་པར་སྐྲུན་ལེགས་གྲུབ་བྱུང་་བ་ཞིག་རེད།...

2023ལོའི་ཟླ8ཚེས28ཉིན།མཚོ་སྔོན་མི་རིགས་དཔེ་སྐྲུན་ཁང་གིས་པར་སྐྲུན་བྱས་པའི«ལྡོང་ཡོན་ཏན་རྒྱ་མཚོའི་བརྩམས་ཆོས་ཕྱོགས་བསྒྲིགས»ཞེས་པའི་པར་སྐྲུན་འགྲེམ་སྤེལ་དང་དཔྱད་གླེང་ཚོགས་འདུ་ཟི་ལིང་གྲོང་ཁྱེར་དུ་འཚོགས།མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་དང་།མཚོ་སྔོན་དགེ་འོས་སློབ་ཆེན།མཚོ་སྔོན་མི་རིགས་སློབ་ཆེན།མཚོ་སྔོན་ཞིང་ཆེན་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས།མཚོ་སྔོན་སྤྱི་ཚོགས་ཚན་རིག་ཁང་།མཚོ་སྔོན་སློབ་ཆེན་བོད་ལུགས་གསོ་རིག་སློབ་གླིང་སོགས་འབྲེལ་ཡོད་ལས་ཁུངས་ཀྱི་མི་སྣ་དང་བོད་ཀྱི་རིག་གནས་ཞིབ་འཇུག་པ་དང་སློབ་གཉེར་བ་སོགས་འགྲེམ་སྤེལ་ཚོགས་འདུར་ཞུགས་ཡོད།...