ཉེ་ཆར།བོད་ལྗོངས་སློབ་ཆེན་གྱི་དགེ་རྒན་བསྟན་འཛིན་མཚུངས་མེད་ལགས་ནས་བརྩམས་གནང་མཛད་པའི་དེབ་གསར«ནག་ཤོད་ཀྱི་གནའ་རབས་ལོ་རྒྱུས་དང་རིག་གནས་ཞིབ་འཇུག»ཅེས་པ་བོད་ལྗོངས་མི་དམངས་དཔེ་སྐྲུན་ཁང་ནས་པར་དུ་བསྐྲུན། ...

དེབ་འདིར་གནའ་བོའི་ཕོ་བྲང་རྟེན་རྫས་བཤམས་མཛོད་གླིང་དུ་ཉར་བའི་བོད་ཡིག་གི་གླེང་གཞི་དང་མཇུག་བྱང་རྣམས་ཕྱོགས་གཅིག་ཏུ་བསྡུས་ནས་འགྱུར་མཆན་བཏབ་ཡོད་པས་རིག་གཞུང་ཞིབ་འཇུག་པའི་སྡེ་ལ་རྨང་གཞིའི་རྒྱུ་ཆ་དང་ལོ་རྒྱུས་ཀྱི་དཔྱད་གཞི་གལ་ཆེན་མཁོ་འདོན་བྱས་ཡོད།རྒྱུ་ཆ་འདི་དག་གིས་ཆིང་སྲིད་གཞུང་སྐབས་ཀྱི་དབང་སྒྱུར་པའི་འཚོ་བ་དང་མི་རིགས་ཁག་དབར་གྱི་སྤེལ་རེས་དང་འགྲོ་འོང་།མཉམ་འདྲེས་སོགས་ཀྱི་ལོ་རྒྱུས་དོན་དངོས་མཚོན་ཡོད་པས།སྐབས་དེའི་མི་རིགས་སྲིད་ཇུས་དང་ནང་བསྟན་ལོ་རྒྱུས།བོད་བརྒྱུད་ནང་བསྟན་གྱི་ཆོ་ག་དང་ཕྱག་ལེན་སོགས་ཀྱི་སྐོར་ལ་ཞིབ་འཇུག་བྱེད་པར་ཕན་ནུས་གང་ལེགས་ཐོན་ཡོད།...

སྤྱིར་བོད་ཀྱི་བྲིས་གཟུགས་འདི་ནི་ཐུན་མོང་མིན་པའི་སྲོལ་རྒྱུན་རིག་གནས་ཀྱི་གྲུབ་ཆ་གལ་ཆེ་ཞིང་ཁྱད་ཆོས་བླ་ན་མེད་པ་ཞིག་སྟེ།བསྡོམས་ན་རིགས་མི་འདྲ་བ་ཉིས་བརྒྱ་ལ་ཟིན་པར་གྲགས་ནའང་།འདིའི་ཐད་ཀྱི་རིག་གཞུང་བསྟན་བཅོས་དེ་ཙམ་མང་པོ་མཐོང་རྒྱུ་མེད་ཅིང་།སྒོས་སུ་བྲིས་པ་དག་གི་ཁྲོད་ནས་ཀྱང་བྲིས་གཟུགས་ཀྱི་རྒྱུ་མཚན་དང་གནས་ལུགས་བཤད་ཐུབ་མཁན་དཀོན་པོར་ཆགས་ཡོད།དེ་བས་བསྟན་བཅོས་འདི་ནི་ལོ་རྒྱུས་ཐོག་ཉི་ཟླ་ལྟར་གྲགས་ཆེ་བའི་མཁས་དབང་ཁྱུང་པོ་གཡུ་ཁྲི་འབར་གྱིས་མཛད་པར་གྲགས་པའི་ཡི་གེའི་བསྟན་བཅོས་གཞིར་བྱས་ནས་བོད་ཀྱི་བྲིས་གཟུགས་འཕེལ་རྒྱས་ཀྱི་གོ་རིམ་དང་འབྲི་སྨྱུག་འབྲི་ཤོག་གི་བཟོ་ལུགས། ཡི་གེའི་སྒྲིག་གཞི་དང་ཁྱད་ཆོས།དབྱངས་བཞི་གསལ་བྱེད་སུམ་ཅུའི་འབྲི་ལུགས་བཅས་གསལ་བོར་བརྗོད་ཡོད།...

ཉེ་ཆར།ཏུན་ཧོང་ཞིབ་འཇུག་ཁང་གི་འབུམ་རམས་པ་གཡུ་རྔོག་པདྨ་དབང་རྒྱལ་དང་མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་གཞོན་པ་ཆུ་ཀྱཱ་དབང་མཆོག་འབུམ།དཔལ་ཁྲི་རྫོང་རྟེན་མཛོད་ཁང་གི་འགོ་གཙོ་ལོ་ཀྲི་ཚེ་བཅས་ཀྱིས་སྒྲིག་རྩོམ་བྱས་པ«མཆོད་རྟེན་མཚེ་མའི་གནའ་ཤུལ་ནས་གསར་དུ་རྙེད་པའི་བོད་ཡིག་གནའ་དཔེ་དག་སྒྲིག་དང་དེའི་དཔྱད་པ»ཞེས་པའི་དེབ་གསར་འདི་ཉིད་སི་ཁྲོན་མི་རིགས་དཔེ་སྐྲུན་ཁང་ནས་པར་བསྐྲུན་འགྲེམས་སྤེལ་བྱས།...

