དེབ་འདིར་ཡང་དུས་ཀྱིས་བཙོ་སྦྱང་ཁྲོད་ས་ལེ་སྦྲམ་གྱི་རང་གཤིས་སྔར་ལས་ཀྱང་མངོན་བཞིན་པའི«ལང་ཚོའི་རྦབ་ཆུ»ལ་གུས་འདུད་དང་བཅས་ཐུན་མོང་ནས་འཐུས་ཚབ་ཏུ་ཁས་འཆེས་པའི་བརྩམས་ཆོས་དག་ལ་གནས་པའི་སྟོབས་རྩལ་རྫོགས་པའི་སྙིང་སྟོབས་དང་ཡིད་སེམས་སྐྱོམ་པའི་ངར་ཤུགས།རྩོམ་མཁན་གྱི་མཁྱེན་དཔྱོད་ལས་གྲུབ་པའི་མཛེས་པ་གང་ཇི་ལྟར་གྲུབ་པའི་གནས་ལུགས་བརྗོད་འདུན་དྲག་མོད།བོད་རང་ལ་སྔར་ནས་ཡོད་པའི་གཞུང་ལུགས་དཔྱིས་ཕྱིན་པ་སྦྱོང་བའི་སྐལ་བ་མ་ལྡན་པས་དེ་ལས་ཅི་དགར་འཕྲོ་བྱེད་ཀྱི་འཇོན་ནུས་བྲལ་ཞིང་།ཕྱི་ཡོང་གཞུང་ལུགས་ལ་ཆེད་ལས་རང་བཞིན་གྱི་སྦྱོང་བརྡར་མ་ཐོབ་པས་གཉིས་ཀ་ལྷན་སྦྲེལ་སྒོས་བརྩམས་ཆོས་ཤིག་གིས་བསྐྱངས་པའི་རྒྱུན་དང་གསར་བའི་ཆ་སྐྲ་རྩེ་འབྱེད་པ་བཞིན་རེ་རེ་བརྗོད་པའི་རིག་པའང་མི་ལྡན་པས་ན།ལོ་ངོ་བཅུ་ཕྲག་ཁ་ཤས་ལ་རྩོམ་རིག་དང་འབྲེལ་བའི་རྩོམ་སྒྲིག་པ་བྱས་པའི་མྱོང་བ་ཙམ་ལ་བརྟེན་ནས།ཚིག་དུམ་དེ་དག་ལྷན་དུ་སྦྲེལ་ན་སྒྱུ་རྩལ་དུ་ཇི་ལྟར་གྱུར་པའི་རྒྱུ་མཚན་ལ་འགྲེལ་རྒྱག་ཨེ་ཐུབ་ཐད་ཤ་འབད་རུས་འབད་དུ་མངོན་ཡོད་པ་ཙམ་དུ་ཟད།ང་ཚོ་ཐུན་མོང་ལ་སྣང་བའི་སྐྱོ་འབྲས་འདི་འབྱུང་བྱེད་ཀྱི་རྒྱུ་རྐྱེན་གཙོ་བོ་ནི།ང་ཚོས་རང་ཉི...

ཉེ་སྔོན།ཡིག་མཁན་ཆེན་མོ་རྡོར་བྷ་ལགས་ཀྱི་དེབ་གསར«བོད་ཡིག་ཡིག་གཟུགས་ཀྱི་གཞུང་ལུགས་མེས་པོའི་ཞལ་རྒྱུན»ཞེས་པ་ཀན་སུའུ་མི་རིགས་དཔེ་སྐྲུན་ཁང་ནས་པར་བསྐྲུན་འགྲེམ་སྤེལ་བྱས་འདུག་ལ། ཡིག་མཁན་རྣམས་ཀྱི་སྙིང་ན་རིན་ཐང་གཞལ་དུ་མེད་ཅིང་།ནོར་བུ་ལྟར་འཛིན་པའི་བྲིས་ཀྱི་གཞུང་ལུགས«སྟོང་ཐུན་སྨྱུ་གུའི་བསྟན་བཅོས»དང་།«ཡི་གེའི་བསྟན་བཅོས་འཕྲུལ་གྱི་སྒྲོན་མེ» «ལྷན་ཐབས་རིན་ཆེན་སྒྲོན་བུ» «ཡི་གེའི་ཆ་ཚད་ཀྱི་བསྟན་བཅོས» «གསུང་རྟེན་བོད་ཡིག་གི་ཆག་ཚད» «ཡི་གེའི་ཆག་ཚད་མཁས་པ་བསྒྲུབ་པའི་ཐབས»སོགས་ཤིན་ཏུ་རྙེད་སོན་དཀའ་བའི་དཔེ་རྙིང་བྲིས་མ་ཁག་ཅིག་གི་མ་དཔེའི་པར་རིས་དང་བཅས་ལྷན་དུ་འདྲ་བཤུས་བཏབ་ཡོད་པ་དང་།དེ་མིན་གཞུང་ལུགས་མཛད་པ་བོ་དག་གི་སྐུ་ཚེའི་ལོ་རྒྱུས་ཉུང་བསྡུས་རེ་སྒྲིག་རྩོམ་བྱས་ཏེ་བཀོད་ཡོད་པ་འདི་ནི།བྲིས་ཀྱི་གཞུང་ལུགས་ཕྱོགས་བསྡེབས་སུ་བྱས་པ་ལས་སྔར་མེད་ཐོག་མ་རུ་ཆགས་ཡོད་པ་འདྲ།...