མཚོ་སྔོན་དགེ་འོས་སློབ་གྲྭ་ཆེན་མོའི་པཎ་ཆེན་ཞིབ་འཇུག་གླིང་གི་རིག་གཞུང་དཔེ་ཚོགས་ལས«དཔྱི་ས་བློ་གྲོས་རྒྱ་མཚོའི་གསུང་འབུམ»དང«ལམ་རིམ་བླ་བརྒྱུད་གསོལ་འདེབས་ལམ་མཆོག་སྒོ་འབྱེད་ཀྱི་འགྲེལ་བ་རྒྱལ་སྲས་གཞུང་ལམ»ཞེས་པའི་དེབ་གཉིས2024ལོའི་ཟླ5པར་ཀྲུང་གོའི་བོད་རིག་པ་དཔེ་སྐྲུན་ཁང་གིས་པར་སྐྲུན་འགྲེམས་སྤེལ་བྱས།...

ལོ་གཞོན་རྩོམ་པ་པོ་ཀླད་ཀོར་གྱི་སྒྲུང་ཐུང་དེབ«དུས་ཚོད་ཁྲ་ཁྲ»ཞེས་པ་ཉེ་ལམ་བོད་ལྗོངས་མི་དམངས་དཔེ་སྐྲུན་ཁང་ནས་པར་དུ་བསྐྲུན།གཞོན་ནུ་རྩོམ་པ་པོ་ཀླད་ཀོར་ནི་ཉེ་བའི་ལོ་འདི་དག་གི་རིང་ལ་བོད་རྩོམ་གྱི་སྡིངས་ཆར་ཚ་འུར་གྱི་ཉམས་སྣང་སྐྱེད་པའི་རྩོམ་པ་པོ་ཞིག་སྟེ།ཁོའི་སྒྲུང་གཏམ་གསར་རྩོམ་གྱི་ཁ་ཕྱོགས་ལ་དེ་སྔ་བོད་རྩོམ་ལ་རྩེ་གཅིག་ཏུ་གཞོལ་བའི་རྩོམ་པ་པོ་སྐྱབས་ཆེན་བདེ་གྲོལ་དང་རེ་རྐང་གླིང་སོགས་ཀྱི་གདེང་འཇོག་དང་བསྔགས་བརྗོད་ཐོབ་ཡོད་པ་མ་ཟད།ཁོས་བརྩམས་པའི་སྒྲུང་ཐུང«མེ་མདའ»སོགས་རྒྱ་རྩོམ་ལ་གཞོལ་ཆེས་པའི་རྩོམ་པ་པོ་ཚེ་རིང་ནོར་བུ་སོགས་ཀྱིས་འཆད་ཁྲིད་ཀྱི་ནང་དོན་ཚན་པ་རུ་བསྐྱངས་མྱོང་ཡོད།དེ་ལ་ཀླད་ཀོར་དང«སྦས་ཡུལ»གྱི་རྩོམ་པ་པོ་གཡུ་རྔོག་ཚེ་བཀྲ་གཉིས་ནི་བོད་ཀྱི་རྩོམ་རིག་གསར་པའི་ནོར་བུའི་གཞོང་བ་རུ་ཁ་དོག་རྣམ་པར་བཀྲ་བའི་རྡོ་རྗེ་ཕ་ལམ་གཉིས་དང་དབྱེར་མི་ཕྱེད་པའི་ལོ་གཞོན་རྩོམ་པ་པོ་གཉིས་སུ་བརྗོད་དོ།།...

«བོད་ཀྱི་དམངས་ཁྲོད་རྩོམ་རིག་ཀུན་བཏུས»དཔེ་ཚོགས་ཀྱི་མཇུག་མཐའི་ཁག2023ལོའི་ལོ་མཇུག་ཏུ་ཀན་སུའུ་མི་རིགས་དཔེ་སྐྲུན་ཁང་གིས་པར་སྐྲུན་འགྲེམ་སྤེལ་བྱས་ཤིང་།ཐེངས་འདིའི་དཔེ་ཚོགས་ནི“རྒྱལ་ཁབ་མི་རིགས་ཡི་གེ་པར་སྐྲུན་མ་དངུལ་རོགས་སྐྱོར་ལས་གཞི”ཞིག་ཡིན།དེར«གཏམ་དཔེ་ཀུན་བཏུས»དང«དམངས་གླུ་ཀུན་བཏུས» «བསྟོད་བཤད་ཀུན་བཏུས» «བོད་ཀྱི་དམངས་ཁྲོད་གཏམ་རྒྱུད་ཀུན་བཏུས»པོད་དང་པོ་དང«བོད་ཀྱི་དམངས་ཁྲོད་གཏམ་རྒྱུད་ཀུན་བཏུས»པོད་གཉིས་པ།«བོད་ཀྱི་ལོ་ཆུང་བྱིས་པའི་གླུ་གཞས་ཀུན་བཏུས»བཅས་ཁྱོན་བསྡོམས་པོད་དྲུག་གིས་གྲུབ་ཡོད།...