ངས་བྱིས་སྒྲུང་འབྲི་དུས་ཕལ་ཆེར1993ལོའི་སྐབས་ཤིག་ཡིན།དེ་དུས་སེམས་སུ་དྲན་པ་ནི་མང་པོའི་བསམ་ཚུལ་ཇི་བཞིན་མི་ཆོས་ཀུན་སྤྱོད་ལ་ཤུགས་སྣོན་རྒྱག་པའི་སྐོར་རེད།སྤྱི་ཚོགས་དཔལ་ཡོན་ཅན་ཏུ་སྐྱོད་པའི་སྐབས་སུ་སྲོལ་རྒྱུན་ལ་ཤན་ཤུགས་ངེས་ཅན་ཡོད་པར་མ་ཟད།འཇིགས་སྐུལ་གྱི་ཚོར་བའང་སྐྱེས་ཡོང་།དེ་ནི་ཕུགས་སུ་དོགས་པའི་བསམ་བློ་ཞིག་ལ་བརྟེན་ནས་འབྱུང་གིན་ཡོད་ལ།རང་མི་རིགས་ཀྱི་སྲོལ་རྒྱུན་ནི་ཀུན་ལས་ཁྱད་དུ་འཕགས་པར་སྙམ།ཡིན་ནའང་།མིའི་རིགས་དཔལ་ཡོན་ཅན་དུ་སྐྱོད་པའི་གནམ་འོག་འདི་རུ་ང་ཚོ་ཁོ་ན་ཁེར་རྐྱང་དུ་སྡོད་ཐབས་ག་ལ་ཡོད་ཨང་།སྔོན་ཆད་གྲོགས་པོ་ཞིག་གིས“ཁྱོད་ཀྱིས་བརྗོད་པའི་དཔལ་ཡོན་དེ་ཅི་ཞིག་ཡིན”ཞེས་དྲིས་མྱོང་།...

དེ་ཡང་བླ་བྲང་བཀྲ་ཤིས་འཁྱིལ་ཀྱེེ་རྡོར་གྲྭ་ཚང་གི་རྩིས་རམས་པ་དང་ཀྲུང་གོའི་བོད་ཀྱི་ཤེས་རིག་ཞིབ་འཇུག་ལྟེ་གནས་ཀྱི་ལས་འཛིན་པ་མཁས་དབང་བསམ་འགྲུབ་རྒྱ་མཚོས་གསར་རྩོམ་མཛད་པའི«སྐར་རྩིས་ཀུན་འདུས་ནོར་བུ»(སྟོད་ཆ།སྨད་ཆ།)དང་སྨན་པ་འབུམ་རམས་གཞོན་པ།མཚོ་སྔོན་ཞིང་ཆེན་རིམ་གསུམ་པའི་བོད་སྨན་ཆེད་མཁས་པ་ཁམས་ལེབ་བརྩོན་འགྲུས་རྒྱ་མཚོས་བརྩམས་པའི«བོད་ཀྱི་རྩིས་རིག་གི་གཞུང་ལས་དུས་རྟགས་གནམ་དཔྱད་ཕྱོགས་བསྒྲིགས»ཞེས་པོད་གསུམ་གྱིས་གྲུབ་པའི་དཔེ་ཚོགས་འདི་ཉིད་ཉེ་ཆར་བོད་ལྗོངས་སྨན་རྩིས་ཁང་གིས་བསྒྲིགས་ཤིང་སི་ཁྲོན་མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམ་སྤེལ་བྱས།དེབ་ཚོགས་འདི་ནི་༢༠༢༡ལོར་བོད་ལྗོངས་སྨན་རྩིས་ཁང་གིས་གཙོ་བསྒྲིགས་བྱས་པ་དང་སི་ཁྲོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི་མུ་འབྲེལ་དཔེ་ཚོགས་ཕུག་ཕུགས་རྩིས་ཀྱི་སྐོར་གྱི་བསྟན་བཅོས་འགའི་ཕྱོགས་བསྒྲིགས་ཀྱི་ཁོངས་གཏོགས་ཡིན།...

«སྦྲང་ཆར»རྩོམ་སྒྲིག་ཁང་གིས་ཉེ་བའི་ལོ་ངོ་འདི་དག་གི་རིང་ལ།«སྦྲང་ཆར»དུས་དེབ་སྒྲུབ་པའི་ཞོར་དུ།1980ལོ་ནས2019ལོའི་བར་གྱི་དེང་རབས་རྩོམ་རིག་བརྩམས་ཆོས་ལས་ཆེས་ལེགས་གྲས་ཕྱོགས་བསྒྲིགས་བྱས་ཏེ།པོད40ཡི་བདག་ཉིད་ཅན་གྱི«ཀྲུང་གོའི་བོད་ཀྱི་དེང་རབས་རྩོམ་རིག་གཅེས་བཏུས»པར་སྐྲུན་ལེགས་འགྲུབ་བྱུང་།2020ལོ་ནས་བཟུང་སྟེ།སྔ་མའི་ལས་དོན་བཟང་པོ་དེའི་རྒྱུན་བསྐྱངས་ནས།བོད་འབྲེལ་ས་ཁུལ་གྱི་དུས་དེབ་དང་ཚགས་པར་ཚད་ལྡན་དག་ལས་ལོ་གཅིག་རིང་གི་འཐུས་ཚབ་ལྡན་ངེས་ཀྱི་སྒྲུང་ཐུང་དང་།སྒྲུང་འབྲིང་།སྙན་ངགལྷུག་རྩོམ་དག་བདམས་ཏེ།«ཀྲུང་གོའི་བོད་ཀྱི་དེང་རབས་རྩོམ་རིག་ལོ་དེབ»པར་སྐྲུན་བྱེད་བཞིན་ཡོད།...

ཉེ་ཆར་མཚོ་སྔོན་མི་རིགས་དཔེ་སྐྲུན་ཁང་གིས་བོད་ཀྱི་ཆུང་འབྲིང་སློབ་མའི་བསླབ་ཕྱིའི་ཀློག་དེབ«གངས་རྒྱན་ན་ཆུང་ཤེས་བྱའི་དཔེ་མཛོད»(ཁག་བཞི་པ)པར་སྐྲུན་འགྲེམ་སྤེལ་བྱས།“ལོ་ལྔའི་འཆར་འགོད་བཅུ་གཉིས་པའི”རྒྱལ་ཁབ་ཀྱི་གཙོ་གནད་དཔེ་དེབ་པར་སྐྲུན་འཆར་འགོད་རྣམ་གྲངས་དང་།གྲངས་ཉུང་མི་རིགས་ཡི་གེ་པར་སྐྲུན་ཆེད་སྤྱོད་མ་དངུལ་རམ་འདེགས་རྣམ་གྲངས་ཟུང་དུ་ཚུད་པའི་དེབ་དྲུག་ཅུའི་བདག་ཉིད་ཅན་གྱི«གངས་རྒྱན་ན་ཆུང་ཤེས་བྱའི་དཔེ་མཛོད»(ཁག་དང་པོ)ནི2005ལོ་ནས2015ལོའི་བར་ལ་མཚོ་སྔོན་མི་རིགས་དཔེ་སྐྲུན་ཁང་གིས་པར་སྐྲུན་འགྲེམ་སྤེལ་བྱས།དེ་ནི་རྒྱལ་ཡོངས་ཀྱི་བོད་འབྲེལ་ས་ཁུལ་གྱི་ཆུང་འབྲིང་སློབ་མ་རྣམས་ལ་ཁ་གཏད་ནས་ཆེད་དུ་པར་སྐྲུན་བྱས་པའི་དཔེ་མཛོད་ཐོག་མ་ཡིན།ཚོང་རར་བཀྲམ་པ་ན་རྒྱ་ཆེའི་ཀློག་མཁན་རྣམས་ཀྱིས་དགའ་བསུ་ཆེན་པོ་ཐོབ་ཅིང་།ད་སྔའི་བར་དེབ་འགའ་མ་གཏོགས་ཕལ་ཆེ་བ་བསྐྱར་དཔར་བརྒྱབ་ཅིང་།དེབ་ལ་ལ་ཞིག་ད་རག་བར་བསྐྱར་དཔར་ཐེངས་བདུན་བརྒྱད་དང་།འགྲེམ་གྲངས་ཁྲི་གསུམ་ཡན་ལ་སླེབས།བོད་ཡིག་གི་དཔེ་ཆའི་ཁྲོད་དུ་འགྲེམ་གྲངས་འདི་ལྟ་བུ་ནི་ཆེས་བྲིན་པའི་གྲས་ཡིན་ཞིང་།འདི་ལས་ཀྱང་རྒྱ་ཆེའི་ཀློག་མཁན་ཚོས་དགའ་བསུ་བླ་ལྷག་བྱེད་བཞིན་པ་ཤེས་ཐུབ་པ་ལས།ཕན་འབྲས་ཆེན་པོའི་དགེ་མཚན་ལྡན་པ་ཡང་མངོན་པར་གསལ།དེར་ད...